أحد عنده استفسار في هذي الالعاب يسأل يمكن اقدر اساعده

[Tails&Kirby]

لويجي مانشين
في غرفة سرية يمكن القليل يعرفها الغرفة اللي يدخل فيها الشبح اللي نولع الشموع اللي ماسكها راح يروح لغرفة اول ما تدخل الغرفة طالع بالقيم بوي على اليمن (يسار لويجي) في فتحة فار صوب عليها و اضغط A

في غرفة في السطوح تتسلق سلم على اليمين و تطيح راح تحصل فلوس كثير

دايما اسقي النباتات لانها تطلع فلوس و جواهر

و اي استفسار ان شاء الله اقدر اجاوب عليه
----------------------------------------------------------------------------------
ستار وورز
عندي كل الupgrade ما عدا واحد و جبت طيارة الاشرار سمعت انه في طيارات ثانية لكن لازم تجمع في كل المهمات ذهبية

تقدر تلعب كل المهمات السرية بانك اذا جمعت نقاط تكفي لمهمة وحده شيل المومري كارد و اختار المرحلة اللي تبغها و تعيده و تحط الممري كارد و تختار غيرها و هكذا

كلمات سرية
عشان تطلع المرحلة السرية الاولى
روح للاوبشن بعدين ل (باس كود) و اكتب PYST?OOO بعدين اكتب DUCKSHOT

للعب باللونين الابيض و لاسود فقط
LIONHEAD

عشان تخلي واحد يعلق و انت تلعب
اكتب BLAHBLAH و دور علي Audio Commentary و حط On

عشان تطلع كل المراحل ما عدا المراحل السربة
اكتب !??QWTTJ بعدين اكتب CLASSIC

عشان تطلع طيارة الاشرار
اكتب ZT?!RGBA بعدين DISPSBLE
ملاحظة الطيارة تحصلها في (موقف) الطيارات في احد الزوايا

عشان تطلع ال Millenium Falcon
اكتب MVPQIU?A بعدين OH!BUDDY

عشان تطلع ال Naboo Starfigher
اكتب CDYXF!?Q بعدين ASEPONE!
--------------------------------------------------------------------------------
توني هوك
اذا عندك مشكله في وحده من المهمات ان شاء الله اقدر اساعدك

كلمات سرية
كلمة سرية تطلعلك اشياء كثير مثل حجم كبير حجم صغير (التوازن الفنان ) ...... اكتب MARKEDCARDS في محل الكلمات السرية تحصله في الاوبشن لما تبدأ اللعب اضغط ستار و اختار شيت و جربهم

عشان تطلع كل الافلام
اكتب POPCORN

تصدقوا نسيت احسن كلمة سرية تطلعلك كل الاعبين اذا احد يعرفها يا ريت لو يكتبها
-----------------------------------------------------------------------------
سونيك ادفنشر باتل2
انا خلصت اللعبة بالطيبين بس اعرف اماكن بعض الupgrades زي

القفازات السحرية حقت سونيك
تحصلها في المرحلة الاولى بعد ما تنزل من العمارة الطولية(اللي يمترها من فوق لي تحت بسرعة رهيبة) قدام الروبت الالي مربعات رصاصية انقز عليها و اضغط B عشان تكسرها

ضربات اقوى لتيلز
في المرحلة الاولى اخر شي عند القرش تحصل سور اقتل الوحش اللي في الزاويا و راح ينفتح السور تحتاج البازركا عشان تكسر الصناديق راح تحصل القطعة بعد الصناديق على طول

نيكلز يتنفس تحت الماء
في مرحلة المنجم المائي Aquatic Mine تحديد المكان صعب لكن اول شي افتح السوتيش اللي مكتب عليه رقم ثلاثة عشان تقل المويه لاخر حدم ممكن دور على قفص بالاحرى هو سور ما فيه فتحة الا من فوق مرسوم عليه شبه و تحذير ادخل راح تحصل زي بير ادخله الين اخره الطريق طويل و ما فيه هواء في النهاية تحصل القطعة

علشان تطلع تشو(الكائنات اللي تربيها) يشبه سونيك
طلع تشو ازرق من البيضة الزرقة و اعطيه بس الجواهر الخضرة اللي تزود الRun الين يكبر لكن احرص على انه ما يتحول لا طيب و لا شرير و لا راح تخرب الشغلة طبعا لاتنسى تأكله

علشان تطلع تشو يشبه شادو
ربي تشو صغير بشادو او اي شخصية شريرة و اعطيه الجواهر الخضرة بس و خليه شرير راح يصير شكله زي شادو (انا ما جربتها لكن شفته في احد السباقات) طبعا لا تنسى تأكله
-----------------------------------------------------------------------------
بيمكن
استعرتها من زميلي عشان كذا يمكن ما اتذكر كثير عنها المهم في حركة بسيطة ما منها فايدة بس حركة اخواني الصغار طلعوها بالغلط

اضغط تحت بالD-pad لازم يكون في بيكمنات جنبك و شوف ايش يصير
----------------------------------------------------------------------------
اهم شي انصحكم ما تستعملوا الكلمات السرية الا بعد ما تخلصوا اللعبة عشان لا تضيع متعة اللعبة

اخ من زمان ما كتبت موضوع قلت يمكن هذا يفيد خاصة انه يتحدث عن اكثر من لعبة

ملاحظة:المدرسة تبدأ بكره عشان كذا يمكن ما راح ارد بسرعة

[kirby64]

شكرا جزيلا لك.

