اهلا وسهلا الكبتن شلونك طيب ان شاءالله
بخصوص ماتفضل فيه حضرتك , انا بعد اعرف وولف واعرف ابو وضحى و تكلمت معاهم من قبل ومازلت
ابو وضحى خوش ولد يضرب ويهرب وهذي سياسه منتديات القاعده واللي يوالون لها ان اذا تبي تقول شي اضرب واهرب , يعني اكتب اللي تبي و حط رجلك , لأن يدري على غلط
وانا كلمت ابو وضحى واقوله الحين بعد اذا يشوف الكلام لأنه يدخل مخفي نفسي , تعرف متأثرين بسوالف القاعده دايم نضرب و نهرب يعني مسوين كمين عبوه ناسفه , وندخل مخفي عشان محد يشوفنا ولا نترك اثر
انا اقوله ان يتبرأ من القاعده وافكارهم قبل يتأثر اكثر ويقوم بعمل مجنون يروح فيها من وراه , انا قلت عن قاده وكبار رجال القاعده بنفسهم يقولون انهم على غلط و قلت ابو حفص الموريتاني كان مفتي التنظيم مع سليمان بو غيث الكويتي واكيد تعرفه المتحدث الرسمي للقاعده , واهو بنفسه يقول معانا في ايران
يمكن 100 رجل من تنظيم القاعده , مو اي 100 يقول منهم كبار التنظيم احدهم سيف العدل و كأنه يلمح للظواهري مع اني متأكد انه بأيران و لو تشوف افلامه اللي تطلع تلاحظ وذكرت هالامور من قبل لكن اعيد واقولها انك تلاحظ الراحه باديه على وجهه و البشره المشرقه والمكتبه اللي فيها عشرات الكتب
تحس ان الرجل مريش ومرتاح اخر راحه , اكل نظيف , شرب نظيف , راحه بال , وكلهم واضحين على وجهه , هل تعتقد ان شخص مختبئ في كهف من كهوف افغانستان يكون بالحاله هذي ؟ لا ومسوي برنامج نسيت اسمه اظن اسمه يوم مع الامام او شي جذي
يتكلم بالبرنامج عن ايامه مع اسامه بن لادن وشنو كان يسوي
واحد يطالبونه دول العالم يقعد يسوي مسلسل تقول من مسلسلات رمضان يتكلم عن حياته مع بن لادن ؟
ثاني شي محمد العوني , قائد من قاده التنظيم في اليمن
اذا مالكم خلق تبحثون عنه شوفوا هالمقطع
هذا محمد العوفي قائد في تنظيم القاعده ولكن اكتشف حقيقتهم , اهو لم يسمي دوله ولكن قال دول اقليميه تدعم التنظيم , وماكو الا ايران اللي تبي المشاكل لنا
هذا واحد من التنظيم , مو انا اقول او رفيجي , من لسانك ادينك , غيره طبعا الموريتاني هم قال ايران و غيره من الشيعه نفسهم يقولون
وهذا ياسر الحبيب واظن كلكم تعرفونه من اكثر الروافض عداوه لأهل السنه يقول عن ايران وتنظيم القاعده
يعني يا اخي قاده التنظيم يقولون و الشيعه ومو اي شيعه الشيرازيه امثال هالخبيث و المهاجر وغيرهم من الد اعداء اهل السنه يقولون ان التنظيم موجود في ايران "القاده من التنظيم" وتدعمهم ايران بالسلاح والمال وتسهل حركتهم مثل ابو مصعب الزرقاوي اللي كان في ايران سنه كامله وبعدين راح العراق
بعد ان ضبط نفسه و قال بسوي تنظيم قاعده بالعراق بمباركه الايرانيين ودعمهم , عمل التنظيم و مثل ماانتوا شايفين الناس تقتل ولا تدري لما قتلت , قتل عشوائي انت و حظك , تدمر العراق تدمير نصه يكفي
باليمن و على كلام محمد العوفي يقول دعم ايراني و تعليمات تأتي من ايران و افراد التنظيم االمساكين المغرر بهم لا يعلمون شي , بين القائد و المسؤول الايران تتم الصفقات
هذا كله مو من عندي , ليش مازلت مصر على ان تنظيم القاعده جهادي وانه على الحق وكل اهل السنه على باطل ياابو وضحى البحريني ؟
