الريــاض.....مدينة الفصول الاربعة.....................

[رجــــــون]

لييش مستغربين جو الرياض دائماً وعلى طووول حلو

<:::::::تلعب على نفسها


بعدين مافيه ولا دوله بالعالم مثل جو الرياض هذي احسن ميزه لانه صاير جو مميز

[Chandler]

ورد...

واكثر....بس وش نسوي....هـــ <<< الرقابه قصت باقي كلامي ?:


بهلول...

لا...الرياض تحديدا...غيرها ما قد شفت.....


رجون...

ايه صح...جو مميز...اطلع للبر الصبح عشان الجو حلو...وارجع العصر وانا فيني الربو عشان الجو انقلب لغبار ?:

[silverpaco_101]

بالعكس احسن شى عشان محد يتشرط إذا كان برد قلتوا: يزين الحر
و إذا جا الحر : قلتوا يزين الحر

أما إذا صارت كلها بيوم واحد تجى على مزاج الواحد :6

[جـــدة غير]

والله مدري شكلهم قصوها كذا كخخخخخخخخخخ

[عماد 18]

هع ..
بريدة عندهم الفصول الستة بعد .
اليوم و انا اركض عند بحيرة الاسكان <== يعلمكم انه رياضي ":" ..
اول شي الجو روعة ما في شمس و نسيم العلالي هي اختياري احم قصدي نسيم حلو ..
في ربع المسافة وقف الهوا و صار حر شوي ..
في نصف المسافة صار برد و بدت تمطر ?:
في ثلاثة ارباع المسافة طلعت الشمس و صار الجو ربيع ..
في اخر المسافة غيمت من جديد و صار الجو رطب ؟!
بس اذا اكلت سنكرز كرانشر تنسى كل شي و يصير الجو خريف ":" ..

[عماد 18]

يمدحون الفتوشوب ..

[الجليله]

مشاء الله عليكم يابختكم

مو احنا خلف الله علينا طول الوقت حر :!

والله خلاص في الاجازة باروح الرياض وابيك هناك شهرين:6



سوسو;-)

[ضايع]

والقهر

في ايام الدراسة والاختبارات يجي المطر:6

[Gio]

هاع و الله عندنا بالشرقيه مررره حررر و مره مطر و جو حلو

[جـــدة غير]

الرسالة الأصلية كتبت بواسطة عماد 18
يمدحون الفتوشوب ..

ممكن ليش لا كل شي وارد

اقول عماد 18

عرفت وش تقصد في حركة =====8======

كخخخخخخخخخخخخ شفتها وش رايك فيها النظام نظام والقانون قانون

ترضى أحد يركب قوف القانون انا ما ارضاها على نفسي ;-)
لا يكون أرحجتك بس ;-)

[Arsene Lupin]

و الله فله الجو في الرياض



و الله عندنا في كانساس انواع الاجواء --- حتى يقولون من كثر استهبال الجو فيه احتمال يجي اعصار -- قاعدين يجربون --- علينا بروفات للاعصار ----

يجيك الصبح الجو فله-- و في الظهر نبدا ننشوي --- ثم يجيك في الليل البخار تشوفه يطلع من اثمك -- و تقعد ترقص من البرد ---

هذا غير البرد و الثلج و المطر اللي يجون تصانيف --

للمعلومية -- ايام العواصف الثلجيه طلعنا في ال CNN ---- هع

و الله تشوف السيارات تتزلج و تكامخ في بعض --- و عمدان الكهرب تطيح و انواع الحرايق في هالاشجار ---

--- بس احسن شي عطونا عطلة يومين هع ":" ":"

[جـــدة غير]

زي عندنا الشرقية تقريبا يوم حر يوم برد يوم مطر من غير برد

يو تطيح في اوراق الشجر :0) :0) :0)

[ايش رايك تدخل؟]

منقول..
كيف تأكل الفصفص؟ اقل لك من أنت!

