الموضوع الرسمي | Mario Kart 7

[NiN RevO]

^
مبروك لومباكس وتتهنى فيها ان شاء الله و عقبالنا ناخذها الليله ان شاء الله ^_^

لول الجزء السابع رقم سبعه حتى انا اذا اخذت اللعبه بتكون اللعبه رقم سبعه عندي

[jaberxxx]

مبروووووووووووك بس كم code freind مالك

[XORO]

مبروك لك لومباكس انا ان شاء الله اخذها اليوم بعد صلاة المغرب بس بتكون ثامن لعبة اشتريها ^^

بس ليش ماخذ نسختين ؟

يالله عاد اتدرب عدل عشان الاونلاين

[king.shadow]

حماس متى باخذها بس

[NiN RevO]

السعوديه 2 / الامارات 0 لووول

[Alucard.4.ever]

قهر .... انا في العاصمة ابوظبي حاليا وناسي العدس في بيتنا اللي في مدينة العين P:

متى انزل بس من الدوام وارجع اشتريها

مبروك عليكم اللعبة لومباكس ونين وعقبالنا ان شاء الله تدربوا عدل ...

ننتظركم في الاونلاين الاسبوع المقبل XD

اخوي جابر في موضوع مثبت في القسم حط كودك او ضيف الشباب بتلقى الاكواد في الرد الاول وان شاء الله يضيفونك ...

[واوا أكس]

مبرووك لومباكس
احتمال ماشتريها لان ماظن مسليه بروحي حتى الاونلاين لو ناس ماعرفهم ماظن بستانس وايد
بس ملاحظتك انها 7 لعبه تشتريها ذكرتني بنفسي تحس نبي نشتري اي شي عشان نلعب بال3دي اس XD

[XORO]

KSA 2 - UAE 1شريت اللعبة من شارع الالعاب ب 150 درهم ^^اخذت كأس المشروم ولعبت اونلاين كم جولة طور جمع العملات الجديد رائع ومضحك

[The Last Lombax]

بسوي غرفة باسم منتدى المنتدى وبحط الكود حق الغرفة عشان نلعب سوا بدون ما نضيف بعض ^^
دقايق أسويها وأصور الكود
تعديل: تفضلوا ^^

[NiN RevO]

^
واو حلوه حركة الكميونتي
بأضيقها اليوم ان شاء الله

مبروك زورو على اللعبه ^_^

[Alucard.4.ever]

تم الشراء ب 160 درهم ... >>> تو الناس !!!

اللعبة تعتبر الخامسة في ترتيبها




جربتها مرتين لمدة 10 دقائق مرة على النورمال وجربت اونلاين ، وكما ماهو متوقع من اونلاين نينتندو ممتاز في اللعب الجماعي ..

اول مالعبت اونلاين اقول شو السالفة الكل مستوي طيارة وانا سيكل !!! السالفة يبالها تقييم ونظهر الشخصيات والسيارات مب من البداية اونلاين خخخخ ..

لومباكس شكراً على الكود بحاول ادخله قريباً

اتمنى ان نجتمع فترة ونعمل بطولات ولا تحديات في المستقبل القريب

[The Last Lombax]

حتى الآن 4 معاهم اللعبة
كل ما كثر العدد أفضل

ومبروك عليك اللعبة ألوكارد

[XORO]

مبروك الكارد على اللعبة انا الى الحين طلعت بس مركبتين + الشخصيات مالهم خص بمستوى السرعة المركبة والاطارات يلعبون هذا الدور

قروب المنتدى مهجور نفس القسم لوووووووول بس ان شاء الله نتقابل ونلعب مع بعض

حاليا اللعب في قروب ماريو بس اللي يقهر ان الاعبين ينسحبون من اللعب

فعلا قهر اول جولة يكونون 6 بعد الجولة الثالثة 3 او 2 لاعب ( احلى سحبة )

[jaberxxx]

تم بحمد الله شراء اللعبة انا و صديقي ولكن لا يوجد احد في الرووم

[XORO]

ان شاء الله نجتمع في روم المنتدى بعد تحديد الوقت المناسب + الحصول على اكبر عدد ممكن من الاعبين