مكملاتي من البودي بيلدنق

[psp99]

السلام عليكم

اليوم وصل كورسي الجديد من البودي بيلدنق وحبيت اعرض لكم اياه

وراح ابدء فيه بعد اسبوعين لانه لحين ماخلصت كورسي السابق ووقفت عنه عشان شهر رمضان المبارك


وهذا الكرتون الي وصل


داخل الكرتون




هذي هديه تروجيه تجي مع كل طلب



ولما فتحت الشيكر حصلت بعد هديه تروجيه من الشركه



وهذي كل المكملات الي طلبتها



1 الدب الروسي
2 Bcaa من شركه جاسباري

وانشاءالله راح اوافيكم بنتيجه الكورس

[Black Volcano]

ماشاء الله على البركه الوصول وتوصل مبتغاك ان شاء الله
وش شركة الشحن ؟ وكم استغرقت

[psp99]

تسلم حبيبي على هالكلام الطيب


بلنسبه لشركه الشحن الطلب كان عن طريق البودي بيلدنق
والشركه الي شحنتها ماذكر اسمها لانه غير معروفه واول مره تمر علي لاهو البريد الامريكي الممتاز ولاهو فيديكس او يو بي اس !


والاختيار كان على الشحن العادي ارخص شي وخذت يومين بالضبط لحد ماوصلت عندي

[xplod]

ماشاء الله
عالبركة وصول الغراض
وافهم من كلامك الشحن كان مباشر من الموقع
او عن طريق بريد امريكي

لان اللي اعرفه ان الموقع مايشحن خارج امريكا

[psp99]

الله يبارك فيك

الطلب عن طريقهم وانا عايش ف امريكا ف اخذ يومين لحد ماوصل عندي
وكان لي تجربه قبل سنتين طلبت من الموقع وانا في قطر اخذت ثلاث اسابيع لما وصلت واستملتها من الجمارك
وطلبت طلبيه ثانيه ولاوصلت ولاقدرت حتى ارجع فلوسي وقالولي المشكله مع الجمارك مب من عندنا

[المحلوه]

السلام عليكم ورحمة الله وبركاته

يعطيك الف عافية اخوى على الموضوع الجميل وبصراحه المكملات جميله وماعجبنى الادب الروسي لنى توني شاريه

وبصراحه ياليت تعمل لى هل خـدمه واكون شاكر لك من كل قلبى ابى منك تجرب طعم الدب الروسى ؟ هل فيه فرق بين الى عندى وعندك!! ياخى الى اشربه احس بطعم غريب شوى وكنه طعم اسمنت او ماشابه ذالك واحسه غريب شوى..!!

وياليت لو تجرب منه ربع او القليل منه معا حليب وتشوف طعمه كيف راح يكون !! هل هو ثقيل ودسم بعض الشى او لا ؟ ابى بل تفصيل شنو تحس بل طعم

ارجوك جربه بل وقت الحالى لنى صار لى كم يوم شاريه وحاس بشكوك بصراحة يعنى لو تقدر تفتحه واجرب منه القليل فقط معا الحليب ..

وجزاك الله الف خير .

[psp99]

هلا اخوي

ولايهمك مايصير خاطرك الاطيب
وانا اليوم بخلص البروتين الي عندي وبكرا راح ابدء بالدب الروسي بس انت قولي بالاول
كم سكوب تاخذه للمره الوحده وكم كميه الحليب ؟
احيانا يكون ثقيل بسبب البودره تكون اكثر من الحليب

عن نفسي بكرا راح اجرب سكوبين مع 600 ملي حليب وبقولك وش النتيجه
وانشاءالله البروتين الي عندك سليم ومافيه شي

[المحلوه]

والله احط شى بسيط من البروتين مو واجد يعنى والحليب اعتقد كي دي دي على ماظن الصغير وجربته معا قليل دسم ماعجبنى طعمه جربته معا كامل الدسم طلع احلا شوى


اول شى اسويه احط البروتين فى الشكير ومعا الحليب وارجه فى يدي والاحظ رغوه كثيره جدااا .. وطعمه دسم شوى واول ماينزل على المعده تقريبا احس بصوات او وخزات خفيفه فى البطن وهاذ شى طبيعى عادى .. + والى عندى طعم الفانيلايا

واول مافتحت علبة البروتين مليانه شوى نص ونص يعنى وقالى اعتقد الى كان يبيع تكفى لمدى 15 يوم...!!

