اليوم بساعدكم بايجاد الـembers اللي من خلالها تقدرون تصنعون الاسلحةالنارية والسحرية وغيرها عند الحدادين وتاخذون تروفيز اقوى الاسلحة
ملاحظة: اذا انهيت اللعبة وبديت من جديد راح تحتاج تاخذ الامبرز من يديد عشان تخلي الحدادين يسوون لك الاسلحة بالعناصر اللي تبيها, افضل شي انك تصنع الاسلحة وتوصلها لابعد مرحلة قبل لا تنهي اللعبة عشان ما تحتاج تحولهم من يديد
CHAOS FLAME EMBER:عقب ما تذبح الزعيم سيزلز ديسجارج الموجود في ديمونز روينز ( في بلايت تاون بعد ما تذبح العنكبوتة كويلانغ ) راح يختفي البركان, انزل تحت وراح تلقى ست وحوش Tortus ( الزعيم اللي تواجه على جسر في انديد بيرغ ), بعد ما تقتلهم راح تلاحظ الايمبر موجودة بنص البركان لازم تركض لي عندها وتاخذها بس يفضل يكون عندك خاتم تحمل البركان او عالاقل خاتم تحمل النار والا احتمال كبير راح تموت قبل لا ترجع.
CRYSTAL EMBER: موجودة في Duke's Archives بالغرفة اللي تنزل فيها الدرج وتقدر تروح من خلاله الى الـCrystal Caves, قبل لا تنزل الدرج افتح الصناديق اللي بالغرفة وراح تلقاه, بس انتبه لان احد الصناديق فيه Mimicry.
DARK EMBER: موجودة في Painted World of Ariamisلما تروح للساحة اللي فيها تمثال مرأة في بير داخله سلم لازم تنزل تحت وفي طوفة خيالية ابحث عن مفتاح Annex Key وبعد ما تلقاه اطلع من البير وبنفس الساحة في باب تفتحه بهالمفتاح ادخل الباب واصعد وفوق وراح تلقى بهالمكان هالامبر, ماراح تواجه صعوبة بالبحث عنه داخل
DIVINE EMBER: بعد ما تهزم الفراشة Moonlight Butterfly اصعد البرج وبتلقاها في قمة البرج
ENCHANTED EMBER:في دارك روتس قاردنز اشتر من الحداد الختم Seal of Artorias بـ20,000 عشان تفتح الاختصار ولما تدخل تجاهل الصيادين البشر او اقتلهم المهم كمل طريجك لين تشوف وحوش من نوع الفطر او المشروم الصغير, اضرب اي واحد فيهم وراح ينحاش ودليك على مكان الايمبر ( طبعا اهو بينحاش للمشروم الكبير يعني لما توصل معاه لليمبر راح تواجه اثنين من النوع الكبير ف انتبه ).
LARGE DIVINE EMBER: في Tomb of Giants بعد ما يدزك النذل patches ويطيحك من فوق, اصعد السلم بس بدال لا تروح يمين روح يسار وكمل الطريج لين تشوف سلم ثاني تنزله, راح يكون الامبر بنهاية هالمنطقة بس انتبه من الهياكل العظمية الكبيرة راح تواجه تقريبا 5 مع بعض ف انصحك بسرعة تاخذ الامبر وترجع تصعد السلم بدال لا تجازف وتقاتلهم
LARGE EMBER: موجودة في منطقة depths ( المجاري ) بالمكان اللي فيه جزار يقطع لحم راح تلقاها بصندوق يمه على طول
LARGE FLAME EMBER: موجودة في منطقة Demon's Ruins عقب ما تواجه جم capra demon راح تنزل سلم شوي طويل وبويهك باب ضباب ابيج وقبله وحش Torus, بدال لا تروح للباب عقب ما تنزل الدرج روح يسار وراح تواجه وحشين Torus ثانيين قبل لا تدخل للمر اللي بنهايته الصندوق, بس انتبه لان قبل لا توصل للصندوق راح تقع بفخ ويصير جدامك دودتين كبار وخلفك دودتين حاول تقتل وحدة منهم وانتبه للمكان اللي انت واقف فيه لان عضتهم ممكن تقتلك من اول مرة, بعد ما تتخلص منهم بتحصل الامبر بصدوق
LARGE MAGIC EMBER: موجودة في Crystal Cavesبعد ما تهزم Seath the Scaleless ارجع للمكان اللي اهزمك فيه اول مرة وبتلقاها بصندوق
VERY LARGE EMBER: موجودة في New Londo ruins بعد ما تصرف الماي من المنطقة اللي تحت ارجع حق المكان اللي واجهت فيه الاشباح لمرة الثالثة, استخدم المصعد الموجودة بيسار الغرفة, خلك ماشي مع الطوف اللي عاليسار لين تصعد الدرج الحلزوني وبعدها امش يمين بشكل دائري لين توصل للدرج, اصعد الدرج وراح تلقى الصندوق اللي فيه لامبر على يسارك, وهذا الفيديو للتوضيح لو واجهت صعوبة بايجادها:-