خلصنا من RRoD طلعت لنا مشكله ثانيه ... التعليق بجهاز الاكس بوكس 360

[Grand Marshal]

السلام عليكم ...
ياخي والله لو اشوف بيل قيتس لا اذبحه والعن ابوه اللي جابه...
والله مصخره انا هذي ثاني اكس بوكس لي ويصيبها عطل والمصيبه اني مااستمتع بالبلاي ستيشن 3
وناستي بالاكس بوكس لايف...
الحين الاكس بوكس مالتي الاولى صابها Three Flashing Red Lights
واعتقد الكل عارف الثلاث لمبات اللي تأشر وصبرت فتره وقالو جهاز فالكون وفالكون وبروسيسر فالكون وجاسبر
والله مايحوشك واخذ الجهاز قلنا يله يبا العوض ولا القطيعه الواحد يشتري وناسته عالاقل..
شريت الجهاز من 2008 والجهاز ماشي معاي زي الحلاوه ومافيه شي والحمدلله
فجأه استنفر على الجهاز بعد ماشريت هالالعاب كلها الجهاز مافيه ثري فلاشينغ ريد لايتس
ولا يطلع لي ايرور ولا اي اذن مسبق
فجأه يعلق الجهاز يوقف الشاشه بكبرها وماكو الا الحل الوحيد انك تطفي الجهاز
طفيت الجهاز وشغلته بنفس اللحظات علق وطفيت وشغلت ونفس الشي
طفيته ونطرت فتره يبرد تقريباً 20 دقيقه ورديت شغلته دشيت لعبه نيد فور سبيد هوت برسوت
عند اللوبي علق الجهاز مره ثانيه
الحين عرفت ان الجهاز اذا احتر بسبب قطعه فيه يعلق وانا صراحه ماعرف شنو خلل الجهاز
بس اللي اقدر اقولكم ...
ان قبل عيد الاضحى اعاده الله علينا كلنا
قبله بيومين تقريباً انا جهازي بريميوم ( اكس بوكس ابيض )
قبل العيد فكرت اغير الكفر مال الجهاز اللي اهو الغطاء ماله واعطيه نظره غير
قلت احط كفر إيليت ورحت مجمع الرحاب وبمحل جيم سنتر عندنا بالكويت بدلت الكفر
وانا صراحه من بدلت بعد تبديلت الكفر بـ 6 ايام الجها تنح وقام يعلق
الحين انا ماادري البلا من الجهاز او ان الهنود هذولا اهد عليهم اعفس محلهم
يعني مو ممكن ماخذين من الجهاز قطعه سي بي يو او جي بي يو
وانا من قرايتي للمنتديات الاجنبيه وايوتيوب يقولون سبب التعليق او الفريزينغ اهو الـ Overheating
اللي اهو الحراره فوق المعتاده يعني وذلك بسبب اللعب على الجهاز لفترات طويله
الحين يستدعي ارد للمحل اكفخ هالهنود او في ممكن استخدمه
شكراً

[chif]

السلام عليكم ورحمة الله و بركاته

شف اخوي انت مالك الا الدعم الفني للاكس بوكس الموجود في الامارات او السعودية هم الي بيقدرون يساعدونك و يعلمونك كيف تتغلب على المشكلة
طبعا اذا جهازك ما سارله سنة بيكون تحت الضمان و بيصلحونه
هذا الي اقدر افيدك فيه
لاني مجرب و مصلح 3 اكس بوكسات يعني لحد يتفلسف عليك من المحلات يقولك ببطلها و معرف ايش
او يجيك حد يقولك غلفها بـ(فوطه) منشفه وخله شغاله مدة 40 دقيقة كذا بتزيد الطين بله
والله يوفقك
اذا تبي رقم الدعم الفني ادخل www.xbox.com

لا تتعب عمرك هذا هو الرقم : United Arab Emirates: 800 0 441 1942

Saudi Arabia: 800 8 443 784

[رائد سان]

السلام عليكم
اخي الكريم .....
انا بعطيك راي شخصي منى
افتح الجهاز وتاكدا من المروحه حقة الجهاز قد يكون العيب منها
انا صارة لي هدي المشكله دخلة على موقع
Xbox Support Home

- .وشكرا وانشاء الله تروح المشكله بدون رجعه

[MrG4M3R]

لما ترتفع درجة حرارة الجهاز تحصل هذه المشكلة

[Nexun]

الحل الأمثل إنك تشتري واحد ثالث
الوكلاء هنا مايفيدوك بأي شيء بالكثير يقولولك عندك ضمان
وإذا كان عندك خلي الجهاز عندهم أسبوع وبتشوف الجهاز أخص من الأول