عضو متواص الابداع
اقول ولد بطنها
ما تحس انك سويت مشاكل وحرش بين الأعضاء يوم انك تجيب سيرة لعبة ثانية بقسم WoW ?
مو كفاية الموضوع هذاك عبيت امه ردود عاللعبة .. اخاف بالحلقة الأخيرة تطلع صاحبها واحنا ماندري
والحين جاي هنا بعد وتتكلم عاللعبة ؟
انا اشوف يا يوشي انك تحذف المواضيع والخرابيط اللي بخصوص هاللعبة .. لأن في قسم الـ PC مخصص لهلشغلات ..
وشكراً
Thx for Yoshimetsu
عضو جديد
المشاركة الأصلية كتبت بواسطة BoOoOo7a
عضو
^^^
كلام بوحا سليم 100%.
"سبحان الله وبحمده .. سبحان الله العظيم"
عضو مميز
هذي قهوه
نسولف فيها على راحتنا
ولو تصعد فوق تشوف الشباب يسولفون عن العاب غير ووركرافت
مثل العاب البلاي ستيشن وغيرها
يعني لا تسوي روحك المدافع عن القسم والترتيب ان كل شي لازم يكون في محله
بلا هويه مع الخيل ياشقرا
صحيح كلام المعزب 100%
عضو متواصل النشاط
يآآ شباب والله انكم معطين الموضوع اكبر من حجمة ..
كل واحد يتكلم فالي يبيه .. ويلعب الي يبيه
والي ما يعجبه الكلام يسلك .. وانتهت السآلفة
عضو مميز
عندهم اللعبه خط احمر
وكل من يتكلم عن اللعبه يحبس ويضرب حتى يتوب ان يتكلم عنها حتى بينه وبين نفسه
يعني شي فوق ماتتصور ولا تفكر انهم يفكرون نفسنا انها مجرد لعبه , لا ماخذينها حياة حقيقيه ومعطينها فوق حقها
تسقط بليزرد وتسقط ووركرافت
الحين يبجي يمكن
عضو
ما أظن إنك تقربلي أو إنك واحد من ربعي عشان تقول هذا الكلام! ما بزيد عن جي و بتقبلها منك.يعني شي فوق ماتتصور ولا تفكر انهم يفكرون نفسنا انها مجرد لعبه , لا ماخذينها حياة حقيقيه ومعطينها فوق حقها
شوف،، أنا مب ضد GW2 أبدا، بالعكس أنا بشتري اللعبة إن شاء الله.
و جربت كثير ألعاب غير WOW،وهي أصلا مب لعبتي المفضلة.
بس إذا بتتكلم عن GW2 قسم الـPc هو "الأفضل" =)
"سبحان الله وبحمده .. سبحان الله العظيم"
ㄨ Light & daЯkηessㄨ
^
^
Agree
ولد بطنها ,, ما تلاحظ انكـ فليتها زيادهـ عن اللزوم .. لو سمحت احترم الناس اللى هنا .. مو معناة انك ماتعرف تلعب او فاشل في اللعبه تروح تذم فيها حبيب قلبي ...
