قهوة WoW .. :P

[Karazhan]

انا انصحك كونك تلميذ مخلص , لكن بالنهايه انت حر وتختار اللي تشوفه بنظرك صح

لكن انا احذرك من جماعه الاخوان المجرمين , لا يخدعونك , لا تصدقهم , لا تمشي خلفهم

هؤلاء عندهم التقيه السياسيه , هؤلاء هدفهم الوحيد هو السلطه , اين ما كانوا الهدف هو السلطه

هؤلاء مثل الشيعه في ايران . علاقتهم طيبه معاهم و خامنئي معلمهم اسلوب التقيه وكيف يكون لهم مرجع وحيد في العالم و دوله وحيده من خلالها يبثون سمومهم لكل الدول الاسلاميه

زراعه الخلايا في كل الدول الاسلاميه لأستخدامهم وقت الحاجه و عمل سيناريوهات لكل دوله

لكن فوق ما ان الجماعه هدفها سياسي لكن جهله بالسياسيه و كيف يسايسون الناس حتى , من اول سنه انفضح امرهم وقام عليهم الشعب لأن حتى ما استطاعوا انهم يكونون افضل من العهد السابق ولو ب1% فقط

الان عايشين مشردين بكل الدول , لأن سياستهم في مصر انكشفت و انكشف معاها مخططاتهم بكل الدول الاسلاميه

من زياره احمدي نجاد لهم والناس ايقنوا ان هناك رابط بين الاخوان وملالي ايران , انا حذرت من هذا سابقا لكن لا حيا لمن تنادي , قالولي ماكو شي والوضع طبيعي

قلت ياجماعه المواضيع ماتمشي هكذا , الامور هذي تكون بسريه و تحت الطاوله , الاخوان مستعدين انهم يفتحون مصر لأيران من اول يوم لكن مايقدرون بالوضع الحالي , مو بالضروره يعلنون حبهم لملالي ايران من اول ساعه يصلون لسده الحكم

لازم اول شي الامور تكون بسريه و استيراد المبشرين من ايران , و عمل غسيل مخ للشعب المصري , حبه حبه مو كل شي على طول يجي

المهم اني حذرت و مهما سمعت منهم تصريحات ضد ايران لا تصدقها لأن هؤلاء يتعاملون بالتقيه السياسيه و هذا شي معروف عنهم و قالها الشهيد انور السادات . مع ان انور السادات اخرجهم من السجن بعد ما كان جمال عبدالناصر يزجهم بالسجون

جاء انور السادات وطلعهم واكرمهم و رجعهم وظائفهم مع رواتبهم بأثر رجعي , لكن تدري شنو قال بعدين ؟ قال "انا كنت غلطان"

هؤلاء لا يعترفون لا بدين ولا مذهب , المرجع الوحيد الملزم اتباعه هم المرشد , والفتوى التي اصدرها بحرمه الانضمام للجيش في حروب مصر هذي تكفي ان هؤلاء لا يستحقون البقاء في مصر دقيقه , بغض النظر عن من هو الحاكم

مصر في حرب مع اسرائيل يخرج المرشد ويحرم الانضمام للجيش ويأتون الان يحكمون مصر ؟

انا لو مصري ووجد ان الاخوان يحكمون مصر و لم يقم الشعب عليهم كان انتحرت ولا اعيش في ظل حكمهم

هؤلاء لم يقاتلوا اليهود اللي كانوا يحتلون اراضي مصر . يأتون الان ويقولون اننا نحمي مصر من التشيع و ملالي ايران ؟ كذبوا والله

فوق هذا الجماعه لهم بيعه للمرشد , بيعه في اعناقهم للمرشد و هو المتصرف بهم , يقول يمين راحوا يمين يقول شمال راحوا شمال , يقولون لا احنا ولائنا لمصر كذابين , ولائهم للمرشد من كبيرهم الى صغيرهم

مايهم منو الحاكم ولا يهم البلد كله , المهم هو شلون نصل للحكم بأقل الخسائر

وفعلا استطاعوا التسلق على اكتاف المصريين اللي اسقطوا حكم الاسير حسني مبارك , الناس و من جهلهم صدقوا شعارات الاخوان , وقالوا هؤلاء جماعه سياسيه يعرفون اكثر من غيرهم و يدعون الاسلام و التدين وما الى ذلك

لكن لما وصلوا للحكم انكشفوا على حقيقتهم و قام الشعب عليهم قبل يسرقون البلد كله ويسترجعون مصر منهم

صدقني ما يدافع عنهم الا الجاهل في تاريخهم , اذا احسوا بالخطر قالوا الدين والدين

حتى ان من سفهاء الاخوان من قال المناكير الى ان قالوا مرسي هو الحاكم بأمر الله , وسياستهم ان اذا احتاجوا دعم الشعب تكلموا بالدين وقالوا احنا الدين والباقي زناديق

الدين هو الاخوان والاخوان هم الدين , و محاربتهم هو في الواقع محاربه الاسلام , اي اسلام اللي يتكلمون عنه ؟ الاسلام والله برئ منهم و من اللي يسيرون على خطاهم , اي اسلام وهم لا يغارون على بلدهم ولا دينهم و لا اعراضهم

لما احتلت مصر لم يقاتل منهم الا اللي تجندوا الزامي , هذا اذا ما هربوا لأن الفتوى من المرشد تقول بتحريم الانظمام للجيش , و اي دين اللي يتكلمون عنه اذا مايعترفون لا بالازهر ولا بأي علماء او مشايخ الا المرشد , ماياخذون القران وتفسيره الا من المرشد

ويتركون الازهر اللي يخرج العلماء في كل سنه , يأتي المرشد يحمل شهاده المحاماه او اي شهاده مالها اي علاقه بالدين و يعطوهم العلوم الشرعيه و يفسر لهم القران

