" جــGYM ــــيم المنتـــدى "

[صارم]

صبح صبح

كيفكم

اليوم اكره يوم قمت المغرب اكلت لي وجبه قلت قبل النادي استغل اجيب عامل يصلح شغله

جاء ٩ طلع ١٢ ونص

خرب ام الجو



عيسى ماعليك راح اواصل بالسويدي اللي تواصلت معه بالفيس بوك مو اللي كان ب اوكرانيا او هيك

ابو عبدالله

هههههههههههههههههههههه

هلا بحبيب قلبي ابو دلع ,, والله العمال شغلتهم شغله . انا ليه اسبوع معهم بالبيت لتجديد البويات والكهرباء جننوني .

وحتى بالتمرين العب جوله وارجع اخذ اتصااال ههههههه

[Booyaka]

^ ^

حبيبي أنت ياصارم ، ماشاء الله عليك يبدو انه عندك أوراق كثيرة لتكشفها وهذا اللي أنا أبحث عنه ..
عجبتني الجوانح وحركة V للظهر ، جلست أدقق بين صوري وصورك لنفس الوضعية فرش الظهر والشد وتوصلت لنتيجة
راح تكتشفها بيوم البطولة مفاجأة لك و صدمة خخخ

[shombeh]

السلام عليكم ههههه تتنافسون هاه الله يوفق الجميع
اليوم صدر وتراي
تحيااتي

[.hamad.]

السلام عليكم

شحالكم ياكباتن

ماوصيكم هدو اللعب وخفو التمارين هالفترة والحماس يتأجل عشان مايفقد الواحد عضل الجو حار ورمضان قرب الله يعوده عليكم

صارم ماشاء الله مستواك حلو وفالك البطوله وعيسى منافس جامد لك الله يوفقكم

[mr.dark.gym]

السسلام عليكم ورحمه الله وبركاته ..

اسعد الله صباحكم بكل خير ..

كيف حالكم ..؟
مبروووك عليكم شهر رمضان الكريم ..


عدنا لكم من جديد وبدوون انقطاع بأذن الله بعد دوره دامت أكثر من شههر خربت ام ام الجسم -_-

لكن ان شاء الله من الان الى ما بعد العيد بشتغل شغل جامد مع كورس مدمر ..

[مشاري الرياض]

مساء الخي

كيفكم

اليوم ارجل وبطات وبطن

ابو عبدالله ماشاء الله والله يعوده علينا بكل خير

والعمال خله ع ربك

كابتن احمد وش رايك اجل مدام حر ورمضان تتقلص الحلسات من ٤ الى ٣ مع ثبات بالاوزان


والتنافس بين عيسى وسعيد مع اني

[.hamad.]

^^

ممكن يامشاري بس فالمقابل زيد الكارديو 10 دقايق

[السلطان..]

الصارم ماشاء الله وحش من افضل الاجسام الي شفتها..
________________________________________________________________________
كابتن حمد الصورة الرمزيه وصورة التوقيع كلها لك؟>وخاصه الصورة الرمزيه وهذي المرحله كنت مرحله ضخامه صح؟
هالسؤال يدور في بالي من زمان .

[.hamad.]

^^

اي يالغالي الثنتين لي بس حالياً نزلت وزني
الصورة الرمزية كان وزني فيها 104
وحالياً 92 تقريباً

[السلطان..]

ماشاء الله وحش جسم جمييييييل الله لا يضرك.
مبرووك عليكم الشهر.

_________________________
**شباب فيه تسجيل في الخطوط السعوديه وش راايكم فيها اسجل فيها ولا؟من ناحيه الراتب والراحه؟؟الي عنده خلفيه يعطيني

[صارم]

مرحبا بالحلوين .,,

والله يخليكم ومشكورين على التشجيع

وانتبهوا غدا صيام
يجيك الحبيب مطفى انواره ويشرب بروتين

هههههههههههههههه

*******************

شو رأيكم بتوقيعي ...

[buraydawi]

السلام عليكم
شهر مبارك علينا وعليكم
وعسى الله يعيننا على صيامه وقيامه
--
ابو عبدالله / ماشاء الله وحش .الله يزيدك
--
مثل ما قال الكابتن ابو خليفة فترة رمضان اللعب فيها خفيف ومحافظة لا اكثر ..واحتمال كبير ينقص وزنك لكن لا تكترث من تلك الناحية ..عقب العيد بنشد ان شاء الله ونعوض
الله يوفقني واياكم

[KiToOoOo]

السلام عليكم يا شباب مبارك عليكم الشهر الكريم

انا فى رمضان بزيد فى الوزن لكن فى الشيل مش عارف بزيد ولا لا علشان كان كل سنه رمضان يجى على بقعد ومبدربش ان شاء الله السنه ديه هدرب

هههههههههههههههههههههههه حلو يا صارم التوقيع

اليوم كان عندى رجل وسمانه ادمرو خالص

[متعطش]

السلام عليكم ورحمه الله وبركاته
الرجاء من الجميع قراءة ردي هذا وكل واحد يعطيني رايه

