السـلآم عليكم ورحمة الله وبركآته ,,
قبل ما أخش عرض .. وانبرش بالكلام .. واخرشكم .. اشتقت لكم .. اي والله اشتقت زمآن لأيآم الكتآبة واخرآج مافي الذآت وهرجة وكلام كثير .. يعني باختصآر .. لكم وحشه .. لاعاد أحد يقطعنا كذآ . ترآ مالكم دآعي .. يالله نمشيها لكم هالمرة .. عمومآ .. بما اني انقطعت عن هالمنتدى .. مو معناته اني انقطعت عن الفيديو جيمز .. لكن قل اهتمآمي بها بشكل كبير .. وماعاد يعجبني .. الا الشئ النآدر .. وقليل مايجذبني من الألعآب .. مدري هل هو من المصمممين .. صآروا سيئين .. ولا انا ذوقي صآر صعب ؟ .. اخر ماعجبني في هالفترة .. MGS Peace Walker .. من زمان ماخشيت جو مع لعبة زي كذآ .. وسحرتني من أول لحظه .. للحظه هذي الي العبها حآليآ .. واشتريت Galaxy 2 .. بس للحين بغلافهآ .. بلعبها بعد هالموضوع .. بسم الله نبدأ :
تاريخ الإصدآر : 27 مآرش
السعر : 940 ريآل تقريبآ > المفروض يكون كذآ
وبس البآقي بالتقرير ..
عالم الألعاب .. فيه ازمآت .. وشركآت تقفل .. وفرق .. رآحت .. وانتقل العالم للجيل الجديد .. وشفنا أشيآء ابهرتنا .. واسآمي كبيرة .. طاحت بسمعتها .. لأنها لم تعد بنكهتها المميزة .. لكي تجذب نوع واحد من اللآعبين ..تعودنا .. لأنها صدمة ورآء صدمة .. نآدر ماتعجبنا الألعآب .. أي لاعب مستجد .. رآح يقول لا بالعكس .. مثلاً .. فآينل فانتسي 13 .. هي الأفضل في السلسلة .. مثلاً .. رزدنت ايفل .. لعبة رعب من المستوى الأول .. لأن هذآ الي سعت له الشركآت .. خلاص تبي توجهها يروح لشئ يعجب جميع الأذوآق .. ويمشي سوقها .. ليش تسوي شئ معقد وتتعب عليه .. وكله فن من أوله لأخره .. وفي الأخير مايشتري اللعبة .. الا المخضرمين .. ؟ .. وهم أقل من المستجدين أكيد ..
عمومآ .. الجيل الجديد .. انتقلت له الأجهزة المنزلية .. PS3 .. والإكس .. wii .. لكن الأجهزة المحمولة .. بقيت كما هي ... ليه ؟ ..>> انا ماأسألكم .. بس يعني اسأل الشركآت .. ( سوني + نينتدو ) .. ومايكروسوفت إذا ودها تخش هالمجآل ولا تزعل .. فجأه .. وانا اتصفح النت .. طبعآ .. شئ مو جديد .. شئ اكيد ان الاجهزة المحمولة بيجي لها يوم تنتقل للجيل الجديد .. كانت نينتدو مبسوطه بآربآح ds الخيآليه بكل انواعه .. في اليابان الأجهزة والألعاب اليآبانية يمشي سوقها بالهبل .. المهم .. نينتدو اعلنت عن منتج جديد .. في محلات الفول !!! .. تروح لأي افغآني .. تقول عندكم عدس نينتدو ؟ .. يقول جآي تضحك علي انت ؟ .. تقول ليه .. يقول لك .. هذآ نوع من انواع الشكشوكه يانصآب .. .. وتحتار فيه .. احم .. >> انا وشفيني ؟ ..
اعلنت عن جهازها الجديد .. 3DS .. الأسم مميز .. كثير مميز .. لأنه يوفي بميزة الجهآز مع اسمه الجديد .. كيف ؟ .. الجهآز ميزته الرئيسيه .. الثري دي .. لأنه يدعم هالشي بدون نظارات !؟ .. .. وبنفس الوقت .. مافقدت اسمها الدي اس لازال في العنوان .. كم انت ذكية يانينتدو ! .. الجهآز يآتي بلونين الى الان اعلنوا عنها .. وغلطانين بصرآحه .. لو كان فيه لون أحمر .. كأن احسن بكثير .. لأن الأحمر والأسود .. قآتلة .. عالعموم أكيد بتجي الوان كثير .. بس انا اقصد وقت الاطلاق الي هو .. 27 March ..
