والله انا ما قلت ما اعرف انجليزي ترى فاهم ايش قصدهم
بس الهرجة اني ما دخلت الجيم ليا اسبوع وفجأة يتهموني حرامي, خير؟
عضو نشيط
والله انا ما قلت ما اعرف انجليزي ترى فاهم ايش قصدهم
بس الهرجة اني ما دخلت الجيم ليا اسبوع وفجأة يتهموني حرامي, خير؟
عضو نشيط
لا وابشركم رجعوا ردوا عالمسج اللي رسلته بنفس الرسالة اللي رسلوها اول.
يعني بيثبتوا انهم bots
gg blizz
عضو جديد
تتوقع اذا هو مسوي سكام صريح بيجي يكتب هنا ؟المشاركة الأصلية كتبت بواسطة BoOoOo7a
عضو مميز
crazy evil ..
نفس رسآلتك وصلت لأخوي ..
أول مرة أرسلوا له قآلوا أنه يحآول يبيع الحسآب ..
وبعد أسبوعين عطوه banned خمس أيآم يقولون مسوي scam ولآعب على نآس في اللعبة ..
ويمكن فيه أحد كلمهم وقآلهم أنك تسوي scam ..
-------------
هذآ مقطع من المبدع وكر العصفور (عمآر و سكور مكس) ..
https://www.youtube.com/watch?v=TY1p...el_video_title
عضو مميز
كرازي ايفل
اول شي تطول بالك
ثاني شي اذا رجعت اكاونتك بالسلامه بالسلامه ادخل فيه عادي وكأنه ماصار شي
ثالث شي استعير اي اكاونت من اصحابك حتى لو كان لفل 1 او اذا انت عندك اكاونت ثاني يكون احسن
يمكن يكون في ناس قاعده تستغل اكاونت وانت ماتدري , يدخل فيه بوقت اهو عارف انك ماتدخل فيه
المهم , اذا دخلت بأكاونت بيوم وفصل معاك لا ترجع وتشبك , ادخل بأكاونت ثاني و add الشخصيه اللي عليها المشكله و كل الشخصيات اللي بأكاونت بعد
وشوف هل تشبك احدى شخصياتك او لأ بعد مايفصل عندك , واذا مو مستعجل انطر شوي يمكن يدخل
واذا عندك شخصيات لفل عالي بسيرفرات ثانيه , ايضا اعمل شخصيات جديده بهذي السيرفرات و خزن اسامي الشخصيات عندك وادخل شوف موجودين اونلاين او لأ
اذا في احد يدخل معناه ان في شخص يستغل اكاونتك وقاعد يحاول ان مايثير الشبهه وتكتشف امره
اذا ماكو شي , ارسل رساله لبليزرد و لاتخلي كلمه مو زينه ماتقولها لهم نفس كل الناس اللي اعرفهم
والله انهم يشخطون في بليزرد لدرجه اني اقول يافلان راح تاخذ باند مدى الحياة , بالنهايه يعتذروله بليزرد ويعطونك كل اللي يبي وفوقهم بوسه
فوق هذا ان هم الغلطانيين "اصحابي" ويستخدمون بوت بعد , لكن الظاهر بليزرد ماتجي الا بالتشخيط
عضو مميز
وبخصوص لحوم الحمير بالخطوط السعوديه
انا مااتوقع الشي هذا صحيح , لأن كل خطوط جويه بالعالم تتعامل مع شركه اغذيه
واهي اللي تورد لها الاطعمه والمشروبات لطائراتها , فأذا صحيح الخبر لوموا الشركه الغذائيه ولا تلومون الخطوط الجويه السعوديه لأن مالها علاقه بالوجبات
بس صعبه لحوم حمير , لو حاشي اي معقوله
من كثر الحمير عندنا يعني عشان يستغلون لحومهم , انا اخر مره شفت حمار قبل 4 سنين , وشفته وانا اقنص عند راعي غنم
اما الغنم والنياق اشوفهم بكل البر و الاسواق بيع المواشي
يعني مو معقوله الحمير عندنا اكثر من الغنم والنياق ومن كثرتهم قاعدين يستغلون لحومهم
لا صعبه شوي , انا بسألكم متى و اين شفت اخر حمار ؟
ومتى واين شفت اخر خروف ؟
ومتى واين شفت اخر جمل ؟
كلكم راح تقولون شفنا خرفان و شفنا نياق او جمال باسواق المواشي او بالبر
بس يمكن اغلبكم يقول اخر مره شفت حمار من زمان وشفته عند راعي غنم او بمسلسل , ابي شفت حمار شوف العين يعني مو فيلم او مسلسل
من كثرهم عشان يحاولون انقاص اعدادهم بأكلهم والاستفاده من جلودهم و لحومهم