الحقيقة مالي اخوياء بهالمنتدى الا شباب قسم الرياضة البدنية .. الاقسام الثانية ماعمري دخلتها مرة
فاسمحولي افضفض هنا وكل واحد يعطيني رايه

قصتي ياشباب اني مبتعث قديم .. قعدت بامريكا سنة ورجعت السعودية .. واجلت البعثة لمدة سنة كاملة .. يعني قعدت سنة بالسعودية
حتى الناس الي حولي الجيران .. الاقارب .. قالوا فلان بن فلان ( شكله فشل ورجع طول عند اهله ماشكله بيرجع ) والاقارب خيلاني يقولون لي انت فصلت من البعثة ليه ماتقولنا ؟
ولا انا اصلا مسوي تاجيل .. المهم بعد سنة رجعت امريكا .. والحين صارلي بامريكا شهريــــن فقط

قبل الجية هذي عشت ايام صعبة بامريكا .. بما اني صغير بالسن اولاً .. وثانياً اول مرة بحياتي اسافر بالسعودية ما اسافر (بالعربي انسان ماشاف خير) ومرة وحده رحت امريكا
ثالثاً اني انسان خجول وانطوائي ... رابعاً اني ابن عائلة متوسطة الحال (يعني على قدهم) يعني مستحيل ابوي يرسلي فلوس .. ف عشت ايام صعبة حقيقة
مرت علي ايام مافيه فلوس للاكل واجلس احارب الجوع ب قمبري واحد تخيلوا لمدة اسبوع او اسبوعين لين ماينزل الراتب الجاي
بما اني خجول وانطوائي كان ماعندي اصدقاء ..

يوم رجعت السعودية وجلست سنة .. قبل ما ارجع امريكا .. جلست بيني وبين نفسي .. تعلمت من اخطائي بالمرحلة الاولى يوم كنت بامريكا
اخطائي اني منعزل طوال الوقت .. من الشقة للجامعة ومن الجامعة للشقة مرة ما اخرج .. ولا اعرف احد ... ولي سنة ومالي ولا صاحب واحد حتى سعوديين مالي احد
قلت ذي المرة لا رجعت امريكا بصير انسان ثاني .. الحياة مدرسة نتعلم من اخطاءنا .. لا رجعت محد بيعرفني .. بصير جرئ وايجابي واكون صداقات
ولا اجيب لاحد طاري اني مبتعث قديم واني خجول وانطوائي والى اخره ... ( يعني صفحة جديدة بحياتي )

وفعلاً يوم رجعت لامريكا الحين .. الحمدلله كله بفضل ربي كل شي ماشي تمام .. كونت صداقات كثير .. ومبسوط .. واخرج كثير الحمدلله
ماني زي اول صرت جرئ شوي ... فيه تقدم مااشاء الله .. ولا جبت لاحد طاري اني مبتعث قديم .. كل من سالني اقوله مبتعث جديد توي جاي

المهم فيه واحد انسان طيب ومن عائلة ماشاءا لله ربي مبارك لهم اغنياء .. وساكن هو وخويه بشقة فيها 3 غرف .. غرفة له وغرفة لخويه وغرفة زايدة فاضية
كم مرة يقولي اذا تبي تنام عندنا تعال حياك بالويك اند ...

الحاصل ياجماعة ان الملحقية وقفت الراتب عني .. لاني خلصت مرحلة اللغة .. خلاص ماعاد يعطوني راتب الحين الين ما اجيب قبول جامعي نهائي
وانا توي راجع امريكا مالي شهرين زي ماقلت لكم .. ماهي حلوة ارجع السعودية مرة ثانية واسوي تاجيل بعثة واقعد فترة بالسعودية لين ما احصل قبول جامعي
ماهي حلوة لان توي راجع من السعودية .. وهذا شي غصبن عني لازم ارجع لان مافيه فلوس ادفع ايجار سكن .. وفلوس اكل مافيه مرة سوو ايقاف صرف

فيه حل واحد وهو السبب الي خلاني افضفض لكم الحين ... وباخذ رايكم
الحل هو اني اكلم خويي هذا الي عنده غرفة فاضية واقوله بظروفي .. بس ماني عارف كيف افاتحه بالموضوع وانا قايله اني مبتعث جديد ؟ منحرج احس مالي وجه
اخاف لا قلت له اني مبتعث قديم ومن الكلام هذا .. راح تتغير نظرته لي ... وراح يرفض !
المشكلة كيف اقولكم مممم انا الحين وانا اكتب لكم منحرج كيف لا قابلت خويي فيس تو فيس وطلبته هالطلب !!!! والله مالي وجه
ابي اقوله بعد ما اعلمه بظروفي .. ابي اجلس بالغرفة الزايدة لمدة مؤقتة زي 6 اشهر احاول ادبر فيها قبول جامعي ... لكن الطلب الثاني هو الطامة الكبرى ههههههههههه
الطلب الثاني ابي اقوله لو تقدر تصرف علي فلوس الاكل بس < اه هذي كيف اقولها ههههههه والله مستحي ومنحرج


وش رايكم ؟

[متعطش]

كل شوي احدث الصفحة استنى رد .. ياليت احد يعطيني رايه