قهوة WoW .. :P

[Karazhan]

انت يا قزم غير

انت جديد وعليك ملاحظات من الاداريين , من كنت تسجل بعضويات وكل مره تاخذ توقيف الى ان سجلت بالعضويه الحاله وكأنك صرت زين شوي وماتسوي مشاكل

لكن دوديت عضوه قديمه وماعليها اي ملاحظات من الاداره و عضوه نشيطه وتشارك بقسم ووركرافت وغيره من الاقسام الا ان شاركت بالطبخ وطلعت الاخيره واكتفوا بعد تمنن انهم يعطونها 100 نقطه قهر

في فرق

[قزم مصرطح]

انت يا قزم غير

انت جديد وعليك ملاحظات من الاداريين , من كنت تسجل بعضويات وكل مره تاخذ توقيف الى ان سجلت بالعضويه الحاله وكأنك صرت زين شوي وماتسوي مشاكل

يعني لدي سوابق , مثل شخص يدخل السجن ويخرج ثم يرتكب جريمة اخرى ثم يدخل السجن لمدة طويلة ثم عندما يخرج مرة اخرى يرتكب نفس الجريمة وهكذا ..

[Karazhan]

اي بالضبط

وعشان تبدأ حياة جديده لازم تشارك في انشطه تخدم المجتمع و تبين حسن السيره والسلوك و شوي شوي تبدأ الاوسمه تتساقط عليك مثل المطر

بشرط انك تنظم الى العصابه وتشارك بالترفيهي , اما الاقسام الثانيه او بدون انضمامك للعصابه راح تشارك بدون اي معنى وكل 5 سنوات تاخذ وسام نشاط واحد , يعطونك الوسام عن الحلال والحرام بس مو عشان سواد عيونك

ويمكن عندهم اوسمه متكدسه و يدفعون زكاتهم و كل سنه شخصين و نص يحصلون على وسام , او يوزعون وسامين و 100 نقطه عشان تكون بقدر الزكاة ال 2.5%

[Karazhan]

رحنا فيها

المدير دش

[قزم مصرطح]

سلام عليكم وتصبحون على خير سأنام الآن لأن الشمس بدأت تشرق عندنا وليس من طبعي ان ابقى مستيقظ في النهار , نراكم في ليالي قادمة.

[Dudette]

اقول بو شنب ترا الكلام الي كتبته كبير شوي

امسحه قبل ما يشوفونه وخلاص يا معود ما نبي شي والله ما ابي شي حتى هالنقاط ما ابيها ههههههه شنهه سوت شي ومكتوب ورده لم تكتمل مادري لم تتفتح شو سالفتهم هالنقاط

انزين بو شنب كفايه ندخل ونطمش ونطلع ولو حد يبي مساعده وعرفناله بنرد وخلاص

ترا عادي والله

[Dudette]

تصبح على خير قزووووووم

[darkitp]

كازا و دويتي .. عطيتكم صلاحيات في هالقسم
خذوا راحتكم فيه ..

إذا تبغون اوسمة او تعطون اوسمة لاعضاء هالقسم ارسلوا لي بالخاص سواء في مسابقات خاصة بالواو
او
( التميز بالكتابة و المشاركة , الابداع بكتابة مواضيع حصرية , او النشاط في المشاركة )
http://www.montada.com/awards.php?#award172

[Karazhan]

امبسط يا عم

من كنا ندور الوسام صرنا نوزع اوسمه , شعليج بعد صرتي عضوه مراقبه و توزعين اوسمه

يلا شدي حيلج , الرجال عطاج اياها من الاخر , قالج تبين اوسمه لج او لأي شخص كلميه برساله خاصه

يلا روحي اخذي اوسمتج اللي انحرمتي منها , بس خلج حقانيه يعني كل 100 مشاركه وسام مو 670 وسام على كل مشاركه وسام يعني

او كل 200 احسن , و كل 50 مشاركه بالقسم عطي صاحبها وسام نشاط

انا اتعامل بشفافيه كل 50 مشاركه وسام نشاط وان وصل 100 وسام ابداع و 250 وسام تميز

راح تغرقكم دوديت بالاوسمه بس عطوها فرصه شلون تتعلم للادوات بالنقل والحذف والتعديل

