قهوة WoW .. :P

[Warchif]

ذكرتني لما رحت اسوي فحص الكلى عشان عندي ترسبات اوجعتني اسبوع واسبوعين
عطوني محلول شفاف في الوريد خش من الدراع لباقي الجسم حسيت بشئ غريب بارد يتحرك في جسمي
تذكرت نص افلام الرعب اللي شفتها سابقا ومادري حسيت بشعور الممثلين والا المشاهدين
والا ضحايا الأخطاء الطبيه
بس ماجا في بالي هدية الأيباد وقتها لسه مانزل هالقرار من وزارة الصحة

المهم فحصوني بأشعة أكس سمعتوا زين اشعة اكس مو X Men ابطال الفلم الخارقون عشان لا يروح بالكم بعيد بعد سالفة الافلام خخخ
اول يوم الفحص رجعت للدختور قالي مفيش حاجه تبان لازم نعمل لك اشعه بكره
عاد قمطت العافية قلت في نفسي اليوم اشعه وبكره اشعه وبعد بكره مريض في قسم السرطان لا قدر الله

المهم رحت اليوم الثاني ونفس الحكايه
ابره سائل شفاف وبارد في الوريد
وتكرر الشعور السابق بس هالمره بدون أكشن

وبعد ماخلصت رحت الدختور وقالي : الله مفيش حاجه تبان لازم بكره تاني تجي تعمل أشعة
بكره ياجلب ماني بجاي عساك الموت ياتارك الصلاة

المهم رحت البقالة وشريت كرتون بيره
وجلست ثلاث أيام بليالها اشرب انهارا من البيرة
مره بالتوت
ومره بالتفاح
ومره بالفراولة
وجربت السادة بالطعم الأصلي وحلفت بعدها ماشرب بيره سادة

والحمدالله اسبوع انطرحت الترسبات مطرح ما انطرحت
وتعافيت بحمدالله ومنته علي


اعتبرني كلام من اللي كتبته
كل ماضاق بك الكون قريته
اعتبرني حزنك اللي كتمته
أو دمع في لحظة حزن بكيته
اعتبرني الغالي اللي ذكرته
او الماضي اللي نسيته
او اقولك
اعتبرني اللي تعتبره
المهم في النهايه تكون حبيته

[Karazhan]

اذا تبي تشرب بيره عشان الفوائد لازم شعير بدون اي نكهه

تعود عليها لين تصير عاديه , انا ايام قبل لما كان عمري 4 سنين يمكن كنت اشرب فراوله و توت وكنت اكرهه الشعير لكن بعدين تعوت عليها لين صارت حلوه

الحين تطورنا وقمنا نشرب سبيرتو لكن انا اكلمك عن قبل 30 سنه


لازم شعيييييييييييييييييير

بدون اي نكهه

او روح البر و معاك شرداخه , او اللي يسمونها عيال المدن المتحضره والتجار فخه , او مصيده او بالانجليزي trap نفس الهنتر لما يحط فخه الثلج ولما تدوس عليها تصير بطيئ

انت اخذلك شرداخه نفس هذي



تحصلها بمحلات بيع اغراض البر يمكن , مدري عنكم بالسعوديه وين محلاتكم او تطلبها من امازون او ايباي

وتاخذ معاك بقايا عشاك , مثلا عشاكم كبسه لحم او دجاج او مشاوي

المهم اكل دسم

مو عشاكم بطاط وفلافل وتروح تسويها

لازم في شحم لحم

و تروح مكان فاضي بالبر في شجر , شجر مو شجر اللي اطول منك , اقصد يعني البر في زرع مثل جرم و رمث و جذي يعني , بأرتفاع ربع او نص متر

اذا ارض جرداء مو مشكله المهم ان شفت شجر قطعه واخذه معاك

روح للمكان اللي تبي تنصب فيه الفخه , سو الزرع على شكل U

يعني الزرع اللي قطعته صفه صف يم بعض و سوه على شكل U ليش ؟

عشان يكون للعشاء مدخل واحد فقط

داخل الزرع على شكل U تحط العشا مالكم و بدايه الفتحه تحط الفخه , يعني ان جاكم حصني مايشوف مدخل للأكل الا من الفتحه اللي فوق U شفت هالحرف ؟ وين الفتحه ؟ اللي من فوق