زي ماتشوفون .. هذي اللونين الي يجي بهآ الجهآز .. اعجبني الأسود أكثر من الأزرق .. لأنه يكمل انآقة الجهآز .. وجهآز زي هذآ .. يا أنك تآخذه بآناقة .. لا لاتآخذه .. بس النآس اذواق ..>> .. وفيه نآس يحبون اللون الأزرق والأسود .. يمكن انا ذوقي منحرف .. مايحب هاللونين .. عالعموم .. هذآ الشكل العام للجهآز .. وراح نفصلة بالتفصيل الممل .. انا دآري اسلوبي مايصلح رسمي. . بس مايهم .. بقدر مااهتم اخلي القآرء يقرء وينبسط .. ويبتسم كل شوي ..
سعر الجهآز .. 940 ريآل تقريبآ .. بالنسبة لي السعر حلو .. ماشوفه مره مرتفع .. ..
الحين بنبدء تفصيل الجهآز .. كل حتى فيه .. هذآ هو جهآز النينتدو الجديد ..
مميزات الجهآز الخآرجية
3D Screen
شآشة تدعم الـ3D بدون نظآرات ولا شئ !! .. هذا هو الأسآس الي صمم عليه جهاز نينتدو الجديد .. الثري دي .. شآشة اعرض من السفلية .. واكبر .. لكي تعطي مجآل اكبر لرؤية التقنية بشكل أصح .
3D Depth Slider
زر جانبي لتفعيل خاصية ال3D .. لأنك احيآنا ماتحتاجها .. واظن لتوفير البطآرية احيآنا .. واعتقد بعد .. مو كل الألعاب تستغل الخاصية ذي .. يمكن البعض ماتستغلها صح ..
هذي هي أسآسيآت الجهآز بشكل عآم .. والفكرة الأسآسية في ابتكآر الجهآز الي هي الثري دي .. الحين بنشرح التفآصيل البآقية .. : -
motion sensor and gyro sensor
خاصية استشعار الحركة .. نفس الخآصية الي موجودة في كنترول الPS3 .. مع ميلان الجهآز يميل معك الوضع .. لكل الاتجآهات الأمام .. والزوايا كلها .. تستغلها الألعاب حسب ماتبغى .. وعلى مايقولون .. " كلآ وفنه ! " .. حلوة خاصية الاستشعار تفيد كثير .
Two Screens
شآشتين للعب , التغيير الي حصل .. اللعب صآر في الشآشة العلوية .. يكفي ان الجهآز هو الأفضل في الجرآفيكس بآجهزة نينتدو المحمولة حتى الآن !
الشآشة العلوية .. هي الأعرض والأكبر .. ابعآدها 800x240 بكسل .. الجرآفكس يظهر بشكل افضل .. 400 بكسل لكل عين .. لتصوير الثري دي امام العين المجردة ..
الشآشة السفلية .. ابعآدها 320x240 بكسل .. LCD .. وغالبآ تستخدم للخيآرات وكذآ .. زي ماكنا نشوف في الدي اس القديم .
Analog Control
الأنلوج هذآ مخصص للثري دي .. للتحكم فيه .. والتحكم بالزوآيا .. هذي فكرة نينتدو منه .. استخدآمه .. برضوا يعتمد على شركات الألعاب كيف تبي .. لكن لو نلاحظ .. الcontrol pad .. والأنلوج .. وخاصية الاستشعآر ! .. كلها تستخدم للحركة .. وتعدد الخيآرات .. نينتدو اهتمت بشركات الألعاب بشكل كبير .. .
3D Camera
نظآم الثري دي في 3ds .. يستخدم كاميرتان لرؤية العالم ثلاثي ابعآد .. قريب من العين البشرية .. مع الامكان لتصوير صور وتصميمها بشكل ثلاثي ابعآد ! .. واعتقد فيديو بعد مع الوقت !
Adjustable Stylus
القلم زي ماعتدنا .. موجود .. لخاصية اللمس .. بس الحين تقدر تتحكم بطوله .. لأريحية اليد .
2GB SD
ميموري سعتها 2 جيجا .. لتخزين الصور والفيديوات .. والمقاطع .. والاغاني .. مع العلم انك تقدر تحمل العاب من ستور الجهآز .. اي فيه العاب تنزل على الستور .. الجهآز يدعم الـ mp3 > احلى شئ !
