قهوة WoW .. :P

[xmoonkinx]

اذا ثبحتهم مرا وحده خلاص ما تقدر تسوي كيو وتاخذ لوت منهم لازم تنطر الين الربوع علشان يصير ريسيت

[Karazhan]

اي هذا اهو

بالبدايه ماخذ راحتي كل شوي ادخل وكل ماينتهي الرايد اشوف غيره واسوي لووت مع الشله

الى ان طاحوا علي بليزرد , والمصيبه الكبرى ان حظي نحس مااخذت ولا شي من الرنات اللي دخلتها

اخ لو حظي نفس الشامان اللي كان معانا . كل القطع تطيح يحتاجها , يعني مو مثلي ادخل عشان مثلا سلاح ولما اشوف الاهبل البوس شنو قط اشوفه قاط شي ثاني

اهو لا ماعنده جبن معجف قيمر كل اللي يقطهم البوس يحتاجهم وكل اللوت يفوز فيه , قلت بشوف الجير ماله شنو , لما طالعت وله عنده كل الاغراض اللي يحتاجهم لأن كان انهانسمت و ماخذ كل القطع من الرايد هذا

والحين قاعد يجمع للاليمنتال وماكو قطعه سبل او تاير الا وتطيح ويفوز فيها

هذا اهو معروفه الصقعات دايم ياخذون حقهم من اللعبه واحنا الكباريه حدنا حدنا هيروك ويناشبونك عليه بعد 3 من القروب

ودي اصير صقعه مثلهم و اجير نفسي بيومين لكن المشكله راح انطرد من الدوانيه + ضميري مايسمحلي اسكر زرار غولتي اللي فوق والبس دشداشه بدون غتره وعقال و امشط شعري سيده والبس جواتي بالصيف طبيه يعني جيد وادخل المدرسه واقعد جدام عند طاوله المدرس واطلع الاول , ومااغشش احد ولا اغش

وبالفرصه افتحه الشنطه المخصصه للطعام واكل بغرفه المدرس عشان محد يتحرش فيني من الطلاب المصبنه و شنطتي البسها على ظهري وعليها رسمه سبايدر مان او بات مان

والسايق يمرني معاه الخدامه عشان تحميني من الوحوش بالمدرسه واهي تقعد جدام وانا ورى بالسياره

واول ما اوصل البيت اكتب الواجب وبعدين اتغدى


كل هذا واكثر مااقدر اسويه لأني مو صقعه وله الصقعات حظهم يكسر الصخر باللعبه

[Karazhan]

السلام عليكم يا شله الكوت والبلوت ورحمه الله وبركاته


مثل ما عودناكم في برنامج بكل سهره صوره

وانا اخترت هالصور لأني توه مصورهم الساعه 5 بالضبط بتوقيت بانكوك

رحت المركز وشريت شريحتين ستيك رب اي ripeye او ماتدري شلون تنكتب ولكن هالنوع من النحم "لحم" يكون الافضل والاجود للشوي , لأن مايحتاج شوي كثير يعني تقريبا دقيقتين لكل جانب , ويكون بعد الشوي مثل الزبده لما تاكله , يعني ماتقعد ساعه ونص تعلج فيه لما يطيح حنجك جدامك

وانا كمواطن شرير طرحي جميل وصوتي واصل ودايم اسهر وطبعا اضرار السهر ان تطوفك وجبه الغداء والعشاء وتقعد بساعه مالها اي معنى يعني لو تنتحر احسن واللي اهي الساعه 11 بالليل

طبعا مثل ماانتوا عارفين الانسان لازم يأكل عشان يعطي , ومثل ما قال الملك الله يرحمه قديما "نحن نعيش لنأكل" فلازم الواحد مننا ياكل عشان يشتغل زين

من هذا المنطلق حبيت اقدم لكم اكله بسيطه عملتها , ومكوناتها سهله جدا ولا تحتاج اي جهد اللهم بس انك تحط المكونات و تولع زقاره تنتظر الاكل يخلص

المهم ان بعد ما شريت الشريحتين رحت صوب الخضروات واخذت قطعتين من البروكلي او مادري شنو تسمونه انتوا , واخذت جزر يكون داخل كيس مسكر والجزر هذا حجمه صغير تقريبا كبر اصبع ايدك الاخير مو الابهام ويمكن بعد كبر الابهام , حسب ايدكم طبعا انا ابهامي طوله متر شوف انت ابهامك شطوله