إذا ماعرفت تلعب وكل شوي واحد يسوي لك Gank هذي مشكلتكـ ,, تتكلم عنها نحترم رايكـ لاكن بتسولف عن العاب ثانيه عندك قسم ال PC روح سوي مظاهرات هناكـ مو عندنا
سلام
عضو مميز
السلام عليكم
اول شي احب اقول للأخوه اني مافتحت موضوع رسمي للعبه جيلد وور 2 بقسم ووركرافت
انا كلاعب للعبه ووركرافت و كعضو في قسم ووركرافت حبيت اسوي مقارنه بين اللعبتين
وكل منتديات العالم يكون هذا الشي طبيعي الا عندكم
انا ماادري لكم اسهم بالشركه او انتوا اعضاء مجلس ادارتها
وكل هذا مايشكل اي خطر عليكم خصوصا ان كل المنتديات واليوتيوب قاعدين يسوون مقارنه بين اللعبتين
يعني تبون تطمسون اللعبه عن اعضاء المنتدى عشان مايشترونها ؟؟
------
الاخ يوشي الفاضل
اتمنى تزور الصفحه رقم 87 وتشوف بنفسك شلون خرجت عن اطار لعبه ووركرافت وتكلمت عن اجهزه ثانيه
ماقلتلك ولا احد الاخوه قالك تكلم فيهم بأقسامهم الموجوده بالمنتدى
لأن عقولنا اكبر من ماتتصور ولا اذا احد تكلم عن شي خارج اللعبه راح يفسد علينا القسم
لك حريه الكتابه عن اي شي يخطر في بالك ان كان باللعبه او خارج اللعبه او مقارنه اللعبه بلعبه اخرى
ولكن انت تكلمت عن اجهزه والعاب بعيده عن لعبه ووركرافت
كانت الاولويه لك انك تروح وتتكلم بقسم البلاي ستيشن او الاكس بوكس واللي واضحين من هني
اما جيلد وور 2 مالها قسم الى الان وفوق هذا انا كتبت الموضوع عشان اقارن بينهم
اتمنى تقرأ كلامي مره ثانيه وتشوف اني طلبت من الناس انهم يقارنون بين اللعبتين ويكتشفون عيوبهم
لكن للأسف لما بوحا يدقكم سلف تركضون على طول للمعارضه
محد مضيعكم غيره , مع ان مايفهم بشي ولا يعرف كيف يدير الحوار الهادف ولو تشوف مشاركاته تحصلها copy = paste
ولا يعمر موضوعه اكثر من يوم , واذا تناقش عن شي خرب المواضيع اللي يتناقش فيها
والاعضاء كلهم عارفين هالشي , لكن ماادري ليش كل واحد يمسك مراقب يخضع له ولا يتجرأ يكلمه
شنو السر الله واعلم
عضو نشيط
طيب ماعلينا الاخ يوشي رد عن لعبه ثانيه بس ماطول الحوار زيك انت في كل رد كاتب عن اللعبه
ترا كل واحد له رائيه في اللعبه لا انت بالقوه تبي الناس تغير وتبيهم يكرهون واو !!
عضو مميز
اتمنى تقرأ كلامي عدل عن اللعبه
انا مافرضت على الناس اللعبه , انا قارنتها وشفت الناس تفاعلت معاي بالموضوع , واكتشفت ان اغلب الناس طاقه جبدها من اللعبه وتلعبها لتضييع الوقت , قلت اقولهم عن اللعبه الجديده
ثاني شي انا ماطلب من احد يكره ووركرافت وغصب يلعب جيلد وور 2
اتمنى تشوف مشاركاتي عدل عشان ما تتهمني بشي
عضو متواصل النشاط
:
صباح الخير من جدة غير
:
:
ياصباح المهاوش ههههههههههه
زين حبيب قلبي الله يعطيك العافيه انت عطيتنا معلومات كثيرة ومدحت لنا اللعبه واحنا فعلا شفنا شي جيد
خلاص يالغلا ماعاد يحتاج تعيد وتزيد بهالموضوع
فعلا يوشي جاب كلام عن العاب ثانيه لكن ماجلس يعيد الكلام بكل موضوع يدخله الله يرضى علينا وعليك
عموماً
حبيت اشيك على القهوة كان نفسي العب ضومنه (:
0
ㄨ Light & daЯkηessㄨ
اخوي الكريم ولد بطونها الكتاب باين من عنوانه ماله داعي اروح وايد في الكلام ... ونجلس نسوي Troll لبعض ,,
انت ياليت لو سويت مقارنه ووقفت انت سويت مقارنات و SPAM وياليت مقارنه وبس انت جالس تذم في اللعبه ( world of warcraft ) ليل نهار
حتى انا ماكنت مخالف انك تسوي مقارنه بي اللعبتين او قلت روح لقسم البي سي او اي قسم ثاني واكبر دليل روح راجع الردود حقتي ..
