|| .. رابطة عشــاق (الملكي ) ريـــال مــدريـــد .. ||

[Tockuchi]

ترا التصميم مو أنا إلي مسويه , خذيت بكل برودة قلب و حطيته لي
بس كل واحد خل يحطه في توقيعه , دلالة على إن مدريدي رسمي

xiico10
لا تستبعد الأرسنال يقدمون 50 مليون عشان كاكا بعد الثمانية إلي أكلوها من الشياطين P:
يستاهل إلي صارله فينجر ,, ما أحب طريقته , وتحس إن يتكبر على نفسه في كثير من الأحيان , والنتيجة دائماً ليست في صالحه

[iSRT8]

مبروك الفوز شباب .. وكل كلامكم صح .. آآخ لو عندنا مهاجم بس يقوَل !!
وما ادري ليش الجزيره تحط لنا ايمن جاده يعلق ..!! يا على مدريد او انكلترا الي اشجعهم ..
يمكن الحكمه الوحيده الي قالها .. ان مدريد عنده فرص كثيره بس يضيع الاهداف .. وبرشلونه يعرف يستغل ويقوَل ..

ومثل ما قلت اخوي عن كاكا .. لو ان شاء الله يرجع لمستواه ويكون بديل ناجح ويلعب بعض المباريات اساسي .. ويكون عندنا احتياط قوي مثل الاساسي .. فـ أهلاً بالبطولات ان شاء الله..

وكل عام وانتو بخير .. وعيدكم مبارك ^^

[Tockuchi]

صورة عجبتني

[~ Snake ~]

مبروك الفوز شباب .. وكل كلامكم صح .. آآخ لو عندنا مهاجم بس يقوَل !!
وما ادري ليش الجزيره تحط لنا ايمن جاده يعلق ..!! يا على مدريد او انكلترا الي اشجعهم ..
يمكن الحكمه الوحيده الي قالها .. ان مدريد عنده فرص كثيره بس يضيع الاهداف .. وبرشلونه يعرف يستغل ويقوَل ..

ومثل ما قلت اخوي عن كاكا .. لو ان شاء الله يرجع لمستواه ويكون بديل ناجح ويلعب بعض المباريات اساسي .. ويكون عندنا احتياط قوي مثل الاساسي .. فـ أهلاً بالبطولات ان شاء الله..

وكل عام وانتو بخير .. وعيدكم مبارك ^^

وانت بخير و الله يبارك فيك ^^
ايمن جادة هذا علة علينا

يتسجل الجول ويخلص ويعيدونه مئة مرة ولا تحسه شايف جول !

ياخي صرخ سو اي شي !!

صوته هادئ وحليم ما ينفع معلق ><"

اللعب اليوم كان جيد للريال كان في تناسق في الاداء رغم بعض الاخطاء الصغيرة لكن ما ننسى اننا مقابلين فريق ضعيف نوعا ما

اوزيل كان افضل لاعب بالمباراة بعدها رونالدو وبنزيما لولا تضييع الفرص لكن تحركاته كانت ممتازة ذكرني براؤول يتحرك ويجذب الدفاع ويخلي فان نيستلروي يسجل براحته

طبعا ما انسى كوينتراو صحيح كان متسرع بعض الشيء لكنه ادى الي عليه وكان ممتازالونسو ايضا ضبط ايقاع اللعب ^^ << كم اعشق هذا اللاعب كلما اشوفه بالملعب احس براحة ^^

دي ماريا لو يترك عنه الانانية ><"

كل مباراة يكون مستواه زفت اكثر من المباراة إلي قبلها شوف اليوم رونالدو يوم ترك الانانية كان خوش لاعب ^^ وسجل هاتريك بعد :P

كاكا كان جيد وافضل شيء انه سجل هدف بطريقة حلوة وصنع هدف وهذا ما تمنيته اقصد تسجيل الهدف لانه راح يعطيه ثقة بالنفس اكثر ^^

مارسيلو حرام ما يكون بالمنتخب لاعب يذكرنا في كثير من الاحيان بروبرتو كارلوس ^^

وهدفه كان داهية صراحة ^^

كاليخون لاعب له مستقبل واعد انطلاقاته تشبه انطلاقات رونالدو ^^

خسارة ما سجلها هدف سحب بالحارس تسحيب :P

اعتقد انه سبب عدم جلب مهاجم ثالث لاني اشوفه ممتاز بجانب المرمى ^^

هيجوين كان له انطلاقة حلوة ظنيت ان رونالدو إلي ماسك الكرة ^^

مورينهو مادري شفيه معصب وزعلان عالاخر ><"

يمكن الفريق ما قدم المطلوب منه بشكل حرفي

[~ Snake ~]

اهداف مباراة : ريال مدريد 6 - 0 ريال سرقسطة

ما حطيتهم بتعليق ايمن جادة لاني ما احبه :P

[xiico10]

توكوتشي مب مهم انت اللي تصمم المهم ذوقك فالاختيار ^^

سنيك ما تكلمت عن كوينتراو p:




.....................................................................................

