استفساراتكم واسألتكم هنا 4

[Karazhan]

battle.net

[Karazhan]

لأنك لازم تكون في المكان المطلوب عشان تسويها

نصيحه اخويه لا توقف عن اي كويست

اذا شفت كويست معقد اتركه و شوف غيره

عندي موقع wowhead.com اكتب اسم الكويست فيهواهو يعطيك خريطه ومعلومات عنه وشلون طريقته

اما الاسلحه والجير يفضل انك تشتري من المزاد او لما تنهي كويست او لما تذبح حيوانات بعض المرات يعطونك اسلحه , يكون اسم السلاح او الجير باللون الاخضر , هذا حلو لك , واللي اقوى منه اللي اسمه باللون الازرق واللي اقوى بالبنفسجي

بس عاده راح تشوف اللون الاخضر لأن كثير يطيح , او ادخل دنجن مع الشباب عشان تاخذ قطع و اسلحه باللون الازرق

[البتار دانتي]

إيش المقصود بالكويست؟؟؟
تعبتك آسف بس مراح أنساك من دعائي

[Karazhan]

الله يسلمك

الكويست او quest اهو المهمه اللي تاخذها من اي شخص وتروح تخلصها ويعطيك مكافأه اما جولد و XP او بعض المهمات يعطونك items جير او اسلحه

اي واحد فوق راسه علامه ! باللون الذهبي هذا عنده كويست تاخذه واذا خلصته يصير فوق راسه ؟ بالذهبي

[البتار دانتي]

جزاك الله ألف خير ( إذا بغيت أطفشك ثاني كيف ألقاك؟؟ )

[البتار دانتي]

الفرق بين PVP والنورمل

[Karazhan]

جزاك الله ألف خير ( إذا بغيت أطفشك ثاني كيف ألقاك؟؟ )

نادني قول دوووووووووووووق فلييييييييييييييييييييييت واطلعلك

[Karazhan]

pvp يعني سيرفر لاعب ضد لاعب

يعني اي لاعب تشوفه من الفاكشن الثاني تقدر تذبحه او يذبحك

يمكن ماتعرف يعني شنو فاكشن بعد

يعني اللي ضدكم ان كنت هورد تقدر تذبح اي لاعب الاينس تشوفه او العكس ان كنت الاينس وتشوف هورد يمشي تقدر تتهاوش معاه و اما يذبحك او تذبحه


اما النورمال مافيه الشي هذا الا اذا اثنينكم فعلوا البي في بي , وبدون تفعيل ماتقدر تضربه او يضربك , وهذا افضل للي يحبون التلفيل و الدنجن والرايد , يعني تتمشى باللعبه كلها محد يتعرضلك , الا الحراس اللي ضدكم , اما باقي اللاعبين اللي ضدك مايقدرون يذبحونك

[البتار دانتي]

دوووووووووووووق فلييييييييييييييييييييييت
عرفت كيف أستعمل السنارة *_*
-أبي كل إلي تعرفه أو لو في موضوع في المنتدى عن الأعمال كالحداد والخياط وإلخ.....
-أنا عندي كمهن الدباغ وما أدري وش أختار ثاني وإيش أفضل مهن (للمبتدئ)؟
-كيف أحصل على حيوان أليف أو حوان للركوب ؟

[Karazhan]

في موضوع مثبت شرح اللعبه للمبتدئين

بخصوص اكتبلك كل اللي اعرفه , هذي صعبه شوي لأن اللعبه كبيره حيل وانا تقريبا اعرفها كلها لكن مااقدر اكتب كل شي اعرفه لأن بتاخذ وقت وصفحات كثيره

لكن اللعبه انت تتعلم عليها شوي شوي , يعني لاتستعجل عليها لأنك راح تقعد يمكن 5 سنين فيها

الدباغ حلوه لكن تحتاج تكون معاها leatherwork مادري اذا كاتبها صح , عشان الليذر وورك يسوي جير ليذر و ميل ويسوي انجانتات تزيد قوه بعض القطع

لكن اغلب الناس يتجهون الى وظيفه الmining لأنها تدر عليهم جولد , طبعا حسب الشخص ان كان عنده اكثر من شخصيه يختار وحده فيهم ويخليها mining + herbs عشان يجمع الصخور و الورود ويبيعهم بالمزاد لأن سوقهم ماشي

وانت طبعا حر بأختيارك للوظائف

لكن تبي نصيحه , روح تعلم المايننق mining وانت بما انك بالمكان الاول , راح تبدأ ترفع skill الوظيفه مع لفل الشخصيه , ولما توصل لفل 85 تكون الوظيفه واصله سكيل 500 من زمان

لأن الصخور اقل شي تبيع ب10 جولد للستوك , يعني 20 حبه ب10 جولد , ولما توصل للصخور اللي في المناطق الجديد اللي انزلوا في توسعه الكاتا راح تبيع الستوك ب40 جولد , الحين ماادري كم وصل سعر السوق وحسب السيرفر , بس فيها ربح الوظيفه

وبعدين عاد شوف وظيفه جديده وابدأ ارفعها لكن ماراح تغير شي كثير يعني , دام الجير متوفر الحين بكل مكان , يعني اقصد لو تلبس جير ازرق الحين بعد 5 لفلات تشوف جير اخضر افضل منه و تستبدله

