قهوة WoW .. :P

[قزم مصرطح]

هو اسم العضوية ابتاعك يا عشرت عمري الكرزان كان برتقالي لما قلبته الى رمادي عليه غبار مع انك لازلت مميز يعني تصنع عطر تطبخ سمكتان في منتدى الطبخ وتحرقهما ..

اتوقع ان الأخت دي دي بعد نتائج مسابقة الطبخ المخيبة هجرتنا وقدمت سبب وحجة كعذر وهو السفر لكي لاتجرحنا بداعي الاحترام لأبو شنب ولي القزم المصرفق والى رفيجي اللي بطنه في الماي

[Karazhan]

طرحك جميل اخوي قزم طرحك جميل

بخصوص السمك المحترق , اهو بالحقيقه مو محترق كما تعتقد , السمك المشوي لازم يكون بهذا الشكل عشان تصل لقمه الطعم الكلاسيكي

يعني يمكن انت و ناس لما يشوفون السمكه صارت باللون الاسود معناها ان خلاص اختربت وصارت محترقه كلها ولا تصلح للأكل

في الحقيقه و قبل اقولك عن الشوي احب اشكرك على سؤالك هذا و اهتمامك بالاسماك المشويه

في انواع سمك عندنا بالكويت مشهوره , طبعا الكويتيين يعرفون كل الانواع لكن هناك انواع مشهوره جدا عندنا

واشهر انواع الاسماك عندنا النقرور , اللي انت شفته بالتقرير

البالول و الهامور , هم بالحقيقه سمكه وحده لكن لما يكون صغير "مراهق يعني" نطلق عليه بالول , يكون حجمه متوسط وصغير اصغر من ذراعك

واذا صار حجمه كبير اكبر من ذراعك نسميه هامور , ونطلق على التجار بعد هوامير و اذا انت من متابعين سبونج بوب تشوف انه يسكن في قاع الهامور

عندك الزبيدي من اشهر الاسماك واغلاها عندها تقريبا و يجي بعده من ناحيه الغلاء الشيم

و الشعوم ايضا مشهور خصوصا بالمرق وانا عملت منه

المزيزي والسبيطي و هم ايضا نفس السمكه و حالهم مثل حال الهامور والبالول , المراهق واصغر نسميه مزيزي وان صار رجل يصير سبيطي

و الميد و والبياح , البياح اهو البوري

شعري مو شعري اللي براسي , لا شِعري "كسره تحت الشين"

هذوله يا اخ قزم اشهر الانواع ولو ان اللي الناس تستهلكم دائما هم الزبيدي , الشعوم , الهامور , النقرور لكن الباقيين هم لهم سوق عندنا

كل نوع من الانواع له طريقه معينه للطبخ , تعودوا عليها الناس من ايام زمان الى اليوم

و السمك اللي يكون له صفط حجمه كبير اهو السمك اللي يصلح و يضبط بالشوي "سبحان الله"

واللي ماله صفط مثل الزبيدي يصلح قلي , واللي الصفط ماله متوسط يصلح الاثنين مثل الهامور يكون الصفط ماله صغير حسب حجم السمكه , لكن الاشهر عندنا اهو نسويه بالقلي وبعدين نحطه فوق العيش "الرز" بعد مايتشرب الماي من السطح و نطلق على هذي الطريقه مطبق هامور

يعني تقليه نص استواء وبعدين تشوف سطح الرز نشف منه الماء تروح وتضع قطع الهامور على السطح و تسكر الجدر وتقصر على النار مده ثلث ساعه و بعدين يجهز

الحين خلني اقولك عن النقرور واهو المشهور عندنا اكثر من السبيطي مع انهم نفس الشكل تقريبا لكن السبيطي اغلى "ليش ماادري" و النقرور الاشهر بالشوي عندنا يمكن لأنه ارخص من السبيطي و طعمه لذيذ صار الاشهر

هذا النوع يصلح شوي , تقدر تسوي اللي تبي لكن المشهور شوي , و الصفط ماله كبير عشان جذي صار من قائمه الاسماء الصالحه للشوي

الصفط هذا يكون سميك شوي , ولازم يحترق عشان يستوي السمك من الداخل , لأن السمكه مو مثل الزبيدي نحيفه وماتبي طبخ كثير , النقرور متين و الصور تبين لك المتن

وعشان مايحترق اللحم ويستوي مضبوط لازم تخلي الصفط فيه و ماتقول للبياع ينظفه لك , والبياع ايضا لما تقوله شوي راح يعرف و ماراح يشيل الصفط