لا مستحيل الخطوط الجويه السعوديه تتعامل مع شركه اغذيه تستخدم لحوم الحمير
عضو متواصل النشاط
^
^
^
يقنعني دايم هالانسان هههههههههههههههه
صباح الخير من جدة غير
0
عضو مميز
انا استنتاجي يا اخ كراي ان الحمار محرم اكله
ومااعتقد ان بالسعوديه شركات اغذيه تفعل انها توكل الناس لحوم الحمير , يعني عندك مثال ان الخطوط الجويه السعوديه تنزل مناقصه لشركات الاغذيه ان يقومون بتقديم الاطعمه على متن طائراتهم
طبعا الخطوطه السعوديه تضع شروط منها يكون الاكل حلال , فما بالك بلحوم محرمه , يعني لو بدأ الامر بلحوم الحمير راح ينتهي بلحوم الخنازير اذا كان الامر سائب ولا في احد يكشف عن نوع اللحوم
بعدين نفس ماقلت مو من كثر لحوم الحمير عشان تستخدم للأكل , ناهيك ان الوجبه في الطائره لو كانت لحم تكون شريحه اللحم كبر علبه الكبريت
يعني بقره واحده كافيه للطائره كلها , غير الدجاج والسمك
اما بخصوص تحريم لحم الحمير
----
وقد اتفق جمهور العلماء على حرمة أكل الحمر الأهلية، قال الإمام النووي
( مال إلى تحريم الحمر الأهلية أكثر العلماء من الصحب فمن بعدهم، ولم نجد عن أحد من الصحابة
فيه خلافاً إلا عن ابن عباس، وعند المالكية ثلاث روايات، ثالثها الكراهة)
ومن الأدلة على التحريم قوله صلى الله عليه وسلم:” إن الله ورسوله ينهيانكم عن لحوم
الحمر الأهلية، فإنها رجس من عمل الشيطان” رواه البخاري ومسلم. وأمره صلى الله
عليه وسلم بإكفاء القدور بقوله: “أكفئوا القدور فلا تطعموا من لحوم الحمر شيئاً”
رواه البخاري ومسلم. وفي أمره بإكفاء القدور وإراقة ما فيها دليل على نجاسة الحمر
الأهلية وحرمتها.
هذا بخلاف الحمر الوحشية فإن أكل لحمها مباح.
-----
لذلك مااعتقد ان الخطوط الجويه السعوديه راح تسمح بلحوم الحمير ولا اهي سايبه عشان الشركه تدخل لحوم على كيفها , لأن الشركه ما فازت بالمناقصه الا لأنها شركه كبيره و نظيفه بشغلها وذات سمعه طيبه ولها تاريخ مشرف
ولأن يوجد رقابه على الاصناف ومصادرها اللي تقدمها الشركه للخطوط الجويه السعوديه
واعذروني ترى مجرد وجهه نظر , يمكن الشركه تطلع صج مدخله لحم حمير ومتفقه مع مسؤول الرقابه بالخطوط الجويه وياخذ نسبه , انا ماعندي فكره عن الاشياء هذي
والله اعلى واعلم
ㄨ Light & daЯkηessㄨ
عضو مميز
ياحظكم
ودي اقعد من النوم اشوف شكلي جون ترافولتا او احد الحلوين المشهورين
واطالع وله من عايله مليونيره , الفلوس بالهبل , لدرجه ان كلينكس بيتنا من فلوس
وبيتنا 3 ادوار وسرداب و بالسرداب واقفه سيارتي فراري 430 اخر موديل
هذي بس للتمشي على شارع الخليج المطل عالبحر
ولما اقعد من النوم تجي الخادمه معاها طاوله وتحطها على سريري فيها الريوق
اللي انتوا التجار واللي عندكم فلوس تسمونه بريك فاست
لي متى وانا اكل جباتي
الريوق اللي يجيني لي سريري فيه كل ماتشتهي نفسي , لأن الثلاجه دايم متروسه
وعندي قطوه اربيها وامشيها معاي لما نسوي رياضه صوب حوض السباحه اللي بالبيت
وعندي لاند كلوزر هذا بس للبر يكون اخر موديل وكل ماينزل موديل فراري او لاند كلوزر السايق يروح الوكاله ويبدلهم وياخذ الجدد ويرجع البيت
وعندي bmw هذا للديره حاطه و روحاتي وجياتي للدوانيه او مراجعات
وكل يوم اتغدى مفطح واتعشى ستيكات وسلطات وهالسوالف
عندنا بالبيت شيف خاص بجميع الاكلات
ودي اصير مثلكم بليونير وعندي برامج بجهازي تعدل الصور وتكتب عليهم , واصور قطوتي واكتب كلام بالصوره
