عارفين بكرة ايش فيه؟؟بسرعة لايفوتكم

**ROXAN222** · 10-03-2001, 11:17 AM

السلام عليكم

ياجماعة عارفين ايش فيه بكرة؟

في شي مرة حلو اسمه مدرسة

شي حلو خصوصا للحلوين اللي مافكوا كتب في الاجازة

بكرة كل واحد فينا حيقوم من الصبح

ومسكين اللي نومه غير منتظم

حيقوم وهو كسلان وماشي نص نايم ونص صاحي

ويوقف قدام المغسلة متنح...بعدين يسأل نفسه انا ايش جابني

هنا..يوووووووه صح مدرسة

وبعد مايلبس ملابسه ويكون فتح شوية

يفطر وهو مايدري ايش ياكل

وتروح الضحية للمسلخ..!!أقصد المدرسة

ويدق الجرس هناك..

وتبدأ الحصة الأولى

ويبدأ الأستاذ الدرس

ومعاه يبدأ المسكين معركة مع النوم

يحس صوت الأستاذ جاي من بعيييييد

ويحس انه في عالم تاني

ويبدأ راسه ينزل

وهو يرفع

وعيونه تقفل

وهو يفتح

الين راسه ينزل النزلة القاضية

ويصقع راسه في الطاولة اللي قدامه

وتصير فضيحة بجلاجل في الفصل

وعيون المسكين مرعوبة من صوت الخبطة

وصاير في وسط هدومه من الكسوف

والمدرس بدل مايكفخه يضحك

لكن بقية الطلبة مايضحكو

بالعكس...ولا أحد يفك فمه

حزروا ليييييش؟

لأنه ياحرام كلهم نايمين

والله يستر لا يصير لي هذا بكرة

تحياتROXAN222

h · 10-03-2001, 02:08 PM

الحمد لله ما قريت الموضوع إلا اليوم

**mew1234** · 10-03-2001, 02:16 PM

يععععععععععععععععععععععععع

**سيلفي2065** · 10-03-2001, 02:57 PM

ابشركم...ابوي رضى لي اغيب اول يوم

**sedra** · 10-03-2001, 03:12 PM

الله نفسي في هذاالوقت اروح المدرسه

**anju** · 10-03-2001, 03:23 PM

ندري وشو بكرة عشان كذا أنا عدلت نومي
يعني مافي نوم في الفصل والفطور في الثلاجة يعني بعرف ويش باكل
تعرفون أنا مرة أستانس عشان بكرة مدرسة عشان أشوف الشلة
ومرة أزعل عشان المدرسات ماغابو ونشىء الله يغيبون كلهم عشان أرتاح وصير اليوم يوم السوالف وبس( هذا مستحيل )