عضو جديد
سـبحـان الله وبـحـمـده 
يـا أخـي لا تهوّر الأمـور
مـَن قـال أن هـذا شـيـخ ؟؟
هـذا واحـد مـلـتـزم ((مطـوّع)) يعـنـي ضـع العنـاويـن فـي محـلـّها ولا تنـقل وتكـتـب أيّ شـيء
ففـي الأمـس نـقـلت حـديث خـاص بالشيـعـة واليـوم تقـول شـيــخ أبكـى وبكـّى الناس .. ثـم هـذا المقطع أو الخبر قديـم
وهـذا القـسم خـاص بالأخبـار اليـوم وأنت تنقـل خـبر مـضى عليـه سنـة وشهـور ..
عضو جديد
انا مالي بالخرابيط هذي حديث شيعي ولا سني انا الي اعرفه اني درست بالمناهج هالحديث هذا وواجد مر علي ، عاد اليوم اكتشفتم ان هالحديث شيعي هذا مو ذنبي ، وشغله ثانيه هذا شيخ من شيوخ جشعم شمر
عضو جديد
مو مشكله بنقل اخبار امس اذا هالشي مزعلك ؟؟
عضو جديد
وهذا قبل امس صاير ولا تزعل
عضو مميز
ياخوي انت شراره
بسرعه تعصب الله يهديك
طول بالك اذا عندك قضيه تبي توصلها مو بالطريقه هذي , انت جذي ماراح تشوف اللي يوقف معاك طالما كل شخص كتبت كلمه عصبت عليه وقعدت تهاوش
عضو كمال اجسام خبير
شي غريب والله الجنسيه صارت هم البدون الأكبر بس أقولك عندي ربع من البدون ما خلوا الجنسيه حاجز بينهم وبين أحلامهم ترى كلها جنسيه وبالأصل أحنا كلنا مسلمين محد فرقنا غير هالجناسي أحنا كنا دوله واحده بس شوف اخي العزيز ربعي من البدون ما أهتموا أبدا بالجنسيه هم يعرفون أنهم من الكويت وما يحتاج أثبات وما شاء الله عليهم كل واحد راح لدول مثل أستراليا وأخد جنسيه ودرسوا وتخرجوا دكاتره شوف هذولا هم ألي ما أستسلموا للعقبات بس شوف شنو يصير ألحين صار بعض بدون يستسلم ويقعد ويحط رجل على رجل وينتظر الجنسيه لمده 50 سنه ياخي لو 100 سنه ما يعطوك فلا تضيع عمرك على هذي تفاهات أنت يمكن بتفكر ربعي هالبدون عندهم اهل يساعدونهم بس أقولك راح كلاجئين يعني خاطروا بكل شي في سبيل التطور والحين ما شاء الله عليهم موجودين بالكويت ويشتغلون بأستراليا واروبا ومعاشاتهم ما شاء الله فأنت شنو بتسوي لو محد بيسمعك بتقعد بتسوي مظاهرات شنو بتسوي ؟
سبحان الله وبحمده سبحان الله العظيم
ما شاء الله
عضو جديد
لمن تعيشون حالة البدون وقتها بتفهمون معنى المعاناة , يعني لا مستقبل ولاشي عايش وكأنك مو عايش , ماكو وظايف ولو توظفنا راتب ضعيف وماكو قانون يحمينا بالوظايف لدرجه مره اشتغلت 7 شهور ما استلمت راتبي وكان راتبي بس 100 دينار , ابي اعرف شغله انتم ليش زعلانين شنو فيها لمن اتكلم عن حقوقنا الضايعه , انا ما جذبت بشي هالشي صج صاير , بس اقول لكم اتقو يوم ترجعون فيه الى الله شنو بتقولون لرب العالمين وانتم واقفين ضدنا ترا رب العالمين ما يرضى بالظلم والظلم ظلمات يوم القيامة
انا الحين راسي مشيب صار ابيض ومو قادر اتزوج ومحد يرضى يزوجك من دون عقد زواج لانك بدون
اما الاخ الي يقول ليش تظل بدون روح هاجر , ياخي وطني ليش اتركه , وعلى موضوع الهجرة الى استراليا هذا رابط فلم يتكلم عن بدون مهاجر شوفوا المعاناة
عضو مميز
محد جذبك ومحد قال شي يقول ان ماعندك سالفه , الا الاخوان بعضهم قالوا انهم مو كويتيين ومايعرفون الوضع الحقيقيالمشاركة الأصلية كتبت بواسطة mr5z
لمن تعيشون حالة البدون وقتها بتفهمون معنى المعاناة , يعني لا مستقبل ولاشي عايش وكأنك مو عايش , ماكو وظايف ولو توظفنا راتب ضعيف وماكو قانون يحمينا بالوظايف لدرجه مره اشتغلت 7 شهور ما استلمت راتبي وكان راتبي بس 100 دينار , ابي اعرف شغله انتم ليش زعلانين شنو فيها لمن اتكلم عن حقوقنا الضايعه , انا ما جذبت بشي هالشي صج صاير , بس اقول لكم اتقو يوم ترجعون فيه الى الله شنو بتقولون لرب العالمين وانتم واقفين ضدنا ترا رب العالمين ما يرضى بالظلم والظلم ظلمات يوم القيامة
انا الحين راسي مشيب صار ابيض ومو قادر اتزوج ومحد يرضى يزوجك من دون عقد زواج لانك بدون
اما الاخ الي يقول ليش تظل بدون روح هاجر , ياخي وطني ليش اتركه , وعلى موضوع الهجرة الى استراليا هذا رابط فلم يتكلم عن بدون مهاجر شوفوا المعاناة
لكن بما اني كويتي واعرف الوضع الحقيقي ماقلت عنك جذاب ولا زعلت ولا قلتلك لا تتكلم
لكن انت تعصب بسرعه لما احد يرد عليك و الحين صرت تتهم الناس بعد وانت ماتدري ان في بعض اللي ردوا عليك بدون بس عاقلين ويناقشون بعقلانيه ان صار موضوع البدون , لكن انت بسرعه تثور وتعصب وهالشي مايخدمك اذا كنت تبي تناقش احد عن موضوع البدون
اقل شي راح يستغل نقطه ضعفك هذي ويخليك تقول كلام يمكن يوصلك للتوقيف , يعني مثلا ارد عليك من البدايه واقول لا محد يستحق من البدون الجنسيه , وكلهم خونه
شنو راح ترد علي وانت طبعك شراره جذي ؟ راح تغلط علي واشتكي عليك بالاداره وتتوقف , لا انت قلت الكلام اللي كنت ناوي تقوله ومخطط له ولا خدمت قضيتك اللي دخلت عشانها
قبل ان تحمل على كاهلك قضيه عشان تدافع عنها , اول شي تعلم الصبر
اما جذي راح تنحش العالم منك
واعذرني ان كان كلامي في شي يزعل
ضوابط المشاركة
