قهوة WoW .. :P

[Karazhan]

كأنه صار وردي

خلفيه المنتدى اي لون مو ابيض

[Karazhan]

السلام عليكم

انا بصدد مناقشه الاعضاء عن برنامجي الانتخابي و المسابقه التي اطمح للفوز بها بعد ان تكرمونا بأصواتكم العزيزه

اول شي انا استشرت اللجنه الاعلاميه الخاصه و توصلنا الى ان اقول مافي جعبتي لكم , لا ان يأتي احد المفاتيح الانتخابيه ويقول و يوعدكم وتضيع المصداقيه

اول شي انا اخترت اسم الحمله الانتخابيه لهذه المسابقه "نحن منكم واليكم" و ان شاء الله اكون قادر على تحمل المسؤوليه والمطالبه بحقوقكم المسلوبه و رد المظاليم و ارجاع الديمقراطيه المسلوبه

من جدول اعمالي انني سوف اطالب بدمج العاب الكمبيوتر كافه بقسم واحد فقط , كما هو الحاصل في كافه المنتديات العربيه والاجنبيه , لا ان تكون هناك لعبه فوق لعبه بل وصل الامر الى ان يتم توقيف اي شخص يتكلم عن لعبه اخرى في قسم لعبه

سوف اطالب بحذف المسميات للأوسمه , يعني ماكو وسام خاص لكل قسم , كل الاوسمه المتعارف عليها تكون لكل المنتدى , يعني لو تاخذ وسام محد يدري من اي قسم , اللهم انك مميز في قسم من الاقسام , واذا حب و ذبحه الفضول يعرف يدخل على ملفك ويشوف الاوسمه اللي اخذتهم ويشوف من وين وبأي قسم

راح اطالب بالتقييم للأعضاء لمشاركات الاعضاء الاخرين , يعني مشاركه تعجبك تقيم صاحبها ويطلع تحت المشاركه عدد التقييم عشان يعرف الشخص اللي يبحث عن اجابه ان اجابتك مقيمه 5 مرات مثلا يعني 5 اشخاص يأيدون كلامك و جوابك , وهو بدوره يعرف ان جوابك اهو الافضل

نفس تقييمات جوجل , راح تحس بثقه لما تشوف تقييم اجابه تبحث عنها

راح اطالب بعد بعمل مسابقات , لأني الاحظ ان المسابقات تكون اما عن برمجه او فوتوشوب او مسابقه رمضان اللي عن كتابه خواطر لهذا الشهر الكريم , واغلبنا مايعرف برمجيات و خواطر و فوتوشوب , يعني مثلا لو يحطون مسابقه عن التدخين وشلون اذا الباكيت صار بالشمس يومين وصار يابس ماينشرب شلون ترجعه

جديد , انك تحطه بالفريزر واذا ماضبط طلع زقاره و لفها بكيس نايلون اللي تشوفه بالباكيت و تولع الزقاره وراح تصير طريه بسرعه

يعني ماكو مسابقات يقدر يشارك فيها الكل , المسابقات خاصه للمهندسين والمثقفين واحنا المصبنجيه والعرابجه مالنا شي , مايصير

راح اطالب بمسابقات تصل الى ان يعطونك العاب مجانا , يعني تروح الاداره و تشتري 10 لعبات كل لعبه ب20 دينار و يسوون مسابقه وبعد الفوز يوزعون الالعاب للشباب , يرسلونهم بالDHL على حساب الاداره

على حساب يوشي مو اهو مراقبنا ؟

كل هذي الامور وغيرها راح اطالب فيها بعد نجاحي بأذن الله , فأنتوا خلكم معاي و انا سيف مجرب وكلكم تعرفون هالشي , عمري ما خنتكم وعمري ما بدلت كلامي

من مميزات الرجل ان مايغير كلامه ويكون مدخن و يكون شنب

وانا عندي هالصفات كلها وعندي مواصفات غيرهم بعد مثل اركض على ايديني , افتح بيبسي بطل بأسناني او بالولاعه , مثلا اسمع محمد سليم

لذلك يا اخواني و اخواتي انا اطالبكم والملك بعد يطالبكم انكم تعطوني اصواتكم , والكلام هذا مو خاص للقسم هذا ولكن القسم هذا اهو المنبر الحر اللي اقدر اتكلم فيه بكل حريه , لأن مثل ما انتوا عارفين كان قبل ماتقدر تفتح حلقك وتتكلم ولكن بعد الثورات الناجحه اللي قمنا فيها سويه قدرنا نبعد عننا رجال الامن والمباحث و صرنا نتكلم بكل حريه في قسمنا

وهذا الفضل يرجع للملك قائد الثورات في المنتديات العربيه , وقدرنا نحرر قسم ووركرافت وبأذن الله نحرر باقي المنتدى ويكون منبر حر لكل الناس


