مشكلة طالبي النتائج السريعه
السلام عليكم .
لاحظت ان هذا المنتدى منتدى رائع جدا جدا جدا . و لاحظت انه اصبح مثل منبر للثقافه في كمال الاجسام . و ماشاء الله الشباب ما يقصروا الي يشارك بخبراته و الي يستفسر و الي ينقل موضوع و صار نقطه تجمع رائعه لمحبي رياضه كمال الاجسام العرب او خلينا نقول الخليجين و العرب . مو مهم هذا مو الموضوع الي ابغا اتكلم فيه . الموضوع الي ابغا اتكلم فيه هو عن بعض المواضيع التي في المنتىدى هذي الايام و الي اصبح بعضها يكتبه كنه مرسل رساله الى 911 و يبغا مساعده و لكن للاسف يطلب مساعده و لكن يكون مستعجل على النتائج . فتلاقي البعيض يسالك " هلا يكفي عشان احصل 3 شهور انشف ؟ " او " هل تكفي 3 شهور احصل جسم فرنسي ؟" هذا النوع من الاستفسارات الي ابغا اتكلم عنه .
ملاحظه انا ما ابغا اهاجم احد و لا اقول اي شي جارح لكن انا ابغا اقول شي من واقع خبره ( بسيطه و لسة طويله )
و هنا نصب في صلب الموضوع و الي هو الرغبه في الحصول على نتائج سريعه . و ابغا اقولك شي : في رياضه كمال الاجسام مافي نتائج سريعه طبعا بيجي البعض يقول طيب ايش وضع المكملات و ايش وضع الهرمونات برحع و اقوله انك اذا استخدمت مكملات او هرمونات فالغالب انك تتعب مرتين زياده عشان تحافظ على النتائج الي وصلت لها بعد ما استخدمت كورس او ااكثر و انا مو ضد هذا الشي .
يا بني ادام اسم الرياضه bodybuilding , كمال اجسام او بناء اجسام . كلها تدل على ان مطلوب وقت لان كلها يعتمد على الهدم و البناء لو قلنا ان جسم الانسان عماره و لا فله فايش بتسوي اول شي بتسوي مخطط و تعرف الشكل الي تبغاه و بعد كذا بتحفر و بتسوي اساسات و بعد الاساسات عظم و بعد ما تسوي العظم بتسوي تشطيب و بعدها بتسوي ديكورات و تفرش البيت . جميل جدا . معناة كلامي ان بناء جسم مثله مثل بناء منزل العمر او مثل مشروع العمر . لازم تكون صبور . ممكن تبني اول بيت لك و ما يكون كويس ففي المره الثانيه تتحاشى الاخطاء و تركز على الي تعلمته لحد ما توصل لاقرب نتيجه انت حاطها في بالك .( اعذرو اخوك مقاول هههه )
يعني الي يدور على نتائج سريعه او سحريه فلعبت كمال الاجسام مهي لعبته او مكانه بصراحه . لعبه كمال الاجسام لعبه يبغالها صبر و مثابر و تخطيط و محافظه و فيها مخاطره كمان . فيها عوامل كثير تخليها لعبه وقت .و على ما قال عبدالله الرويشد " مسألت وقت "
فارجو من جميع اعضاء المنتدى الكرام انهم ما ييأسو اذا ما وصلو لنتايجهم من اول مره او من اول كورس او حتى من اول 3 علب بروتين . و اقولهم ركزوا على الخبره و الشي الي تعلمتوه من هذي التجربه . خذو الشي المفيد من التجربه و صححو اخطائكم . هذي الرياضه رياضه خبره و تجربه فالي يصلح معي ممكن ما يصلح معاك و العكس .
و ابغا من الشباب الجدد انهم مو علطول يسالو نفس الاسئله و يكرروها ميه مره ( انا اسويها احياننا عادي جدا ) ابغاهم يدخلو قسم المواضيع المميزه و يتثقفوا و يقرأو من خبرات الناس و اذا ما عرفو شي يكملو قراية و حيعرفو كثير جدا جدا . اكاد اجزم ان كل شي موجود في قسم المواضيع المميزه لكن الكثير يغفل و يكرر و يردد السؤال . مو عيب تسال لكن الافضل بدل ما تسال علطول حضر للدرس قبل السؤال بدل ما تتعب الاعضاء القدامى و المشرفين في شرح كل شي . و منها برضو تسرع عمليه تعلمك و تثقفك عن الرياضه .
انا ممكن طلعت عن الموضوع شوي لكن بقولكم لا الجسم الفرنسي يجي بيوم و ليله و لا المعرفه بالمكملات و الكورسات يجي بين يوم و ليله اذا انت يا انسان امك حملت فيك 9 شهور فكيف بتبني جسم في يوم و ليله . خليك طموح و خليك صبور . و انشاء الله بتوصلو لهدفكم .
و قبل ما اخلص موضوعي الي فقعت في راسكم ابي انصح الاعضاء و خاصة الجدد على اللبعه انهم يسو ملف ورد و يحطو فيه اي شي فادهم و يخلو عندهم كمرجع و انصحهم انهم يسجلو جدولهم الرياضي في نفس الملف و يسجلو النظام الغذائي و اذا استخدمو مكملات يكتبوها و طريقه استخدامها . و بيجيلها يوم و تكون كمرجع لك و تفيدك و تفيد غير.
سلام عليكم و صباح الخبر
والله النوم لاعب فينا اعتذر عن الاخطاء الاملائيه
اخوكم .
رد: مشكلة طالبي النتائج السريعه
