عضو جديد
معلومات المتقدم بالاستفسار :
العمر : ٢٢ , الجنس : ذكر
الطول :١٨١ متر
الوزن : ٨٠ كيلوجرام
و الاستفسار كالتالي :
السلام عليكم ورحمة الله وبركاتة ..
أنا جسمي فيه نسبة دهون زايده شوي خصوصاً اسفل البطن + الجوانب + اسفل الصدر ،
وأحتاج زيادة عضل عشان تحل مكان الترهل البسيط الموجود ..
طبعا لي شهرين اتمرن .. ،وناوي ابدأ بمكمل بروكومبلكس وما أدري ايش اخذ معه .. أنا ابغى جسم عضلي مائل للضخامه الخفيفه ، أبغى نظام غذائي صحي بدون دهون ، ومشكورين عالمساعدة مقدماً - للمعلومية جسمي متناسق كشكل مع التي شيرت
عضو جديد
ساعدوني الله يجزاكم خير
عضو جديد
٦٩ مشاهده ولا رد
عضو كمال اجسام خبير
وعليكم السلام ورحمة الله وبركاته...
اخوي لك شهرين تعتبر مبتدأ باللعبة ولعبة كمال اجسام يبيلها صبر.
أنصحك مع الحديد كارديو ثلاث مرات بالاسبوع تقريبا+نظام غذائي متوسط الكاربوهيدرات+متوسط البروتين+شبه معدوم الدهون من غير الدهون الصحية+فك بالدايت بعد ماتحس ان جسمك وقف عن النزول والتغيير يعني تقريبا شهرين او شهر على حسب جسمك,, فك يومين بالدايت وبعدين ارجع للدايت.
ولا تعتمد كليا على المكمل خلك على الاكل أكثر شيء الان بعدين فكر بالمكملات.
من ناحية البرو منتج قوي كمل عليه واذا بغيت تضيف منتج خذ لك ملتي فايتمن وبعدين افتح موضوع واضف مكملات بعد ماتمشي باللعبة.
موقف تمرين الى إشعار آخر
__________________________________________________
http://youtu.be/JM6QhEzLffY
عضو جديد
تسلم وشكراً على ردك ، انا كنت اتمرن قبل مدة واستمريت لمدة ٣ شهور وقطعت لمدة ٧ شهور لسبب اصابة الكتف ، والحين الحمد لله لي شهرين راجع .. والاكل زي ماقلت بس مافهمت كيف افك بالدايت انا اكل اكل صحي ومستعد اقطع الاكل الغير صحياً نهائياً .. والمكملات الي معي الحين جبتها بروكومبلكس + امينو٢٢٢٢ .. ارجوك ولو سمحت توضح لي افضل طريقة لاستخدامهم .. وشكراً لك كثير لخدمتك
عضو كمال اجسام خبير
الامينو عندك طريقتين واختار المناسب لك
أ / حبتين بع كل وجبه =6 + 3 قبل وبعد التمرين = 12
ب ـ/ 6 قبل التمرين بحوالي ربع ساعه و6 بعد التمرين مباشرة
البرو ماني متاكد بس اللي اعرفه
سكوب بحليب الصبح وقبل النوم + سكوب مع ماء بعد التمرين مباشرة
موفق
يسلمووو عيسى
عضو كمال اجسام خبير
امش على نظام غائي مثل ماقلت لك فوق والدهون شبه معدومة اما الزيت زيتون اخذه مافيه مشكلة بس لا تكثر امشي على هذا النظام شهر كااامل بدون اي ماتخرب بعدين فك بالدايت يوم او يومين=يعني حط يدك وخرب الدايت اخذ لك وجبة دسمة او وجبتين او شوكلاته وغيرها وبعد كذا اخذ لك اسبوع الى اسبوعين وفك بالدايت لا تثبت على نظامك لأن الجسم بعدين مايتغيير.المشاركة الأصلية كتبت بواسطة Eng126
أكيد فهمت علي
من ناحية الامينو ماقصر مشاري هو اعلم مني فيها قد جربها وانا ماجربتها.
