تجربتي لألوان الـCopic الرهيييييييييييبه @.@
السلام عليكم ورحمة الله وبركاته
"أكره التلوين ثم أكره التلوين ثم أكره التلوين
وايد علي بس ألوّن بالابيض والاسود للمانجا"
^^^^^^^
هذا كان كلامي قبل ما أقع في حب ألوان الكوبيك (Copic Markers) اللولبيه
"سحرتنيييي ملكتني...خليتنيييي بس أستعملك...أرسم أشكال...أضيف ألوان...لما أجووووفك أخطفك"
هكذا كانت بتكون اغنية نبيل شعيل لو استخدم هالالوان <<< اسخفت عليهم
ببدأ الأول بتقرير صغير عن الألوان <<< لو مب مهتم بالتقرير انزل للمعرض
ألوان لها تأثير مشابه للألوان المائيه نوعا ما مخلوط بتأثير الحبر
يعني تشبه تلوين الكبيوتر لكن بشكل أحلى وفني جدا
اللون الواحد (القلم الواحد) ممكن يعطيك أكثر من 3 درجات حسب الطبقات اللي تضيفها من هاللون
الدمج بين الالوان سهل وعملي جدا
مسكة القلم مريحه
ممكن تواجه صعوبه في استخدامها في البدايات لأنها تجف بسرعه وممكن تترك أثر تلوين
لكن بمجرّد ما تتعوّد عليها (وهالشي ما ياخذ وقت) بكون الاستخدام سهل وما راح تتركها ابداً
شكل القلم
له راسين...الاسفل والدقيق هو الدارج استخدامه والافضل للدمج
الأعلى للمساحات الكبيره لكن ما عجبني
أسعار الألوان
مع الاسف غاليه جداً بسبب جودتها...يعني في مكتبة Tribe عندنا حصلت 5 ألوان بـ84 ريال مع قلم تحديد
ولو باخذ علبه كامله 72 لون بتكلفني فوق الـ800 ريال وفي نوع قلم اكبر شوي يكلف 1200 ريال
يقولون ان الالوان ما تخلص بسرعه وممكن تتعبى كذا مره وهالشي ممكن يغطي على مشكلة سعرها
مجموع الألوان
كبييييييييييييييييير جدا جدا جدا ماراح أحصل صوره كامله تحوي كل الألوان
بس هذا مثال
بعرض صورتين لتلوين بعض المحترفين
والحين مع تجارب Arashi هههههه
ملاحظه: بتحصلون بقع سوده في الصور بسبب السكنر >_>
نبدأ بالتجربه الاولى وهني استعرت ألوان من أختي الصغيره (وهي اللي علمتني عليها ^^)
لاحظوا الدمج مب اوكي والتظليل فوضى...واخر الورقه كنت أجرب الالوان
التجربه الثانيه وبعد ما اشتريت علبه بخمس ألوان أتدرب عليها
التظليل والتدريج بعدد قليل من الالوان صعب...يعني للشعر استخدمت لون واحد وغصب طلع تدريج...لكن قلت استمر على هالكم لون كتحدي
التجربه الثالثه رسمت بنتين عالسريع
شوي بدت يدي تاخذ عالقلم لكن تدريج الشعر مب واضح
التجربه الرابعه "الفشل الذريع"
كان المفروض ما أستعجل برسمه كبيره...الشعر كريه ومادري من وين طلع هالاحمرار في لون الشعر
التجربه الخامسه اللي حسيت فيها شوي تحسّن
التجربه السادسه اخر شي سويته اليوم
جرّبت طريقة تلوين تخلّي قميصها يظهر انه مصنوع من الجلد والشعر تركت فيه شوي مساحه بيضه للمعه
وهنا انتهى المعرض...باذن الله راح أشتري علبه محترمه وابدأ بالجد
