[الموضوع الرسمي] انطباعات الاعضاء عن PlayStation Move

[KasiH]

محد جابه في السعودية ؟

[الصهيبي]

^^ قرأت موضوع في منتدى اخر عن نزوله رسميا في السعودية يوم السبت 18 \9

[dely10]

^^^^
كم سعرها بالغانم؟ , سواء بروحها أو الستارتر باك

حاطين عرض سعرالموف+الكاميرا+لعبه=22دك
وبتأكد لك عن سعر كل قطعه بروحها واعطيك خبر

[NsaN]

بصراحة جهاز ممتع و جميل..
جربت العاب الديمو و هي:
Beat Sketcher (مملة..ما فيها شي)
EyePet Move (اول مرة اجرب الـPet..مثير للاهتمام..بس تلعوزت فيه..يمكن اعدادات الموف ما ساعدتني)
Sports Champion (جربت لعبة وحدة..و كان التحكم فيها ممتاز)
The Shoot (ما جربتها)
TV Superstars (مملة!)
Echocrome ii (جميلة..بس ما طولت فيها)
Tumble (اللعبة الافضل من بين الالعاب)

غالباً ما تعجبني العاب مثل Tumble..و لكنها فعلاً تشد و اعتبرها مختلفة..
لولا اني اعرف نفسي..جان خذتها على طول..

نقطة مهمة..و هي اعدادات الكاميرا و الموف في كل لعبة..
شوي لعوزتني..خاصة في لعبة مثل Tumble..بس بعدين عادي..

ايضاً اخذت لعبة Start the Party..
جربتها من كم يوم مع الصغارية..و بصراحة كانت ممتعة..و التحكم (باستثناء كم لعبة) كان سلس..
بس احس المفروض تكون فيها العاب زيادة..مادري..حسيتهم شوية الموجودين..

بشكل عام الجهاز احسه ممتاز..
بس احس الي بيفيدونا بشكل اكبر..هم ملاك الـwii..
ودي حد منهم يعمل مقارنة..ايهم الافضل كتحكم و سلاسة الاستجابة؟

[american.u.s.a]

كاسح الموف موجود في محلات طوكيو جيم في جدة كل الفروع دق عليهم وتاكد

[Arashi]

تستهبل انت ؟

انا بس قريت هالجمله قلت مب قاريه ردك

الصراحه هالنوع ردود وايد تكرر في المنتدى

حشه..الواحد مايقدر يقول شي

يهال <_<

اما باقي الاعضاء شكرا على المعلومات وافكر اشتريه لما ينزل في الدوحه ان شاء الله ^^
كم يطلع سعره بالريال القطري تقريبا

[White Beard]

مرحباً جميعاً ....

بصراحة هذا أول يوم لي أجرب فيه الموف، أولاً إنطباعي من ناحية طريقة بيع القطعة، الي أزعجني كثير هو عدم وجود عصا تحكم تباع لوحدها، بمعنى إنك لو بغيت تشتري عصاتين move راح تضطر تشتري علبتين وبكل علبة راح تكون فيه كاميرا خاصة فيها، وهذا شيء غبي. وكبوة فادحة من تسويق sony.

من ناحية مسكة الجهاز هو رائع جداً، وأفضل من عصا الـ wii وكذلك أكثر أناقة وجمال، خاصة الفقاعة الأمامية

من ناحية الكونفجريشن والتهيئة للعب، تحتاج إنك تقف قدام الكيمرا وتعمل خطوات معيينة حتى يتم ضبط الجهاز، وهذا شيء نوعاً ما مزعج، لكن أعتقد إنه لو تعودت على هذي العملية مع الوقت ما راح تزعجني، وربما تكون هذي العملية ضرورية للحساسات حتى تعطيك أفضل دقة ممكنة لأفضل تحكم للعب لأن تحكمها ممتاز جداً وحساس أكثر من الـ Wii برأيي.

اما من ناحية التحكم، كإنطباع أولي وسريع، أشوف إنه أفضل من الwii كما قلت، وبإمكانكم إنكم تجربون وتتأكدون بأنفسكم...

من ناحية اللعبة الي تجي مع العصا، الجرافيكس بسيط، وبالمستقبل ممكن نشوف ألعاب أقوى من ناحية الجرافيكس وأفضل من ناحية استخراج أفكار جميلة لعصا الـ move.

نصيحتي للشباب، خذوه وما راح تندمون

[american.u.s.a]

^^^^^^
اخوي انت شاري بندل انت تقول لازم تشتري كيمرا وموف كل مره
تقدر تشتري الموف لحاله

[u,a,e]

انا بس قريت هالجمله قلت مب قاريه ردك

الصراحه هالنوع ردود وايد تكرر في المنتدى

حشه..الواحد مايقدر يقول شي

يهال <_<

اما باقي الاعضاء شكرا على المعلومات وافكر اشتريه لما ينزل في الدوحه ان شاء الله ^^
كم يطلع سعره بالريال القطري تقريبا

أنا آسف عشان الرد .. لكن اخوي اللي كتب الرد بأكاونت ... الرجاء من المشرفين التعديل ×_×

[miss rebecca]

السلام عليكم ورحمة الله وبركاته

الحقيقه لم اتحمس كثيرا لهالتقنيه تشبه يد الwii كثيرا راح تنزل عندنا بالرياض قريبا بمحل كبير اسمه playstation world

لكن ممكن ممتعه من يدري ؟؟

[dely10]

^^^
حدها ممتعه جربها ومن خسران راح تبهرك ^____^

[Lonely Hunter]

اللي جربوا الموف مع رزدنت ايفل 5

ايهوا احسن/ امتع, الدول شوك ولا الموف ؟

+ و شلونه مع هيفي رين ؟

[Tockuchi]

^^^^
إذا ناوي على RE5 أنصحك تاخذ المسدس لأن أكيد راح يكون ممتع , أنا مأجل الموف لي شهر 12 أو 1 و أول ما أشتريه راح يكون عشان اللعبة ^^

[mjk.94]

اللي جربوا الموف مع رزدنت ايفل 5

ايهوا احسن/ امتع, الدول شوك ولا الموف ؟

+ و شلونه مع هيفي رين ؟

هو ممتع مع اللعبتين خصوصا هيفي رين , بس RE 5 لازم تتعود عليها , اتوقع لما ينزل المسدس راح تكون احسن بكثير .

[Lonely Hunter]

انا مالي نيه اخذها بس لان مافي شي يستاهل للموف الحين (اللي حدي متحمس له) قاعد افكر اخذها اذا كان تحكمه احسن من الدول شوك