قهوة WoW .. :P

[Dudette]

البوك يعني محفظه بالعامية عندنا في الخليج

وان شاء الله اييبلك بعد

[قزم مصرطح]

البوك يعني محفظه بالعامية عندنا في الخليج

وان شاء الله اييبلك بعد

اوكي بوك مقاس كبير بحيث اضع فيه فلوس وسجائر وولاعة وورق للف السيجارة واوراق السيارة وجيب خاص لوضع المخدرات ... وكل شيء مهم . يعني اخيرا سيتحقق حلمي واجمع كل اشيائي في مكان واحد تشكر اختي دي دي , اي هو البوك ذا طلع شيء جميل .

[Karazhan]

انت قاعد تنحرف عن المسار حبه حبه

قمت تجيب طاري المخدرات واجد , مع اني اشك فيك تدخن وتخاف تكبس عليك الخدامه

[قزم مصرطح]

ردك في الأعلى له دخل في انفصام الشخصية لديك واضح

انا في انتظار ردك الأصلي اي الشخص الآخر فيك

[قزم مصرطح]

ثم ان الخادمة اللي تتحدث عنها لها اصابع من ذهب في لف السجارة , يعني انت الآن تسيء الظن بي وبالخادمة , كل هذا عنصري منك لأني قزم مع اني في بلدنا ومنطقتنا اذا حدث خناقة او مضاربة يستدعوني على طول حتى لو كانوا عشرة كل هذا لأني قزم راجل قوي .

[Dudette]

بو شنب هذا صج في قسمنا او مغلط بالعنوان

ترا بديت اخاف منه

[قزم مصرطح]

الآن بدأت الأعذار هذا منين ولما يتحدث هكذا وانا خايف وانا ما اثق به وهل هو من قسمنا وهل هو مجرم ... الخ وهذا ما توقعته , اوكي يا دوديت انا مش من قسمكم وانا رايح وهذه آخر مشاركة لي هنا ولن اكتب في هالقسم مجددا مضبوط كذا يعني جيت من الآخر وهذا ما كنتم تريدونه اوكي سلام .

قزم بعزة نفس وكبرياء

[قزم مصرطح]

هالقزم المدمن قاعد يشوه عضويتي بالكلام الفاضي , اعتذر لأخي الكرزان فأنا لست من رد في الأعلى

هذا صج في قسمنا او مغلط بالعنوان

بخصوص استفسار دوديت نعم انا من القسم وليس هناك غلط في العنوان هو هذا القسم ابتاعي اصلا .

[Karazhan]

انا طولي 180 سم وعندي شخصيتين بس , طيب و شرير

هذا واهو قزم عنده 10 الاف انفصام شخصيه

انت لو طولي جان كم انفصام صرت

[Dudette]

صباح الخير

الاثنين تخرعون

عفانا الله محد صاحي

اقول بوديكم مستشفى الميانين وبييكم زياره شو رايكم

[قزم مصرطح]

محد صاحي

انت تعتقدين اننا محششين .. لا هذا سوء ظن اختي , احنا لاعمرنا دخنا سجاير ولا دخنا عشبة مخدر ولا عمرنا دخنا حشيشة , هو انا اصلا لا اعرف كيف هو شكل السجائر سمعت انه له شكل مفلطح دائري صح

[Karazhan]

الحين مسوي شخصيه باندا و مسويه تانك قولوا حلو

لو حركاته اللي ياخذهم عند الديث نايت كان اتوقع الديث نايت يصير boss ومايموت خلاص

لكن الباندا ماادري شفيه حتى وانا لابس جير التلفيل ماكو احد مايفركني

لما اقعد اللفل ويمر علي شخص من الفاكشن الثاني و يتهاوش معاي يذبحني بسهوله , عكس لما اللفل بالديث نايت كانوا مايذبحوني الا لفلات عاليه اما اللي مثلي مايقدرون "طبعا البوت يتحكم"

لكن بالباندا واهو تانك وجير تلفيل ماكو احد مايدوس ببطني لدرجه صرت اتضايق ان شفت واحد من الفاكشن الثاني واعرف ان راح يذبحني لو تهاوش معاي

حركاته واجد ومن كل الشخصيات ماخذ حركات وطبعا غير الهيل وفوق انه تانك بس ماكو فايده , اهو جذي ينطق طق وله شنو بالضبط , مو معقوله ان سهل جذي والكل يقدر عليه

