اذا ما شفت الجزء الاول ولا الثاني رح لتوقيعي تلقاهم .. <<<< عجاز احط وصلات ..
.............ايه وين وصلنا ...............
بعد ما دخلت البيت ... اشوف ابوي جالس يشرب قهوه ويقرأ الجريده ... وانا امشي واجلس جنبه واخذ فنجانه واصب له قهوه ..
ينزل الجريده ويناظرني بطرف عين ...
ويقول : وش تبي ؟؟
وانا منزل راسي...
اقول :عطني فلوس !!
يقول :هاه وش قلت ؟؟
اقول:عطني فلوس !!
يقول:وانا قول وراك صاب القهوه ... كم تبي ؟؟
وانا فرحان ومتشقق ...
اقول:ابي 2000 ريال
يقول:هاه... معصي ... حدك 50 ريال وتخب بعد ..
وانا احاول يمين يسار مافيه امل .. الشايب مستقعد .. وانا ارتفع ظغطي .. واسوي فيها رجال ...
وازاعق عليه واقول له : تراني سكت لك كثير .. واناظره بعين حاده ..
واقول :بتعطيني 4000 ريال ... وينزل راسه ويرفع الجريده ..
ويقول :ان شاء الله ..
اقول :الحين ..
يقول : طيب .. طيب ..
اقول له : اخلص ..
يقول : وش تبي بها <<< يبي يصرف ..
اقول : مالك شغل ولا تصرف الموضوع وهات الفلوس اخلص علينا ...
وينقز يجيب 3500 ريال ..
ويقول: ما معي غيرها ..
قلت : لا يا حبيبي ... بتجيب ال500 يعني بتجيبها ...
يقول : ان شاء الله .. ويروح يجيبها ..
واعطيه ظهري واطلع من البيت ...
و ادري الا وانا اتلوى على الارض .. من الظحك كان شكل ابوي وهو خايف "" لؤطه "" ...
واروح مركز الشرطه علشان المخالفات ..
وادخل مبنى الشرطه .. ودرت المبنى اكثر من 6 مرات ادور مكتب تسديد المخالفات ..
وشفت واحد شكله حبيب .. واساله..
وين اسدد المخالفات ؟؟
قال هناك .. واشر على المكتب الي جنبه ..
وادخل والقى خوينا نفسه (( الشرطي البثر )) .. تقلب لون وجهي واقول في نفسي .. عز الله رحنا خبر "حبس "..
بس يالله سددت المخالفات وكان وطه يلطني بمخالفها علشان على ثوبي نقطه عصير .. بس الحمد لله طلعت برائه ..
واروح البيت اول ما دخلت اقابل امي تتاتتا ...
..
..
..
التتمه في الحلقه القادمه ..من يوميات منحوس ..
غداَ الحلقه الاخيره ..
.
.
وسلامتكم mom_com3..