قهوة WoW .. :P

[Karazhan]

[Warchif]

طيب انا ماحد فقدني ما حد سأل عني

كل اللي حصلته منكم إتهامات بدون دليل

راحت أيام اللش كنج لما الكل كانو يلعبون سوا والمنتدى عامر بالأعضاء والقسم كله نشاط وحيويه
والحين تحس القسم كأنك في فلم I am Legend مع ويل سميث
مفيش حد في أي حته
والبلد خرابه
والوحده عامله عمايلها والنفسيه تحت تحت
والدمعة بتجري على العين
والبسمة ضاعت بين الصبح والليل

قفا نبك من ذكرى حبيب ومنزل
بسقط اللوى بين الدخول فحومل

استودعكم الله
بشرب شاي حليب واسترجع الذكريات الطيبه

في أمان الكريم

[قزم مصرطح]

دي دي انصحك بعدم العودة للكرزان على الأقل لمدة من الوقت كي لا يكررها ثانية خدي الأولاد عند أهلك وانتظريني هناك رايح اجيب محامي لنرفع عليه قضية بالمحكمة هو لديه سوابق بالمحكمة راح نكسب القضية بسهولة

[Karazhan]

وورشيف محد فقدت تدري ليش

لأنك موجود

لا تحاول معاي و مع الشعب اللي بالملايين وراي انك تخدعنا

كلنا مقتنعين 100% انك انت و قزم شخص واحد

مهما تقول ومهما تسوي ماراح نصدق

تبي نصدق انكم شخصين مختلفين ؟

انا اقولك


انت تقول انك سعودي

القزم يقول انه مصري

اهو ماقال لكن يقول من شمال افريقيا وانا اشك في هذا لكن خلنا نصدق مده يوم واحد فقط ان اهو من شمال افريقيا وانت سعودي

انا بعطيكم يوم واحد للتصديق وبعدها يرجع الوضع على ماهو عليه "انكم شخص واحد"

شوف

انت تقول سعودي , حلو جميل

روح لعلامه واضحه تدل على السعوديه , مثلا روح بما انك من سكان الدمام يمكن او الخبر مع جيرمي او اي منطقه بالشرقيه

روح لأقرب لوحه طريق مكتوب فيها مثلا , البحرين 30 كيلو - الدمام 10 كيلو

او الكويت 250 كيلو - الخفجي 230 كيلو

او اي لوحه مثل اللوحات هذي اللي تقول صراحه انك بأي منطقه

مو تصور داخل غرفتك وتقول انا بالسعوديه , انا اقدر اصور من غرفتي واقول انا في بانكوك , في احد يصيدني ؟

و من باجر اصور صوره وانا بالصاله واقول انا بأمريكا , وبعد شهر اصور بغرفه الخادمه اقول انا بالبيرو وبعدها اصور بصاله اهلي واقول انا بلندن , اخلي الناس يقولون ياحظه كل شهر بدوله , حده فلوس هذا

مابي جذي , ابي تروح تصور عند معلم من المعالم اللي تدل على انك 100% في السعوديه و تخلي رفيجك يصورك وانت ماسك ورقه كاتب فيها وورشيف

او اذا تستحي تحط صورتك امسك اي افغاني او بنغالي وقوله يمسك اللوحه و تصوره , بس اهم شي خله يتأكد ان مكتوب وورشيف لأن يمكن يقول هذا ليش مخليني ماسك ورقه ومصورني ؟ اكيد مكتوب فيها انا حمار و يمسكك ويفركك

هني مااصدق انك غير عن قزم , لازم اهو نفس الشي يصور ومثل ما سويت بالضبط

اهو يقول انه من شمال افريقيا , مثلا مصري

يروح يصور عند الاهرامات , مو عندهم اذا مايقدر لأن سمعت ان المصري ممنوع يروح للأهرامات لأنها بس للسياح , مثل ماسمعت ان ممنوع يدخل فندق

يروح يوقف فوق سطح عماره و الاهرامات تكون مبينه بالصوره من بعيد و يمسك لوحه مكتوب فيها قزم واذا يستحي بعد يحط صورته يخلي اي واحد يمسك الورقه ويصوره

او يروح مناره القاهره او اي مكان مشهور بالعالم كله ان بمصر ويصور عنده

هني لما اشوف الصورتين و ادقق فيهم و تحلفون اليمين انها لكم مو تركيب او ماخذينها من مكان في النت او مكلمين واحد من ربعكم مصورها لكم و دازها بالايميل عشان تحطونها لي

وقتها اصدق انكم شخصين مختلفين




اما انكم تجوني جذي بارده مبرده مع خشومكم تقول منقار بو حقب وتقولون احنا مو شخص واحد , هذا ما يمشي عندي ولا عند الملايين

بالحاله هذي لو تطبقونها انا اصدق غيره لأ والف لأ

وكل هذا ماراح يكلفكم شي , انا ماقلت دزولي فلوس عشان اصدق

صوره من تلفوناتكم

[Karazhan]

انحاشوا اثنينهم

لأني صدمتهم ماشاء الله علي

عطيتهم من الاخر , ولما شافوا ان الطلب حده سهل و بسيط ومالهم عذر قالوا ماكو الا ننحاش نشوف منتدى ثاني مافي ناس يدققون على كل شي

انحاشوا او بالاحرى انحاش هذا المجرم لما انصدم

[Karazhan]

اقبلت تمشي رويدا و دنت تنجز و عدا , و أتت بعد فراق زادني شوقاً و وجدا

كم تمادت في عذابي اكثرت صدا و بعدا , و قست حتى كأني خنتها تضمر حقدا

التقينا في سكون الليل لا نطلب قصدا , غير قبله التهاني بدلت خدا فخدا

لو ترى حين تلاقينا وكان الطقس بردا , دفئت اجسادنا واستبدلت بالبؤس سعدا

وسقتني من رحيق الثغر والمبسم شهدا , ساعه من صفوه العمر ابت ان تستردا

[Karazhan]