اي دين هو دين الاخوان واللي يطالبون الشعب ان يدافع عنهم بأسم الدين والاسلام ؟ الحين صرتوا تعرفون الاسلام

الحين يقولون وين الازهر ساكت عننا و عن الامور اللي تحصل , هذا لأن الازهر يعرف انكم ماتعترفون فيه و ان مذهبكم هو مذهب خاص فيكم لا ولاء ولا سمع وطاعه الا للمرشد

هذي حقيقتهم , هذي حقيقه الدين عندهم , الدين يتكلمون فيه لما الناس تقوم عليهم وان محاربتهم هو محاربه للأسلام

هل الشعوب الاسلاميه كلها تتبع الاخوان ؟ او مجموعات متفرقه هنا وهناك و موزعه على الدول الاسلاميه , هل هم الاكثريه او الاقليه ؟ طبعا هم الاقليه

لكن يرون انهم على الحق والباقي على غلط , يرون انهم الاجدر بحكم العالم الاسلامي

بالضبط مثل الرافضه اللي يشوفون نفسهم على الحق وانهم الاجدر بحكم العالم الاسلامي , ولما الاثنين يتشاركون بمثل الافكار صار ترابط بينهم وكل واحد يدعم الاخر

اقلها دعم ايران لحماس في غزه و حماس ينتمون للأخوان , حماس عملت مجازر ضد اهل السنه في غزه و عملت دوله داخل دوله , فلسطين محتله و تبي اللي يحررها يأتون هؤلاء ويسوون دولتهم الخاصه

وطبعا ايران تدعمهم بكل شي , وانتوا تعرفون ان ايران تتمنى ان يكون لها نفوذ داخل دولنا العربيه , خصوصا وان سوريا راحت عليهم او على وشك السقوط

فما بالكم لو دوله مثل مصر يسيطر عليها الرافضه شنو راح يكون وضعها بعدين وتأثيرها على باقي الدول العربيه

وهذا لم يتم في عهد الاسير حسني مبارك , لكن بعهد الاخوان كلكم شفتوا احمدي نجاد في مصر و عامل علامه النصر و لها مقصد اخر

شنو تبون بعد ؟


انا بروح اتغدا


باي

[Karazhan]

دوديت الحين بشارع نانا تتمشى وانا قاعد هني بالرطوبه

صج هناك رطوبه لكن رطوبتهم الذ من رطوبتنا , انا ودي اعبي رطوبتهم في علب و ابيهم على المصبنه هني

ونقعد بالقهوه اللي بشارع نانا عند المطعم المصري و نشرب شاي كشري و ندخن الشيشه , مع اني ما ادخنها بس هناك يصير لها طعم غير

كل شي هناك له طعم مختلف , ونشوف اللي رايح واللي جاي و نشوف دوديت تتمشى عند محلات ابو ريالين تشتري هدايا حق ربيعتها اللي راحت معاها المطعم وكل واحد دفع لنفسه الحساب

لو انا مستحيل اخلي غيري يدفع , اي نعم انا ما ارضى احد يدفع وانا موجود مستحيل


fire burning on the sun

its killing almost everyone

you never seen the sky like this

you never want to die like this


mother...

are we flying through the universe

are we dying through the universe

[قزم مصرطح]

دوديت الحين بشارع نانا تتمشى وانا قاعد هني بالرطوبه

صج هناك رطوبه لكن رطوبتهم الذ من رطوبتنا , انا ودي اعبي رطوبتهم في علب و ابيهم على المصبنه هني

ونقعد بالقهوه اللي بشارع نانا عند المطعم المصري و نشرب شاي كشري و ندخن الشيشه , مع اني ما ادخنها بس هناك يصير لها طعم غير

كل شي هناك له طعم مختلف , ونشوف اللي رايح واللي جاي و نشوف دوديت تتمشى عند محلات ابو ريالين تشتري هدايا حق ربيعتها اللي راحت معاها المطعم وكل واحد دفع لنفسه الحساب

لو انا مستحيل اخلي غيري يدفع , اي نعم انا ما ارضى احد يدفع وانا موجود مستحيل

اتمنى ان تحضر لنا دودي شيء من تايلاند كهدية , على الأقل سجائر تايلاندية , لو تحضر لنا حتة حشيـ ... تايلاندية تكون احسن . انا احب ان يدفع غيري الحساب خصوصا لما تكون قاعد في قهوة واكلت وشربت على حساب غيرك ثم دخنت عليه بالسجائر وكل هذا وانت لديك فلوس في جيبك اكثر منه .

[Karazhan]

في تايلند عقوبه المخدرات هي الاعدام

يدافع البلا

اروح استانس يصيدوني بأصبع حشيش ويعدموني

انا انصحكم بالابتعاد عن المخدرات , المخدرات تدمر مو الانسان بس , تدمر حياته الاسريه , في منهم من يبيع اهله عشان المخدرات

يبيع خواته جواري من اجل المخدرات الله يكفينا شرهم

الزقاير ابرك

[قزم مصرطح]

اوكي خليها تعدي من تايلاند على كوبا وتحضر لنا السيجار الكوبي الغليظ الغالي , وبما ان الأخت دي دي تبدوا من عائلة ثرية وناس عايشة عيشة فله , تحضر لنا علب سجائر كوبية غليظة من النوع الفاخر , على الأقل 10 علب ندخن البعض ونهرب البعض الآخر عبر الحدود ونبيعه بأسعار مرتفعة .