المهم انك تحرق الصفط عادي لأن بالنهايه ماراح تاكل الصفط , وبعد الصفط والجلد يجي اللحم وراح يكون باللون الذهبي , طري و مقرمش واغلب الناس بعد ماياكلون اللحم الابيض مع الرز تشوفهم يتفرغون للحم الملاصق للجلد وياكلونه بدون رز او خبز لأن طعمه لذيذ

وهذي صور عشوائيه لنقارير مشويه
















والقائمه تطول , كل ماعليك انك تكتب في جوجل نقرور مشوي وتشوف ان كلهم نفس الشي

واحتراق الصفط مثل اللي انا حطيته و مثل الصور فوق هذا مايؤثر على السمكه بشي واللي يقولك غير هالكلام ترى مايعرف بشوي السمك شي

[Karazhan]

انا خليته رمادي و ابيهم يرجعونه اسود بعد عشان اكون بصفوف الشعب

شنو انا فقير اصير عادي ؟ انا يا اخضر وله مابي لون , انا هدفي اني اصل الى القمه

بخصوص دوديت اهي فعلا مسافره , انا لو اقولكم اني مسافر يمكن ما تصدقون لأني ابي 50 دينار اشتري نعال يكرم المشاهد و ماعندي , فواحد نفسي مو لاقي 50 دينار و يقولك مسافر ماراح تصدقونه

اما دوديت عندها في مزرعتها كاسكو و كلب روت ولر اللي مات عرفته ؟ اللي اسمه كرزان , و عندها نعام و عندها حيوانات واعتقد عندها كوالا ليش لا

سيارتها لكزس وتروح مطاعم كشخه , اللي نسمع فيهم ولا نشوفهم , حتى لو رحنا المطعم ماراح يدخلونا لان اشكالها ما توحي اننا ناس كشخه وعيال بطنها , واحد شنبه يتلحف فيه والثاني قزم وراعي حشيش

شلون يدخلونا , مانصلح

اللهم لا حسد بس هذا الواقع ف حط في بالك ان كل كلمه تقولها دوديت صحيحه حتى لو قالت انها رايحه القمر سياحه صدق لأن الحين يسوون رحلات للقمر مادري الى الفضاء و التكلفه عاليه

اذا قالت لك انها رايحه صدقها لأن عيال بطنها ما يجذبون

اهي بس لو تتبرع لنا بجم درهم بدل تروح القمر , نسكر الديون اللي علينا ونفتك

انطرها باقي جم يوم وترجع و تسولف عن بانكوك و تحرني

[Dudette]

السلام عليكم ، شخباركم
والله طافك عمي بو شنب بانكوك جوها عجييييييييييييييب هالسنه ومطر صبيب بس شوي حر وانا كنت ساكنه في نانا فكل يوم اتمشى هناك واشتري من هالفواكه الزينه من (يح (رقي يعني) همبه ، جوافه حمرا، اناناس وبابايا) ونشرب عصير افندي وجوز الهند والحين زادووو عليه عصير همبه وعصير رمان. وبعد في حرمة تبيع ذره يا سلام عجيب
وفاتحين مطاعم يديده في المنطقه وجدامنا مطعم تركي يديد توه من اسبوع مبطل واكله عجيب بس اغلى مطعم بالنسبالهم بس حق هني رخيص يعني نحن 7 اشخاص في 7 وجبات وعصاير يطلعلك 2000 بات الصراحه يا بلاش ،
المهم انتو شخباركم

[قزم مصرطح]

اهلا اختي دي دي كيف حالك بخير

المهم انتو شخباركم

نحن في افضل حال , المهم هل احضرت لي ولأخي الكرزان هدية يعني عصير أو جوارب من بانكوك , او سجائر تايلاندية , أو مخدر بانكوكي قوي شمة نفحة اي شيء ...

[Karazhan]

اي والله طافني

ماتدرين شكثر حريتيني , ابموت الحين من الحره

اخخخخ بس , شارع نانا وين ساكنه بالمطعم انتي او بمحل المساج

اخاف ساكنه في جريس , انا عندج ترى ساكن في رويال بنجا , مريني خلينا نروح mbk نشوف محل الجنط والبواكه بخاطري بوك من جلد التمساح

يكون طويل اللي يسمونه long wallet يكون من جلد التمساح و لونه بني و فيه داخله سحاب حق الخرده , يكون مو طويل ولا قصير يعني 15 سم طوله

تدرين شلون بحطلج صورته عشان تعرفينه 100%

برب




نفس هذا

بس قوليله رجالي مو تجيبيلي نسائي لأن النسائي نفسهم

و شوفي القزم شنو يبي و جيبيله يستاهل ولدنا

[Karazhan]

