هل جمارك البحرين تمنع دخول المكملات الغذائية

[موعود2020]

معلومات المتقدم بالاستفسار :
العمر : 38 , الجنس : ذكر

الطول :1،66 متر
الوزن : 73 كيلوجرام

نسبة الدهون : 24

و الاستفسار كالتالي :
مرحباً إخواني
سؤالي لأهل البحرين وأهل الخبرة،،،
أنا من سكان الخبر وعندي عنوان ا قامة في البحرين ...
سؤالي ؛ هل المكملات الغذائية وباقي المواد ممكن تدخل البحرين لو طلبتها من البدي بلدنج ممكن تدخل البحرين طبيعي
لأني بصراحة لاحظت عندهم محلات كثيرة في البحرين تبيع هالمكملات
ودي اطلبها وأروح أجيبها بالسيارة من البحرين
ارجو الإفادة أحبتي
موعود

[THE CAST]

ان شاالله يفيدوك اهل البحرين ...

[يوسف404]

شخصيا قابلت موظفي جمارك الجسر وحسب كلام احدى الموظفين اذا كانت كميه بسيطه ممكن يمشيها لك ولكن للاسف في موظفين ممكن يعتقدو انه معاك ممنوعات او اشياء خطيره وليست مكملات (بعضهم بشهادة ابتدائيه ويطبق النظام بحذافيره) نصيحتي لك انك تشتري من البحرين بدون ماتطلب من امريكا لانها تكلف عليك غيرالانتظار ومشاكله وتقدر تروح بنفسك للجمارك وتتاكد من كلامي واشتري كورس شهر وليس كورس سنه
واعتقد انك سابقا سافرت للبحرين وفي الرجعه الي يفتشو السيارات الجمارك > لعيووون ارمال

[موعود2020]

اشهد أني احبك في الله يا الكاست،،،،اخي يوسف الله يحفظك دائماً سباق وعلي الموعد،،،،،يأخي أنا والله عجزت،،،، وابي طريقة ما اكلف واثقل علي احد من ربعي ،،،- طلبت اغراض من أبوظبي مع اخوي وهو جاي مسكوه عليه،،،- ابي اطلب من ولد اختي جاي من امريكا الشهر الجاي وأخاف يصادروها عليه،،،طلبت الان طلبية من البدي بلدنج الي السعودية مباشرة والله يستر انها تعدي ،،،، تقعد علي أعصابك
يأخي يمنعون السجائر ابرك ،،،والله انها اخطر والعن
المشكلة ياخوي مو دائماً تلاقي اللي تبيه في محلات البحرين وهذا اللي حدني،،،،
الاسبوع اللي راح ذهبت البحرين ورحت محل بيت الطاقة وكذللك رويال ماجستي غير الأسعار أيضاً
ياليت احد اذا يعرف اذا البحرين تمنع والا عادي.
انا فكرتي أني اطلب من بره بس بدل ما ارسلها للسعودية ارسلها للبحرين بعدين ربك يسهلها من عنده وقتها

[alsube3ai]

البحرين ما تمنع على الاطلاق, بس مصيرك تمر على التفتيش
انا شافوا عندي واي بروتين و مشوني مرتين سئلته انا مره قال انا الشباب الي يجون بكميات كبيرة يوقفونهم
نصيحة لوجه الله اشتر واي , اوبتي من , و كريتين و امورك ماشيه

[King Of Coffee]

كانوا معي 3 شباب رايحين البحرين من شان يشتروا مكملات ..
فكل واحد منهم أخذ له اللي يبي وكانت الكمية شوي كبيرة فلما وصلنا للجمارك وقفنا على جبب وجلس يشوف الأغراض وكان الشخص متفهم ..
وعرف إن كل شخص له بضاعته ونصحنا إن المرات الجاية مانكثر أغراض لآن بعضهم ما يمشيك ..

فالخلاصة لو بتاخذ مكملات لاتكثر ......

[شموخ المملكة]

طبعا ما باضيف اكثر من اللي قالوه الاخوان
بس في البحرين ما عندنا ممنوع في المكملات الغذائية الا اذا كانت الكمية للبيع يعني كبيره لمحل
يكون على عليها جمارك
اما كميات الاستخدام الشخصي تطوف بكل سهولة وخاصتا ان امثر اللي بالجمارك شباب ومتفهمين وضع رياضة كمال الاجسام

[موعود2020]

الله لا يهينكم ياشباب اشكركم من قلبي ،،،،هذا اللي يهمني أني لما اطلب طلبية واكتب عنواني في البحرين توصل هناك بسلامة بدون مشاكل ،،،،اما مسألة دخولها الي السعودية فهذي علي ما في مشكلة لأني دائماً اروح البحرين مع زوجتي واشتري اغراض دائماً من البحرين كبنده ولؤلؤة ماركت وغيرها ويشوفون الأكياس وما يكلموني،،،،،،. شكرًا شموخ المملكة بما انك من البحرين وعندك معلومات أكيدة

[عم دعبس]

عادي اخوي يمشونك
بس ليش ما تاخذ من الوكيل احسن (رويال ماجستي)
البضاعة مضمونة 100%

[موعود2020]

عادي اخوي يمشونكبس ليش ما تاخذ من الوكيل احسن (رويال ماجستي)البضاعة مضمونة 100%

هلا بالحبيبأنا رحت لرويال ماجستي ،،،، بصراحة شي والمحل مرتب وخدمة ممتازة بس ما لقيت اللي ابي عندهم،،،،،، الاسبوع الجاي بروح محل big musle في البحرين وأشوف وش عندهم تامروني علي خدمة من هناك أنا حاضر ،،،،،