Street Pass
اذا كنت في احد الشوارع في المنطقة الوسطى او الغربية او الشرقية .. والشمآلية ولا يزعلون وبرضوا اهل الجنوب .. تمشي وحيدا .. وترآ في اخر الشآرع شخص .. او شخصة .. قآدمة بنفس طريقة .. وتطيح عينك بعين الشخص هذآ .. ويخزك وتخزه .. وتقول في نفسك والله ماسويت شئ .. ولما تمرون من جنب بعض .. وتسمع " طيط طيط طيط " .. لاتخآف .. ماحد يدق عليك .. ولا جآك برودكاست ولا شئ .. اعرف ان جهازك ال3ds إذا كان في وضع الsleep mode .. وجهاز الشخص الثاني نفس الكلام .. ان جهازك تعرف على جهآزة .. يعني اعرف ان عنده جهاز زيك .. وتقدرون تتبادلون ألعاب .. ^^ .. وتقدرون تلعبون ضد بعض ..
مميزآت الجهآز الدآخلية
نبدء بالـ
هالشي اعجبني كثير صرآحة .. لأنه ينقلك على طول للهوم بيج .. بس بنفس الوقت مايطلعك من اللعبة .. يعمل Pause للقيم .. متى ماودك ترجع للعب تكمل .. عآدي تقدر .. اعجبتني حيل هالخاصية .. واول مره اشوفها بجهآز .. بالعادة .. اغلب الأجهزة اذا تبي تروح للهوم بيج لازم خروج كامل من اللعبة .
تأزمت في لعبة ؟ .. ماعرفت وش تسوي .. Pause للعبة .. اختار Internet Browser .. وابحث عن الحل للعبة .. ولاتتأزم أبد .
ماقدر اقول شئ .. الا هل معقول اني اصور الصور .. واحولها ثلآثية أبعآد .. يعني أشوف ابعاد الصورة كاملة.. هالشئ رآح يبهرني من جد !
تعودنا مع أجهزة الجيل الجديد .. انه يكون لشخصيتك الخآصة والي تظهر للجميع شكل معين .. وهنا تقدر تصمم شكل شخصيتك المعين في الأونلاين .. والي يظهر لكل اصدقآءك في اللستة .. بس الحلو انك تقدر تصور خشتك .. وتصمم على نفس شكلك .. قريب منك يعني .
هذآ المكآن الي يلتقون في اللآعبين اونلاين .. او لما يتحدون بعض .. زي الهوم حق البلاي3 .. نفس السآلفة تقريبآ .. نينتدو حاولت ماتهمل هالنقطة .. عشآن هي احد النقآط الأسآسية في اجهزة الجيل الجديد , وبالأصح هذآ مكان تبآدل المعلومات .. تشوف انجازات اللاعبين .. وش سوا وش ماسوا .
تلوموني يوم رجعت اكتب عشآن خاطر هالجهآز .. نينتدو لك احلى تحية مني .. فيه قطعة تجي مع الجهآز AR .. تخيل انك تلعب في العالم الحقيقي .. اوك جالس على مكتب غرفتك .. وتبغى تتخيل البيئة حقت مكتبك خلفية لعبة .. اوك مو مشكلة .. ثبت القطعة بأي مكان .. وخل الكآميرا حقت 3DS تتعرف عليه .. وراح تصور لك عالم من الألعاب هناك .. اكيد في خيارات محددة .. بس والله عجب !
صور وجه أي احد .. ويفضل انه مايكون وجهك .. تقدر تلعب العاب مع الوجه نفسه .. مثل انك تصيده .. او تصيبه .. او تضربه .. وتسوي فيه الي تبي .. شئ ممتع بشكل خفيف .
خلونا نقول .. المذكرآت حقتك .. تكتب فيها أي شئ .. كم لعبت في الجهاز كم ساعة .. وكل لعبة كم ساعة .. وكم خطوة مشيت في اليوم .. وحالتك الجسديه .. والمزيد
هنا تقدر تحمل الألعاب الكلاسيك القديم .. العاب الجيم بوي .. والآدفآنس .. خآصية حلوة .
متصفح الأنترنت .. آخيرآ يانينتدو .. هذآ شئ من أهم الأشيآء .
- معلومة .. الأبديت والتحديثات للجهآز .. تتم من هنا .
مكان استماع الموسيقى .. وتتحكم فيها .. واكيد تنزل برآمج مع الوقت .. للتعديل على المقآطع على رآحتك .