لا تحصر الاحاديث وتقول انها في تنظيم القاعده , انت اولا اعرف شروط الجهاد و انظر هل تنطبق على تنظيم القاعده بعدين قول هم الفئه اللي مقصوده
هل الخوارج في زمن علي بن ابي طالب رضي الله عنه هم الفئه اللي على حق مع انهم اقليه و يطلق عليهم فئه ؟
وين الجماعه يا استاذ
ليش ماتقول الشيعه هم اقليه و هم الفئه المقصوده ؟ ليش لما تكون المسأله بين شيعه وسنه قلت سنه , واذا اصبحت بين سنه وتنظيم القاعده اصبحت تنظيم القاعده
خرجوا عن الطاعه كلهم , كل واحد فيهم كان معزز ومكرم الى ان خرج من الجماعه و ذهب الى افغانستان تحت رايه الجهاد , بدايه كانوا مجاهدين ايام الروس وبعد الجهاد رجعوا لأوطانهم
لكن بعد الروس تغيروا وخرجوا من الجماعه , كل واحد فيهم انكر امير بلده او ملكه واصبحوا مجموعه منبوذه مالها هدف بالدنيا الا القتل
انت تذكر بدايه الامر كان القتل عشوائي , لا تقول مااذكر , كان القتل عشوائي والناس تموت ولا تدري ليش تموت
بعدين من قريب اصبحوا لا يستهدفون الناس , طبعا قليل جدا انهم مايستهدفون الناس
تجي انت وتحط ايه تقول هاتوا برهانكم , مايحتاج برهان يا ابو وضحى
انا رجل انعم الله علي بنعمه العقل , افكر قبل اقول الكلام ولا انظر الى افعال الناس , يعني مااسمع تقرير صادر من البنتاغون يقول ترى تنظيم القاعده دمر قواعدنا او تقرير من وزاره التجاره تقول ترى خسرنا من هالتنظيم
انا منصف اعطي كل ذي حق حقه , ولا اسمع من ناس الا ويكونون وسط , لا مع هذا ولا مع ذاك
انا اعلم ان في علاقه بين اسامه و الاداره , اذا قالت الاداره كلام او اصدرت تقرير عن بن لادن مااصدقه ولا حتى اعترف فيه , واذا قال اهو كلام نفس الشي مااعترف فيه , لأن اشاهد الواقع
الواقع قاعد يقول غير , مجرد تقارير مفبركه هم اساس اللعبه شلون تبيني اخذ فيها واصدقها
انا الحين لو ادخل بأسمي هذا و ادخل بأسم مستعار اخر , واتكلم عن علم محد فيهم يعرفه او مثلا ادخل في مناظره دينيه
اسمي الاول كرزان و اسمي الثاني اليهودي , واناقش بين الاسلام واليهوديه في امور صعبه على القارئ انه يعرف اجاباتها
وانا يا كارازان محضر كل الاجوبه عندي , وقعدت اسبوع اجمع الاجوبه الصحيحه 100%ّ واللي اي شخص يسمعها ما يشك انها مغلوطه و انها هي الاجابات اللي جاوب او قالها كبار العلماء
طبعا محضر الاجوبه قبل الاسأله , واقعد هني عندكم وافتح الموضوع هذا , اسأل و اجاوب على نفسي
تتوقع هل الناس تعجب فيني ؟
يمكن انت لأ , لكن في ناس راح تقول "ماشاء الله على كرزان افحم اليهودي"
"كرزان احبك في الله" "كرزان عالم مو سهل طلع"
ومن الكلام هذا راح اسمع الكثير , والناس مايدرون ان اليهودي هذا انا ايضا وباليهودي اسوي نفسي ماعندي اجابات او افحمني كرزان
طبعا , الاجابات راح تكون موجوده عندي , لكن الناس يمكن تحب تشارك , ف يشاركون ويقولون اللي عندهم , يمكن يصيبون ويمكن يخطأون لكن انا جوابي راح يكون الشافي اللي مابعده جواب , ولما الناس يتوهقون بأجابه يقولون انطروا كرزان نشوف يتوهق مثلنا او يجاوب
وادخل انا كالفارس بنظرهم واجاوب اجابه بالصميم , الناس راح يحبوني بعدها
شفت اللي فوق هذا
شفت الكلام اللي فوق واللي كتبته ويمكن تقول شدخل الكلام بالموضوع
هذي الطريقه اقرب طريقه لدخول قلوب الناس
هل تعلم يا ابو وضحى البحريني , ان هذي الطريقه عملتها امريكا و مشت عليك او ماتدري
تدري ان جائوا بتنظيم القاعده ليخدعوا الناس الناس البسطاء واللي يبحثون عن الدفاع لدينهم بس مو عارفين شلون , جائوهم بتنظيم القاعده عشان تخليهم يعبرون عن شعورهم
وللأسف انجرف الشباب خلف التنظيم وامريكا , يحسبون الشباب ان الاثنين اعداء بعض ولا يدرون انها صناعه امريكيه