اهداء إلى Camelliia Rose - ذات الابتسامة الباهتة Teresa

[Arashi]

السلام عليكم ورحمة الله وبركاته ^^

ومع كل انيمي أتابعه تصميم
اشاهد انيمي Claymore وبصراحه...من اول حلقتين حكمت عليه انه تحفه فنيه @@
غالبا ماتكون الحلقات الاولى ممله في معظم الانيميات الا هذا
القصه والرسم والموسيقى...كأنها لوحه فنيّه

so

حبيت أشكر كاميليا على تقريرها الرائع وعلى تشجيعي لمتابعة هاللوحه الفنيه ^.^





من زمان كان ودي أصمم لكاميليا توقيع لكن ماعرفت ايش الشخصيه اللي اختارها
ولما عرفت انها تحب تريسا قلت فرصه اصمم لها
الشخصيه مناسبه لها جدا جدا وسبحان الله...انا اتخيل كاميليا بهالشكل تقريبا لما فكرت ارسمها @.@

[Iris]

وعليكم السلام ورحمة الله و بركاته

كاميليا روز ماشاءالله عليها تستاهل كل خير,
طيبتها وتقاريرها الرائعه في الانمي ونقاشاتها,

حلو التصميم اراشي يعطيك العافيه عليه,

[المقاتل ليون]

تصميم جميل جدا فعلا لقد ابدعتي في تصميمها
ننتضر المزيد من تصميماتك

[Camellia]

و عليكم السلام و رحمة الله و بركاته ,



Arashi

حلوة حركتك , و غالباً يكون في كل Anime تتابعيه شخصية مميزة يكون خاطرك تصممين لها ,
أثني عليه , و صدقيني ما راح تندمين في مدحك له أبد , بتدخلين أجواء غير , أشياء ما تتوقعينها ,

العفو , و أصلاً كنت أقول في خاطري ما يصير Arashi ما تشوفه , و الحمد لله جاء الوقت اللي تقدرين تقضين وقتك معه ,



جميلة ! حلوة ألوان التصميم , غالباً أحب تواجد الذهبي أو الأصفر في التصاميم , تدرين أن الأصفر كان لوني المفضل ؟!
بس بعدين غيّرت رحت للون البنفسجي , حلو تواجد اللون الأحمر , معه , و صورتها هذه و كل صورها تعجبني .



حلو حجمه و التأثيرات ما شاء الله , و الخطط اللي استخدمتيه لكتابة الاسم أعجبني , حلوة الزخارف في طرف الحروف ,
تصدقين لسة أنتبهت على المعينات اللي موجودة في الخلفية يجنن شكله لأن جايه عليه طبقة ثانية تحسين إن التصميم له أبعاد و فيه عمق .
تسلمين جداً , ع الإهداء الله يعطيكِ العافية , راح أحتفظ فيهم و باستخدمهم تقديراً لجهودك .

,


Iris

تسلمين جداً , و الأحلى وجودك معنا .

,

أعتذر جداً جداً , البارحة سجلت دخول و كتبت الرد , لكن ما قدرت أطوّل أكثر و سجلت خروج ,

[Arashi]

عليج بالعافيه كاميليا والحمدلله انه عجبج ^^

يس توقعت انج تحبين البنفسجي وحسيت تميلين للأصفر بعد...لكن تريسا تناسبها ألوان مثل الاحمر والذهبي
حتى جو الانيمي دموي شوي...فماقدرت ادخل البنفجسي @@

كنت افكر بالازرق الفاقع والتركوازي...بس لأن اغلب تصاميمي هالشهر بالازرق فقلت اسوي لج لون مختلف يميز تصميمج عنهم ^^
بديت في مجموعة الحلقات اللي تتكلم عن تريسا...بكتب التفاصيل موضوعج ^^
بس بعد ما جفتها...حسيت ان التركوازي والاخضر لايقين على شخصيتها اكثر @@
كنت اتخيلها دمويه وشرانيه XD

[Camellia]

الله يعافيك , و أكيد بيعجبني ..

بالنسبة لي أحب كل الألوان و أشوف إن لكل لون تأثير على النفس << تتفلسف !
هههه لا جد أنا من النوع اللي يحب الحياة و يحب يشوف الدنيا بالألوان , و أحب تداخلها ,
بس كدرجة أولى : اللون البنفسجي .

ههه لا هي طيبة و أنا بس أحب الطيبين , بس شخصيتها قوية و لها هيبة ...
و جميلة جداً و لطيفة جداً , قبل كنت أقول : ما شاء الله وش هذا الجمال !

و على طاري الشعر المموج , كنت أحبه من لما كنت صغيرة لما تابعت Anime ليدي ليدي ,
تذكرين شخصية Vivian Spencer , شعرها مموج و لونه بنفسجي , عجبتني كثير ,



و سبحان الله بعدين جات Teresa .

,

من زمان كنت أفكر أسوي لها خلفية , و بعدين طلع إعلان عن مسابقة الملفات الشخصية ,
قلت : فرصة أسوي لها و أحطها في ملفي , تذكرين شكل ملفي أيام المسابقة كيف كان ؟!

كان كذا :

و الشكل الاولي للخلفية كان :



و بعدين :



و آخر شيء :

[zedanelwolf]

حقيقى عمل فنى رائع

[Akira]

موضوع اهداء جديد! لنا وقت طويل لم نهدي لبعض امور..

حلو طقم التوقيع و الرمزيه يناسب كاميليا و نقاشات الكليمور هناك و تيريزا
ويـس تستاهل كل خير كاميليا

يعطيك العافيه اراشي لاهداءاتك