اخي هذي زوجتك تبي العذر عشان تروح بيت اهلها
اما انها مو مرتاحه معاك و تخجل انها تقولك هالشي و تتعذر بالاعذار هذي اللي انت ذكرتها
او انها ما تعودت عالمكان الجديد وانت جافيها ولا تتكلم معاها و تاخذ وتعطي , يعني كأنكم عايشين اغراب في البيت
اذا كل شي تمام و لكن اهي تحب الشكوى والتذمر قولها من الاخر شنو تبين ؟
ان قالت اترك وظيفتك ونروح منطقه اللي يسكن فيها اهلي و هالامور قولها انسي الشي هذا , المرأه تتبع زوجها
مهما راح تروح معاي , انت ماسمعت اللي تقول "خدني معاك لو كنت مسافر خدني معاك"
كل الزوجات بالعالم يتبعون ازواجهم , وين ما يسكن تسكن معاه
وانت لاتقصر معاها , لكن اذا فعلا انت مو مقصر معاها و مايعجبها فالعيب منها مو منك
ولو انك انت بعد الله يهداك شكلك يخرع , تشبه لويس خوسيه لكن طبع النساء يحبون اللي شكله مجرم
ماعلينا
الحل الله يسلمك شوف نفسك انت الاول , هل فيك شي مو زين ؟ تتسبح كل يوم قبل الفراش . تحافظ على نظافه جسمك , تفرش اسنانك
اذا كل شي تمام
العيب منها , قولها انا سويت اللي علي , وفوق هذا مو عاجبج , شنو تبين توصلينه ؟ قالت ابي اهلي قولها انتي خلاص انسي اهلج . هذا بيتج الجديد الحين
بالنهايه قولها تبين ننفصل يعني عشان ترتاحين
اخوي ترى النساء جذي مايتعودون عالسكن الجديد مع انهم اكثر قابليه من الرجل , لكن مو نفس زوجتك , زوجتك طولتها واهي قصيره
ويمكن صاكينها عين او عمل , يمكن اهي مغصوبه عليك والحين صارت ماتتحمل
يمكن ويمكن , ماندري شنو بالضبط لكن كان المفروض من اهلها يوبخونها ويطردونها من البيت وترجع بيت زوجها لكن الظاهر اهلها مثلها
غريب امر البشر
اخي الفاضل , ان كنت متضايق و متأذي منها و من طبعها فارقها وارتاح
ريح نفسك ياخوي , في بعض النساء نقولك اصبر وصابر عليهم لكن زوجتك مو منهم , زوجتك انت اعلم فيها مننا وشوف اذا كانت طبيعيه يعني مو مسويلها عمل او اهي طبعها واهلها جذي افتك منها
لأن بدايه بهذا الشكل فما بالك بعدين ؟ وانت ماراح تعيش معاها يوم او يومين , هذا عمر امامك تكاد تكون الاولى والاخيره بحياتك , فأنا ماانصحك تقعد مع زوجه مثل هذي طول عمرك
يمكن اهلها حاشين راسها بالكلام هذا واهي تطبقه عليك وتبيك تسكنها قريب من اهلها و عشان تكون قريب منهم و سهل التحكم فيك
فكر و شوف شنو توصله