[Karazhan]

اترك عنك الزقاير


الحلم اصبح حقيقه
الحلم اصبح حقيقه

ابشرك وابشر الامتين العربيه والاسلاميه

وابشرك كل الشرفاء بالعالم المحبين للسلام

الان الحلم اصبح حقيقه

ومن الان و رايح كل شخص فيكم يصنع عطره الخاص بنفسه او اي عطر يحبه , انا مااقول انك تسوي عطر تقليد او عطر يشبه العطر الاصلي

انت راح تسوي العطر الاصلي بنفسك , شرط ان العطر لو يشمه اي شخص و يشم العطر الاصلي راح يقول اثنينهم نفس الشي

لكن الفرق راح يكون بنسبه التركيز , نسبه تركيز العطر من المحلات راح تكون محدوده , اعطيكم مثال لا تخافون بما اني ابحرت وتعمقت بالموضوع

انا راح اذكر 3 انواع للعطر الواحد , اهو نفسه لكن 3 نسب تركيز للعطر الواحد والنسب هذي المشهوره , ماراح اتكلم عن الكلونيا اللي اسمه eau de cologne منه او الصافي اللي يطلقون عليه pure perfume ؟

لأن الاول اخف من التواليت و الثاني صافي فوق المركز اللي الناس تعرفه من ناحيه القوه

انا بتكلم عن ال3 درجات اللي الناس كلها تعرفها ومشهوره عندنا

اول نوع وهو يكون الخفيف و مايطول , يعني ترشه الحين وبعد 6 ساعات تبدأ الريحه بالزوال اهو التواليت

اذا رحت محل عطورات شوف التركيز شنو مكتوب عليه , اذا لقيت مكتوب

eau de toilette

حط في بالك ان هذا اقل درجه بالتركيز ونسبه الزيت العطري فيه قليله

يعني العبوه 50 ملي يكون فيها نسبه التواليت 3 ملي فقط , وهذا قادر ان يصمد معاك بالكثير 6 ساعات

النوع الثاني اللي راح تشوفه مكتوب على القنينه

eau de parfum

هذا النوع اهو المتوسط , يعني العبوه 50 ملي يكون الزيت العطري فيها 6 ملي فقط

وهالنوع يعطيك من 12 ساعه الى يوم كامل وانت تشم الريحه كل ما حطيت خشمك على صدرك

النوع الثالث اللي تشوفه مكتوب على الزجاجه اهو

parfum

وهذا المركز فيهم و تكون نسبه الزيت العطري بال50 ملي 15 ملي

وهذا يصمد معاك يومين الى 3 ايام

لكن انت ماتحتاج انك تلبس ملابسك 3 ايام ماتقطهم , المعقول ان كل يوم لبس جديد وتغسل الملابس القديمه و بالغسيل يروح العطر

النوع الثالث اهو المركز و لكن حسب بحثي بالكويت تحديدا ما حصلت ولا عطر رجالي مركز , كلهم اما تواليت او دي بارفوم

طبعا ياجماعه انا حسبت الزيوت على قنينه 50 ملي , اذا كانت القنينه 100 ملي فالزيت يكون الضعف

يعني التواليت بال100 ملي 6% والوسط 12% والمركز 30%

و حطوا في بالك ان كل ما تزيد الزيت كل ما صار العطر مركز , يعني انت و راحتك تبي تحط 50% زيت عطر و 50% كحول كيفك

والشي الثاني , بعض العطور تكون خفيفه بتركيبتها , يعني مهما تحط زيت راح تشوف العطر خفيف لأن اهو مصنوع خفيف

يعني لا تتضايقون وتقولون ان العطر فاشل او احنا مانعرف واخطئنا بالحسبه

لا مو جذي السالفه , كل ما في الامر ان بعض العطور تكون خفيفه بطبعها حتى لو حطيت 90% زيت و 10% كحول ماراح يتغير شي

الشي الثاني والكثير يمكن يعتقد فيه , اللي اهو بعض الناس ماتحب العطر القوي , ويعتقدون ان اذا عملوا عطر مركز راح تطلع الريحه ومن قوتها راح تضايقهم وتضايق الناس

وهذا من خلال تجربتي غير صحيح

شلون

انا اقولكم شلون

من خلال تركيز العطورات اتضح ان التركيز اهو فقط يثبت العطر في ملابسك وجسمك اطول فتره ممكنه

ماله شغل الفواح من التركيز , يعني قبل تشتري او تسوي عطرك بنفسك شوف العطر اللي انت تبيه هل اهو فواح او لأ

هل اهو يطول معاك او لأ

لأن هذا يرجع للزيت العطري نفسه , في زيوت فواحه و في زيوت مهما حطيت منها ما تفوح و تكون من مسافه 2 متر

في عطورات لا تفوح ومن مسافه يشمونها واغلبهم تكون الريحه حاده و الريحه الحاده تضايق اغلب الناس

فأنت اول خطوه تسويها شوف العطر فواح او لأ , اذا عادي زيد التركيز ماراح يأثر عليك ولكن يعطيك اطول فتره و الناس تشم الريحه من مسافه 2 الى 4 امتار

اذا شفت الزيت العطري قوي و فواح و حاد لا تزيد تركيزه الى 30% لل100 ملي او 15% لل50 ملي لأن راح يبط خشمك و يضايق الناس

اما انك تخليه تواليت او وسط يعني 3-6% لل50 ملي او 6-12% لل100 ملي

الموضوع واقف على نوعيه الزيت العطري هني مو على التركيز

-

انتهينا من العطورات الحين و نسب التركيز

الحين شلون تسوي عطرك الخاص ؟

الموضوع سهل ياجماعه و انتوا عارفين اني شخص محب للسلام واني ابحث واقوم بتجارب مو حقي ولكن حقكم و حق الناس اللي تبحث في جوجل عن حلول

وانتوا عارفين اني ابي مصلحتكم , ليش تشترون عطر ب50 دينار مثلا وبالاخير مايطيب خاطركم من ناحيه التركيز او يطلع العطر فاشل

يعني مثلا عندكم انا , شريت 3 عطورات ب90 دينار , وهالعطورات اخر 3 عطورات شريتهم من محل العطورات قبل اتجهه لتركيب العطورات