و البوك ترى بكل مكان

مثل ماانتي عارفه التماسيح بكل مكان هناك و كل تمساح يموت راحوا و اسلخوا جلده و سووه ابواك و جنط , جنط يعني شنطه مو جنط يعني اسبير سياره تاير

في ابواك من لخمه او ستانغري يسوونهم هم ان حصلتي واحد اسود جيبيلي

ان ذبح نفسه ب300 بات



او هذا





طبعا هذا راح تشوفين منه واجد بكل مكان لأن التايلنديين متخصصين بصناعته

و اهو مصنوع الجلد هذا من هالمخلوق

[Karazhan]

اليوم عيدي ميلادي


كملت ٣٥ سنه


٣٥ سنه من العطاء المتواصل


ادري راح يقول بوحا ٣٥ سنه من الخبال المتواصل

لكن مقبوله منك يا كاويني


دوديت البوك راح يكون الهديه او في هديه خاصه لعيد ميلادي المينون او الميمون

[Dudette]

هلا والله فيكم شخبارك قزووم ان شاء الله بخير وهد عنك خبال الح%^&$ ش ، افا بو شنب انا الحين رجعت وعن هالابواك هي شفت محلاتهم بس والله المحل ماله ريحته وييييع لانه جلد طبيعي ، وعن ام بي كي مب هاك الزوووود وريحته ويييييييييييييييييع من الاكل الي يطبخونه اكثر شي رحت سيام باراجون عندهم تنزيلات اغلب المحلات 70% وفي كم محل 80% وفي محلين والله 90% كنت اقول حق خالتي نرد باجر يمكن يسوونه ببلاش ، ورحنا بجنطه صغيره ورجعنا ب شنطه كبيره واربع صغار وغير الاكياس الي شايلينهم معانا بالطياره

[Dudette]

هي بو شنب شنو عيد ميلاد بعد حرام العيد ميلاد

[قزم مصرطح]

كملت 35 سنه

35 سنة يعني سنة ضوئية او سنة عادية , احنا لدينا العمر يقاس بالسنة الضوئية وليس العادية . عموما عيد ميلاد سعيد وكل سنة وانت طيب وسنة حلوة وسمعني احلى نغمة واحلى رقصة لأبو شنب اللي عروقه وشنبه بالماي .

[Karazhan]

محروم حتى من عيد الميلاد

يعني التجار ماخذين كل شي ويسافرون واحلى سيارات واحلى اعياد ميلاد حتى انهم يسوون اعياد ميلادهم في ماكدونالدز واحنا الفقاره كل شي حرام علينا

لا وحاسدينا على رواتبنا شلون يمصون راتب المواطن البسيط وفوقه دمه



اي قزم انا تحسب عندنا سنه سردابيه عكس المواطنين البسطاء , السنه السردابيه تعادل 9 سنوات و 3 شهور من سنين باقي البشر


بكمل مشاهده خلوني بروحي



واصل هني حاليا

[قزم مصرطح]

محروم حتى من عيد الميلاد

ليس والقزم موجود لن تكون محروم تفضل هديتك


الهدية الثانية افتحها هنا



واخيرا هدية لك تذكارية اخي الكرزان صورة من ايام شبابي .. خذها كـ تذكار

[Dudette]

صباح الخير

يمة هاي ظفورها تخرع

انتو بس حياتكم سجاره

المهم ما علينا اقول بو شنب انا الحين الي رحت بانكوك وايد كان زحمه تتوقع متى ما يكون زحمة لاني ابي اروح مره ثانية بس ما ابي يكون زحمه وايد نفس هالمره

ولو رحت ان شاء الله اييبلك البوك ، بس قزوووم سوري سجاره ما اشتري احصل ذنب من وراك فشوف شي ثاني

[قزم مصرطح]

صباح الخير

يمة هاي ظفورها تخرع

انتو بس حياتكم سجاره

صباح الفل
بالنسبة للسجارة , يعني اقدر اقول لك ان احسن وافضل اختراع وصلت له البشرية عبر الزمن هو السجائر , طبعا من بعد مسحوق الغسيل Tide هو ايضا يعد من افضل اختراعات البشرية هالاثنين وبس , يعني اسمعي كلامي فكما يقول المثل والشاعر : اسمع كلام قزم مدمن ولاتسمع كلام مجرب او طبيب .

ولو رحت ان شاء الله اييبلك البوك ، بس قزوووم سوري سجاره ما اشتري احصل ذنب من وراك فشوف شي ثاني

هو البوك ذا شيء يؤكل او عشبة تدخن او ماشابه , عموما انا ابي البوك ذا أيضا .