قهوة WoW .. :P

[قزم مصرطح]

الأخ الكرزان لما تصطاد بلباس ابيض , استعمل لباس الصيد , وهل لديك كلب صيد

[Karazhan]

انت لما كتبت او عدلت اخر شي وكتبت الغشمره فهمتك

لما كانت وقاحه بس مافهمت

انت تقصد اني اتغشمر واجد و مااقول شي الا غشمره ومااقول الصج

لا يا قزم مو جذي , انا الكل تقريبا بالمنتدى يعرف انا منو و حتى صوري حطيتهم وشافوني الناس كلهم

و من اعرفوني الناس صرت اتغشمر و هالسوالف لكن الكل يدري يعني من اكون

عموما ماعلينا

خلني اقولك قصه العطور

امس دقيت على صاحب العطور وكلمته و استفسرت منه عن العطور , المهم قلتله عندك عطر ون مليون قال لا

عندك عطر الشيخ قال لا

قلت طيب توم فورد كم عطر قال 5 , قلت عطني عطوراته كلهم , قالي باقي واحد لأن المجموعه 6 عطور ب10

قلت عطي شي من ذوقك

المهم قلتله انا بنام الحين وانت متى تجي ؟ قال الساعه 9 بالليل , قلت انا بنام وراح اوصي الاهل عليك ان جيت عطهم ويعطونك الفلوس

المهم توني اقعد و رحت مطعم اكلت و عملت شاي بقلاص جبن وكتبت المشاركات فوق , وانا الى الان ماشفت العطور

شفته داق علي الساعه 7 ونص , المهم رحت الصاله مالت اهلي مو صالتي انا , جان اشوف كيس , فتحته وله فيه العطورات

انا توقعت ان ما جابهم صراحه

المهم الحين العطورات عندي , رشيت واحد واحد منهم , كلهم حلوين و فواحين , انا توقعت ان الناس هذي تسوي عطر يفوح بشكل كبير , يعني من كيلو تشمه

لكن طلع عادي بس تحس انه فواح يعني , شلون افهمك

انا العطورات اللي اشتريها وتكون اصليه لما ارشها اشم ريحتها لكن بعد فتره تبدأ تختفي بس اللي عندي يشمها لغايه ما يتعود عليها وتختفي

هذا لا , تشمها مثل العطورات الاصليه لكن ما تختفي , نفس قوه العطورات الاصليه او اقوى شوي لكن ماتختفي بسرعه

الحين رشيت من ال6 عطورات , اللي عطاني اياه زياده كاتب عليه اسم منعش , مدري في عطر اسمه منعش او اهو مسويه خاص و اطلق عليه هالاسم

بس بصراحه يا قزم شي طيب . اخوي قالي قبل اشتري انهم نصابين وماعندهم سالفه , قلتله بجرب وبشوف مو حرام , اشوه اني جربت , طلعوا عطورات محترمه والله و ريحتهم ريحه العطر الاصلي بس اقوى منه بدون ازعاج

يعني مو قوي لدرجه انه يزعج الناس , لا هذا فواح بس , يعني ناعم لما تشمه مو تجيك حكه بخشمك

شكلي بطيح فيهم خلاص

6 ب10 دنانير يابلاش

توني شفت عطر كريد ب65 بعد الخصم بغيت اغص بالشاي

خلنا على الخلطات ابرك

[Karazhan]

لا والله ماعندي

كان عندنا قبل 10 سنين كلاب صيد "كلبين" نسميهم سلق , اللي يجي مخصر



نفس هذا , بس كانوا حق صاحبي و ترك الصيد و اهدى الكلاب لشخص

قالي تبيهم ؟ قلت مايربي الكلب الا الكلب

زعل علي

المهم انا مااحب الكلاب ولا الاكل من الصيده اللي يجيبونها , مااحب المس الكلب حتى

مع ان مافيها شي لكن انا ما اتقبل , اشمئز اشمأز اشمؤز شلون تنكتب اشمئزاز بس بصفه الواحد يتكلم عن نفسه ؟