والله ياجماعه ان تحسفت عليهم , مو عشان فلوسهم ولكن عطرين منهم واحد حلو والثاني طلع عادي , لكن مايطولون , ارشه الحين و بعد ساعه يطير

الثالث اهو افضلهم لأن كان وسط واللي نطلق عليه

eau de parfum

وكان يطول لكن ما يفوح , يعني لازم امشي بالشارع و اي شخص ابيه يشم العطر اروح واحضنه

ابي شي لما امر يم الشخص يشمه , كأي عطر انا اشمهم من ناس يمرون جنبي

المهم وكانوا العطرين الاولين تواليت وماحصلت منهم وسط او مركز , طبعا المركز مو موجود عندنا رجالي , بحثت لين زهقت , وقبل جم يوم رفيجي دزلي صوره عطر

1 million

يقولي هذا مركز و فعلا مركز و نزلوا عطر مثله بتركيز صافي اللي اهو ذكرناه اول شي pure parfume

انا يجماعه ترى يختلط عن الparfume والperfum ماادري اي وحده صح او اثنينهم صح بس وحده معناها تركيز والثانيه عطر

المهم انتوا فاهمين قصدي

نرجع لمحور حديثنا , واعذروني على الاطاله يااخوان و اخوات ولكن حبيت اني اعطيك التفصيل عنهم عشان تعرفون اكثر خصوصا الشباب المبارك اللي مايعرفون الا عطر الزقاره والشيشه بس

انا بقولكم شلون تسوون العطر الاصلي بنفسكم وشلون تتحكمون بالتركيز , اذا انت عزيزي عندك عطر ديور انتنس قيمته ب80 دينار و 50 ملي حتى وطلع تواليت ترشه الحين وبعد 5 ساعات ماتحصله

راح تزعل , وتقول حرام عالاقل لو يقعد يوم كامل عشان ب80 دينار و 50 ملي

انا اعلمك الطريقه شلون تسوي العطر نفسه شرط مايختلف عن الاصلي بأي شي ولكن انت احسن لأن انت اللي تتحكم بنسبه التركيز اذا تبيه يقعد 6 ساعات او يوم او 3 ايام كيفك

وفوق هذا رخيص , لأن الشركه تبيعه ب80 دينار ليش ؟ لأنها تبيعلك قنينه فاخره و مغلفه و عليها اسم ديور

انت سوه بنفسك اهو مايختلف عن الشركه وشرط جربه وجرب الاصلي اذا شفت اختلاف غير التركيز انا ادق شنبي

ولكن شوف تركيز الاصلي اذا شفته تواليت 50 ملي معناها ان نسبه الزيت 3 ملي , فأنت حط قنينه 50 ملي وحط فيها 3 ملي زيت و اترسها كحول و رج العلبه قبل الفتح جيدا ومن بكره اذا شفت الزيت والكحول تجانسوا مع بعض رش منها و رش من الاصليه

اذا شفت فرق تعال هني وقول شفت فرق وانا اصور فيديو وانا ادق شنبي

بشرط انك تستخدم الزيت الاصلي للعطر وتستخدم الكحول النوع الطيب , مو تشتري زيت عطر ابو طقه و كحول ابو طقه وتقول في فرق

شوفوا ياجماعه خصوصا اللي بالكويت زيوت العطورات تحصلونهم بسوق السلاح بالمباركيه

باقي الدول ماادري وين صراحه , لكن بالاسواق الشعبيه وعند العطارين الشعبيين او محلات العطورات العاديه مو الماركات

لأن الماركات اللي تشوفونهم بالمجمعات الراقيه و هالسوالف يبيعون عطورات فقط وماعندهم زيوت

لكن الزيوت تحصلونهم عند العطارين اللي بالاسواق الشعبيه , بالكويت عندكم المباركيه هناك سوق السلاح و محلات عطارين عند بعض

ان ماحصلت عند الاول روح للثاني وان ماحصلت روح لغيره لين تحصل

انا اول شي ماتوقعت احصل عندهم لكن اصدموني ان كل شي عندهم , ولأن هالشغله صارت منتشره الحين والكل قام يسوي تركيبات للعطور ويبيعونها للناس

انا قلت بشوف السر شلون يسوون العطورات هذي وفعلا قدرت اوصل و قدرت اسوي عطوراتي الخاصه

الموضوع انك تروح للعطارين و عندهم راح تحصل كل شي تبيه من الزيوت العطريه والكحول والمرشات او القنينه اللي تحط فيها العطر

ملاحظه : في ناس تحط مثبت للعطورات بالخلطه عشان يثبت العطر ان كان من النوع اللي تكلمنه عنه اول شي واللي مهما تزيد نسبه الزيت مايتغير شي فيه

ناس يحطون مثبت و المثبت انواع و تحصلونهم عند العطار ايضا , لكن المثبت ماتحصل واجد منه , يعني 1 ملي فقط

في ناس يحطون ماء ورد مع العطر عشان يفوح اكثر و يقضي على ريحه الكحول

لكن الزيت ان كان اهو فواح وثابت مايحتاج تحطون اي شي معاه

المهم تروحون للعطار ومعاكم قائمه بأسم العطورات اللي تبونهم

شنو عطر في بالك او عندك بس تبي اقوى منه بالتركيز اكتب اسمه

روح للعطار وقوله عندك زيوت العطورات هذي ؟

90% راح يقول عندي , انا يوم رحت توقعت ماراح احصل لأن سوق شعبي و تسأل عن زيوت فرنسيه صعبه شوي لكن انصدمت لما حصلت القائمه كلها عندهم

انا رحت معاي ورقه كاتبها رفيجي فيها اسم 5 عطورات فرنسيه جديده وانا رحت اسأل عن عطر 1 مليون و عطر شيخ