المهم بعد مااخذتهم رحت اخذت سحاره صغيره من عشب اسمه روز ميري , عشب هذا مو خدامتكم , وبحثت عن الزعتر البري ماحصلته , طبعا مو زعتر اللي تشترونه للأكل مع سمسم وبس تحطون عليه زيت وتاكلونه , هذا عشب رعتر بري يكون يعني توه ما افرمونه

يعني مثل ماتقول عصير برتقال , شلون طلع عصير برتقال ياترى ؟ مو من البرتقاله ؟ برتقاله وله عرموطه ؟ الزعتر جذي يكون توه ما انعصر وصار عصير قصدي تقطع وانخلط معاه سمسم وهالسوالف , يعني خام , ماده خام مادخلت المصنع , معقوله محد فهم ؟

ماعلينا المهم اني ماحصلت , وقلت يلا نسوي الطبخه بدون الزعتر

رحت البيت وشفت الماي بالجدر قاعد يغلي , انا طبعا حاط ماي بالجدر و شبيت النار عليه ورحت مركز سلطان عشان الجو بارد وقلت يفوح الماي على ما ارجع

المهم غسلت الجزر و قطعت البروكلي وحطيتهم بصحن , و حطيت المقله الخاصه بالشوي ولما اسخنت حدها لدرجه ان طاحت فيها ذبانه وماقدرت تسوي كاست الهيل السريع عشان ترد طاقتها و احترقت بلمح البصر

المهم حطيت الشريحتين و تبلتهم بالملح والفلفل الاسود من كل صوب وتركتهم شوي , ورحت حطيت الجزر والبروكلي بالجرد و قصرت عالنار لي النص وتركتهم و رحت للشريحتين وحطيتهم بالشوايه و تقريبا دقيقتين من كل جانب

اول ماحطيت الشريحه رشيت الروز ميري عليهم , طبعا الروز ميري اكتبوا في جوجل تشوفون شكله , انا اخذت شوي تقريبا يعني لو احط الكميه في فنجال قهوه يجي نصها و قطعتهم بالسكين تقطيع عادي يعني و حطيتهم على الشريحتين بالمقله

وبعد دقيقتين قلبتهم للوجه الثاني وتركتهم لمده دقيقتين بعد وبالدقيقتين طلعت جزره واكلتها شفتها طريه والبروكلي كذلك جان اشيلهم واصفيهم من الماي وارش عليهم ملح واحطهم في الصحن

وطلعت الشريحتين بعد تقريبا 5 دقايق و حطيتهم في صحن و تركتهم 3 دقايق عشان ترتاح اللحمه وتطلع العصاره اللي فيها , هذا شي ضروري ياجماعه ان بعد ماتشوي ستيك تتركها 5 دقايق في صحن وتخلي العصاره اللي فيها يطلع عالراحه و ترفع الصحن من زاويه عشان العصاره لما تنزل تروح للمكان اللي نازل

وبعدين في كلينكس تحطه عالعصاره و تشطفه

المهم بعد ماخلصت ورحت الغرفه عشان اكل تذكرت الجواعه فيكم وقلت لازم اصور عشان يشوفون ويشبعون

تعرفون حرام اكل بروحي وانتوا ماتدرون


هذا اول ما حطيته وباكل جان اتذكركم



وهذا من قريب تشوفون العصاره اللي قلتلكم عنها تطلع منها ولازم تطلع يعني مو تشوي وتاكل على طول , وانا طبعا شطفت العصاره بالكلينكس وهذا الباقي مع شويه من غصون الروز ميري



هذي الخضره جزر وبروكلي وشوفوا الجزر ترى هذا حجمه مو مقطعه



وهذا من قريب قطعت من الشريحه شوي عشان تشوفون من داخل انها welldone وماكو دم لأن بعض الناس يحبها مديم او ميديم رير ويكون فيها دم وحتى لما يقعد يقطع فيها وياكل الصحن ينترس دم




يمكن البعض يقول شكلها عصه و ما تنعلج , ولكن ولله انها زبده واحلى من احسن مطعم عندنا ليش لأني انا مسويها , و ثاني شي العصه واللي ماتنعلج هذي تكون لحمه ماتصلح شوي وكثير من الناس يمكن على باله اي شريحه تصلح شوي وهذا غلط