لمتى وانا سيارتي سدرك موديل 99 ومدعومه من كل صوب
لمتى انام واقعد ومحد درى عني وبالشهر ياله اتغدا مره والعشا بالحسره
الريوق مطعم هندي كل يوم او فطاير
لمتى وانا عايش بغرفتي المعفنه هذي , قواطي البيبسي تارسه الطاوله وكلهم متروسين قطف زقاير
والتتن بكل الطاوله , علب وجبات صارلهم سنه محد شالهم والزباله تكرمون من كثر ما انترست صار الاغراض تطيح منها
اشك لو ارفع الكيس اللي جدامي هذا يطل تحته مليون فأر
ابي نفسكم غرفتي مساحتها 10 x 10 امتار
وشاشه تلفزيوني 100 بوصه , وكل صبح تدخل الخادمه وتنظف وتعدل
كل مااروح البر اقول الحين راح احصل جنطه وافتحها اشوف فيها مليون دينار
15 سنه وانا عايش مع هالحلم
ودي اصير مليونير واشتري قطوه تنام معاي بالسرير وتعيش معاي واحبها وتحبني
اييييه
متى بس
اسف خاني التعبير
عضو متواصل النشاط
السلام عليكم
اولا الله يغنيك ويرزقك الي في بالك ويحققلك كل امانيك بس اخوي الناس تحلم بالشي الاكبرو الاحسن من هذا كله
قول ان شاء الله افوز بالجنه وان شاء الله كلنا نفوز بها
وفي نقطتين ما فهمتهم ؟؟
ان كاتب اتمشى مع القطوه وخرابيط
اخوي ترى القطوه ما يمشونها شكلك ان متخربط مع (وإنت بكرامة ) الكلب هو الي يمشونه ، والقطوه مزاجية وحق التمسح مب التمشيي
وشي ثاني كتبت (تتن) ؟؟ تقصد غبار ؟
والسموحة طولت وايد
عضو مميز
عضو متواصل النشاط
والله ضحكتني
بس مو زين تشوف فوق وايد
وعن انك بتقط القطو وبتذبحه ترا حرام وبيكون في ذمتك وشكلك ما قرات الحديث عن الحرمة الي دخلت النار في هره
وعن التتن ياخي قول رماد شنو تتن بعد
وعن المديره الله يهدي سرهم وترجع حق ريلها واذا احسنلها الطلاق الله يعوضها
وعنك سير اشتغل وحلل معاشك عشان شي انت ما تحس بطعم المعاش لانه مب محلل (اسولف ترا )
واسمي دوديت
Dude for Male
Dudette for Female
التعديل الأخير تم بواسطة Dudette ; 29-09-2011 الساعة 09:36 AM سبب آخر: تعديل وإضافة
عضو مميز
انا مااشوف فوق وايد
كله مليون
يعني الحكومه الله يخليها لنا ماعندها مليون , الحكومه الجميله الخلوقه واللي ماشفت نفس كرمها ماعندها مليون دينار ؟ عندها مليارات الدنانير واللي ماتدري وين توديهم
انا مستعد لو اروح استلم المليون من وزير الماليه اني احلف على القرآن اني مااقول لأحد
يعني اذا دخلت على الشباب بالدوانيه بالليل وانا لابس نظاره شمسيه ماركه "لابسها عشان يشوفون اني شريت نظاره"
وقلم كارتير كامل مو بس مغطه حاطها عشان شوفوني ترى قلمي كارتير , لا هالمره قلم كامل اصلي , و محفظه لويس فيتون اصليه مو شغل تايلند واقعد بالدوانيه صدر واقط اغراضي كلهم جدامي عشان يشوفون مع خاتم و ميداليه فيها سويج فراري
ولما يطلون من الدريشه يشوفون فراري f430 يقولولي فلان انت من عمرك فقير من وين طلعت كل هذا
اقولهم الحلم اصبح حقيقه , لقيت جنطه بالبر فيها سبايك ذهب وكمواطن شريف سلمتها للحكومه و الحكومه بدورها عطتني مكافئه 30% من قيمه الذهب وطلعلي مليون
وانصح كل مواطن شريف اذا شاف شي بالبر يسلمه للحكومه والحكومه راح تكافئه
يعني ما افتن اقول الحكومه عطتني مليون , وفوق هذا اعطيها اعلام حلو وامدحها اذا حقانيه , مو يعني اسلم الذهب للمخفر وياخذه الضابط ويدلع زوجته فيه وانا يعطوني 5 دنانير حساب التوصيل
وكلي امل بالحكومه الرشيده انها تحققلي حلمي وتحطلي جنطه بالبر فيها مليون