المهم حصلت اللي بالقائمه واخذت القنينه 50 ملي من زيت العطر بدينار ونص فقط

زيت العطر الاصلي ياجماعه مو تقليد او صيني او راعي المحل مسويه , الزيت الاصلي للعطر اخذت ال50 ملي بدينار ونص

اخذت منه كحول الماني حجم لتر بنص دينار

اخذت قراش او زجاجات للعطورات اللي بسويها الدرزن بدينار ونص وطبعا كل مكان تحصلون الزجاجات هذي اللي تكون بخاخ , في زجاج و في بلاستك

عطيت رفيجي الزيوت وانا اخذت الزيوت اللي شريتهم

صار عندي زيت عطر 1 مليون و زيت عطر الشيخ

اخذت زجاجه العطر 50 ملي وحطيت فيها 15 ملي زيت عطر الشيخ

اخذت زجاجه العطر 50 ملي و حطيت فيها 15 ملي زيت عطر 1 مليون

عبيتهم كحول الماني الخاص للعطورات واللي يستخدمونه الشركات للعطورات

في نوع كحول ثاني سام و خطر و بعض مركبين العطورات يستخدمونه لأن ارخص ويسوون عطورات ويبيعون للناس ويسبب احمرار بالجلد و حرقه و حكه دائمه و يقولون يسبب العمى

اسمه المثيلي

هذا لحد يشتريه او يستخدمه على جسمه , خطر و سام و بدايه تحس بالحكه وتقعد تحكك نفسك لين تشوف الجلد صار احمر و تحس بحرقه

اما الكحول الامن واللي يستخدمونه الشركات لصناعه العطور و غير مضر للأنسان اهو الكحول الاثيلي

يعني اذا رحتوا تشترون كحول للعطورات او اي غرض ثاني لأستعماله للأنسان يعني مثل تعقيم الجروح و غيرهم اخذوا الكحول اللي اسمه اثيلي

اما الكحول اللي اسمه مثيلي لا تشترونه وهذا خاص لأمور ثانيه مو للأنسان

عرفتوا شلون , لا يخدعكم ويبيع لكم الكحول السام لأن بعض الباعه ماعندهم ذمه ولا ضمير و مايهمه صحه الناس اهم شي انه يبيع وياخذ فلوس

اثيلي نسبه التركيز 95% = ممتاز للعطور مهما اختلف التركيز ولكن للعطور ينصحون بالتركيز هذا 95%

مثيلي = كحول سام و مضر وغير مخصص لأستعمال البشر او الانسان حتى

انا ليش ابيكم تسوون عطوراتكم بنفسكم , خصوصا اللي يشترون العطورات المركبه واللي يبحثون عن التركيز

لأن يااخوان واخوات لما تسوي عطرك بنفسك ماراح تضر نفسك طالما انت تشتري المواد الصحيحه , لكن ماتدري عن اللي تشتري منه هل هو يستخدم المواد الامنه او مضره ويبيعها عليك

نرجع لمحور حديثنا

الحين حطيت في كل علبه 15 ملي زيت العطر , انا مثل ماقلت الزيوت اهي لعطر الشيخ و 1 مليون , بعد ماحطيت الزيوت عبيت الزجاجه بالكحول و تركتها 10 دقايق قبل اقفلها عشان ريحه الكحول تطلع

بعد ال10 دقايق اقفلت الزجاجه و رجيتها لما اختلط الزيت بالكحول و حطيتها بالثلاجه تقريبا ساعه , حسب توصيات بعض الناس قلت بجرب مع ان راعي المحل قالي حط النسب هذي و فعلا نفس النسب اللي قلت عنها

لكن اهو قال اذا تبي مركز حط 35% زيت العطر في زجاجه 100 ملي

وانا قلت لكم 30% , وماكو فرق لو تحطون النسبه هذي او 35% او 50% هذا الشي راجع لكم واللي انتوا تحبون يكون العطر من التركيز

المهم فتحت العطر لأني كنت اخاف ريحه الكحول تخرب العطر لكن شفت البايع يقول اخلط و رش عرفت ان ماراح يضر شي ولأن الكحول تتبخر بسرعه و ريحتها تروح ويبقى العطر نفسه موجود

المهم راحت ريحه الكحول ويبقى العطر الحين و فرحت بأول تجربه لي

رشيت منهم وطلعوا اصليين , خليت البيت كله يقارن وكلهم اجمعوا انه نفسه ولكن قالوا هذا يختلف لأنه قوي , اللي نعرفه اقل منه

قلت اي انا مسوي هذا مركز وانتوا اللي تعرفونه تواليت

ونجح الامر معاي يااخوان و الموضوع طلع حده سهل ومايبيله شي

ماعليك الا انك تشتري المواد الخام

زيت عطر اللي تحبه

كحول ايثلي نسبه التركيز 95% ان وجد وهو الافضل

زجاجه 50 ملي او 100 ملي

والحسبه اهي كالتالي

في زجاجه 100 ملي

6% او 6 ملي زيت عطر

والباقي كحول , هذا تواليت او عطر خفيف

في زجاجه 100 ملي

12% او 12 ملي زيت العطر

الباقي كحول , هذا وسط او eau de parfum

في زجاجه 100 ملي

30% زيت العطر

الباقي كحول , وهذا المركز واللي اهو parfum

تزيد نسبه الزيت يزيد التركيز

اما الزجاجه 50 ملي

حط نصف الكميه من الزيوت اللي حطيتهم بال100 ملي

يعني تواليت 3%

وسط او دي بارفوم 6%

بارفوم 12% او 15%

ومثل ماقلت فوق بعض الزيوت كثر ماتحط منها يبقى العطر خفيف لأن اهو طبيعته هكذا

بعض الزيوت قويه , تسويه تواليت يصير بارفوم , و بالاخير انت شوف اي عطر عاجبك و روح المحل اشتر الزيت والكحول و سوه بنفسك وبالنسبه اللي تبيها

