طريقة التخلص من فامب بدون استعمال اي رايشن ..

[عماد 18]

السلام عليكم ..
من زمان ما نشرت موضوع في هالمنتدى ..
لاحظت ان اغلب الاعضاء يشتكون من فامب و انه تقريبا اقوى رئيس في اللعبة ..
بصراحة لما انهيت اللعبة بنورمل ما اذكر اني واجهت معه مشاكل ..
لكن لما لعبت بهارد طلعت عيوني معه ?:
المهم بالاول كنت اوصل لاخر مرحلة من طاقته بدون ما ينقص من طاقتي شي لكن يقتلني ..
المشكلة في هالمرحلة يبدا يناقز و ما يثبت ابدا ..
على العموم انا بشرح لكم الطريقة اللي استخدمتها و قدرت اخلص عليه بدون ما استعمل اي راشن ..
طبعا في الاول يكون سهل انك تصيبه بدون اي جهد ..
اول ما يبدا القتال راح يقفز في الماء حاول انك تصيبه قبل ما يسيوي هالشي و تتطلق على راسه ..
بعدها راح يسبح في المويا تقدر تصوبه بالرشاش اول ما يطلع من الماء راح يكون في الدور الثاني و يحاول يصيبك بخناجره استمر في الحركة حتى يرمي 3 خناجر او 2 بس ثم راح يوقف و يدور حول نفسه و يرمي خناجر بطريقة متسلسلة في جهة واحدة بدون ما يصوب عليك ..
في هاللحظة حاول انك تكون تحت السور اللي واقف عليه و لما يوقف طلقة بالراس و لو اني افضل سلاح الار جي بي -على ما اظن هذا اسمه - قاذف القنابل حيث انك تقدر تصيبه مرتين بينما بالمسدس مرة واحدة و يقفز للماء ..
المهم بعد ما يقفز حاول انك تطلق عليه بالرشاش مرة ثانية ..
و هالمرة لما يطلع راح يحاول يضربك بالخنجر بنفسه ..
بدال ما تطلق عليه بالمسدس -لانك اذا اطلقت عليه بالمسدس راح يتاذى اول مرة لكن راح يستمر في ملاحقتك- اطلق عليه بقاذفة القنابل و راح يرجع للماء مرة ثانية و استمر على هالاسلوب ..
اذا وصلت طاقته للنصف راح يتغير اسلوبه قليلا يعني بدال ما يطلق الخناجر ببطء راح يطلقها بسرعة فاذا صار في الدور الثاني استمر في الحركة و لا تحاول تصوب عليه ..
لما يرجع للماء نفس التكتيك و لما يطلع و يوقف قدامك ايضا نفس التكتيك ..
لكن لما يبقى من طاقته تقريبا اقل من الربع ..
هنا المرحلة الحرجة ..
انا قبل ما اعرف الطريقة كنت ابتلش معاه و يقتلني دايما لانه ما يثبت ابدا و اذا حاولت اصوبه على طول يرمي علي الخناجر ..
الطريقة هي انك تروح للباب اللي يوديك لايما -اي اي- و توقف هناك و تحاول تصوب عليه بالرشاش و هو يقفز من جهة لجهة و راح تقدر تطلق عليه براحتك لكن انتبه لما يرسل لك 5 خناجر مرة واحدة حاول انك تتحرك ثم صوب عليه مرة ثانية ...
هالطريقة اكتشفتها بنفسي اليوم الظهر و قدرت اقتله بدون ما استعمل ولا حتى راشن واحد ..
علما ان الصعوبة كانت هارد ..
جربوا و ادعوا لي ..

[xenosaga]

واو والله انك محترف مشكور جدا عماد;-) :! :! :!

[ستيف بورنسايد]

ما شاء الله عليك
في الهارد ولا استخدمت ولا ريشن
شكلا محترف
انا في العادي استخدمت كل الريشن
اجل على الهارد وش بسوي

[x_way2000]

مشكور على الطريقة

[solidesnake]

مشكور اخ عماد18 على التكتيك هذا الحلو
لكن افضيف حركة صغيرة وهي :
اذا نزل فامب الى الماء بامكانك ضربه وهو تحت الماء بالاستمرار صوب علية

[Ibrahim]

طريقة رائعة عماد



بس عندي طريقة ثانية حبيت أضيفها


نقطة ضعف فامب و هو يسبح ....
استعمل عليه قاذف القنابل و هو في الماء أو أرمي عليه قنابل يدوية ...
و إذا طلع من الماء مسدس الـUSB يكون كافي معاه خاصة أن المسدس أسرع من باقي الأسلحة ... طبعاً مع محاولة الحركة الدائمة لأنه يثبت الظل بسكاكينه.. و تصبح بذلك الفريسة اللذيذة .

باختصار تحرك بسرعة مع المسدس.. و إرمي قنابل عليه وهو في الماء...

[عماد 18]

العفو ..
solidesnake
بخصوص تعليقك انا ذكرت هالشي :

بعد ما يقفز في الماء حاول انك تطلق عليه بالرشاش

DOOM LORD999
بطريقتي ما قدر يثبتني ابدا بالظل ..

[التنين الاسود 3]

شكراً على الطريقه اخ عماد

بس عندي ملاحظه....

وهي لما يرمي السكاكين بدل ماتتحرك انزل في الارض ( اضغط X )


وشكراً.....

[golden_sky]

السلام عليكم :
والله مشكووووووووور وما قصرت وجزاك الله خير والله يغفر لنا ولك ولسائر المسلمين





السماء الذهبية

[المحارب الغامض]

تسلم يا عمــاد ..

بس جربوا القنابل الضوئية (stun) وراح يتأذى منها وينطق هذه الجملة (my eyes)

تحياتي

[aoks]

طيب وش رايكم بهذا

لما ينزل فامب في الماء وتبي تطلعه اطلق طلقتين بالستنجر في اي مكان في الماء وبيطلع فامب

[turbo_s4]

مشكور ياأخ عماد وعقبال ما تخلص مستوى extreme;-) ;-) ;-)

[The King Of Roma:Totti]

مشكور;-)

[DK]

لا تقول إنك توك مخلص فامب من هذيك الأيام؟:واو:

أصلا فامب لما تلعب ضده ما يكون عندك ولا Ration كيف تبغانا نسعتمله

[عماد 18]

العفو و مشكورين على المعلومات ..
دي كي ..
انا اتكلم عن الهارد ما فضيت للعبة بعد ما وصلت لفامب من ذاك اليوم ..