في انواع واللي انا ماخذها اسمها رب اي rip eye واهي من الشرايح المخصصه للشوي لأنها مثل ماقلت ماتاخذ وقت بالشوي واذا خلصت تكون زبده بالاكل , زبده يعني تذوب بالحلج مو تصير مثل العلج "علك"

مو تنطرون بعد كل سهره طبخه , انا الحين مفلس ولما ينزل معاشي نشوف شنو نسوي , ومو شرط اكل انا فاضي اطبخ لكم كل يوم , يمكن صور مختاره من البوماتي

يلا انا بروح هيروك الحين وانتوا بعد ماتشوفون الصوره روحوا مركز سلطان واشتروا نفسي , واذا مو كويتي روح جرير , مادري جرير يبيع لحم وستيكات , اللي اعرفه يقولون كل شي يبيع حتى لعبه ووركرافت

يلا سلملم

[xmoonkinx]

شلونك ولد بطنها....متى ناوي تعزمني أنشاءالله؟ عاد المشكله قبل ساعه ماكل بس لما شفت الصور يعت مره ثانيه....

[xmoonkinx]

واذا تبي اروح وياك هيروك واهيل ما عندي مشكله, بس علشان تصير صديقي وتعزمني اذا بغيت تاكل ستيك مره ثانيه

[Karazhan]

جان قلت قبل شوي

انا سألتك سعودي او كويتي طنشتني وله كنت بقولك تبي احسبك معاي ترى بروح مركز سلطان

يلا مره ثانيه نروح الجواخير هناك عند الشباب ونسوي احلى مشويات تكه وكباب وريش وعرايس نحم

بس انت وافق

[Cry Me A River]

:

صباح الخير من جدة غير

:


كيف الشباب والشبابات ؟؟

ان شاء الله تمام ؟؟


:

[Abady Elfe]

Wounderful morning

xD

[Fluta]

صبآح النور والسرور عَ الجميع ..
شسمه حبيت أعزمكم على أحد الفنآدق المميزة في العآلم ..
كلكم معزومين ..
وطبعاً العزيمة بمنآسبة شيء مآ أدري ؤشي لكن المهم أنهآ خآصة ليوشي ..
تفضلوا ..


أنآ ترآني مآ رآح أقدر آكل لأني مزين رجيم ..

[Yoshi]

حرام عليك ياشيخ توني جاي من الدوام وجالس اتغدى ...............................................

الله لهم الحمد بس .. الحمد لله على النعمه اللى ناكلها هذي عطها ولد بطونها لانه مجربها في تايلند هههههههههههههههههههههه

[Fluta]

ههههههههههههههههههههه ..
جت في وقتهآ .. ,

[The Slim Shady]

Long Time No See y-y

[Twinked]

صبآح النور والسرور عَ الجميع ..
شسمه حبيت أعزمكم على أحد الفنآدق المميزة في العآلم ..
كلكم معزومين ..
وطبعاً العزيمة بمنآسبة شيء مآ أدري ؤشي لكن المهم أنهآ خآصة ليوشي ..
تفضلوا ..


أنآ ترآني مآ رآح أقدر آكل لأني مزين رجيم ..

الله يرجك انا كنت جوعان ,بس خلاص الحين شبعت ,, بس خل عنك الخنافس اللي بالعودان شكله لذيذه !

[لوعةالفرقا]

صباح الخيرات شباب

مبروك ولد بطنها انتهت فترة جلوسك ع الكرسي ^^

من التالي لا يكون انا خلونا نشيك ع الموضوع

يمقن ارجع يمقن لا ^^

[Karazhan]

الله يبارك فيك

ابي كلمه "يمقن" هذا نفسها يمكن او غيرها ؟ بس بالجمله كأنها يمكن

اهو انت قاطها بدليه بس مايصير بدليه ومكررها مرتين

اهي يعني عندكم بمنطقتكم دارجه هالكلمه وتقولونها عادي او انت صايدها بدليه واحد من ربعك و الزقت بلسانك نفسي لما اصيد بدليات وبعدين انا اقولهم نفس بجرر يعني برجر و نحم يعني لحم وغيرها

او منطقتكم لهم كلمات غير عن مناطق السعوديه

ياليت يعني لو توضح