قررت اشتري جيم كيوب . الرجاء من الجميع الدخول لمساعدتي خصوصا شباب الكويت

[راس نملة]

الوالد الله يحفظه الأن في الكويت وسمعت ان في الكويت الجيم كيوب أرخص لذا قلت ان شباب المنتدى ماراح يخذلوني .

ياليت تجاوبوني وبسرعة ( قبل ما يجي أبوي ) :

1- ما أفضل محل لبيع الجيم كيوب وأين يقع ( الرجاء اعطوني اكثر من اسم )

2-سمعت انكم تمدحون سوق الرحاب اين يقع سوق الرحاب هذا وأفضل محل فيه

3-بكم الجيم كيوب في الكويت ووش أفضل عرض

4-ماهو أفضل لون للجهاز ;-)


يالله بسرررررررررررررررررررررررررررررررررررررعة أنتظركم على أحر من الجمر

[wzzany]

الحاب بحولي

أصلا الرحاب فيه فوق ال21 تقريبا محل ألأعاب فيديو جيمز جمب بعض فتقدر تطالع هم كللهم منت خسران شي

[Legend]

افضل مكان عندنا لبيع العاب الفيديو هو مجمع الرحاب في حولي وفيه محلات كثيره وانا جيته قبل شهر وكان العرض للكيوب الجهاز مع يدتين مع لعبتين مع ممري ب 140 دينار وبعضهم 135 ولا تحاول انك اتنقص لعبه ولا يده لانهم مع الجهاز بنصف سعرهم ويمكن الحين نزل سعرها ;-)

[aoks]

احلا لون البرتقالي في نظري

[linux]

احسن محل هو جيم سنتر


وذا تبي رقمه تفضل : 2657257

وهو يقع في مجمع الرحاب الدور الثاني


وسعر الكيوب عنده 140 دينار


اما بلنسبه حق موقع مجمع الرحاب فهو في حولي - شارع ؟؟؟؟؟؟؟؟؟؟؟؟؟؟؟؟؟؟؟ نسيت :0) :0) بس اعتقد انه شارع تونس

وذا تبي تشوف صوره لي المجمع شوف الصوره الي راح ارفقه في الرد

[COLLEGEGUY]

أنا مش من الكويت , بس إسمك لفت إنتباهس :


رأس نمله .. ويش هالإسم ؟؟ أقصد كيف خطر على بالك ؟؟
بصراحه ,, أغرب إسم سمعته في أي منتدى أو ........
===================================

[HeRC2001]

احلى محل جيم سنتر و المركز الكويتي في الرحاب انا شاريها من عند المركز الكويتي ب135 دينار مع شريطين ويدتين و ميموري نظام امريكي مطور