الموضوع الرسمي للكبار : Catherine خرفان الخطيئه

[ahmadkb]

بالنسبه لي راح ابدأ بالنورمال اذا اشتريتها ان شاء الله لانه عندي مبدأ ماشي عليه واللي يقول "The Harder The Better"

ستعرف معنا الصعوبه في هذه اللعبه. أتمنى لك التوفيق في اللعبه.

الصهيبي

إذا مالك في البازل فستعاني من اللعبه. اما إذا تحب البازل والألغاز فستستمتع بها.

الحين ألعبها على الإيزي وواصل نصف اللعبه. أقدر أقول أنها سهله حتى الأن. لا أقول أني سهله جداً ولكن سهله بشكل عام. مت عدة مرات رغم أني على الإيزي ليس بسبب الصعوبه ولكن أخطاء منى في بعض الأماكن.

الـundo في الإيزي تستطيع استخدامه لتسع مرات في المرحله الواحده. النورمل والهارد لايوجد فيها undo.

اللعبه ممتازه جداً وقد تأخذ أفضل لعبه في 2011 عندي حتى الآن.

وأيضاً اللعبه قصيره ولكن لها نهايات متعدده.

[White Knight]

بعد ستار أوشن ناوي فيها مهما كانت صعوبتها
لكن السؤال كيف أحصلها الأن مغامرتي لها بتبدأ من الشراء ( هذي وحدها مستوى صعوبة ) --- المفروض يضعون تروفي إنك قدرت تشتريها وإنت في السعودية

[SALM0RE]

المفروض يضعون تروفي إنك قدرت تشتريها وإنت في السعودية

خخخخخ لووول

[Lonely Hunter]

انطباع بسيط بعد لعب ساعتين


اللعبه رهيييييييييييييبه و الجيم بلي من احمس مايكون ، لاتتوقعون انك بس بتحرك صناديق على راحتك و خلاص اتموسفير اللعبه من اصوات و بيئه و سقوط الصناديق السفليه مع الوقت تخليك مشدود الاعصاب لانك لازم تحل اللغز بسرعه و لا بتطيح او بييلك بوس المرحله و يقتلك و الصناديق في منها انواع منها العادي و اللي يتحرك ببطئ و اللي يتكسر اذا لمسته و اخرى تكون فخوخ تقتلك و غيرها من انواع قادمه كلها تصعب عليك المهمه + ان في خرفان غيرك بيزعجونك بالتسلق فعندك حلين معهم اما ان تضربهم لم توصلهم او تقتلهم اذا حصلت اداة البرق

هذا لم تكون بالكابوس ام بالحقيقه فبتكون بالبار مع ربعك و يكون الوضع ريلاكس تتحدث معهم و ايضا مع الموجودين بالبار تقدر تكلمهم و تعرف تفاصيل اكثر عن القصه او تقدر تلعب لعبة mini نفس اللعبه الاصليه بالكابوس و لها نفس القوانين بس بدون وقت بل سيعطونك عدد تحريكات محدده يعني كأنه تدريب و اللعبه صايره على ستايل العاب السوبر نتندو من ناحية الرسومات 2D

و في حركه حلوه بعد ماتخلص من كل لغز تدخل غرفه و في واحد يسألك سؤال و يعطيك خيارين و بعد ماتجاوب يورونك غيرك من اللي شروا اللعبه شنو اختاروا اذا كنت شابك بالنتوورك يعني مثلا اول سؤال كان : هل تعتقد ان الزواج بيكون بدايتك بالحياة ؟ تجاوب اي او لا، انا حطيت اي بعدين وروني ان 60٪ اختاروا مثليهالقرارات وغيرها تطلعلك بالمحادثات مع الناس او الخرفان بتأثر على الكارما لك مثل نظام انفمس و بتتغير النهايه حسب قراراتك فاللعبه فيها اكثر من نهايه