صوتك امانه وصوتك يغير كل شي

عط صوتك للي يستحق ولا يغرك اللي يقول اعطيك جولد بس صوتلي , الجولد مو كل شي و الجولد راح تستلمه باللعبه , اما المنتدى مافي جولد تستفيد منه داخله

نحن منكم واليكم

والحاضر يبلغ الغايب

لا تخلون ولد بطنها التقليد مندوب ولد بطنها الاصلي ملك اللعبه اللي عروقه بالماي تأكله الذئاب

والسلام عليكم ورحمه الله وبركاته

[Karazhan]

انا اموت واعرف جيرمي ليش مشارك

شارك يااخي الشهر الجاي لما يحطون شروط و انت تعرف شلون تصور

يعني حبكت الحين تشارك

انا بروحي غاااااااااااص بيوشي تطلع انت بعد


انت راح تشتت الاصوات , انا ابي اصوات الشرقيه كلها

انسحب واحطك مندوب الخارجيه

[Jeremie]

ليش مشارك... غلطت ولا عرفت أمسح الرد كنت مفكره قسم الفوتوشوب.....

بشارك حتى النهايه

فهد لو تصير مشرف ... بتحط قسمين للمصبنجيه والمدخنين.... ماينفع ... من جد صوتي أمانه.

[Karazhan]

انت ماتعرف خطط الانتخابات ؟

يجون ناس ينزلون شخص من المنطقه عشان مو ينجح لا , عشان يشتت الاصوات بس

انت احد دازك علي عشان تشتت الاصوات ؟

اكيد يوشي دازك تسحب الاصوات اللي راح تجيني من الشرقيه

انت لازم تعرف , ماعندكم انتخابات مجلس امه او بلدي ؟

انسحب لا تخرب علي ياولد

الشهر الجاي انزل , انا ماراح انزل بخليها لك

[Karazhan]

اذا صرت مشرف الله لا يقوله لازم اراعي مشاعر الناس و لازم احط قسم مدخنين وقسم غير مدخنين

لازم نرضي الجميع ولا نكون منحازين لجهه عن جهه اخرى

ولكن انا ماافكر اصير مشرف , يمكن اصير عنابي بس مالي شغل بالاشراف لأن المشرف الضربه تكون براسه و غصب يتحمل ويسكت , لأن العميل اولاً

يعني شوف يوشي , نضرب فيه ليل نهار و نصطره و نسوي فيه كل شي و يسكت , لازم يسكت لأن اهو بوجه المدفع , اهو ينضرب من الاداره و من الاعضاء

فأنا مابي اصير مشرف لأن لو صرت راح تخترب السالفه , وانا رجل عصبي مااصلح اكون مشرف

لو يعطوني لون عنابي او اخضر بس انا راضي بدون حتى صلاحيات الا الاوسمه , يعني اعطي نفسي اوسمه ونقاط على كيفي

[Yoshi]

كاتب ابغى افوز بالوسام شوفوا كاتبها في البروفايل عشان يشوفونها العالم هذا غش !!
مايصيير المفروش نطلعه من المسابقه

هل ترضى تاخذ وسام بغير حق ؟ كيف ترضى ي رجل مايصلح هل الكلام من غشنا فليس منا
خلك كريم وطلع من المسسابقه او تبرع بأوسمتك يرزقك الله من حيث لاتحتسب

يمكن تقوم تطلع تلقى قدامك صندوق ذهب جزاء لما فعلته لأخوانك المساكين على رـأسهم انا ابو 500 gold
وزع اوسمتكـ توزع الإبتسامات والفرحات وماننساك من الدعاء رمضان قرب

يالله يالله قل تم

[Abady Elfe]

طيب لو إني عطيتك صوتي

إيش المقابل ؟!

[Karazhan]

خلاص اختربت السالفه

راح علي الوسام بعد مشاركه جيرمي العميل

ويكملها ويشارك لوعه الفرقا و يطلع بعد وورشيف ويشارك ويطلعون الشباب كلهم ويشاركون

خلاص غسلت ايدي منه

[Karazhan]

500 جولد

كهديه مو رشوه

[Yoshi]

الشي الثاني انت خالفت شروط المسابقه والل هي خليت جيرمي يدخل بحسابك يصور الملف !!

وحتى بعد يعدله ويصلحه ي شباب هذا لازم نطرده اقل شي 99 سنه مايصير تزوير في الإنتخابات اللى جالس يسويها
يقول انصر المظلومين الخ الخ لاحد يصدق خذو الكلام مني اعرفه زين هذا راعي الجواخير عدو خطير مطلوب 500 الف دينار على رقبته

هذا مناصر للشبيحه والبلطجيه بلسانه قال انا قائد الثورات وفي الأخير راح يخليكم ادق شنبي موس لو كلامي غلط

[Abady Elfe]

قليلة

إنتى دايم في السليم , عارف انك مظلوم !!!!