الناس أنواع..
1-اذا كنت تأكل الفصفص بسرعة وانت تسولف فانت شخص مبعثر! حار لكن سنع يعتمد عليك في المهمات!
2- اذا كنت ترمي القشم في الارض فانت شخص غير مرتب!
3-اذا كنت تاكله بهدوء وانت تسولف.. فانت شخص منظم وهادئ وحكيم!
4-اذا كنت تاكله وانت تذاكر فانت طالب فاشل!
5- اذا كنت تاكله وتحط القشم في ورقة وتلفها فانت عربجي
6-اذا كنت تختار المقشر فانت كسول!
7- اذا كنت تحب تاكله في السيارة فانت مهموم!
8- اذا كنت تاكله مع الناس فقط فانت عملي!
9-اذا كنت تاكله بلحالك غالبا فانت طفشان!
10-اذاكنت ماتحب الفصفص ليش تقرا؟!
التفسير..
طيب وش التفسير؟!
اقولكم..
1-اذا كنت تحب تاكله بسرعة فهذا يدل على انك عجول وبالتالي مبعثر لكن سنع لان الشخص السنع لا يمكن ياخذ راحته وهو ياكل فصفص تلقاه بسرعة يخلص اشغاله!
2-واضحة مايبيلها شرح الا اذا كان فيه واحد غبي مافهم ترى ماراح اشرح لانه مستحيل يفهم بعدين!
3-الشخص الهادئ ياكل الفصفص بهدوء طبيعي وبمااننا نهجم على الفصفص هجوم فأكيد الشخص اللي ياكله بهدوء عاقل وبالتالي حكيم -استنتاج مافيش منه!
4-الطالب الفاشل ماله خلق يذاكر وبالتالي اذا قعد يذاكر يجيب شي معه علشان يهرب من المذاكرة واحسن شي له الفصفص!-مثلي الله لا يبلاكم!
5-اللي يحط القشم في ورقة ويلفها هذي حركة يقالها مرتبة بس هي خرطي لان فيها ضياع اوراق وبعدين شكل الورقة بعدالتقشيم تحوم الكبد! وبما ان شبابنا يحبون مثل هالحركات ربطت بينهم! ذكاء خارق!!!
6-اوضح من رقم2
7-ليش مهموم؟ لان السائق في السيارة تمر عليه اوقات كثيرة ما يسوي فيها شيء مثلا ينتظر الاشارة والا اللي قدامه يتحرك والا اي شيء! فبالتالي يغرق في الهواجس والافكار! وعشان كذا يهرب من التفكير فيحط عنده فصفص!
8-اذا كنت تاكله مع الناس! الانسان العملي مايحب يضيع وقته وعشان كذا يشوف ان الفصفص ضياع اوقات بس ياكله مع الناس مجاملة!
9-اذا كان ياكله بلحاله فهو طفشان ماعنده شغل قال احسن شي اقشم فصفص!
10-هذي للأذكياء فقط!
انا عارفة ان استنتاجاتي ستكون في كتاب اول من! وتعطى عليها جائزة نوبل بس عشانكم باتنازل!?: ?: ?:

[عماد 18]

الرسالة الأصلية كتبت بواسطة جـــدة غير


ممكن ليش لا كل شي وارد

اقول عماد 18

عرفت وش تقصد في حركة =====8======

كخخخخخخخخخخخخ شفتها وش رايك فيها النظام نظام والقانون قانون

ترضى أحد يركب قوف القانون انا ما ارضاها على نفسي ;-)
لا يكون أرحجتك بس ;-)

وش فيه كابتن قايد :6 ؟
لا ما احرجتني و لا شي ..

[عماد 18]

-اذا كنت تاكله بهدوء وانت تسولف.. فانت شخص منظم وهادئ وحكيم!
7- اذا كنت تحب تاكله في السيارة فانت مهموم!
9-اذا كنت تاكله بلحالك غالبا فانت طفشان!

طيب و اللي يجمع كل هالصفات ؟!