smoky eyes ^_*

[Razielia]

السلام عليكم..

طبعاً مكياج الsmckey eyes شائع جداً ومحبب لدى الكثيرات..ولذلك باقول لكم اشلون اتحطونه بنفسكم وبخطوات سهله جداً..


في البدايه تحتاجين
1)
فرشاة ظل ..الافضل انج تستخدمين فرشاة مثل هاذي بدل اللي موجودة مع الظل فالعلبة..لانها بتعطيج توزيع افضل للظل..



2)
فرشاة آي لاينر رفيعة..



3)
ظلال العيون..
هاذي الالوان اللي بتحتاجينها..

[IMG][/IMG]

انا استخدم ظل ماركة لانكوم مثل اللي فالصورة بس انتي استخدمي اللي الماركة اللي تعجبج..بس اهم شي تختارين نفس الدرجات اللي فالصورة..

4)
ماسكارا سوداء..

5

5)
قلم آي لاينر اسود..(اختياري)



الخطوات:
اول خطوة حطي اللون الفضي الفاتح (في الصورة اول لون على اليسار) ووزعيه على كامل الجفن ابتداءً من خط الرموش الى العظمه الي تحت الحاجب..بعدين اخذي اللون الرمادي المتوسط(الاول على اليمين)
ووزعيه على الجفن المتحرك فقط(يعني من الرموش لحد ثنية العين) وبعدين اخذي الظل الاسود ووزعيه على الجفن فوق خط الرموش وادمجي اللون الاسود مع اللون الرمادي..
واهم شي في هالمكياج انج تدمجين اللون مع اللون اللي قبله.,يعني اللون يكون متدرج من الاسود الى اللون الفاتح تحت الحاجب..بدون مايكون فيه فواصل او حدود بين الدرجات لازم تدمجين الدرجات مع بعض عدل
عشان يعطيج smokey effect ..وتاكدي انج وزعتي اللون بالتساوي على كلا العينين..
بعدين اخذي فرشاة الاي لاينر وارسمي خط بالظل الاسود تحت العين..والخط مايكون حاد..لازم تحطينه بشكل smudgy يعني مايكون محدد ومرسوم بدقه يكون مموه شوي .. وبعدين اخذي اللون الفضي الفاتح ووزعيه تحت الحاجب على مرة ثانيه عشان يبرز اللون اكثر..
بعدين حطي طبقه من الماسكارا..
واذا تحبين تقدرين تحطين اي لاينر اسود داخل العين..هاذي الخطوة اختيارية..

وهذي هي الخطوات..شفتوا اشلون سهله *_^

وملاحظه:
اذا حطيتي هالنوع من الشدو..لاتحطين ليب ستيك ..حطي ليب غلوس بس والافضل تختارين الالوان الnude مثل البيج..

وان شاء الله يعجبكم موضوعي *_^

[The Princess]

ناايس الخطوات
بس انا مشكلتي ما اتقن الرسم على نفسي
يعني مو متعوده احط ميكاب

بس باذن الله راح اسوي خطواتج و اضبط كل شي

تسلمين غلااي عالموضوع

[Look up]

السـلام عليكــــم ...

شـيء حلـو ... و الله ما توقعــت المكيـاج جذي سهــل


صج إنـي ما أحـط .. بس لازم أتعلـــم


مشكـوره حبيبتـــي ..
و إن شاء الله نطلـع من وراج أحلـى و أحســن البنات في وضـع الكيـــاج


دمـــت بود

[Razielia]

مشكووووورين حبايبي على المرور *_^

[Al Bhed Girl]

السلام عليكم ورحمة الله وبركاته


شرح رائع ومبسط ، وأنا أفضل أنواع الظل عندي : السموكي !

احسه الأختيار المناسب للمناسبات ، وممكن تحطينه بتدرجات الوان أخرى مثل البني الغامق والبيج اللي فيه لمعه خفيفة والأسود ،،

اذا حطيتي هالنوع من الشدو..لاتحطين ليب ستيك ..حطي ليب غلوس بس والافضل تختارين الالوان الnude مثل البيج..

Absolutely !
اذا كان الظل غامق يكون الغلوس فاتح و العكس صحيح ،، ولا راح يغطون على بعض ويصير المكياج Over

يعطيج الف عافية عزيزتي رازيليا Keep it up , K ? ^^

[Razielia]

السلام عليكم ورحمة الله وبركاته


شرح رائع ومبسط ، وأنا أفضل أنواع الظل عندي : السموكي !