فتخيل انها على الارض , اهو يبحث عن الدخله ومايشوف الا مكان واحد فيدخل , تكون الفخه بالمدخل فتصيده

انت خلك على بعد نص كيلو من الفخه , اهو الحصني يجي بالظلمه يحسب ان محد يشوفه , يجيكم لغايه 10 امتار من مكانك ماعنده مشكله بس ماتشوفونه

يعني لاتقول نص كيلو قريب يمكن مايجي , لا يجي وماعنده فيكم

او اقل مثلا ربع كيلو

المهم ان تكونون بمسافه قريبه بحيث تسمعون الشرداخه ان صادته , تسمعون صوتها لما تسكر على رجله , لأن لها صوت الحديد بالحديد و تسمعون صوت الحصني لما تصيده يصرخ مثل المرأه

فتروحون تصيدونه بسرعه



ان رحتوا و شفتوا الاكل مو موجود والفخه على حطتها اعرف ان اللي اخذ الاكل ذيب مو حصني , لأن الذيب ذكي ويعرف ان السالفه فيها ان , يدري ان في فخه بالمدخل عشان جذي يجي من الشجر و يطمر وياكل ويرجع من مكان الطمره

المهم لما تصيدون اذبحوه واصلخه واخذ مرارته واكلها نيه , لا تطبخها

المراره تحصلها قريبه من الكبد , احذر تبطها بالسكين لأن اهي مثل الكيس الاصفر كبر الهلله عملتكم الحديد واذا جرحتها تمبط ولا تحوش اللحم عشان ما يخترب طعمه

انت اخذها و احذفها بحلقك كلها وابلعها

و سلامات مقدما

[Karazhan]

السلام عليكم

ياجماعه انا عندي مشكله عويصه

عجزت القى لها حل

بليز ساعدوني

[قزم مصرطح]

معك الدكتور القزم متخصص بعلم النفس وفيزيولوجيا النباتات والكائنات الحيه شنو مشكلتك يا الكزران

[Karazhan]

مشكلتي بالكمبيورت

عندي جهاز ماك

حلو

نزلت عليه وندوز ٧ و اليوم شريت سيدي و ندوز ٨.١

حلو

رحت و مسحت الويندوز ٧

حلو

بعدين قالولي حط فلاش عشان تنزل تعريفات الوندوز

حلو

حطيت فلاش و نزلت التعريفات وكل شي تمام

حلو

لما الحين كل شي حلو

بعد التعريفات قالولي حط السيدي مال الوندوز عشان تنزله

حلو

احط السيدي ..... يقعد شوي بعدين يطلع

ادخله مره ثانيه ..... شوي ويطلع

لما زهقت

ومن كتابتي اول مره الى الان وانا ادخله و يطلع

كآن الماك ما يقرآ الدسك

انا قلت يمكن نظام الماك له صيغه معينه عشان يقرآ الدسكات و هذا الدسك خاص للاجهزه العاديه مو من شركه ابل

لكن اشوف افلام الناس كلهم يحطون دسك عادي و ماتصير لهم مثل مشكلتي

ابي حل

ابوس ايدينكم

[قزم مصرطح]

الكرزان القزم ما يفهم بالماك والكمبيوتر شنو هو الماك اصلا اسم الويندوز الى الآن اظن انه نوع سجائر رفيع ما اقدر افيدك

تم طردي من اللعبة مجددا روحت عند مشارك باللعبة وقلت له تشتري من عندي بوكيمون مسلح دمار شامل نووي ايران , يعني اردت ان اوضح له ان البوكيمون قوي وضربت له المثال بايرن قلت يمكن يطلع شيعي ويحب يشتري مني البوكيمون , فرد علي وقال : هش هش , لم افهم معنى الكلمة ورديت عليه وقلت له : نـ********************************@_@** يا ******************************* انت ************************وبس هذا اللي قلته له, راح اشتكى للادارة وطلع واشي وظلمني .