ولما توصل 85 الجير متوفر بكل مكان , تدخل LFR بجير PVP و تاخذ التوكن والقطع اللي تطيح

فأنصحك تشوف وظيفه تطلع منها جولد , بما انك جديد وماعرفت مواقع بيع جولد او بوت يجمع

اما الحيوانات الاليفه تحصلهم بالمزاد او بعض الوحوش اذا ذبحتهم يعطونك بت , بس نسبه السقوط تكون 1%

والحيوانات اللي للركوب او اللي نطلق عليهم اسم مونت هذا تاخذه في لفل 20 والسرعه تكون 40% و لفل 40 تروح للمدرب وتتعلم للسرعه 100% و لفل 60 تروح للمدرب وتتعلم الطيران وتشتري مونت يطير و لفل 70 تتعلم من المدرب الخاص بالطيران هذا السرعه 280% بس تكلفك جولد يمكن 5 الاف جولد

اذا ماعملوا خصم عليها

هذا كل شي



*تعديل


اتمنى الاسأله اذا كان عندك سؤال تكتبه بقسم الاستفسارات فوق , وتشوف تحت او بالصفحات الثانيه عن مواضيع تتعلق بالوظائف داخل اللعبه , لأني اذكر ان بعض الاعضاء اكتبوا عن الوظائف بس ماادري وين بالضبط

[البتار دانتي]

جزاك الله خير

[aTurki]

السلام عليكم
شباب انا سويت لي واريور تانك بس اذا دخلت الدنقن احس الوحوش تفلت مني وش المطلوب مني عشان اقدر اسيطر عليها وماتفلت مني؟
دخلت فيه 2 دنفن تانك بس احس الوحوش تفلت مني صراحه ودي اجرب التانك وتوني بديت فيه اللفل 17
طبعا صرت اسمع كلمت نووب كثيرر هههههههههه

[Karazhan]

اذا تبي تصير تانك مزبوط

زي ابو شنب الله يحفظو , لازم تتبع التعليمات التاليه

اول شي

Defensive Stance

لا تغيرها نهائيا طالما انت التانك

بعدين

Charge

على الوحش اللي تبي تذبحه

بعدين

Rend

عشان تخليه ينزف دم احمر او وحش يمكن دمه ازرق

بعدين

Thunder Clap


عشان تضرب جماعي اذا كان مع هالوحش وحوش اخرى

ولازم تحط نقاط في التالنت بالحركه هذا

Blood and Thunder


ادري بتقول ليش

لأن هالحركه تقول اذا استخدمت Rend على التارجت وبعدين عملت thunder clap راح يصير كل الوحوش اللي عند التارجت فيهم Rend وينزفون

وانت طبعا المطلوب منك ان تسوي thunder clap كل ما فتح الكول داون مالها , يعني تضل شغال عليها طول المعركه اذا كان اكثر من وحش يا وحش

وبعدين عندك حركه تاخذها في لفل 24 يمكن اسمها Cleave وهذي تضرب جماعي , يعني اذا امامك 3 تضرب بالكليف عشان تدمج عليهم ثلاثتهم , وبالطريقه هذي تصير كل حركاتك جماعيه و مايفلت منهم احد


شلون يفلتون وانا عملت كل هالحركات , الملك اللي تاخذ منه المعلومات طلع ملك فالصو

سؤال يطرح نفسه

صح مرات تسوي كل شي بس يفلتون منك

السبب طال عمرك وعمر المشاهد والمستمع ان خصوصا بالوقت هذا , صاروا الناس لابسين جير التلفيل , والجير هذا قوي ويمشي مع اللفل , يعني انت تصعد لفل تصير 20 بس لما تشوف الجير مالك راح تحصله لفل 15 او قطعه 12 او قطعتين لفل 17 وهكذا

يعني لما تدخل دنجن او على قوله السعوديين دنقن راح يكونون معاك شباب لابسين جير التلفيل وياكثرهم , لأن الحين كل الناس عندهم الجير ويدزونه لشخصياتهم عشان يلفلون

لذلك يكون الدمج عالي وانت دمجك اقل بكثير , لذلك يسحبون منك الاجرو و يروحون فيها

اذا عندك لفل 85 وماعندك جير التلفيل روح اشتره ودزه للوورير عشان يصير اقوى ومايفلت احد من الشباب الوحوش

واذا عندك وفوق هذا يفلتون اعمل الطريقه اللي قلتلك وحط نقطتين بالتالنت اللي قلتلك و راح تمسهم , استعمل هيروك سترايك ولما توصل لفل 24 روح المدرب وتعلم منه حركه كلييف عشان تضرب جماعي

والسلام عليكم ورحمه الله وبركاته

[aTurki]

مشكور والله بس اخوي اذا حطيت هذي Defensive Stance ماراح اقدر استخدمها راح تقفل Charge

[Karazhan]

مو ضروري الشارج

انا بس اعطيك فكره عن الهجوم

لأن بالتالنت بعدين في حركه تحط فيها نقطه وتشغل الشارج بالتانك

لكن اذا عندك السرعه الكافيه تقدر تستخدم الشارج بالarms ولما توصل للتارجت تغير الى الديفنسف

لكن مو ضروري على كل الاحوال