[Warchif]

أنت شفيك مدرعم وتمشي مليون وصاير المحقق كونان على غفله
إذا مو راضي تصدق عاد وش اسوي لك اصلح لك كبسه مثلا

خلييك كووول لا تراقب الناس لأنه من راقب الناس مات هما

[Karazhan]

اسكت ولا كلمه

لاتقول ولاتكثر

لا تحسب البسمه

في خاطري تأثر

اسكت ولا كلمه





وينج يا الرغده

انا ادري ان اليوم عطله وانتي بالبيت و ما تدشين الا بأوقات الدوام الرسمي لكن لازم اشوفج

[قزم مصرطح]

الطرزان لما تحرج نفسك بهذه الطريقة تحليلات واستنتاجات وكلام كثير في حين القزم كان مشغول يلعب العاب الأونلاين , وانت تظن انك فضحت امر القزم وعلى بالك انك ذكي احرجت نفسك حتى امام دي دي كانت ناوية ترجع لكن بعد ان اكتشفت ان نسبة الذكاء وسرعة البديهة منخفضة لديك قررت عدم العودة

[Karazhan]

لا تحاولون ترقعونها

يلا حطوا صوركم

واحد يوقف يم جسر الملك فهد والثاني عند الاهرامات وتكتبون اسمائكم عشان نعرف ان انتوا


الشعب يريد معرفه الحقيقه
الشعب يريد معرفه الحقيقه
الشعب يريد معرفه الحقيقه
الشعب يريد معرفه الحقيقه

[قزم مصرطح]

الكرزان فضولي ويراقب الناس ويتبعهم بحياتهم
الكرزان فضولي ويراقب الناس ويتبعهم بحياتهم
الكرزان فضولي ويراقب الناس ويتبعهم بحياتهم
الكرزان فضولي ويراقب الناس ويتبعهم بحياتهم

ààààààààààààààà

[Karazhan]

السلام عليكم

يا جماعه انا مضرب عن الكلام لحين وضع الاثباتات من وورشيف + القزم لنا ونشوف ونتأكد انهم مو شخص واحد

وايضا مضرب عن الكلام لحين رجوع دوديت

هذا والسلام عليكم

تبوني مااكتب على طول ؟ لا تحطون اثباتات و دوديت لا تكتب

اذا تبوني حطوا و خلوا دوديت تكتب

[قزم مصرطح]

الكرزان لتعرف ان القزم ذكي , خلاصة الكلام هو انك تعرف ان القزم والأرشيف ليس شخص واحد وتعرف ان القزم ليس من السعودية وليس من مصر , خطتك الصغير لجعل القزم والأرشيف شخص واحد هي تمهيد لمعرفة اشياء ثانوية , بمعنى الكرزان هو شخص فضولي يحب يتعارف ويعرف يعني اثرت هالجلبة لتعرف مثلا اسم القزم واسم الارشيف الحقيقي وشنو عمل القزم وشنو عمل الأرشيف شنو اكلة الارشيف المفضلة وشنو اكلة القزم المفضلة كم وزن القزم وكم وزن الارشيف ... يعني انت فضولي وتهتم بمثل هالتفاصيل , يااخي اسأل فقط اطرح اسئلة حتى لو كانت شخصية لتشفي غليلك وفضولك بدون هالجلبة والكلام الفاضي

[Karazhan]

انا شنو خلاني اقول انتوا شخص واحد ؟

نفس الطبع

اثنينكم يدخل تحت اسم مستعار ومايعطي اي معلومه

مثلا انا

كل الشعب يعرف انا منو , وين ساكن وشنو اشتغل و صورتي حطيتها وسيارتي يعرفونها و حتى يدرون اني فقير مسكين

يمكن في ناس يقولون مانعرف لأنهم نسوا او تعرفوا علي بعد ماقلت عن معلوماتي

مثلا دوديت , اعرف انها من الامارات ومن دبي وسيارتها لكزس و موظفه , اهي قالت وين بس نسيت اعتقد بوزاره الكهربا

عندك مثلا الدراك تب , اعرف اسمه واعرف انه من الامارات واعتقد من ام القوين او رأس الخيمه نسيت بالضبط يمكن غلط الاثنين , اعرف ان عاطل عن العمل ومادري اذا حصل شغل مناسب لأن طلع يقول ماعجبني الشغل القديم , دلع خليجيين

فاينل فانسي اعرف انه قطري و صكني تحذيرات وتوقيفات ونقاط حمره بس ما سألته عن وين ساكن بقطر ولا اسمه , مالحقت عليه صح

ام ابراهيم اعرف انها من تونس وراحت الامارات متزوجه وعندها 3 اطفال

اما باقي الناس اعرف وين ساكنين بأي دوله

الا انت و وورشيف , اثنينكم نفس الطبع ونفس السياسه

وورشيف قال انه سعودي بس الظاهر تحسف و قال خلني ادش بأسم جديد "اللي اهو قزم" و اصير مجهول للعالم

اهو قال انه سعودي , بس غير هالمعلومه ماقال اي شي , انت لا قلت سعودي ولا شي , انت تتكلم بأكثر من لهجه عشان تشتت الناس وماتعطي اي معلومه

ليش ؟

اكيد في سر , ناس عايش معاهم وكل يوم تدخل وتسولف معاهم و ماتقول حتى اسمك و من اي بلد اكيد في شي

اما انك وورشيف او شخص ثاني معانا بالمنتدى

انت 100% عندك شخصيتين , وحده الاصليه والثانيه الوهميه هذي , اقرب واحد لك اهو وورشيف