احسه الأختيار المناسب للمناسبات ، وممكن تحطينه بتدرجات الوان أخرى مثل البني الغامق والبيج اللي فيه لمعه خفيفة والأسود ،،


Absolutely !
اذا كان الظل غامق يكون الغلوس فاتح و العكس صحيح ،، ولا راح يغطون على بعض ويصير المكياج Over

يعطيج الف عافية عزيزتي رازيليا Keep it up , K ? ^^

وعليكم السلام ورحمة الله وبركاته ..
اهلين ^_^ منورة حبيبتي..ما شاء الله عليج ..فاهمة علي *_^
وطبعاً تقدرين تغيرين فالالوان يعني مثلاً تقدرين تحطين بدال اللون الرمادي لون بنفسجي (احب الظل البنفسجي ^_^)وتدمجينه مع الاسود والفضي..او اي لون تحبين بس اذا اخترتي الوان نحاسية او بنيه حطي لون ذهبي فاتح تحت الحاجب بدال الفضي..
وان شاء الله اشارك بمواضيع جديدة قريباً..

[blood roses]

مرحبااااااا حياتي ...............
شكرا كثيييييير الموضوع حلو وحتى اني ما كنت اعرف كيف يطلع اللون الغامق
بس هسه عرفت .......ههه
مشكورة كثير حبوبتي
.........
تقبلي مروري يا عسل

[Razielia]

مرحبااااااا حياتي ...............
شكرا كثيييييير الموضوع حلو وحتى اني ما كنت اعرف كيف يطلع اللون الغامق
بس هسه عرفت .......ههه
مشكورة كثير حبوبتي
.........
تقبلي مروري يا عسل

تسلمين حبيبتي على مرورج الحلو..نورتي الموضوع*_^

[رعبه]

السلااااام عليكم
شرحك كافي ووافي واختيار موفق ^^
كم اعشق السموكي
بالبدايه بيكون صعب وغثيييييث بعد فتره قصيره تبدين تتقنينه
ما احب المكياج كثير لكن لازم نتعلمه ونتقنه ولا بنطلع مهرجات لووووول
تشكرات قلبو على الموضوع المفيد ^^
تسلمات

[yami vergil]

اااااااه اموت في الهدرجات حق السموكي
عندي علبه تقريبا فيها نفس درجات الالوان الي حطيتيها
بس انا لما احط الالوان ... مثلا لما ابتدي بالرصاصي الفاتح ماألون عيوني كلها
بس ال inner corner من العين .. ماعرف اخلطهم فوق بعض الا فقط
في الخطوه الاخيره لين بغيت احط الاسود او الرصاصي الغااامج
اخر شي اخذ فرشاه نظيفه وامج وارتب ^^
والروج حلو تحطين الوردي المايل على اللحمي بيطلع واوو

احسن نوع فرش عندج sigma ارتحت عليه اكثر من ماك
يعطيك العافيه ^^

[Razielia]

السلااااام عليكم
شرحك كافي ووافي واختيار موفق ^^
كم اعشق السموكي
بالبدايه بيكون صعب وغثيييييث بعد فتره قصيره تبدين تتقنينه
ما احب المكياج كثير لكن لازم نتعلمه ونتقنه ولا بنطلع مهرجات لووووول
تشكرات قلبو على الموضوع المفيد ^^
تسلمات

هههه ضحكت على كلمة مهرجات...بس للاسف حتى فصالونات التجميل احيانا يخلون الوحده كنها مهرجة ..اتقولين ابي ميك اب خفيف تلعب بويهج واتحط الوان صارخة والكحل اتخليه "دوره كامله " على قولة ولد الديرة XD
واذا قلتيلها شنو هذا ليش اتسوين جذي انا قلت حطي ميك اب خفيف؟!!
اتقول كل البنات يقولون نبي خفيف عقب لما احط خفيف يقولون لا خفيف وايد حطي اكثر بعد!!!!!!!

عشان جذي انا احط الميك اب بروحي حتى فالاعراس احط مكياجي بروحي ..احسن واوفر بعد *_^

[Razielia]

اااااااه اموت في الهدرجات حق السموكي
عندي علبه تقريبا فيها نفس درجات الالوان الي حطيتيها
بس انا لما احط الالوان ... مثلا لما ابتدي بالرصاصي الفاتح ماألون عيوني كلها
بس ال inner corner من العين .. ماعرف اخلطهم فوق بعض الا فقط
في الخطوه الاخيره لين بغيت احط الاسود او الرصاصي الغااامج
اخر شي اخذ فرشاه نظيفه وامج وارتب ^^
والروج حلو تحطين الوردي المايل على اللحمي بيطلع واوو

احسن نوع فرش عندج sigma ارتحت عليه اكثر من ماك
يعطيك العافيه ^^

هههههه
يامي عندج طريقة لولبية فوضع السموكي XD
ولون الليب ستيك لازم يكون نود او مثل لون الشفايف الطبيعي مثل الوردي اللي قلتي عنه *_^

[yami vergil]

هههههههههههههههه

صاجه لولبيه XD

المفروض نفس طريقتج بس جفوني هبله مثلي ماتنصبغ الالوان عندي فوق بعض >_>
لو ان شاء الله استخدم شادو مثل شادوهات ماك XD