كم كلفني هذا هذا ؟

زيت عطر الشيخ 50 ملي = دينار ونص

زيت عطر 1 مليون 50 ملي = دينار ونص

كحول 1 لتر = نص دينار

زجاجتين = 100 فلس للزجاجه من ابو 100 نفس محلات ابو ريالين بس بالكويت عندنا ابو 100

ابره = ماشريت كان عندي درزن شاريهم من الصيدليه من قبل , يمكن سعرهم نص دينار او دينار مو متأكد

المجموع 4 او 5 دنانير بالكثير طلعت عطرين بتركيز اللي انا ابيه

سعر عطر الشيخ حسب اخر ماسمعت 55 دينار

سعر 1 مليون اللي دزلي صورته رفيجي وقال بيور بارفوم 47 دينار

شفت عطر 1 مليون بارفوم ب43 دينار

كم التوفير = 55 الشيخ و 43 1 مليون = 98 دينار

التوفير بين 94 الى 93 دينار

ههههههههههههههههههههههههههههههههههههه

مو قايلكم ان احنا ضايعين والتجار لاعبين علينا , العطر مايكلف شي لكن الزياده على الزجاجه المزركشه والعلبه المكتوب عليها اسم الماركه , يروحون يرفعون السعر اضعاف مضاعفه

شرط ان العطورات اللي سويتهم عندنا منهم اصليين و قارنا بينهم ولا احد قال في فرق الا بالتركيز , ان عطوراتي مركزه اكثر و تدوم فتره اطول , اقدر اسويهم نفس تركيز الاصلي ومايكون في فرق

لكن انا ماسويت هذا الا عشان اركزهم اكثر

هذي كل الحكايه يا جماعه , هذي كل السالفه عشان تسوي عطر لكن كثير من الناس مايدري عنها و استغلوها البعض وصاروا يتاجرون فيها

عليهم بالعافيه

لكن انت الحين صارت عندك الخبره لصناعه عطرك الخاص

ومايحتاج تكون فنان فيها , حط النسبه من الزيت و حط الكحول واتركها 10 دقايق وبعدين اقفلها و هز العلبه لما يتداخل الزيت بالكحول واتركها في مكان و الى ثاني يوم وبعدين استعملها وراح تطق على راسك


بالنهايه اشكر كل من قرأ كلامي و الكلام الكثير هذا انما هو لتثقيف الناس المحبين للعطورات او يبون عطورات ماركات عالميه بس غاليه عليهم

الحين تقدر تسوي اي عطر غالي وماراح يكلفك سوى دينارين ونص وتسوي منه 2 مركزين والثالث eau de parfum الوسط يعني

او تسوي 2 حجم 100 ملي و مركزين بدينارين ونص بس او 3 دنانير ان ذبح نفسه


والسلام عليكم ورحمه الله وبركاته

[Karazhan]

الف الف الف مبروك ياجماعه الف مبروك على براءه الاسير حسني مبارك

المفروض يسوون هرم رابع يصير قبر له يسمونه

شنو يسمونه ؟

في خوفو و خفرع و منقرع والرابع مال حسني مبارك حسنينقرع

[قزم مصرطح]

من كان يتوقع ان الأخ الكرزان فلاتي النسوان يطلع خبير بالعطور ويسوي عطر خاص , اتمنى اذا صنعت عطر خاص بك وحقق ارباح مادية تكون نسبة من الأرباح من نصيبي ايضا فقد كنت الداعم والمحفز الرسمي لك في تطوير العطورات , على الأقل السجائر تكون على حسابك من الآن فصاعدا ..

[Karazhan]

عمرك شفت عطر الشيخ او 1 مليون 250 ملي ؟

تحصله عندي بس , وما لقيت شي احطهم فيه الا هذا



حطيت 50 ملي زيت العطر و حطيت 200 ملي كحول وماحصلت شي احط فيه العطر الا المرش البخاخ هذا


لو الشركات يدرون اني حاط عطوراتهم هني يسكرون ومايبيعون شي بعد

الله يرحم زمان اول

كان عطر الشيخ جذي




وعطر 1 مليون جذي





ذليتهم وخليتهم جذي




وان شاء الله راح اذل كل العطورات الغاليه اللي على 30 دينار وفوق و اخليهم بدينارين و حجم عائلي بعد

وافضل من مال الشركات اللي قاصين علينا يبيعون تواليت بسعر البرفيوم

راح اكسر الغلاء وراح احطم الزجاجات ملات الشركات على راس البياعين

واحط عطوراتهم بالمرشات ملات الاوتي و الحلاقين

هيهات منه الذله

قسمن بالله يا القزم الخارق ان العطر اللي سويته اقوى من الاصلي واللي شريتهم من الناس اللي يركبون

خليته مركز صح , اللي الريحه اشمها 24 ساعه , عكس العطورات اللي من الشركات الكذابه اللي 6 ساعات وماتشم شي

وعكس العطورات اللي اشتريهم من الناس اللي يقعدون يوم كامل بس ماتشمها الا لما تلزق بصدري او تكون عندي مسافه متر

الحين خليت العطر مسافه 3-5 امتار تشمه واضح بدون ازعاج لأن العطورات هذي ريحتهم مو قويه و حاده

خلاص مني ورايح انا اسوي عطوراتي بنفسي

والله اقتنعت الحين ان لما الواحد يسوي لنفسه اي شي راح يرتاح اكثر لأن انت تختار المواد بنفسك و صعبه الواحد يغش نفسه

او انت راح تغش نفسك وتقول هذا رخيص ارخص بنص دينار خلني اشتري و نفسي ماتدري واحطه

لا انت راح تشتري كل شي طيب , افضل المواد تشتريهم وماكو فرق بالسعر و تشتري اي زيت تحبه او عاجبك والسالفه كلها 5 دنانير , راح تطلع مرشين مال الحلاقين متروسين من العطر

