المرتدلا والنقانق والبرغر هل هي صحيّة

[PATE]

السلام عليكم ورحمة الله


اليوم أم العيال حبت تغير لي نظامي الغذائي وقالت بسوي لك شئ على ذوقي(كاسر خاطرها)

فكان من ظمن العشا اصابع نقانق مشوي وستيك و برغر مشوي

(طبعاً غصب على اللي خلفوني أكلتهم )

بس السؤال هل يعتبر هذا الاكل صحي ومناسب للتضخيم والتنشيف؟ أو للتضخيم فقط؟


وأنا عندي وجبة شبه يومية الساعة 9 صباحاً ثلاث شرائح مرتدلا مع جبن قليل الدسم مع طماطم في توست اسمر ورشة زيت زيتون..هل هذه الوجبة تنفع للتنشيف؟

وآسف على الاطالة

[عبدالاله محمد1]

المرتديلا تحتوي على بروتين وقريت كورسات تنشيف كثيره موجود فيها المرتديلا ..

بمقدار متفاوت بين 3 الى 5 شرائح ..

لكن الهوت دوق كله دهوووووووون اللين تتعب وهذي كانت احد اخطائي في مرحله التنشيف ..

بعد اذنك اخوي عندي سؤالين فقط للاخوان للافاده الجماعيه..

لكن لي سؤال عند الاخوان هل الشاورما الناشفه بدون زيت تحتوي على الدهون ..؟
سـ2/ هل الزيت الزيتون لما اقلي فيه البيض او اي شي ثاني يصبح مثل زيت القلي وغير صحي ..؟

[J.B]

وواااو هذي فات الفات ابتعد عنها سوا تضخيم ولا تنشيف لانه دهون ثلاثيه

[THh Rock]

السلام عليكم ورحمة الله
وعليكم السلام ورحمة الله

اليوم أم العيال حبت تغير لي نظامي الغذائي وقالت بسوي لك شئ على ذوقي(كاسر خاطرها)

فكان من ظمن العشا اصابع نقانق مشوي وستيك و برغر مشوي

(طبعاً غصب على اللي خلفوني أكلتهم )

بس السؤال هل يعتبر هذا الاكل صحي ومناسب للتضخيم والتنشيف؟ أو للتضخيم فقط؟
اخوي الاكل هذا فيه فاات عالي جدا جدا بينما الستيك ممتاز للضخامه والتنشيف ولا تكثر منه وشوي صدور الدجاج افضل وافضل

وأنا عندي وجبة شبه يومية الساعة 9 صباحاً ثلاث شرائح مرتدلا مع جبن قليل الدسم مع طماطم في توست اسمر ورشة زيت زيتون..هل هذه الوجبة تنفع للتنشيف؟
امممم المرتدلا تختلف وافضله الديك الرومي لانها قليله الفات ودامها الصباح ممتازه جدا

[THh Rock]

لكن لي سؤال عند الاخوان هل الشاورما الناشفه بدون زيت تحتوي على الدهون ..؟
مهما صارت بدون زيت تحتوي على دهون وزيت لانها اصلا تخلط مع الدهون للتماسك والدهون مع الحراره العاليه تتحول زيت
سـ2/ هل الزيت الزيتون لما اقلي فيه البيض او اي شي ثاني يصبح مثل زيت القلي وغير صحي ..؟
زيت الزيتون اذا تعرض لحراره عاليه راح يكون سام
الافضل تقلي البيض بقاليات ما تحتاج الى زيت مثل تيفال ابو نقطه حمرا وبعدها تقدر تضيف رشة زيت زيتون
والمسلوق افضل واصح

[PATE]

الله يعطيكم العافية

يعني خلاص ما أنقنقها ، ونحرص على صدور الدجاج

ألف شكر

[THE CAST]

وعليكم السلام

من ناحية طريقة اعدادها حتكون غير صيحه نوعاما(زيوت و..الخ)
لكن لاتكسر بخاطر ام العيال كلها هههه
لكن اهم شي اذا اكلت اي وجبه مشابهه حاول تحرق السعرات العاليه الي فيها..هروله...بعد ساعتنين من الوجبه


بالتوفيق

[ana84]

اذا انت من محبي البرجر تقدر تسوي هذي الوصفة تاخذ صدر دجاج وتقطعه لشريحتين وبعدين تحط عليه ورق مطبخ وتدقه بمدقة (نجر) او مطرقة الطبخ اذا متوفرة دق خفيف بحيث انه يلين وبعدين تحط شوية خل وبهارات عليه وتخليه لمدة نص ساعة
وسخن مقلاة تيفال من دون زيت واشوي الصدور
والطريقة الثانية تفرم الدجاج فرم ناعم وتخلط البهارات والملح معاه مع شوية طحين اسمر (عشان الدايت) وعشان يتماسك الدجاج وتكوره وبعدها تفرده بشكل قرص وتشويه على مقلاة تيفال من دون زيت وبصحه وعافية يارب
عط هذه الوصفة لام العيال عشان اذا حبت تغير لك الاكل تسوي لك هذي الوصفة وتكون صحية ان شاء الله وبالاخير هذا اصح من المجمد الجاهز من السوبر ماركت واقل للسعرات الحرارية
معليش قلبت الموضوع مطبخ

[PATE]

اذا انت من محبي البرجر تقدر تسوي هذي الوصفة تاخذ صدر دجاج وتقطعه لشريحتين وبعدين تحط عليه ورق مطبخ وتدقه بمدقة (نجر) او مطرقة الطبخ اذا متوفرة دق خفيف بحيث انه يلين وبعدين تحط شوية خل وبهارات عليه وتخليه لمدة نص ساعة
وسخن مقلاة تيفال من دون زيت واشوي الصدور
والطريقة الثانية تفرم الدجاج فرم ناعم وتخلط البهارات والملح معاه مع شوية طحين اسمر (عشان الدايت) وعشان يتماسك الدجاج وتكوره وبعدها تفرده بشكل قرص وتشويه على مقلاة تيفال من دون زيت وبصحه وعافية يارب
عط هذه الوصفة لام العيال عشان اذا حبت تغير لك الاكل تسوي لك هذي الوصفة وتكون صحية ان شاء الله وبالاخير هذا اصح من المجمد الجاهز من السوبر ماركت واقل للسعرات الحرارية
معليش قلبت الموضوع مطبخ

بارك الله فيك يا بطل ، بجرب البرجر البيتي شكل الوصفة الثانية اتجوع مع الطحين الاسمر(يبيلها)هههههههههه
شكراً يا بطل

[PATE]

وعليكم السلام

من ناحية طريقة اعدادها حتكون غير صيحه نوعاما(زيوت و..الخ)
لكن لاتكسر بخاطر ام العيال كلها هههه
لكن اهم شي اذا اكلت اي وجبه مشابهه حاول تحرق السعرات العاليه الي فيها..هروله...بعد ساعتنين من الوجبه


بالتوفيق

أنت من صدقك باكله غصب
شكرًا بارك الله فيك