انا من قبل لا العب اللعيه و انا متفق مع التقاييم العاليه اللي عطوها للعبه و الحين تأكدت انها فعلا تستحقها، بس لا زالت قناعاتي في ان اللعيه مو للكل و ماتصلح لاي واحد خاصه للي عنده حساسية من مضمون اللعبه

بالنسبه للمتحمسين، اللعبه تستاااااااهل حماسكم و بتحسون بروعة الجيم بلي لم تلعبونها و انتوا على اعصابكم و البوس لاحقكم يبي يفتك فيكم

[kingx11]

^
كنت متوقع انها تعجبك

بما أنك فالبدايه ولعبت ساعتين احب اقولك ( ماشفت شي )


لاتنسى اللعبه الجانبيه في الاركيد فالبار عاليسار اخر شي هذي فيها الغاز اصعب من اللعبه الرئيسيه بسنين ضوئيه و مبين عليها استهبال على ماريو و زيلدا

[Lonely Hunter]

ياسلام الحماس تدبل عندي عيل مادام للحين ماشفت شي رابونزيل حليت كم مرحله منها بعدين خسرت بس فعلا حسيت انها اصعب شوي من الكابوس خاصه ان الكامره بعض المرات تصير مزعجه لم يكون في صناديق بالخلف

[Lavi]

لونلي

بجم اللعبه ؟؟ الغلاف رايح فيها هع ولا معدلين عليه ؟؟؟

[Lonely Hunter]

الغلاف الاصلي مو الالترنتف20 دك

[Lavi]

والله مادري اي واحد فيهم الأصلي اصلا هع .., بس اهو مثل الي بالصفحه الأولى الي مقربين على الوجه ؟؟ اذا جذي تمام

[kingx11]

ياسلام الحماس تدبل عندي عيل مادام للحين ماشفت شي رابونزيل حليت كم مرحله منها بعدين خسرت بس فعلا حسيت انها اصعب شوي من الكابوس خاصه ان الكامره بعض المرات تصير مزعجه لم يكون في صناديق بالخلف

هالمراحل خدعتها انك تتحرك حركتين او ثلاث وتخلصها غير عن الكابوس

انا وصلت اعتقد 11 وتعقدت وطنشتها

[SALM0RE]

للاسف شكلها ماراح تنزل عندنا في البحرين , يقول راح المحل مايقدر اييبها بسبب المحتوى و الغلاف -___-
الحين ياطلبها في عيد البش من بره او اجربها كوبي عند احد اصدقائي

[الصهيبي]

جربت اللعبة امس وجدا استمتعت فيها لعبة ممتعة وقوية وصلت الى

ستيج فور

اللعبة على الايزي جدا معقولة والاشياء الثانوية في اللعبة غير الالعاب جدا ممتعة من الافضل الالعاب اللي جربتها هذي السنة!

[Lonely Hunter]

شريتها ولا مجربها ؟ يلا على البركه لو خليتها نورمل ترا احسن لان ماهو صعب وايد بسبب زر الselect , الهارد بس اللي مافيه فتتوهق

اللعبه عجيبه عجيبه لاعب 14 ساعه و للحين ماخلصتها بس اتوقع اني قريب من النهايه

لعبة الميني رابونزل الغازها اصعب من اللعبه نفسها و فيها 64 مرحله بس خلصت منهم 14



بالبار لازم تشرب 3 بطول عشان اتصير سريع بالكابوس و كل بطل تخلصه يعطونم trivia عن النوع اللي تشربه, مره طلعلي هذا

[الصهيبي]

شريتها (: باخلصها بالايزي واعيدها بالنورمال !

[ahmadkb]

أنهيت اللعبه على الإيزي.

من أحلى الألعاب التي استمتعت بها هذه السنه من ناحيه القصه والجيم بلاي.

ترتيب الألعاب لهذه السنه بالنسبه لي من ناحية المتعه والقصه.

Catherine = Portal 2 = Mass Effect 2
L.A. Noire = InFamous 2
LittleBigPlanet 2