Silent Hill Downpour

[(Walter Sullivan)]

^^
لا فقط الـ Main Theme من فرقة Korn ... اللعبة من تلحين Daniel Licht ...

Akira كان له دور فعال في تلحين السلسلة وبالفعل حسيت اني افتقدته في Downpour .

[Arashi]

هلا ذا هيل وتسلم عالرد ^^

والتر..اكبرا فعلا مكانه مبين..وهو قال ان ماعنده مانع يلحن للسلسله لو كونامي طلبت منه
لكنه قال هالكلام في وقت متأخر

يمكن يلحن للاجزاء القادمه والله اعلم @@

[(Walter Sullivan)]

^^
بيني وبينك بالنسبة لي ما عاد أبغى أجزاء جديدة للسلسلة من فرق مغموره إلا إن كان من Team Silent وهذا شيء مستحيل ... لا كونامي خلاص يكفي تشويه .

[W A R I N I G]

نهيت اللعبه اليوم للاسف حرام تتسما سايلنت هيل

اشوف الجزء الخامس كان ارعب

واكبر عيوب هذا الجزء الوحوش الغبيه والسخيفه

اضحك عليهم يوم يطلعون لي بدال مااخاف

[Arashi]

ههههههه
صح هو الجزء الخامس كان مرعب وفيه ميتات شنيعه
بس هالجزء مب سيء ومثل ما قلت..الوحوش @@
لو نوعوا فيها كان افضل

اي نهايه طلعت معاك؟

[C O N A N]

انهيت اللعبة قبل فترة ...

مدينة سايلنت هيل تصميمها رهيب و اجوائها خطيرة , دايماً اوقف اتأمل
لولا دخلات الوحوش العبيطة اللي تخرب الجو -__-

اكثر لحظة خلت شعري يوقف

الـمسرح اللي في الكنيسة
مع الإضاءة الخافتة و صوت الآهات في الخلفية شي عجيب

السينما و اللعب داخل الفيلم المعروض ع الشاشة بالطريقة الكلاسيكية T__T


الباقي سيء ...


النهاية اللي طلعت , مـرفي يشتغل مكان السَّجَّان السابق و الشرطية تكون سجينة بدال مرفي !
شفت باقي النهايات ع اليوتيوب لأن مالي نفس اعيد اللعبة بس برضو ما فهمت

ممكن احد يشرح لي ؟

[Arashi]

ممكن احد يشرح لي ؟

هممممم

اوكي...أولا في نقطه مهمه لازم تتوضح قبل شرح النهايات
وهي
انه لا توجد حقيقه ثابته في القصة....وهنا أقصد ميرفي
هل قتل فرانك أم لم يقتله؟
يعتمد حسب اختياراتك في اللعبه

لو تذكر سايلينت هيل 2...

في كل الاحوال والطرق اللي تسلكها والنهايات اللي تظهر الحقيقه واحده وهي ان جيمس قتل زوجته

لكن داونبور شي ثاني تمااااااااااااما..فكل نهايه تعتمد على امر واحد وهو قتل ميرفي لفراند او لا

فتحت موضوع خاص بالنهايات اتمنى يفيدك ^^

http://www.montada.com/showthread.php?t=743946

[W A R I N I G]

طلعت 3 نهايات الاولى يوم تقتلني الشرطيه وثانيها يوم مااقتلها و 3 يوم اقتلها

[Arashi]

^^^
احلى مافي اللعبه انك تقدر تطلع 3 نهايات بدون ما تضتطر تلعب من يديد XD

[sweet Mio]

اروووش  يعطيج العافيه .. ششكل اللعبه حلوة مع اني مش من محبي سايلنت هيل .. مادري اتوقع اشتريها بس بالاول اخلص heavy rain & infamous2 .. يعني مطووله شوي .. وغير جذي سمعت ان ماقدر اخلصها بدون ما اشوف مقاطع عاليوتيوب بسبب صعوبه الغازها 

[R.P.G]

أنا بديت فية متأخر .. لأني كنت متردد بشرائة بعد ما قريت تقييم IGN اللي كان 4,5 من 10 @_@

وبعد ما ختمت كل النهايات صراحة اكتشفت انهم ظالمينة بهالتقييم المنخفض واعطية 8,5 / 10 ..

[Arashi]

اروووش  يعطيج العافيه .. ششكل اللعبه حلوة مع اني مش من محبي سايلنت هيل .. مادري اتوقع اشتريها بس بالاول اخلص heavy rain & infamous2 .. يعني مطووله شوي .. وغير جذي سمعت ان ماقدر اخلصها بدون ما اشوف مقاطع عاليوتيوب بسبب صعوبه الغازها



اموووووووووووووت عالسلسله مب بس احبها XD
لالا عادي تخلصينها بدون يوتيوب...في بعض الصناديق والخزنات صعب تفتحينها لكنها مب مهمه عشان تنهين اللعبه @@

وبعد ما ختمت كل النهايات صراحة اكتشفت انهم ظالمينة بهالتقييم المنخفض واعطية 8,5 / 10 ..

انا حرّمت اخذ بتقييمات هالمواقع >_<
كفايه أقرا المراجعات واعرف المزايا والعيوب...احيانا تكون عيوب بايخه ما تستاهل تنزل التقييم @@

[Mr.Tommy]

جزء ممتاز,, تتواجد فيه بعض العيوب لكن بشكل مجمل جزء ممتاز

[Arashi]

العيوب اللي فيه تقنيه مثل لما يعلق وقت الحفظ...لكن في باتش نازل يعدله

وفي شي في القصه اجوفه عيب وهو

ان صار في احتمالين لميرفي: اما يكون قاتل ابنه او لا....واما يكون قاتل فرانك او سويل اللي قتله
لو كان احتمال واحد باختلاف النهايات كان افضل

[Mr.Tommy]

النهايات ممتعه لكنها ما تشبك احداث القصة بالشكل المطلوب, يمكن عشان جذي كانت القصة وايد predictable عكس الاجزاء اللي طافت, كنا ننتظر
شي يصدمنا بالاحداث وانهينا اللعبة واحنا ليلحين ننتظر للاسف