[Tails&Kirby]

عفوا

[wario2002]

شكررررا اخوي تايلز آند كيربي والله ماشفنا مواضيعك من مده شكرا على الأفاده.

[Tails&Kirby]

العفو

[wario2002]

الا اخوي تايلز آند كيربي غريبه معد تكتب مواضيع عن كيربي.

[Tails&Kirby]

ما شاء الله اخت كربي ما بقت شيء
اصبر لي بس خليني اشتري لعبة كربي على الكيوب

[kirby64]

الرسالة الأصلية كتبت بواسطة Tails&Kirby
ما شاء الله اخت كربي ما بقت شيء
اصبر لي بس خليني اشتري لعبة كربي على الكيوب

لا والله بلا بقيت لعبتين!!وبعدين ما اظنك راح تشتري كربي الي على الكيوب قبلي":"

المهم الموضوع هذا فظيع بما انه ما لاقى ردود كثير فراح اثبته فتره معينه ...

وشكرا (مره ثانيه).

[لعيب الجيم كيوب]

ترى kirby الي على الكيوب ما تحرك الشخصية تحرك المرحلة و تحاول توصل kirby و تزحلقه الى النهاية.
ما اظن ان اللعبة راح تنجح.

[kirby64]

الرسالة الأصلية كتبت بواسطة لعيب الجيم كيوب
ترى kirby الي على الكيوب ما تحرك الشخصية تحرك المرحلة و تحاول توصل kirby و تزحلقه الى النهاية.
ما اظن ان اللعبة راح تنجح.

لا اصلا ما نزلت هذه اللعبه الا علشان الجزء الاول منها نجح نجاح كبير

ما اقول كذا لأني احب الشخصيه ذي بس من جد التحكم فظيع وما اظنك

تقدر تحكم الا اذا عرفت عن اللعبه اكثر وبعدين يمكن انت الي من

النوع الي ما يحب هذه اللأعاب؟؟يعني ما تقدر تقول انها -راح تفشل-

[Tails&Kirby]

حصلت الكلمة السرية حقت توني هوك اخيرا
FREAKSHOW تطلع كل اللاعبين السريين
WEEATDIRT تطلع شخصيات من تصميم شركة never soft
---------------------------------------------------------------------
تكملة لاماكن الupgrade في sonic
الموسيقى حقت Dr.eggman اختار مرحلة sand ocean امشي سيده(طوالي قدام اللي هو) راح تحصل(دوار) المهم اركب فوق الدوار و خليه يوصلك للجهه اليسار راح تحصلها هناك

منظار الكنوز لروج اختار مرحلة security hall لازم يكون عندك موسيقة روج(نسيت وينها راح ادور عليها و اقول لكم وينها) روح لمحل الخزنات الصفرا C المهم راح يطلع لك منصات اطلع عليها و كسر الصناديق و راح تحصل المنظار

نظارة نيكلز روح لمرحلة meteor herd روح عند البرج الطويل اللي يكون عليه ليزر راح تحصل نيزك حاول انك تضربه على الابواب الغريبة الي عليخا علامة حمرا تنور هو راح تصل سويتش اضغط عليه بعدين اتسلق البرج و ارمي نفسك تحت عند النار راح تحصل النظارة هناك

سلاحة صعب تسميه لشادو اختار مرحلة sky rails العب الين توصل للصاروخ لا تركبه روح للمنصة اللي جنبه اللي عليها (نقيزه) اللي عنده صندوق التشاو المهم روح عند الصندوق و انقز يسار راح يطلع لك وحش و رى وحش و راح تحصله في النهاية

موسيقة سونيك تحصلها في مرحلة final rush المشكلة يصعب شرحها لانها مرحلة معقدة

موسيقة روج تحصلها في مرحلة dry lagoon اول ما تبدأ روح يمين عند السلحفة تسلق الجدار اللي وراها و راح تحصل جدار غريب احفر فيه و راح تحصلها قدامك

موسيقة شادور اختار مرحلة radical highway العب الين توصل لثاني نقيزة بدل ما تروح يمين روح يسار راح تحصل صف قروش المهم كمل الطريق الين تحصلها

ملاحظة: متأسف لرفع الموضوع لكن ما له داعي اسوي موضوع كامل تكملة و يمكن البعض ما قرا القديم عشان كذا

و اشكر الاخت كربي على تثبيت الموضوع (ما كنت ادري انك ثبتيه)

بالنسبة للعبة كربي الرائع فيها طريقة اللعب الفريدة من نوعها و هي مو بس توصل كربي للنهاية فيها نجوم سرية مختفية و في وحوش و روؤساء و ميني قيمز

[kirby64]

مشكور اخوي

[Tails&Kirby]

الupgrade الاخير لسونيك حصلته اخيرا
اختر مرحلة green forest العب الين توصل للcheck point الثانية امشي عكس (الافضل انك تلف الكاميرا عشان تشوف الطريق) راح تحصل وحش و بعده قروش استخدم A مرتين عشان توصل و راح تحصله على المنصة

العفو