عطو سداح فرصه

[Dudette]

سلام ، اعرف كيف اسوي دمج ونقل واغلاق وحذف

[Karazhan]

ليش فاتحه السينما ؟

اوووه هذا توقيعج ؟

هذا بوستر دعايه لعبه بمجمع

[Dudette]

ههههههههههههه مب عين عليك كل الافلام فل وفي افلام متاخره وما اقدر اروحلها ، فخذيت الوالده ورحت المطعم والتوقيع طلع اكبر من الصفحه بصغر التوقيع وبردلكم

[قزم مصرطح]

كازا و دويتي .. عطيتكم صلاحيات في هالقسم
خذوا راحتكم فيه ..

إذا تبغون اوسمة او تعطون اوسمة لاعضاء هالقسم ارسلوا لي بالخاص سواء في مسابقات خاصة بالواو
او
( التميز بالكتابة و المشاركة , الابداع بكتابة مواضيع حصرية , او النشاط في المشاركة )
http://www.montada.com/awards.php?#award172

مبروك على الصلاحيات وتحية طيبة للأخ دارك تيب , انا من زمان قلتها , الأخ دارك تيب صاحب قلب كبير وكريم , ماريك يا اخ دارك تيب ان نصبح اصدقاء وعشرت عمر , مثل صديقي واخي الطيب الكرزان ابو شنب الحب .

[Karazhan]

زين قزم ماعلينا الحين

المهم ابي رأيك هالمره صج مو غشمره , اذا لك خبره بالعطور

انا بقولك قصتي مع العطورات و شنو سويت ووين وصلت

شوف انا من عمري اشتري عطورات ابو طقه , يعني عطورات رخيصه اللي الواحد بنص دينار او دينار

المهم اني صرت احصل عطورات هدايا و كلهم اصليين طبعا , بصراحه بصراحه ماادري اذا اصليين او لأ لكن يجيوني هديه واستحي اسأل اذا اصلي او لأ

المهم اني لما ارش من واحد فيهم واطلع من البيت و اوصل السياره تختفي الريحه , اروح الدوانيه الريحه غير موجوده او لازم تلصق خشمك بصدري عشان تشمها , يعني تصير ضعيفه

بعدين جتني فلوس وقلت ابي اشتري نظاره و عطورات اصليه , رحت شريت نظاره و اخذت 3 عطورات قيمتهم طلعوا علي بشي و 90 دينار , اخذت 3 عطورات , 2 منهم لما ارش الريحه تقعد يوم كامل لكن شنو , لازم تلزق فيني عشان تشمها

بالبدايه ارشهم تشم عادي بس مع الوقت تروح لين تضطر او انا اضطر اذا رحت مجمع تجاري او وزاره عشان اخلي الناس يشوفون اني حاط ريحه امسكهم و احطهم على صدري عشان يشمون غصب

العطر الثالث من الجزيره , شركه تسوي عطورات , عطرهم زين و حلو و يطول اكثر من الباقي لكن بالنهايه اضطر امسكك و احطك على صدري عشان تشم

ناس قالولي ترى الريحه تبين لكن انت ماتشمها لأنك تعودت و لأنك مدخن , بس الناس تشمها واضحه

انا كلامهم هذا ما اقنعني , ابي عطر اشمه دايم ويكون قوي و حلو و فواح

انا ساعات اروح مراجعات بوزاره او مكان مزدحم , يمر جدامي شخص اشم عطره قوي و حلو و لما يروح تبقى الريحه بالممر ماتروح ساعه

انا ابي جذي , زهقت وانا اشتري و يطلع فالصو العطر

ناس قالولي اخذ توم فورد , و ناس قالوا اخذ عطر اسمه 1 مليون , ناس قالوا عطر اسمه الشيخ