كنت متفق معاك في نقاط ومخالفك في نقاط ومامنعت النقاش الحوارالهادف مامنه مشكله بالعكس كنت ارد واضحك معكمـ
الكلام اللى انا اقول ( النقاش لازم يكون على مستوى عالي من الإحترام والتقدير بدون ذم الناس حتى ولو بدون تحديد شخص معين بعينه ..
او حتى تذم في اللعبه يعني مو معقوله بين كل مشاركه ومشاركه اسب في اللعبه واحرق فيها والخ الخ إلى اخرهـ لو تسوي الحاجه هذي في اقسام ثانيه
متأكد ميه في ال100 راح يمسحون المشاركات حقتكـ + مدري وش يصير بعدها
لاكن شف كلامي هذا وتأكد منه واعرفه
بعد ظهور GW راح تلعبها .. وبتكون متحمس في البدايه بتجلس لك مده وبعدها بترجع لـ واو وابصم لك على العشرهـ اني متأكد ان هذا الشي بيصير ..
وبالنسبه للجرافيكس حقها .. مثل Aion لاتقولي ان GW اقوى .. انا لعبت Aion من اكاونت واحد من الشباب واشوفها تقريبا نفسها بالعكس ايون احلى في الجرافيكس
لاكن لك عليها في ال game play مو هذاك الزود .. المهم ياليت ماتسوي لنا سبام ياولد بطونها وانا احترمك واحترم رايك ومثل ماقلت لك من قبل انت عضو فعال
وممتاز بالقسم مو مجامله لك ولا شي ثاني لا .. اقولها لك جاد بس عليك طلعات غريبه بعض الأحيان !
عضو مميز
السلام عليكم
انا ماهقيت ان السالفه بتوصل جذي
حقكم علي وانا اسف , ماراح اسولف عن اللعبه الا ان صار لها قسم خاص
وشكرا لتقبل كلامي بصدر رحب
عضو مميز
السلام عليكم
ابي رأيكم يا شباب بالجهاز هذا
انا من زمان ودي اخذ جهاز ماك , لكن لما شفت جهاز imac all in one واللي يكون شاشته 21 ويكون الهاردسك فيها و مجرد كيبورد و ماوس واثنينهم وايرلس عجبني , خصوصا ان مثل الدسك توب مو لابتوب
يعني معروف ان اللابتوب مو نفس قوه الدسك توب في الالعاب وغيرها
انا اخترت الجهاز هذي لأن غرفتي غرفه عزوبي وكلها زحمه ومااقدر اشتري دسك توب لأني راح ابتلش بالطاوله والهارديسك والوايرات , وراح ياخذ مساحه عندي
قررت اني اشتري هالجهاز لأن تقدر تحطه بأي مكان , واللي مايعرف عن اي جهاز اتكلم يشوف هذا الرابط
http://www.youtube.com/watch?v=T1iSvRjv1p8
انا قررت آخذه للألعاب , لأن رفيجي قال اجهزه ابل طياره بالالعاب واحسن مليون مره من الاجهزه العاديه , وفيها ميزه الفايروسات ان ماتعرف شي اسمه فايروس وبرامج هكر
بس انا محتار الحين , وابي رايك فيه , اذا احد جربه او جرب لابتوب منهم هل صحيح ان قوي للألعاب , خصوصا لعبه ووركرافت اذا حطيت الوضوح فيها full
علما بأن اشتراكي دي اس ال 1 ميجا وبالليل من الساعه 7 الى 7 صباحا يعطيني 3 ميجا
اتمنى اللي جربه او جرب اي جهاز منهم يعطيني رأيه
التعديل الأخير تم بواسطة Karazhan ; 17-09-2011 الساعة 01:34 PM