ماراح يرد
اضرب واهرب
يجي نفس قبل يحط تسجيل للظواهري او مسؤول من القاعده يسب ويتوعد ايران والروافض بالقتل , يااخي هالكلام ماخذين خيره احنا ولا محتاجينه , تربيه ايران هذي واسلوب ايران هذا , مو ايران تتوعد اسرائيل من عرفناها و لما نشوف الواقع نرى قتلهم و شرهم كله على اهل العراق المساكين
لا تجيبلي افلامهم وتقول اسمع وصدق , لأن انا اقدر اجيب افلام امريكا و كلامها واقولك شوف امريكا تقول ان تنظيم ارهابي و يقتل الناس ولازم تصدق امريكا
الله وهب لنا العقل , لا نسمع هذا ولا هذا , نشوف الاحداث في كل مكان يتواجد فيه التنظيم و نشوف افعاله و نحللها , كل مره نحلل نكتشف ان التنظيم مايمثل الجهاد , من سرقه الظواهري للتنظيم من عبدالله عزام والتنظيم انحرف عن مساره الجهادي و حط بن لادن بالواجهه عشان امواله و شعبيته وقعد يدير هو كل شي
والتنظيم بعد ما كان يتكلم بالجهاد الان تشوف دخل بالسياسه ويبي يسوي دوله على جثث واشلاء ودماء الشعوب المسلمه البريئه , وين الحروب تشوفه يطلع
مو اي حروب بعد , الحروب اللي اما يكون الايرانيين او الامريكان طرف فيها , فجأه تشوف اعلان عن قيام تنظيم القاعده
طيب يااخي انتوا نحشتوا من افغانستان لما دخلت في حرب مع امريكا , تتكلمون عن الجهاد والقتال في سبيل الله و تأمرون الناس في كل مكان بقتل الامريكان الجندي والمدني ولما وصلتكم امريكا الى المكان اللي انتوا فيه وتتحصنون فيه هربتوا جميعا
اللي راح باكستان واللي راح ايران وتركتوا امريكا تستفرد بالافغان المساكين ويحطون حاكم عليهم يحمل الجنسيه الامريكيه وتركتوا طالبان تقاتل بروحها اللي رفضت تسليم بن لادن و درء الحرب
هذا غير خطاب رحمه الله اللي راح الشيشان , ترى ماراح هكذا , لما سألوه عن السبب قال صارت فتنه تنظيم القاعده وانا بترك الفتنه واشوف مكان غيره فيه جهاد و راح الشيشان , خطاب مجاهد حقيقي مو مثل تنظيم القاعده المجرم
مره سألت ابو وضحى ايام بدايه المظاهرات في البحرين , يمكن اهو ناسي الحين السالفه , قلتله لو الشيعه في البحرين يقاتلون الملك والشعب البحريني تقاتل مع الملك ؟ قال لا
ماادري اذا غير رأيه الحين او مازال عليه , وابو وضحى و الشباب اللي معاه و شيخهم المبجل اللي يعلمهم اصول الجهاد ماراح يقاتلون وهذي سياسه القاعده بكل مكان , ينتظرون الطرفين لما يضعفون يخرجون ويعلنون عن نفسهم , طبعا ينتظر شيخهم المبجل منو يدفع اكثر
لاحظ تنظيم القاعده في العراق وسوريا لما يسوون سياره او قنبله مفخخه تكون ذريه مو قذيفه مدفع , عكس المجاهدين العراقيين الحقيقيين او الجيش الحر لما يسوون عبوه ناسفه يكون مستواها محدود ياله بالغصب تدمر دبابه او سياره عاديه , لكن التنظيم عليه عبوات تهدم بنايات
هذا كله من الدعم الايراني , تعطيهم عبوات جاهزه , كل ماعليه انه يضغط الزر , يعطونها الزعيم و الزعيم يروح لشخص مسكين مغرر فيه ويقوله يلا اتكل على الله , الحوريات بأنتظارك على احر من الجمر , يروح المسكين ويسوق السياره ويدرعم بأقرب سوق
حتى لو عنده حسنات راح يختصمونه الناس يوم القيامه وياخذون حسناته , الناس اللي ماتوا بدون سبب , واذا خلصت حسناته صار مكب للسيئات , ياخذ سيئات الناس اللي قتلها
