إشاعة: سوني تفرض نظام الـ Online Pass على ألعابها القادمة @_@

[Falling Angel]

في إشاعة منتشره اليوم.. و مثل ما تشوفوا في الصورة...
بندل Resistance 3 راح يتطلب PSN Pass
وهذا يعني أن SONY راح تتبع خطوة شركة EA في ألعابها القادمة..
وتفرض كود الأونلاين اللعين حتى تقضي على سوق النسخ المستعملة..

طبعا مو شيء جديد..
حسب الل قرأته أنه الـ Online Pass code
كان موجود على بعض ألعاب الـ PSP مثل Modnation
المصدر

[Tamaki_q8]

هذا شيىء محزن لو طبقوا هذا النظام

[White Knight]

يعني خلاص نقول باي باي للمستعمل ؟

[I C E]

سوق الألعاب المستعملة عندنا ما يتقارن بالخارج ... هناك الشخص مثلا الي دخله محدود سوائا كان جامعي أو طالب نادرا ما يأخذ لعبة جديدة ...90% من ألعابهم مستعمله

فلذلك المطوريين انتبهوا لهذي النقطة ... فبدل ما يخسر سعر الشريط كاملا ... يستفيد على الأقل 10 دولار مبلغ الأونلاين باس

مبالغ الإضافات + الأونلاين باس مع بعض تقارب سعر الشريط على الأقل يحس المطور انه ربح شي

حتى لو تلاحظون أن من أول يوم ينزل فيه شريط يدعم الأونلاين ( فيفا مثلا) في نفس اليوم تحصل الأونلاين باس الخاص بالشريط موجود في الستور

فما أظن بيأثر على سوق المستعمل بشكل كبير

ما أدري ألاحظ ردودي هالأيام صايرة جرايد xD

[marshall d teac]

هممممممممممم بالنسبه لي افضل الاصلي

[OLD SNAKE 19]

بصراحه حركه شينه ..., ياخي راعوا ظروف الناس , يعني فيه قيمرز طلاب او ناس حالاتهم ما تسمح لهم كل شوي باس كود , وﻻ ما ينفع ما جشعهم اﻻ اللي يهكر << انا اشهد انها راحه

[saifbin]

يا سلام

خبر مفرح

بس يعني هو ما يمنعك من المستعمل

اذا حاب تلعب اون لاين اشتري كود بكم من دولار وخلاص

[jamil300]

هذا الشي لسببين

مضايقة على المهكرين

قضاء على السوق المستعمل

و تقريبآ اغلب الالعاب المميزة عندها online pass

[Bo Shesmah]

البعض فاهم السوق المستعمل بالمنسوخ! المستعمل أصلي ولكنه ماهو جديد

شخصيًا أشوف مالهم حق بفرض على الزبون شراء الجديد، والخبر غير مؤكد لغاية الآن

[Falling Angel]

هههههه طلعت الإشاعة صدق..
ابتداء من بندل Resistance 3 راح نشوف Online Pass على باقي الألعاب

المصدر
جالس أقرى الخبر..


Update : الفكرة راح يتم تطبيقها على بعض الألعاب مو كلها ...
Update 2: عنوان الموضوع "تأكيد: سوني تفرض نظام الـ Online Pass على بعض ألعابها القادمة @_@

[Fantasy Legend]

والله حرام T_____T ,,
وانتو من جدك فرحانين ؟؟ @@
الصراحه ظلم على قوله بو شيسمه ,,
وياريتك ما اكدت الخبر يا فالينق ,,

[Falling Angel]

اي فرح .. أنا أكره هالحركة..
لأني دائما اتبادل مع أصحابي بالألعاب..

نسيت أكتب مصدر الخبر
المصدر

[Fantasy Legend]

ما اقصدك انتا اقصد بعض الي قالو خبر مفرح @@ ,,
وتقريبا حالتي نفس حالتك دائما اخد من اصحابي من غير استبدال xD ,,

[Croix]

عادي بالنسبه لي
دائما اشتري جديد ولا عندي اصحاب يحبون فيديو قيمز علشان ابادلهم
اشوف المضررين الوحيدين هم عشاق الملتي بلاير

[Lonely Hunter]

في دراسه قاريها من زمان كاتبين فيها ان سوق الالعاب المستعمله قاعد يضر المطورين اكثر من القرصنه لان ولا فلس بيستفيد منه المطور من المستعمل و بنفس الوقت قاعد يخسرهم لم يستعمل سيرفراتهم للاون لايناهمه معاهم حق بهالتصرف بس انا رافضه طبعا لان اسعار الالعاب اليديده غاليه و ماقدر اشتري كل شي يديدEA سوت حركه ان اذا شريت اللعبه مستعمله و تبي تلعب اون لاين لك اسبوع بعدين لازم تشتري الباس، اسبوع اعتقد اكثر من كافي عشان تحكم اذا تسوى اللعبه او لا او يمكن وقتها انت شبعت من الاون لاين اساسا