تم ايقافي لمدة لكني حالف ما اخرج من اللعبة تركتها مفتوحة ليل نهار لأني لو قمت بتسجيل الخروج ماراح يسمحون لي بالعودة حتى تنتهي مدة الايقاف ,

[قزم مصرطح]

دي دي يا شوقي ليك ,كشوقي لسجائر ملفوفة لم ادخنها لأسبوع كامل

[قزم مصرطح]

الكرزان هو السبب في رحيل دي دي لن اسامحك يا الكرزان خطفت مني نور حياتي كانت احلامنا كبيرة وينتظرنا مستقبل جميل لكن الكرزان حطم احلام القزم بدقيقة .

عموما انا اجهز شنطة الآن راح اسافر الى الامارات للبحث عنها ,وانام في الشوارع واتسكع بدون فلوس هناك ,كل اللي راح اخذه معي 8علب سجائر مارلبورو بس ,واظل ابحث عنها حتى اجدها, لأني بدونها محال اعيش ,ولو غابت ميجيني نوم ,قتلني فراقك يا عيني ,ولو جابو لي جميع بنات ونساء الدنيا غير انت اللي اخير يا دي دي ,ودنا دنا يا ليلي يا ليلي

[Karazhan]

روح دبي واقعد تحت برج خليفه

وين الدوار اللي كله هنود ؟ وين مطعم زهره بومبي عنده بالضبط تشوف دوار قاعدين بوسطه هنود

اقعد معاهم و خل عينك عالشارع

اي لكزس فيها بنت تسوقه ترى هذي دوديت

بس لكزس شنو الله اعلم

اهو لكزس صالون او جيب او سبورت مدري

اي لون هم مدري

بس العوض ولا القطيعه

يعني بما انك بتروح هناك انا عطيتك اول خيط

شوف لكزس تسوقه بنت وقفها وقول انتي دوديت ؟

بس دير بالك من الشرطه ، اذا شفت دوريه شرطه انحاش مع الهنود اللي ماعندهم اقامه ، اذا صادوك عالاقل عشان اقامه

لان عندهم اللي يغازل يصيدونه و يقصون شعره اقرع و يحطون صورته بالجريده نفس رفيجي

انت انحاش عشان ما تنفضح

[قزم مصرطح]

شوف لكزس تسوقه بنت وقفها وقول انتي دوديت ؟

القزم اي لكزس راح يشوف بها بنت راح يرمي نفسه بالطريق كي تدهسه وبذلك اجيب عطف دوديت بدهس القزم بالسيارة وبنفس الوقت اتجنب الشرطة حتى لاتقول تحرش او ماشابه واعمل فيها مظلوم اترى القزم كم ذكي

[Karazhan]

اي لا القزم ذكي

بس غبي بنفس الوقت

على بالك انت قطو بو ٧ ارواح عشان تقط نفسك جدام كل لكزس ؟

حتى القطو مايقدر يلحق على اللكزس بالامارات ، في اكثر من مليون لكزس هناك ، من تجيب مليون روح ؟

الامارات مو مثلنا ياحبيبي ، هناك الفقير عندهم يسوق بنتلي ، تعرف شنو بنتلي

انت ماشفت الشرطه عندهم شنو سياراتهم ، فراري ، بنتلي ، استون مارتن ، ميزراتي ، لمبرغيني

السيارات اللي فوق لا انا ولا انت نركبهم ، ان شاءالله ان دخلنا الجنه نطلبهم لآن بس بالجنه ويصيرون ملك لنا ، اما بالدنيا انسى

عاد انت يبيلك مليون روح عشان تقدر تسوي الفكره هذي ، لآنك بكل مره راح تموت ، لو رجل اللي يسوق معقوله لآن يمسك بريك قبل يدعمك لكن اللي تسوق بنت