انا ما ادعي الغيب او احدد منو بالجنه والنار لكن هذا اللي نعرفه
انا ادري كتبت واجد لكن بصراحه حبيت السوالف معاكم و انطلقت , وادري محد فيكم راح يقرأ الا اول سطر عشان يعرف الفكره و خلاص
لكن يااخوان وبالاخص ابو وضحى البحريني ارجع عما انت عليه الان , رجال التنظيم نفسهم يقولون كل الكلام هذا و رجعوا عما هم عليه من فكر منحرف , لا تحمل رقبتك دماء المسلمين الذين يقتلون في كل مكان بأيدي تنظيم القاعده و محد راح يفكك يوم القيامه لا بن لادن ولا الظواهري القابع في ايران
اما هنجري وولف , في ناس يطلق عليهم رفيجي الملك ولد بطنها اللي عروقه بالماي اسم "داقين هرن" وللأسف هنجري وولف منهم
هالشخص من جماعه المشككين , اللي يحاولون يشككون الامه بكل شي , يشككونهم بالكون و الدين وحسب اديانهم ان كانوا مسلمين يشككونهم بالاسلام او بأمور الاسلام مثل الزكاة انتهى وقتها لما قامت الدول وكل واحد صار عنده معاش ومافي فقراء او يشكك بالجهاد
يعني مثل هالامور , والكره الارضيه كرويه و ليش ما نطيح اذا صرنا بالقطب الجنوبي , هذا لأن الله سبحانه بسطها
طيب الشمس يااخ هنجري كرويه او شلون شكلها , يقول الله واذا الشمس كورت , يعني الشمس الان مثل القرص واذا صار يوم القيامه يجتمع القمر مع الشمس و تبلع الشمس القمر و تتكور عليه , عدل ؟ و منو اللي يتحرك الشمس تدور حول الارض او الارض تدور حول الشمس ؟ يعني واحد فيهم ثابت والاخر يتحرك ؟
و باب التوبه فوق الشام مباشره و الباب لا يقفل الا عندما تخرج الشمس من مغربها , يعني اذا باب التوبه فوق الشام معناته ان الارض ثابته عدل ؟ والشمس تخرج من مغربها يعني الشمس كانت تمشي و تطلع من المشرق وتغرب من المغرب لكن امرت ان تخرج من المغرب يعني الشمس اللي تتحرك , عدل ؟
والايه الكريمه تقول , والشمس والقمر كل في فلك يسبحون , و الايه الاخرى تقول , والشمس تجري لمستقر لها , والايه الاخرى ايضا تقول , الشمس والقمر كل يجري لأجل مسمى , كل هذا يدل على ان الشمس تتحرك عدل ؟ ليش يقولون الشمس ثابته والارض تتحرك ؟
طيب البيت المعمور يقع مباشره فوق الكعبه , يعني الارض ثابته , لأن لو تدور الارض معناته ان الكون كله يدور معاها وان الكواكب والنجوم واقفين او العرش يدور مع دوران الارض ؟
خرجنا من الموضوع بس مثل ماقلتلكم انا حبيتكم من اول نظره و ارتحت للسوالف معاكم , يا ابو اضرب واهرب
عموما واقولها للأخوه والتلاميذ واعضاء المنتدى كلكم تعرفوني انسان مسكين وفقير واللي بقلبي على لساني , مااحب احد يزعل من كلامي و لا ابي لغه الحوار تتدنى والكل يقدر يسب ويشتم ويقلل من قدر الناس امامه ولكن صدقوني مايقل قدر الا اللي يقل ادبه وانا مو من طبعي اسب واشتم
واذا شفت السب والشتم بدأ اترك الموضوع وامشي , تبوني امشي ؟ اكيد ماتبوني امشي و بما انكم ماتبوني امشي تكلموا بأدب واحترام
ترى مااقصد بكلامي احد ولكن اتمنى مستقبلا ان مايصير سب وشتم و نبي الاحترام والتقدير
ومادري شكنت بقول بعد
يلا مع السلامه
احم احم
؟
؟
.. أو دعنا نقول أنك أحسنتَ فهم هذه الجزئية ^^
؟
؟!