اظن حجمه 250 ملي او 300 ملي مو متأكد لأن مو مكتوب عليه السعه , بس اضمن انه راح يقعدك سنتين

واذا زهقت منهم حطهم بالسياره و عطرها منهم كل يوم افضل من العطر مال السيارات اللي تشتريه اليوم وباجر متبخر من الشمس و متيبس

بس لازم اسوي شي خاص حقي

على فكره

تقدر تسوي عود بعد

يعني تجيب دهن عود و تضيف كحول ويصير عطر

بس لازم تشوف دهن عود ما يطبع على الملابس و يسوي نقط على الثوب ماتروح الا بالغسيل

انا بسوي كل شي

الى ان اصل لتركيبه عطر ابو شنب رفيجي ولد بطنها اللي عروقه بالماي







يلا انا بنام الحين واشوفكم باجر و شلون تسوي تواير سياره من ملابس قديمه




تصبحون على خير

باااااااااااااي

مع السلامه

الله يسلمك يلا اذلف عاد

اوكي لا تزف

[قزم مصرطح]

انا بسوي كل شي

يعني اذا ممكن تسوي لي تركيبة مخدر قوي أو نفحة أو شمة من ذوقك واكون شاكر لك . بمعنى احتاج شيء او مخدر يخليك ترى النجوم في وضح النهار

[Karazhan]

انا بسوي عطر اخليك ان رشيت منه تقضي على كل اقزام جزيره السعاده

اخلي كل الاقزام يقعدون يم بيتكم وينامون عنده بس عشان ما يفارقون ريحتك

اتمنى تضيفون لقب مندوب ملك العطور مع اللقب القديم مندوب ملك اللعبه

وصيت واحد من الربع رايح السوق يجيبلي زيوت عطورات الجزيره و دهن عود لما شريت زيوت العطور اللي سويتهم عطاني هديه دهن عود مو طبيعي

بخلي رفيجي يساله عن العود هذا و اذا ممكن اسويه عطر


السالفه كلها كحول , حط كحول على اي شي يصير عطر

جيب الجيكاره الكووبيه و نقعها بالكحول شهر لما تفرز كل ريحتها ويختلط مع الكحول بعدين جيب مشخال و صف السائل من بقايا الجيكاره وحطهم بغرشه و تطلع عطر جكاره كوبيه

[قزم مصرطح]

الأخ الكرزان لاحظ اني وصلت للمشاركة 80 , استخدم نفوذك وخليهم يعطوني ترشيحات على الأقل كيلو من نقاط الترشيح , مع وسام التميز ووسام الحب ووسام احسن مدمن سجائر في المنتدى

[Karazhan]

انت الحين لفل 81

شد حيلك بعد لأن اول وسام لازم يكون بعد المشاركه 500 و تكتب شي عن اللعبه مو طايحلي سوالف عن الجكاير و بانكوك والعطورات

انا ودي اقلب القهوه اخليها مدونه واكتب فيها تجاربتي بالحياه

شكلي بسوي موقع خاص مثل المدونه واكتب فيها

[Karazhan]

السلام عليكم

اهلا وسهلا بالشباب من الجنسين

هلا فيكم في مملكه العطور واللي طلع رفيجي ولد بطنها اللي عروقه بالماي يفهم فيها و قالي عن شغلات توفر علي المال والجهد

اول شي على بالي مايعرف لكن طلع يبخص بالامور هذي ارواحنا جميعا له الفداء

انا واعوذ بالله من كلمه انا كنت اشتري من محلات الزيوت عبوه 50 ملي لكل عطر و كنت احسب الحسبه اللي قلت لكم عليها الا وهي ترتيب التركيز و الكميه المطلوبه لكل تركيز

واقولها مره اخرى عشان اللي مايشتري يتفرج اهي

للعبوه 50 ملي

3 ملي = تواليت واللي يكون خفيف ومايطول يمكن من 6 ساعات الى 12 ساعه

6 ملي = وسط او eau de parfume وهذا المنتشر عندنا بكثره و تقريبا يقعد من يوم الى يومين او ثلاثه

15 ملي = مركز او parfume واللي ريحته تقعد معاك حسب الزيت و ثقله من يومين الى اسبوع

طبعا المركز المفروض يكون 12 ملي , يعني الضعف في كل مره ابتداء من 3 ملي 6 ملي 12 ملي , لكن قلت 15 عشان الناس دائما يخلونه بالرقم هذا وانا لما تعلمت وبدأت بالشغله هذي شفت ان الاغلبيه 15 ملي ولما اسألهم يقولون جذي بس مو شرط يكون 15 لكن تعودنا عالرقم هذا

وبأمكانك تخليه 12 ملي لكن نخليه اقوى بشي بسيط من المركز

المهم يااخوان خلكم معاي ومالكم شغل بالناس

انا حسبتي واللي اخذتها من رفيجي ملك العطور اهي 3 ملي و 6 ملي و 12 ملي وكافي جذي ليش احط 3 ملي زياده والريحه نفسها نفسها والتركيز نفسه , هذا اللي مايغسل هدومه الا من جمعه لي جمعه معقوله بس انا اغسل ملابسي بشكل يومي الا لما تزعل علي المدام وتروح بيت اهلها يقعدون ملابسي اسبوع

ماعلينا

شنو اضاف الملك

قالي انت لما تروح وتشتري 50 ملي بدينار ونص واذا كان زيت عطر عربي ب3 دنانير ليش ؟

راح تستخدم منه 12 ملي و باقي الزيت اللي اهو 38 ملي راح يطيح بجبدك , او تستخدمه بعبوه 100 ملي راح تستخدم 30 ملي و 20 ملي راح يطيح بجبدك

