عرفتها من أسنانها E:
السلام عليكم ورحمة الله وبركاته
وانا اقرا احدى الردود ذكر أحدهم ان شخص صدمه وهو ماسك بيبسي في يده وانسكب البيبسي على ثيابه
فذكرت موقف رفع ضغطي ايام الاعداديه
اليكم القصه
كنت في ثاني اعدادي..ويا سواد هالسنه اللي ما كانت تخلو من المشاكل
كنا انا و2 من صديقاتي نتمشّى في الساحه...وجلسنا على درج منخفض نسالف عن الاغاني الاجنبيّه <<< معليش مراهقات
والا فجأه نحس بشي بارد وثقيل يطيح فوق راسنا
نمسك شعورنا والا هو 7-up بارد لزج
رفعت راسي وصرخت "منو قليلة الأدب اللي كتّت (سكبت) السفن اب علينا؟"
لحسن حظن الجبانه انها في الطابق الثاني تطل علينا من فوق...والجهه اللي تطل عالساحه عباره عن طوفه (حائط) فيها فتحات دائيريه..يعني ما تقدر تجوف وجه كامل...اللهم سمعنا ضحكاتها هي وصديقاتها
لكن لسوء حظها إني لمحت أسنانها البيضاء المشعّه<< دعتية كلوس أب
وشكل ابتسامتها كان مميز (اللي Yami تسميها رقم 7 بالعربي هههه)
فعلى طول تذكرت بنت في صفنا بنفس الابتسامه...لكن هالبنت مؤدبه...وصفنا في الطابق الاولى
فمن تكون؟
على طول وجّهت أصابع الاتهام لأختها...اكيد دام اختها فعندها نفس الضروس
واختها في الصف الاول وصفها في الطابق الاول
وعلى طول اشتغلنا المحقق كونان وسألنا هنا وهناك لين وصلنا لصفها
وطبعا بنات الاعداديه يحبون الفتنه والمشاكل فعلى طول دلّونا عليها واشهدوا عالجريمه هههههههههههه
وحصّلت زفّه من الاداره
وانا رجعت البيت قبل انتهاء الدوام عشان أغسل شعري قبل لا ينشف السفن اب ويتساقط شعري
يعني اجازه + انتقام
وكله بسبب ضروس كشفت المجرمه
----------------------------------------------------------------------------
أدري سالفه عبيطه بس حبيت أغير جو