[Yoshi]

عبادي لو تصوت لي لك وسام نشاط << بيجيه باند يمشي مليون XD

[Yoshi]

[Karazhan]

انا انسان بسيط كافي خيري شري

انا احب ادخل البهجه في قلوب الناس , صج ساعات اخورها لكن قلبي ابيض

ان شفت بدايه كلامي بأي موضوع تقول هذا يستاهل طرد , ولما تتعمق بالموضوع تشوف اني غير عن الصوره اللي في بالك

ناس كثيرين بالمنتدى يكرهوني ولا حتى يبون يشوفون مشاركاتي , لأنهم اخذوا مني اول مشاركه شافوها بحياتهم وقالوا هذا قليل ادب ومايستحي ولازم ياخذ توقيف

وبعدها اتركوا متابعتي و في بالهم الصوره اللي ارسموها عني في بدايه معرفتهم فيني

ولكن في ناس شافوا نفس الشي و اكرهوني , لكن ضلوا متابعين لين اعرفوا اني انسان على قد حالي واحب الضحك وبعدها تغيروا وصاروا اصدقاء لي

عندك من الناس اللي يكرهوني و في بالهم صوره سيئه عني الاخت اراشي

الاخت اراشي تكرهني لأن قبل سنين دخلت موضوع من المواضيع عن المرأه و صرت اتكلم عن المرأه واقول انها سبب المشاكل

اهي اكرهتني من يومها وصارت ما تشتهي تشوف اسمي , مع اني وقتها كنت اتغشمر مع الاعضاء اللي مشاركين وكانوا يعرفوني ويدرون اني اضحك ولكن اهي دخلت وماتعرفني ولا تعرف نهجي بالمشاركات فأكرهتني

طبعا صكوني توقيف وقتها و من يومها واهي ما تواطني بعيشه الله

انا واقولها بكل صراحه لاتحكم علي من اول مشاركه , احكم علي بعد 300 او 500 مشاركه حسب الجولد اللي راح اعطيك لما تنسحب

انا تقريبا 90% من مشاركاتي ضحك , الا اذا كان الموضوع جدي , اما باقي المشاركات كلها ضحك و غشمره و احاول اني احرك الاقسام النايمه , وفعلا سياسه ناجحه بس توديني ورى الشمس , نفس قسم ميتل جير شاركت فيه وصارت هوشه معاهم وقالوا نطالب بتوقيف ولد بطنها

انا سمعت توقيف جان انحاش , مالي خلق اسبوع بلا عمل او اسوي مشاكل

لذلك يا اخواني الافاضل اوجه نداء اليكم انكم تعطوني اصواتكم

انا غسلت ايدي بصراحه , كنت في بدايه الامر اطالب الاداره انهم يفتحون المشاركه للكل , لأنها كانت حصريه للمراقبين والمميزين

طالبت بفتحها وياليتني ما طالبت , ولما افتحوها , توقعت اني راح اشارك وانا عندي قاعده , الا وهي منتديات الالعاب , توقعت كلهم يوقفون معاي ويساندوني ويعطوني اصواتهم

ولكن المصيبه شنو

المصيبه ان لما افتحوها قاموا يشاركون من قسم ووركرافت بالتحديد , الحين 2 ينافسوني

انا توقعت المنافسين راح يكونون من اقسام ثانيه , قسم الطبخ , قسم الاخبار , قسم المصارعه , اما قسم الالعاب راح اكون بروحي

انا لو طالبت الاداره يسلفوني اسم ذهبي اشارك فيه و ارجعه بعد انتهاء المسابقه كان افضل , افضل من اطالب بفتحها ويشاركون الشباب كلهم , والمصيبه ما شاركوا الا قسم ووركرافت , مسلطينهم علي

لذلك اناشدكم برأس الملك انكم تعطوني اصواتكم , قسم ووركرافت وقسم ميتل جير وقسم فاينل فانتسي وكل اقسام منتديات الالعاب , و انتوا روحوا كلموا الشباب بقسم الانمي يوقفون معاي و بلغوا كل معارفكم بكل الاقسام يوقفون معاي

واذا عندكم عيال عم وعيال خاله واقارب من قريب وبعيد قولولهم يشاركون بالمنتدى ويسجلون عضويات ويعطوني اصواتهم , واذا عندكم خدم بالبيت خلوهم يسجلون ويعطوني اصواتهم

انا والله غسلت ايدي من النجاح , ولكن متأمل خير

يمكن الله يعوضني بالوسام بدل الشنطه اللي احصلها بالبر , او جوائز البنك اللي مشارك معاهم من 5 سنوات وماربحت شي

انا اناشد التلاميذ بكل الاقسام والمخلصين والمحبين للملك ومندوب الملك , لحد ينزل ويخرب علي , وكلكم عطوني اصواتكم

لحد ينزل ويشتت الاصوات نفس العميل جيرمي واللي انفضح امره لنا جميعا و طلع دازه يوشي عشان يشتت اصوات التلاميذ والمخلصين

انا راح اترككم انتوا وضميركم , و قرروا منو تعطون

والسلام عليكم ورحمه الله وبركاته