انا اشمئزاز من الكلاب و من لمس الكلاب وع وععععععععععع

[Karazhan]

على البدله اللي حاطها هذي لو البسها واتقنص فيها ويشوفوني الناس يمسكوني ويسلموني لأستخبارات الجيش

و يلفقولي تهمه دخول البلاد بصوره غير شرعيه و يقولون من الحرس الثوري الايراني

[Dudette]

صباح الخير

قزووووووووووم انت بعد تعصب ؟

[Karazhan]

صباح نور

انت بتبصبص على مراتي وانا وائف كمان




اللي يسار صاحب الاوتيل مع كل طراق ينقز من الخرعه

[قزم مصرطح]

لا والله ماعندي

كان عندنا قبل 10 سنين كلاب صيد "كلبين" نسميهم سلق , اللي يجي مخصر

هو هذا الكلب اصله من اين , لأن اصل هذا الكلب من نفس البلد الذي انا به حاليا .

صباح الخير

قزووووووووووم انت بعد تعصب ؟

صباح القشطة , "القزم المعصب" دخل قبل قليل بعضويتي وجدب على المنتدى باللي فيه , رآه "القزم الواشي" وأخبرني , اذ لم آتي في الوقت المناسب واعتذر للأخ الكرزان لكان "القزم الإرهابي" وضع المتفجرات بكل مكان وفجر المكان بما فيه , لأنه عندما يسمع او يرى هوشة يبدأ بزرع المتفجرات .

[Karazhan]

واللهي مااعرف وين اصله

انا اللي اعرفه ان المخصر من الكلاب يكون بطنه ضعيه و صدره كبيره و طويل نسميه سلق او سلقه تأنيث

في كلاب صيد كثيره مو شرط يكون النوع هذا , لكن هذا لأن الاسرع و يتحمل الركض مسافات اطول لأن خفيف و ضعيف وصدره كبيره عشان الرئتين كبار و نسمه طويل بالمسافات الطويله

ياخذونه لصيد الارانب و الغزلان الصغيره

عموما اني مااحب الصيد فيهم ولا افكر اقتني واحد

و دمتم ب ود

[Dudette]

مب متاكده بس اظن من مصر لان في عندهم منحوتات الفراعنه موجود صورته

وفي منحوتات فارسية بعد عندهم صورته

بس من الاقدم ؟؟؟ ما اعرف

الصراحه انا احب الكلاب وكان عندي واحد وللاسف مات

يعني انت من مصر لان استبعد فارس

وشي ثاني انت تقول الحين الشمس تغرب عندكم يعني انت في:

مثلا امريكا
مثلا البرازيل
مثلا الارجنتين
مثلا المكسيك
مثلا اوستراليا
مثلا اليابان
مثلا كندا
مثلا .......... الخ.........

[Dudette]

هاي بعض الصور

[Karazhan]

اي اذكره الكلب مالج , بعد كان اسمه كرزان مسميته علي عفيه عليج



والقزم هذا كويتي ابا عن جد واذا مو كويتي ادق شنبي و اهو البسطويسي واذا مو البسطويسي ادق شنبي بعد

واضح وضوح الشمس من تتابعين كم مشاركه لا شعوريه يكتبها و تشوفين مشاركات البسطويسي تعرفين انه اهو

وجدام الناس اذا مو البسطويسي و مو من الكويت انا ادق شنبي

[Dudette]

من هذا البسيوطي ؟

وشو يعني اسمة ؟

[Karazhan]

هذا سيد الحرب او مثل ما تطلقون عليه باللعبه warlord

هذا اللي قدر ينحش العصابه من المنتدى

هذا ذراع الملك اليمين

[Dudette]

وينه افا ما لحقت عليه

وانت ليش معصب

شو سوولك ؟

[Karazhan]

ما سوالي شي
بس باط جبدي مسوي روحه غامض واهو ماكو احد بالمنتدى الا ويعرفه