ان وصل 90 بدون باند بحوله هيلر و دي بي اس , التانك ماينفع كلش

[Dudette]

صباح الخير

امبيه انا توقعت انا الي ما عرفت العب فيه ، اتاريه صج مو شي التانك
انا اول شي لفلته تانك بس مثل ما قلت بس يموت بسرعه فحولته دي بي اس
ترا الهيلير عجيب الي كانو يلفلون معاي مسوينه هيلير وكان ما يموت

[قزم مصرطح]

هي لعبة World of Warcraft ذي تشترونها من اين او هي لعبة تحميل , العب حاليا شيء اسمه امل الشعوب لعبة عربية تشبه World of Warcraft واصل لفل 44 ولدي ثلاث مرافقين يقاتلون جنبي مثل البوكيمون واحد اسمه سيمبا وواحد صقر والآخر بتلة او ما ادري , لكن البتلة ذي ترفع HP ابتاع الاعب , يعني بتلة مش سهلة .

دي دي هي فين البوكة ابتاعي من تايلاند , الأخ الكرزان وصلته بالأمس وقاعد الحين يجمع فيها اشياء ويقسم هذه هنا وهذا هنا ويترك جيب فارغ للفكه ... وانا لسة

[Karazhan]

انا لما ادخل رايد واشوف التانك واحد مونك والثاني اي كلاس ثاني الاحظ ان المونك يموت ومايتحمل مثل الكلاس الثاني

والحين لما لفلت مونك شفت ان ماكو احد ما يذبحني , عكس الكلاسات الثانيه اللي لما الفلها تانك الهيلث ماله مايتحرك ابنوب , خصوصا الديث نايت مااذكر ان الهيلث وصل 90% بمشواري

المونك عنده حركات من اقراها اقول هذا مستحيل يموت , لكن بالواقع العكس

انا الحين وصلته 90 وقاعد العب pvp وبجمع جير هيلر ومن ثم بدخل رايدات وبجمع جير dps واشوف , حتى الدي بي اس ماعمري شفت مونك بالمراكز ال5 الاولى بالدمج ميتر , الا مره وحده كان الاول وبعدين ماشفت احد

ماادري اهو مضبوط بعد بالدمج او لأ

الاخ القزم , اللعبه تحملها من موقعهم او تشتريها من محل العاب "يعني من الخباز مثلا" او تاخذها من احد تعرفه وهذا افضل حل

مساحتها بحدود 25 الى 30 جيجا , كبيره و اذا نزلتها لازم اشتراك طيب او تقعد شهر اذا اشتراكك 54 كيلو بت , لكن شوف كافيه او احد يلعبها واخذها منه بهاردسك خارجي

اشتراك شهري تقريبا 5-7دنانير بالشهر و لما تنزل اللعبه بكل توسعاتها من كلاسيك الى الباندا لازم لازم تطور حسابك اللي اهو الايميل لأن اهو يكون الاسم و تحط الباسورد وتدخل

لازم تطور حسابك الى الباندا , اما اللعبه كامله تنزل عندك وتشوف العالم كلهم بس كل تطوير حساب يفتح يخليك تقدر تروح مدن جديده , اول تطوير تاخذه اهو لغايه لفل 80 يجي كامل من الكلاسيك اللي اهو لغايه لفل 60 و بعدين بورنق كروزيد اللي اهو لفل 70 وبعدين لتش كنج اللي اهو لفل 80

هذا التطوير يجي كامل , بعدين ان وصلت لفل 80 ماتقدر تلفل اكثر مع ان اللعبه كامله عندك , لكن يقولولك طور حسابك بالموقع لغايه لفل 85 اللي اهو الكاتا ولما توصل لفل 85 يوقف التلفيل ولا تقدر تزيد اكثر , هني تطويره اخيره اللي اهي للباندا لغايه لفل 90 و بعد ماتطور حسابك يفتحلك التلفيل

لغايه 90 و يفتح مدن جديده

مجموع التطويرات كلهم يكلفك تقريبا 20 دينار وطبعا يعطونك شهر مجانا اشتراك وبعدين كل شهر تجدد ب5 دنانير , او تبي كل 3 شهور او 6 شهور كيفك

بس كل شي له حسابه


لعبتك هذي راح تكرهها اللي اسمها امل الشعوب , انا اول مره اشوف شعوب لها امل

الحمدلله والشكر

المهم انا اقص ايدي اذا ماتعرف ووركرافت وماعندك 10 شخصيات لفل 90 لكن هذي الطريقه