يعني من تحذف نفسك راح ترتبك اهي و تصكها ام ركب و يمكن تعلق عالبنزين من الخوف وتدعسك تطشر مصرانك



لا شوفلك حل غيره ، هذا ما يصلح

[Predator101]

يا كرزان أو ولدبطنها وش تحس فيه يابو أنت ماغير تقابل هالنت؟
رح شف مصالحك ياقلبي و ترا كل الردود و التعبير اللي تكتبه بيروح للأرشيف

[قزم مصرطح]

الكرزان طيب بما ان الارض بها مخاطر على القزم , راح ابحث عنها بالجو سمعت ان الدارك تيب لديه مروحية بسطح الفيلا اللي ساكن فيها راح استلفها منه وابحث عنها من الجو , لو الدارك تيب لم يوافق راح اتسلل واسرق المروحية ابتاعه مثل لعبة GTA .
هو انا اصلا دائما اتسلل الى حديقة منزل الدارك تيب واتجاوز كلاب الدوبرمان ابتاعه واسرق نعناع اخضر من حديقته واسوي به شاي اخضر دكة مع سجائر مارلبورو .

[Karazhan]

هلا بريدتور او يد بوحا اليمين

انا الحين اكتب هالكلام و انا توني قاعد من النوم الساعه ٥ و ربع الحين الصبح ، قاعد من ٤ ونص وعلى ما غسلت و فرشت اسناني و غيره

اكتب كلمتين و اروح الدوام اوقع ، دوامي اروحله الساعه ٦ و نص عشان اسبق الزحمه و اوقع و ارجع البيت "مضبط بالدوام" يعني دوامي فلاتي مثل ما نطلق عليه هني ، واليوم الثلاثه او مثل ما تطلقون عليه عندكم الثلوث او المثلوثه ، المهم اليوم اجازه لكل الشعب لييييييييش ؟ سؤال جميل جدا

لأن عندنا مؤتمر صاير مال العرب و افريقيا اكيد سمعت عنه او يعطونكم بحصه الاجتماعيات

عندي ٤ عيال ، ٣ منهم بالمدارس و بنتي بالروضه ، اروح اجيبها الساعه ١٢ و عشر

من اوقع بالدوام واطلع اقعد عالكمبيوتر ليش ؟ ايضا سوال جميل

لأن كل اللي اعرفهم دوامات ، بالبيت و بالدوانيه ، ماكو الا انا

لذلك شنو اسوي لما اقعد بروحي ؟ ماكو شي

الله يجزى اللي صنع الكمبيوتر والنت خير

وله كان الحين احبك بلوفرات للعيال حق الشتاء

احبك يعني احبك - حباكه - يعني اجيب خيط على خيط و اسوي ملابس

مو احبك يعني حب مثل قيس و ليلى

عرفت شلون يد بوحا اليمين

فأنا و اعوذ بالله من كلمه انا اكتب مشاركه الحين و ماتشوفني ، حتى لو تبحث عن مشاركاتي تشوف مشاركه وحده لي باليوم كله

بعدين اروح ايباي اشوف اذا ابي شي اشتري وبعدين اروح اليوتيوب اشوف محاضرات الشيخ الحويني و حلقات تفسير القرآن للشيخ الشعراوي

و اطالع بعد اي شي يعجبني مو شرط كل شي ديني

هذا بأختصار حياتي اليوميه

طبعا بعد ما اجيب بنتي و الكل يرجع من الدوام اطلع من النت و اشوف حياتي ، لو عندي مراجعه الصبح اروح اخلصها ، يعني مو معطل اشغالي عشان النت

والعصر اقعد مع الاهل و العيال والمغرب اروح الدوانيه و ارجع الساعه ٩ انام

لأن توني معدل نومي يعني ، مو صقعه ارجع ٩ عشان ما تطقني زوجتي او امي او الخدامه

لا انا مجرم ما يهمني احد

وانا ياخوك صرت بعمر اللي يحبون القعده بس ، مو بأول العشرينات اللي متروس طاقه و حيويه ، ونشاطه يبدا الصبحيه