انا ما ودي اخذ وبالاخير يطلع فالصو نفس اللي عندي

انا ابي شي قوي , تعرف يعني شنو قوي , يعني لما ارشه بالبيت و اروح وزاره بالصيف بعز الحر و الشمس فوق , و ادش الوزاره الممرات اللي امشي فيها تقعد ريحتي فيهم ساعه , مو ريحه العرق , ريحه العطر

لما اصعد الاصنصير و معاك 10 فيه كلهم ودهم يحضنوني من حلاوه عطري

انا شي جذي , ابي اكون سبشل , ابي اكون عطر متحرك بذاته

ارجوا انك تفيدني او اي شخص يفيدني بالشي هذا

كلمت واحد يشتغل بالعطورات , مو محل ولكن اهو نفسه يسوي عطورات , يعني عنده كل الماركات ويقعد يسوي تركيبات و يخليهم مركزين 100% ويبيعهم

تعرف العطورات في مركزين و في تواليت , التواليت يكون تركيزه اقل ولأن تركيزه اقل يموت بسرعه , يعني تحطه بالبيت توصل الدوانيه ماكو ريحه

كل ما زاد التركيز كل ما زادت قوه العطر و استمراره , عاد هذا عنده كل العطورات و اي ماركه تبيها ان كان عطر فرنسي او شرقي و اذا تبي يخلط معاهم عطورات ثانيه , يعني مثلا يحطلك بالعطر الواحد 7 عطورات مع بعض و يحط كحول عشان التركيز و يحطهم بقرشه 50 ملي او 100 ملي ويعطيك اياها

هذا يقول ان اغلب العطورات تكون تواليت , عشان جذي تشتري اصلي و غالي وبالنهايه بسرعه تروح ريحته , فأنا "اللي يكلمني" ازيد التركيز و اخلط كم عطر خسب رغبه الزبون وابيعه

وسألته عن اللي يمرون علي و تبقى ريحتهم بالممر , قالي هذوله صدقني مو عطر صك حاطين , هذوله 100% يتعاملون مع شخص واهو يسوي عطوراتهم و يخليها مركزه 100%

فأنا الحين محتار

قالي هذا ان يسويلي 6 عطورات 50 ملي من ماركات مشهوره ب10 دنانير , وقالي شرط عطوراتي قويه و فواحه و تقعد معاك مو ترشها بالبيت وتوصل وجهتك ماتحس بشي

فأنا حبيت اسألك واسأل الشباب اذا لهم خبره بالامور هذي او مجربين




واذا ماتعرفون ماكو الا ادق عالرجال هذا وبقوله يجيبلي 6 عطورات و اشوف حظي , اهو صادق او مثل المحلات

والعطورات عطاني اسمائهم واللي هم

سلفر سنت
توم فورد بلاك
توم فورد تاسكان
توم فورد نوير
ديور هوم
الور سبورت
دكني
اي روز فرزاتشي
توم فورد كافي
منعش عطر صيفي
عود رويال
المميز
خجل

عطاني هالعطورات قالي اختار منهم 6 ب10 دنانير , طبعا الاسماء هذي لعطورات اصليه , انا ماادري اهو يبيع عطر اصلي و لكن يزيد التركيز فيه

بس اذا اصلي شلون يربح , العطر الواحد ب30 دينار يمكن

الظاهر ان لهم طريقه انا مااعرفها او يشترون من المصنع الخلاصه مثل البودر و يزيدونه كحول

الله اعلم بس الاكيد ان اذا ماتعرفون ماكو الا اشتري منه و اشوف

يا خال يا بو 2

[قزم مصرطح]

اذا كنت تريد رد جدي فهو , العطر الفواح والقوي والذي تشمه من بعد اميال مثل بول الذئاب عندما تقوم بتحديد منطقة نفوذها في الغابات الشاسعة , مثل هالعطر القوي باختصار يكون عطر نساء اي يعتبر كزينة ويناسب النساء أكثر من الرجال , اما عطر الرجال الأفضل برايي ان يكون ذو رائحة متوسطة ولو كانت قليلة تكون احسن وتكون ارستقراطي وليس بلدي صعيدي برائحة عطر تفوح من بعد ميل , عموما عطر Dolce & Gabana اصلي عطر قوي وارستقراطي جربه .