موقف تمرين الى إشعار آخر
__________________________________________________
http://youtu.be/JM6QhEzLffY
عضو جديد
شكراً أخوي مشاري ماقصرت وان شاء الله بمشي على طريقة أ ،
أخوي السلطان اشكرك كثير اكيد فهمة طريقتك ماقصرت ياحبيلك .. وان شاء الله فكة الدايت راح تكون حقت العزايم أو الاوقات الحادة
أخر سوأل يالغاليين ، انا ان جيت النادي اخذ مشي على السير ١٠ دقايق تحمية .. بعد التمرين ١٥ دقيقة على السير + ١٥ دقيقه جهاز اوبتاكل كلهم ممشي سريع هالشي اخليه ٣ ايام بالاسبوع او افضل طول أيام روحتي للنادي .. وأخيراً اشكركم كلكم واسف على الازعاج
عضو كمال اجسام خبير
حياك يالغالي
بخصوص سوالك
10 مشي للتحميه ممتاز
اذا كان هدفك ضخامه تقدر تضخم لمده سنه او 9 اشهر هيك الين تكون كتله عضليه وبعدها تنشف اشوف افضل لان طولك ووزنك مناسب
اماا بخصوص المشي بعد التمرين اللي اعرفه راح يحرق الدهون وممكن عضل اذا التغذيه سيئه لان صعبه تضخم وتنشف بنفس الوقت
موفق
يسلمووو عيسى
عضو جديد
المشكلة ان عندي دهون .. ف عشان كذا احاول اخففها الا ان كان قصدك الحين اضبط الاكل القليل الدهون واستمر على التضخيم وبعدين ابدأ انشف حتى لو كان فيه دهون الحين فهذي فكرة حلوه
وان شاء الله شكلي بمشي على فكرتك اضخم وبعدين افكر بالتنشيف
عضو كمال اجسام خبير
لو تعرف كم نسبتك كان ممكن الكلام يتغير
بس لو تبي نصيحه اناا الحين ماشي على الاكل الصحي وعندي دهون لي سنه وشوي وافكر ع شهر 6 انشف الحمدلله فيه كتله جيده .....
خل اكلك صحي + التدريب الشاق ( والتطبيق الصحيح ) + الراحه = جسم منسق وقوي
واذا وصلت لجسم معين ومقتنع فيه وقف ونشف
موفق
يسلمووو عيسى
عضو جديد
جدول الغذائي :
يكون الصبح : حبتين بياض البيض وتوست اسمر وحليب خالي الدسم .
تقدر هم حليب خالي الدسم مع شوفان يكون جنه كورن فليكس . لانه الشوفان في نسبة عالية من الياف وفي نسبة عالية من البروتين .وقليل السعرات الحرارية .
تقدر هم توست اسمر و جبن قليل الدسم + حليب خالي الدسم .
الساعة 11 ظهرا :تاكل سلطة فواكه وينصح كيوي + انناس + تفاح اخضر + قريد فروت .
الغدا : يكون صدور دجاج او تونه بالماي + عيش مسلوق من غير دهن او ملح + سمج بالفرن + سلطة خيار و خس وبقدونس و ملفوف بنفسجي لا ادخل طماط لانه يحبس املاح باجسم .
قبل التمرين : بطاطه مفيوحه وحط عليها فلفل اسور علشان ادزيد نسبة الكارب وما اتحس انك تعبان بالتمرين .
وبعد التمرين : ينصح تونه بالماي + سلطة . او سطلة فواكه ز
العشاء : طبعا علشان تنزل اسرع لازم اتقلل من كارب وقت العشا سعنس اكل روب او زبادي وخيار او صدور دجاج .
كثر من شرب ماي وعصير البرتقال و انناس والكيوي .
قلل من سبة السكر والملح .
قسم وجباتك من 4 ال 6 وجبات .
اذا كنت تبي مكملات غذائية : بروتين ايزو 100 + يمكن تحتاج بور او لا هذا انت تختاره انصح منتج hyper fx او hemo rage + منتج لحرق الدهون انيمال كتز او اوكسي اليت والاثنين ماراح ينزلون من سبة العضل الي عندك + منتج ال كرنتين او cla
واذا كنت تقدر او عندك افلوس خذلك اكستند .
ركز علي تمارينك ركز علي نقط الضعف الي عندك كثر من كاديو واذا كنت تقدر تتسبح يفضل اتمارس السباحة .
عدل نوك
عضو جديد
شكراً على النصايح وان شاء الله بطبقها .. جزاك الله كل خير
عضو جديد
شكراً على هالنظام الغذائي وان شاء الله بحاول اطبقه بس ينفع اطبقه مع المكملات اللي جبتها بروكومبلكس + امينو٢٢٢٢ ؟ ،
عضو جديد
اي نعم ينفع
ضوابط المشاركة