قلتله شنو الحل ؟ انجدني يالملك

قال اخذ بالتوله , كل اهل الزيوت عندهم تولات فاضيه و عندهم عبوات للعطور فاضيه بعد . انت لا تاخذ بالعبوه اخذ بالتوله




هذي ياجماعه التوله واحجامهم , طبعا التوله تنحسب لدهن العود ومعروفه بكل مكان ان اغلب بيع دهن العود بالتوله

والتوله احجام , عندكم الصغيره اللي يمين ربع توله واللي بالنص نص توله واللي يسار توله

قالي الملك ارواحنا له الفداء ان :-

الربع توله 3 ملي

نص توله 6 ملي

توله 12 ملي

فأنت "يعني انا" ليش تتعب نفسك وتروح تشتري ابر فيهم قياس عشان تحسب كل مره تحط زيت و حالتك حاله

روح للبياع مال الزيت وقوله عطي حسب رغبتك بالعطر , تبيه مركز قوله عطي توله بالزيت الفلاني او تبيه تواليت قوله عطني ربع توله بالزيت الفلاني وروح البيت حط التوله كلها بالقزازه مالت العطر و حط عليهم كحول وانتهى الموضوع بس

تبي مثل الناس مثلا اللي يحطون 15 ملي قوله عطني توله و ربع من الزيت الفلاني وانت جمعت بالتوله والربع توله 15 ملي من الزيت , حطهم بالعبوه وحط الكحول ويطلع عطرك مركز

بالحاله هذي انت وفرت فلوس الابر اللي قلتلك عنها بدينار واقل بعد ووفرت على نفسك حساب زيت عطر ابو 50 ملي اللي تشتريه بدينار ونص ان كان فرنسي او 3 دنانير ان كان عربي

وماكو شي يطيح بجبدك ومنها تكون قد حافظت على الارشاد اللي تتكلم عنه الحكومه بالاقتصاد بكل شي وماتشتري شي فوق حاجتك

والحكومه تحبك بعدين ويمكن تحطك وزير دام ان النطيحه والمترديه قاموا يصيرون وزراء

دخلت بالسياسه شوي ها اعذروني

المهم ان انت حافظت على فلوسك و طلع راس براس بالعطر , ماكو شي ناقص او شي زايد

هذا ياجماعه للعبوه ام 50 ملي

العبوه 100 ملي حطوا كل شي دبل , بمعنى :-

تروح للبياع تقوله عطني قنينه عطر فارغه 100 ملي

عطني تولتين و نص زيت العطر الفلاني , عطني كحول

تولتين ونص كم مجموعهم ؟

قلنا ان التوله الكامله 12 ملي

ونص توله 6 ملي

يعني 12 + 12 + 6 = 30 ملي و اهو الرقم للعطر المركز للعبوه ام 100 ملي

او تبيه تواليت اخذ توله 6 ملي بس وحطها بالعبوه مع الكحول يصير تواليت واذا تبي وسط اخذ توله كامله 12 ملي او زيد معاها ربع توله عشان يصير 15 ملي يصير العطر وسط

واذا انت نفسي ماتبي الا المركز اخذ 2 توله كبير و نص


موضوع سهل والله بس انتوا العرب تحبون تقطون فلوس , ماترتاحون على الامور هذي , لازم تدفع 80 دينار عشان تشتري ديور انسنت وحجمه بعد 50 ملي . اهني ترتاحون نفسيا


من نصائحي للشباب المبارك

انصحكم بعطر اسمه عود اصفهان من ديور




ياهذا شكله او هذا



بصراحه بصراحه مااعرف شكل القرشه الاصليه لأن العطر اللي عندي قرشته هذي



ولأن تركيب ف القرشه مو الاصليه , بس اهو اسمه اصفهان ومن شركه ديور , يعني ماراح تضيعون , شوفوا بعد كم سعره مره وحده , انا سويته كلفني دينار ونص بس و مركز 100% وكل ما امر عند احد او اقعد عند احد يقولي عطرك مو طبيعي شنو اسمه ؟

اقوله اسرار المهنه

بس بعدين قلتلهم اسمه ان عود اصفهان من ديور

انصح فيه عطر جميل و ناعم حتى لو ركزته ما راح يأذيك او يأذي احد , او اشتره اصلي كيفك بس عطر يستاهل

والحين طلبت زيوت لعطرين من عطورات الجزيره و ناطرهم يوصلوني و بركبهم

الاول



والثاني





طبعا انا حاط عبواتهم الاصليه , اللي راح يكونون عندي بأذن الله راح يكونون بالعبوات هذي




اختار اللون اللي يعجبك , انا كل عطوراتي وردي


وهذا كل شي عندي لهذا الموضوع , و اي استفسار انا حاضر بس بالخاص عشان ما يصير القسم كله مال عطورات و يجينا المدير يطردنا ويسكر القسم

انصحكم بعطر اصفهان من ديور , رجالي طبعا

**ملاحظه
الصوره بالمرفقات خطأ . كنت اقصد بلاك عود مال الجزيره ولما نزلت الصوره طلع غير عن اللي اقصده و حذفته و حطيت الصوره الصحيحه , اما اهو قعد بالمرفقات


والسلام عليكم ورحمه الله وبركاته

[قزم مصرطح]

شد حيلك بعد لأن اول وسام لازم يكون بعد المشاركه 500

عندما اصل للمشاركة 500 اريد شيء ملموس وليس وسام في الهوا سوا , يعني مثلا اتزوج وتكاليف الزفاف على حساب المنتدى والدارك تيب او مثلا من هنا ورايح السجائر توصلي ببلاش , أو ضمانات فعلية مقدمة لي لعدم التعرض لأي شكل او نوع من المضايقات اثناء تهريب الحشيـ.. عبر الحدود . يعني كل هذه الخيارات اريدها عندما اصل للمشاركة 500 .