لما كنا صغار XD

[Arashi]

السلام عليكم جميعا ^^

الموضوع واضح من عنوانه

تكلموا عن مغامراتكم ومواقفكم الطريفه وطبايعكم الغريبه او اي شي حلو لما كنتوا صغار





أبدأ

لما كنت صغيره كسرت 3 مزهريات على الدرج لأني كنت انط من فوقه بملحف..اسوي عمري سوبرمان
بس كنت كائن جبان...كنت اخاف من ابوي لما يلعب لي بلسانه..الحمدلله والشكر

[رعبه]

لووووووووووووووووول
تناقزين وتطيرين وتاخفين من لسان خخخخخخخخخخخ
ايام الطفوله جميله وفطره ولها احداث وجرائم جميله
وعلى طاري الطيران
كنت مثلك بس اربط اللحاف على يديني ورجليني ثم انقز نقزه فنتكيه من مكان مرتفع
من فوق الدولاب او المكتبه
واتخيل نفسي السنجاب الطائر
خخخخخخ لول كله من الكرتون
وفيه كرتون ثاني عجيب ما اذكر اسمه بس كان مثل الدببه الصغار ولهم مثل الجيب بالظهر ولهم الوان مختلفه
واي شي يبونه يطلعونه من ظهورهم ولي بغو يتنقلون يدخلون بيحيبهم ويبقون راسم برع ويناقزون خخخخ
قمت قلتهم لبست قميص وربطه من تحت ومليت قميصي من داخل كل العابي

هههههههههه والله انعشتي ذاكرتي باشياء جميله
اشكرك على هيك موضوع مفطور خيتو
لكن احس مكانه بالصرقعه اسحن من الحوار ^^
تشكرااات & تسلمات

[Arashi]

المشكله ان الصرقعه للألعاب بس XP

حلوه قصة الجيب هههههه

[رعبه]

نوو مو قصدي الملتميديا والالعاب الترفيهيه يوم اقولك الصرقعه ^^"

قصدي قسم الصرقعه والقصص الترفيهيه

مناسب تماما لموضوعك ^^

[ab..d]

موضوع جميل كالعاده ^^
اوكي مره اما انتقلنا لبيتنا الجديد الي في جده (كنا في الشرقيه ) البيت كانت الارضيات سيراميك فيه عكس بيتنا القديم
وانا كنت فرحان كنت اكب مويه وصابون على الارض واتزحلق انا واخواني
في مره من المرات حطيت مخده على الارض ورجعت الى اخر الغرفه وركضت وركضت ونطيت على المخده XD
على بالي انها بتتحرك وانا فوقها بس في نهايه المخده ما تحركت من مكانها وانا طحت على وجهي من قدام وانكسر احد اسناني الاماميه
في ذاك اليوم اخذت تهزيء مب صاحي من امي خخخ

[Arashi]

اهاااااااا ههههههههه فهمت XD
احسب الصرقه للقصص اللي نألفها بس
بسأل just in case وبنقله
شكرا ^^

[Arashi]

وانكسر احد اسناني الاماميه

والحين طلعوا ولا مب موجودين؟

انا كنت فرحان كنت اكب مويه وصابون على الارض واتزحلق انا واخواني

هههههههه نفسنا انا ويامي

يوم كنا صغار كنا نكت ماي في الحمام كله (الله يعزكم)
وشوية صابون طبعا

وياهوووووووووووو نتزحلق بركبنا عالماي
طبعا الماي ينكت برع والغرفه تتبلل ونحصل تهزيء من ابونا
وبعد نعيدها

[معــشــوق كريس]

موضوع حلوو ..

أتذكر وأنا كنت صغير كنت آكل شوكلآته وإذا خلصت الشوكولآته أحطها في الزبالة (أكرمكم الله) .... بس قصة حلوة صح xD

[Arashi]

شلون تاكلها وبعد ما تاكلها تقطها في الزباله؟ XP

[معــشــوق كريس]

شلون تاكلها وبعد ما تاكلها تقطها في الزباله؟ XP

عشآن كذا هي قصة حلووة xD .. ومبروك إستضآفة كأس العالم 2022 تستآهلون

وأبيكي في موضوع ضروري مرة أرجو مرآسلتي ع الخآص

[Arashi]

الله يبارك فيك ^^

-------------------------------------------------------------

برويكم ذكريات الطفوله..اكيد كلكم جربتوا هاللعبه XD

[Akira]

yea حلو الموضوع آراشي
عشان نعرف مين الشيطان

موقف أيام الأبتدائي * آخر سنه لي فيها * تحديداً ,’

كان في بيتنا القديم درج طويل و هائل
كنت أنادي أخواني الصغار و أقول لهم اتفرجوا بهدوء و راقبوا لو أمي قربت من الدرج
بكل طاعه و أدب يقولون حاضر :: الله يسعدهم::
المهم كنت آخذ سلة الملابس المستخدمه من عند الخدامه XD
وأقعد على السله ,’ طبعاً أكون في أول درجه من الدرج
و أفك يدي و أتزحلق ’,بشكل سريع و فظيع
وأخواني البعض يصيح لااااا
والآخر يضحك ويقول oh yeah
كانت متعه و أكررها لين أطيح من السله
لكن ذات يوم طحت من نص الدرج و طحت على صدري حسيت بكتمه غريبه
من بعدها الدرج صار محظور’’ for me

,’the end

[Arashi]

^^^^^
اااااااااخ اعرف شعور الكتمه هذا اللي تقول عنه >_<

انا لما ألعب في النطاطيه احب اتشقلب في الهوا

مرات يختل توازني بسبب اليهال الثقال ولما اتشقلب يصير خطأ واطلح على راسي واحس بكتمه واختناق @@


بعبة التزحلق التكم حلوه خخخخخ

انا ويامي كنا نبلل بلاط الحمام (الله يعزكم) بالماي والصابون وتنزحلق

عاد جوفوا الماي اللي يطلع ويبلل الغرفه XD

[Razielia]

يوم كان عمري 4 سنوات ..كنت في السيارة مع امي وابوي...
وكان في بعييييييد في الافق.. شعلة كبييييرة ..امممم..ماعرف شيسمونها بالظبط..المهم انه كان فيه حقل بترول..وكانوا يحرقون الغاز وتطلع هاذي الشعلة...واول مرة اشوف المنظر وكانت الشعلة كبيييرة وكان فيه دخان اسود ..وكنت اطالع باستغراب..بعدين ابوي لاحظ اني مستغربة..وقال لي : تعرفين ليش يسوون جذي؟؟(يقصد الشعله) في البداية قلت لأ...بعدين فكرت شوي..وقلت بحماس اي اعرف!!!تدرون وش كان جوابي...

الجواب كان: على شان يبخرون المكان!!! طبعا امي وابوي ماتوا ضحك..

[Arashi]

الجواب كان: على شان يبخرون المكان!!! طبعا امي وابوي ماتوا ضحك..

هاهاااااااااااااااااااااااااااي XD
بدون مبالغه والله
كنتي ذكيه
ماتغشمر ترى لأن صج يبتيها عدل -_^
عادة اليهال هالعمر اذا ماعرفوا الجواب لشي مايحاولون يفكرون
لكن انتي ما شاء الله جاوبتي جواب منطقي XD
أتخيل بس يحولون برج الاسباير لمدخنه عملاقه XP