المشاركة الأصلية كتبت بواسطة l)@RK-l)EVIL
السلام عليكم
انا بالصدفه دخلت المنتدى بعد سنين من عدم دخولي له بسبب اني كنت بشوف اذا في احد بعده يلعب ف ف 11 انا كنت العبها من زمان لكن تركتها من سنين فناوي ارجع العبها من اول يديد لانها جدا سهله الحين اللعبه وماتاخذ وقت نفس قبل
دام لعبتي كل اجزاء فاينل من 5 الى 13 لازم تلعبين 4 ليش مطوفتها؟ اهي من احلى اجزاء ف ف
بالنسبه ل ف ف 14 اول شي شيلها من راسج العبه تعيسه وفريق اللعبه انطرد والشركه نفسها اعتذرت للناس بسبب فشل اللعبه (انا جربت ف ف 14 شخصيا لمده شهر وماقدرت اتحملها وتركتها العبه سيئه جدااااااا) فخليج على 11 الحين
11 لعبه ممتازه وممتعه لكن عيبها كان ان كل شي يطلع الروح يبيلج وقت طوييييل علشان توصلين اعلى لفل (الحين جدا سهل باسبوعين توصلين له قبل كان سنه !!!! فرقققققققق)
وعيبها الثاني كان كل الادوات القويه مثلا اسلحه او دروع صعب تطيح ويبيلج قرن علشان تحصلين الادوات الي تبينها الحين كل شي مسهل اكثر لان اللعبه فقدت شعبيتها الحين لانها صارت قديمه (عمرها 9 سنين) فخلو كل شي سهل علشان يجذبون لاعبين جدد
طبعا صلحو عيوب اللعبه الاساسيه كلها انا اقول لكن في عيب جديد اذا تبدين اللعبه الحين بتكونين شبه وحيده لان مافي لاعبين كثر لفلهم صغير كل الناس لفلاتهم عاليه الحين واحلى شي باللعبه ان تبدين اللعبه مع ناس معاج من البدايه
ف ف 11 جدا ممتعه اذا انتي من نوعيه الناس الي يحبون الstory والمهمات بدال الالعاب الثانيه من نفس النوع الي بس تقتلين فيها وحوش فقط بلا هدف
الشريط الي شريته هو نسخه 2008 في شريط نسخه 2009 هذي
http://www.amazon.com/Final-Fantasy-...ef=pd_sim_vg_1
عموما ماهي مشكله كبيره تقدرين تسوين دانولود للملفات الباقيه من موقع سكوير
بالنسبه لشبك الاكس بوكس اذا عندج جهاز wifi بالبيت او وايرليس تقدرين تشترين قطعه wifi من السوق للاكس بوكس وتشبكينه مع الكمبيوتر بدون وايرات لكن المهم ان يكون الاكس بوكس يكون موصل بالنت عن طريق واير او وايرلس
الفيزا ياخذون 4 دنانير كل شهر للعبه واول شهر مجاني
اذا في اي سؤال اخر ضيفيني على الايميل هذا بالماسنجر
Finalfantasyx_3@hotmail.com
وانشالله اساعدج في اي سؤال عندج انا شخصيا بشوف واحد من ربعي اذا يبي يلعب معاي لان اهو من الاعبين القدامى
ويمكن نلعب مع بعض كلنا اذا حابه ماتكونين بروحج واذا في اي واحد حاب يبده من جديد خل يترك رد هني بالموضوع لاني قاعد ادور على لاعبين جدد
سلام