و نزلنا جم كيلو

[OlyoDinzel]

السلام عليكم و رحمة الله و بركاته ,

طبعا أنا ليلحين ماشي على نظامي الغذائي و على نفس التمارين و صارلي تقريبا اسبوع , و نزلت من ال87 الى ال84 و لو تشوفون جسمي راح تقولون مافيه شي , أهو مشكلته الترهل و عندي بس الخواصر لو يروحون زين , فالحين قررت اني أبلش حديد من يد و يديد مع السباحة و مع حصتين معده في كل اسبوع , فهل تعتقدون انه الحديد ممكن يعدل جسمي ؟ ممكن ينقص الجم كيلو الي بقو ؟ يعني تقريبا 4 كيلو ؟ و ياليت اشوف الردود يا ابطال و شكرا,

[OlyoDinzel]

شدعوه يا جماعة , 25 مشاهدة و محد رد ؟

[آبو رآشـد]

وعليكم السلام

شوف يا عزيزي

رجيم بدون رياضة الناتج ترهلات فلازم تشتغل علشان تروح الترهلات بالنسبة لك

العب حديد يوم واحد راحة في الاسبوع قبل لا تدرب كارديو 20 دقيقة واذا طلعت تقدر تسبح

بالنسبة للبطن كل ما زد الايم كل ما استفدت

بالتوفيق

[OlyoDinzel]

يعطيك العافية بو راشد و ما قصرت , أنا الي راح أسوي حاليا بعد ما نزلت جم كيلو اهو السباحه باستمرار , و الشهر الاخير في النادي راح ابدي حديد بس كل شي طبيعي يعني , ما ودي بجسم فيه وايد عضلات , كل الي ابيه جسم رياضي جيد و مريح

[آبو رآشـد]

الله يعافيك

وردي السابق وتنسيق لعبك ما راح يعطيك تضخيم هون فقط توضيح لكيفية تنظيم لعبك علشان جسمك يكون متناسق
وللتضخيم العضلات هذا لها تنسيق معين غير الي عطيتك ايها وهذا الامر راجع لك مستقبلاً

حالياً استمر على ايل كتبتة لك فوق والله يوفقك

[Ab00mer]

يعطيك العافية بو راشد و ما قصرت , أنا الي راح أسوي حاليا بعد ما نزلت جم كيلو اهو السباحه باستمرار , و الشهر الاخير في النادي راح ابدي حديد بس كل شي طبيعي يعني , ما ودي بجسم فيه وايد عضلات , كل الي ابيه جسم رياضي جيد و مريح

السباحه و السويدي اخوى انتم شنو موضوعكم كل واحد يقولى مابى اضخم ابى جسم مقسم :>> انتم عباللك الضخمه سهله ؟
و الجسام المقسم ما يصلح حق البيئه الخلجيه خذى منى
يبي طول عمرك تسوى حميه حق نفسك واللله يوفقك ان شاللله

[ابو مهاا]

ماشاء الله عليك انا كنت معاك بموضوعك القديم ويالله شد حيلك ونتائجك رائعه الحمد لله تبارك الرحمن وبرمضان نبيك تحرق اكثر واكثر وبشرنا بنتائجك وماقصروا معاك الاخوان كلهم وان شاء الله توصل لهدفك

[OlyoDinzel]

اي انشالله , أنا اليوم عشان الوالده تبيني أكل كليت شوي , يعني سوالف مثل Tepenyaki اكله يبانية و Vegetables SpringRolls فيها دهن يعني , و باجر انشالله راح أحرق .

حاليا انا جسمي ما باقي الا اني اشده و انقص يمكن 2 كيلو او 4 كيلو .

اليوم بلشت سباحه , و انشالله كل يوم راح اتسبح لمدة اسبوع او اسبوعين بشكل مستمر مع الركض و الاكل الصحيح و شرب الماء بشكل كبير و بشوف التغيرات و بخبركم

و همن راح اشيل حديد بس شامل يعني عادي , المهم جسم متناسق

و مشكورين جميعا لتشجيعكم ليه والله يعطيكم العافية
شكرا لمروورك عم بو مها

[OBLIVION MAN]

ماشاء الله عليك عندك عزيمة لو حابب تدخل في الحديد ادخل لكن علي خفيف