السلام عليكم ورحمة الله وبركاته
حسبت هاللعبة انتهت بنهاية الجزء الثاني ،،لكن استانست يوم قريت خبر ان سكوير تنوي ريبووت للعبة
و "هانحن ذا" نقرا تقرير للجزء الجديد ونسولف عن القيم بلاي ماشالله
استمتعت بقراءة هذا التقرير صراحة ، مرتب وجميل و سلاسة الافكار فيه جعلت منه موضوع مميز ^^
عرفت اشياء واايد عن اللعبة (وقريت سبويلرز بالخطأ! XD )>> تعودت اني اضغط اي رابط في الموضوع لدرجة اني ضغطت زر السبويلر وقريت النهاية بالغلط ، خيبة ب__ب "
بس يلا شوي من السبويلرز يفهمج الاحداث #_# "
شكرا على الشرح الواضح عن اسلوب القتال حيييل حبيت حركة الاوفردرايف ،،غيرت من شكل العاب الاكشن
ولا كانت بتكون شي تقليدي بالفعل !
وشكرا على توفير المقاطع لنا ، عشان نقدر نربط بين شرح نظام القتال الجديد والتطبيق الفعلي له #_#
وااو بالنسبة لزي لايتننج ، دي حاقة غريبة ، بيخلوني احس وين سنو المنطلق وفانيل المزعجة ؟ XD
الا سؤال ..مالاحظتوا ان لبسها اللي جنه لبس فارس مدرع قريب من حق لايتننج بجزء FFXlll-2 بعد ؟؟ @.@
اما بالنسبة لخبر ان سكوير ممكن تنقلها ع الكونسول فما كنت ادري عنه،،ان شاءالله الارباح تكون عالية كفاية عشان تنزل اللعبة على البي اس 3 ..
تتوقعون بكم ياخذ منها وقت انها تحول اللعبة ع الكونسول ؟ @.@
وكل الشكر لفريق عمل الموضوع.. You are the best ^^