راؤول اليوم سجل وصاروا فالمركز الثاني بفارق الاهداف


اهداف راؤول مع شالكه في 2011
شوفوا الدقيقه 2:40 لووووول

[~ Snake ~]

توكوتشي مب مهم انت اللي تصمم المهم ذوقك فالاختيار ^^

اكبر دليل الملابس إلي نلبسها

سنيك ما تكلمت عن كوينتراو p:

بلا تكلمت عنه بس نسيت اظلل اسمه بالاحمر ><"

طبعا ما انسى كوينتراو صحيح كان متسرع بعض الشيء لكنه ادى الي عليه وكان ممتاز

راؤول اليوم سجل وصاروا فالمركز الثاني بفارق الاهداف


اهداف راؤول مع شالكه في 2011
شوفوا الدقيقه 2:40 لووووول

راؤول

شباب لما تطالعون الفيديو في يوتيوب يعلق عندكم عند الثانية السابعة وبعدها يشتغل عادي ؟

ولا بس عندي ><"

[xiico10]

شباب لما تطالعون الفيديو في يوتيوب يعلق عندكم عند الثانية السابعة وبعدها يشتغل عادي ؟

ولا بس عندي ><"

لا بس عندك p:

وما فهمت سالفة الملابس

[~ Snake ~]

لا بس عندك p:

وما فهمت سالفة الملابس

يعني عندي مشكلة ><"

الملابس المقصود ان احنا نشتري ملابس مصممة من قبل شخص اخر مثل التصميم الذي اتى به توكوشي لكن ما يصنع الفارق في ذلك هو ذوق الشخص الذي يشتري الملابس فالبعض يشتري اي ملابس والبعض الاخر عنده ذوق حلو فالامران متشابهان :P << لاتعليق

[Tockuchi]

xiico10
شكله Giant Killing عجبك P:
المدرب يذكرني بمورينهو حيل لول , خصوصاً إني كنت أشوفه تزامناً مع بداية مورينهو معانا xD

[xiico10]

^
^
نفس الموضوع
انا شفته الموسم اللي طاف وحسيت انه شخصيته مثل مورينهو
بس مادري من اللي يقلد الثاني

تخيل في اسبوعين شفت 17 حلقه
ولين الحين ما كملت
مع انه مشوق بس بدون المدرب المسلسل عادي

[xiico10]

شباب شو رايكم باللاعب جيرمي مينيز اللي كان في روما وانتقل لباريس سان جيرمان

شوفوا الهدف الثاني ذكرني برونالدو البرازيلي

[Tockuchi]

^
نفس الموضوع
انا شفته الموسم اللي طاف وحسيت انه شخصيته مثل مورينهو
بس مادري من اللي يقلد الثاني

تخيل في اسبوعين شفت 17 حلقه
ولين الحين ما كملت
مع انه مشوق بس بدون المدرب المسلسل عادي

صحيح , الإنمي عادي مقارنةً بغيره , بس المدرب إلي يحمسك إنك تطالعه

شباب شو رايكم باللاعب جيرمي مينيز اللي كان في روما وانتقل لباريس سان جيرمان

شوفوا الهدف الثاني ذكرني برونالدو البرازيلي

جيرمي مينيز عاجبني من كان مع روما , تمنيته يكون معانا بس بعدين الفريق تعاقد مع دي ماريا و مكانه أصبح مشغول عندنا
لاعب ممتاز بصراحة

[Tockuchi]

عيدكم مبارك جميعاً

[THE ROCK IS THE BEST EVER]

عيدكم مباراك شباب

مبروك عليكم الفوز العريض لي ريال مدريد

مع ان كان في اخطاء و فرصة ما استغلت بشكل ممتاز

يس صراحة اداءة الفريق كان من جيد جدا الى ممتاز كان في انسجام واضح و تمريرات سريع ومتقنة و لعب كان سريع

رونالدو كان ممتاز في الشوط الاول بس في شوط الثاني كان اناني

بس بالنسبة لي هو افضل كثير من دي ماريا الي من فترة مستواه نازل و صاير اناني مره

كاكا لعب بشكل جيد وايضا يوم جاب الهدف مره فرحت له من قلبي

هذا الهدف راح يعزز ثقة كاكا بنفسه ويتطور اكثر وهذا راح يفيد الفريق

الدفاع كان صاحي اغلب الهجمات الي جت علينا

كوينتراو كان اداءه مره ممتاز كان يغطي في الدفاع و سريع بهجوم

اذا بيستمر على هذا اداء بياخذ مكان خضيرة

بنزيما كان تحركاته بي الملعب كان ممتازة على قولت ايمن جادة تحركات بنيزما بدون كرة احسن من تحركاته بكرة

ما ادري ليه اذا صارت الكوره عنده يستعجل بشوت الكوره لو هو كان مركز و لا استعجل في احد فرصة كان واحد منهم جت هدف

وايضا عجبني ان جميع اهداف الفريق جت بمجهود جماعي من الفريق

ان شاء الله نستمر على هذا اداء