اما القطوه انا ماراح اذبحها للمتعه , انا بطقها داخل قرقور واقطه بالبحر عشان اصيد هوامير , لأن يقولج الهامور يضرب على القطو والفار
اعرف واحد من الشباب كان بيتهم متروس فيران واهو راعي بحر جان يقول خلني استغل الفيران بالحداق احسن من اشتري طعم للسمج "سمك"
وفعلا يقول صدت فيران وحدقت فيهم , يقول الهوامير حلالي , طق عصي عالفار
هذا نفسه الشخص جرب قطو بالقرقور , لأن بيتهم متروس فيران القطاوه بالمنطقه كلهم تجمعوا عنده , صار بيتهم مشهور عند اي قطو , يعني اهو بيتهم في منطقه سلوى , لو تسألين قطو بالاحمدي تقوليله تعرف بيت سلوم العتوي "اسمه سالم بس مدلع روحه يقول سلوم"
راح يقولك القطو شلون مااعرفه بيت الفيران
المهم سلوم العتوي ابتلش بالقطاوه , جان يصيد منهم ويحطهم بالقراقير عنده , ويوكلهم عشان مايموتون وحاطهم بالملحق , وكل نزلت بحر ياخذ 3 قطاوه او 4 ويحط كل قطو بقرقور ويشوحه بحر يعني يحذفه بحر
يقول الهوامير والبواليل والنقارير مالهم والي , شوي ويتقطع القرقور من كثرهم
وصار كل ماينزل بحر ياخذ جم قطو , لغايه ما قرض القطاوه بالمنطقه , استمر عالحال 13 سنه يمكن , لغايه ما اطلقوا عليه سلوم العتوي , لأن من كثر ما رافج القطاوه وقعد معاهم صار يعرف يقلد اصواتهم بالضبط ويعرف شلون يقلد صوت القطو اذا معصب او زعلان او مستانس
عاد انا استفيد من قطوتي حالي حاله , يعني مثلا لو واحد عنده فخه ويبي يصيد طيور , لازم يحط غوبي "دوده مشهوره بالكويت بالاسم هذا" وهذا دوده مالها ارجل او ايادي , او يحط خنفسانه او زهيوي
يحطهم بالفخه ويصيد طيور , ليش ماقلتي حرام ؟ عشان زهيوي مايهمج يعني ؟ هم مخلوق مظلوم الزهيوي
لكن انتي تحطينه عشان تستفيدين منه بصيد الطيور واللي تاكلينهم او تربينهم
القطو جذي انا مااحطه عشان متعه , احطه عشان اصيد الاسماك و آكلها
--
التتن بالكويت نسمي تتن و الرماد اهو رماد النار , اهو صح كله رماد لكن تعودنا ان رماد الزقاره نسميه تتن
---
انا لما رحت الدوام شفت المديره بس شفتها مرتاحه نفسيا , جان ادخل واقولها صباح الخير يا وجه الخير , قالت فهد شلونك شخبارك
قلت طول ماانا اشوفج والبسمه على شفاتج اكون بخير , ولكن زعلت و تكدر خاطري لما سمعت انج تطلقتي
قالت قلعته باللي مايحفظه , وقعدت تسولف عنه وافتحت ملفاته , انا لما طلعت من مكتبها حرمت احط سري عند امرأه نهايئا
عاد المديره تستانس علي لخدمات قدمتها لها وماترفضلي اي طلب , يعني مااذكر اني طلبتها شي وقالت لأ
عاد مع السوالف قالت انت شاللي جايبك ؟ قلت قالولي انج تبين الكل يداوم ويكون عندج
قالت اي الكل بس انت لأ , روح بيتكم مابي اشوفك بالاداره , كبر المخده بس
يعني مضبطتني دوام فلاتي , وانا بداخلي ودي اداومبس ماودي اكسر فيها
وكاني عندج الحين قاعد اكتب هالقصه
بعد شنو بتعرفين
اما بخصوص اسمج اول مره اعرف ان البنت يقولولها دوديت , العاده اشوف بنت او ولد باللعبه واقوله دود او مات او جايز
هذي بالانجليزي ؟
عضو متواصل النشاط
والله قرفتني انت وسوالفك فيران وخنافس وزهيوي واااااااااااااااااااااااااع
بس ما بقول شي لان ما اقدر على لسانك ولو انا مثل ناااااس شان كتبلك مواضيع وقصص و عقبها سب واحلى توقيف حقك
وزين يوم ردوك البيت عند الي في السرداب تعال ما قلتلنا شو اخباره تعفن وإلا بعده ، والله شكله بيصير مومياء لو تم هناك