ياليت تقولى هل تحس فى هاذى الاشياء والاعراض...!!


وراح تحس بل فرق من اول سبوع على فكرة اذا كان قوي واصلى

[071071]

مبروك البضاعة ياكابتن .. والله يوفقك

عندي طلب بسيط اذا تقدر تصور تاريخ انتهاء بروتين الدب الروسي وتضيفها بالرد أكون لك من الشاكرين ..

[psp99]

والله احط شى بسيط من البروتين مو واجد يعنى والحليب اعتقد كي دي دي على ماظن الصغير وجربته معا قليل دسم ماعجبنى طعمه جربته معا كامل الدسم طلع احلا شوى
كلامك صح عن تجربه في كل البروتينات مع حليب قليل الدسم طعمه سيئ بعكس كامل الدسم ولو تجرب مع الماي راح تشوف الاسوء

اول شى اسويه احط البروتين فى الشكير ومعا الحليب وارجه فى يدي والاحظ رغوه كثيره جدااا .. وطعمه دسم شوى واول ماينزل على المعده تقريبا احس بصوات او وخزات خفيفه فى البطن وهاذ شى طبيعى عادى .. + والى عندى طعم الفانيلايا

طيب اول شي انا عندي فانيليا مثل الي عندك وجربت سكوبين ونص مع 700 ملي حليب بلنسبه للروغوه مب كثيره بس شي عادي لانه حصلت لي في منتجات ثانيه

وبلنسبه للاصوات والخزات ماحصلت لي بس كانت تحصل لي مع بعض المنتجات واشوف انه بعد شي طبيعي ويختلف بين كل انسان وبلنسبه لدسم صحيح هو شوي دسم
واول مافتحت علبة البروتين مليانه شوى نص ونص يعنى وقالى اعتقد الى كان يبيع تكفى لمدى 15 يوم...!!
شي عادي نفس الي عندي
ياليت تقولى هل تحس فى هاذى الاشياء والاعراض...!!


وراح تحس بل فرق من اول سبوع على فكرة اذا كان قوي واصلى

ربي يسمعك منك

___

بلنسبه لطلب اخوي

071071

تفظل هذي صوره التاريخ للبروتين

[071071]

تسلم ياكوتش .. تسلم يمناك ...

[المحلوه]

يعطيك العافية

طيب الطـعم شلونه معاك ؟ يعنى فيه سكر كثير ولا لا او معتدل ؟

[psp99]

السكر اشوفه معتدل بس البروتين لزج شوي ماقد شفت اللزوجه في البروتينات الي استخدمتها قبل

وانا لحين لي 3 ايام معاه كل يوم استعمل 5 سكوبات مقسمه سكوبين ونص على مرتين والحمدالله زاد وزني كيلو ونص خلال 3 ايام!!
عجبني المنتج بصراحه من ناحيه الطعم ومن ناحيه انه منتج قينر وسكوبه مب كبير حيل وعشان احكم على المنتج عدل راح اطلب علبتين زياده

[المحلوه]

مشكور والله وماقصرت تعبناكك معــنا


بخصوص الطلب من البدى بلدنق الى عقدنى فيه شى واحد وهو ZipCode ?? والله مانى عارف حق شنو ياليت تفيدنى واحسن شحن للكويت وشكرا لك

[psp99]

الزيب كود ياطويل العمر هو رمز المنطقه لكن عندنا بلخلبيج المناطق مب مرتبه
مثلا انا في كاليفرونيا الزيب كود حقنا ثابت وهو92101
لكن في الخليج مافي هالسوالف انا وش كنت اسوي لما كنت اطلب وانا في قطر كنت احط فتح الخط التلفون هههههه اهم شي اعبي الخانه واهم شي هو العنوان يكون دقيق وصحيح بس
وبلتوفيق لك واي مساعده انا حاظر