بسم الله الرحمن الرحيم ....
كيف حالكم شباب انشاء الله تكونوا بصحه وبسلامه حبايب قلبي حبيت اطرح هالموضوع للنقاش لكي تعم الفائده وتتبادل الخبرات فيه >> الموضوع يخص (( الــتــمر ))
او مايسمى بمسامير الركب !!
نبي الكل يبدي رايه بخصوص الـتــمر في الحقيقه قبل لا كتب هالموضوع سويت بحث في قوقل عن التمر وفوائده مالقيت موضوع يتكلم عن التمر وفوائده للي يلعبون كمال اجسام او بعنى اصح مالقيت مواضيع من قبل اشخاص يمارسون لعبه كمال الاجسام عن التمر كل المواضيع من منتديات عاديه!!
انا اعتقد له فوائد من ناحيه الطاقه والباور لكن بخصوص البروتين وتغذيه العضلات ووووالخ ما عندي اي خلفيه
ياليت الكل يعطينا رأيه حول التمور هل هي مفيده وما هي فوائدها وماهي افضل انواعها للي يمارسون هوايه كمال الأجسام لأن له عده انواع السكري والأخلاص ونبوت سيف وووالخ نبي نشووف ناس جربووا التمور وكانت من ضمن المكملات لهم ياليت هالأشخاص يقلون لنا جابت نتايج وياهم ولا لا !!
في الحقيقه الي شجعني اطرح هذا الموضوع اني مغترب ولا فيه حولي تمر وفيه واحد من شباب بيجي لنفس المدينه الي انا فيها بعد 4 ايام قلت فرصه ماتتفووت افكر اقوله يجيب لي تـمر بس محتار بأفضل انواع التمور للي يمارسون لعبه الحديد قلت انزل هالموضوع نشووف اراء الشباب بأفضل انواع التمور بعدين نتصل عليه ونقوله جب النوع الفلاني
اتمنى المشاركه من قبل الجميع لاتبخل علينا بردودك ياليت الي عنده اي معلومه يكتبها لأن الرجال بيجي قريب وابي اتصل عليه يجيب لي تمر
ولكم خالص تحياتي ..
المشاركة الأصلية كتبت بواسطة THh Rock