انا الله يسلمك تعلمت اسوق سياره وعمري ١١ سنه

اسوق داخل منطقتي بس ، عمري ١٢ سنه كنت اروح مع ربعي نحط مخيم شمال الكويت منطقه صحراويه اسمها الصبيه ، اللي الحين يقولون راح يسوونها مدينه الحرير ههههه

ماعندنا لا سياره و لا تلفونات ، وقتها منو عنده تلفون ، على ايام تلفون انطلق ١ وكان سعره ٩٥٠ دينار ، هالمبلغ كان كبير حيل وقتها ، مثل ماتقول بوقتنا الحالي سعره ٩٥٠٠ دينار

كنا بايعينها

عمري ١٦ سنه صرت اسوق رسمي ، بعد معاناه مع الاهل اللي ما يرضون اسوق بالاخير سقت

عمري ١٨ سنه شريت كمارو


كنت اكشخ واحد بالربع لأن كانت سياراتهم جياتي و زدات

طبعا من سنه ١٩٩٢ الى سنه ١٩٩٩ كنت عطالي بطالي ، لا دراسه و لا وظيفه

وبالفتره هذي ماكو شي ما سويته ، سفر و مقناص ، للعلم انا تعلمت عالاسلحه من الشوزن الى الكلاشنكوف وعمري ٦ سنين ، كان ابو الله يرحمه راعي اسلحه ، يحب يقتنيهم و يحب يقنص

فكان ياخذنا واحنا صغار للبر ، من عرفت العلم واحنا كل يوم اربعاء وخميس و جمعه بالبر ، صيف شتاء مايهم

سنه ١٩٩٢ حطوا صوره بيتنا بالجريده من لجنه جمع السلاح ، وكاتبين عنوان الخبر "اكتشاف مستودع اسلحه في منطقه سلوى

و اللجنه ارفعوا دعوى على ابوي عشان يملك كل هالاسلحه و ما سلمهم للدوله بعد الغزو ، في شخص بلغ الداخليه علينا و هم طلعوا مذكره تفتيش من النيابه لمداهمه البيت

المهم صادوا مستودع و الدوريات محاصره البيت و نقاط تفتيش على كل المداخل و المخارج اللي تودي لبيتنا

المهم ابوي كلم عبدالمحسن المدعج كان وقتها اما وزير او عضو مجلس امه ، والمدعج شخصيه قويه

اسحبوا القضيه و ابوي بعد بايعها قال ابي الاسلحه ، قالوا انسى ، راح نرجع لك الاسلحه التاريخيه و الشوازن لأنهم مرخصين اما الكلاشات و القناصات انساهم

عاد ابوي بعدها اشترى كلاشات ، ما تاب من اول مره

المهم ان من عمري ٦ سنين وانا ارمي وانا كل عطله اقضيها بالمقناص

عمري ٢٠ سنه بعد سنين قضيتهم بالمقناص والسفر و لعب باناسونك 3DO كان جهاز مثل السوني بس انقرض الحين ، وبعدين شريت سوني ، بعد هذا كله شريت فورد



وسجلت بالمعهد التطبيقي و تخرجت سنه ٢٠٠١ و توظفت نفس السنه

تخرجت شهر ٢ يمكن بس التوظيف اكيد شهر ٦ و بدون واسطه لكن جبت واسطه عشان اسمي طلع بوزاره الدفاع و الواسطه نقلني الى وزاره الاشغال ، واسطتي وزير الاشغال

طبعا وانا بالمعهد كانوا يعطونها مكافئه كل كورس ٥٠٠ دينار و اذا جبت امتياز يعطونك شيك ب٢٥٠ دينار بعد ، انا الكورس الثالث جبت امتياز واستلمت ٧٥٠ دينار

الكورس الرابع والاخير وقفت على درجه عالامتياز وكلمت المدرس بس ما عطاني درجه للآسف

طبعا كل كورس استلم المكافئه مني و اطير تايلند مني

قبلها سنه ٩٦ كان عمري ١٨ سنه رحت لجنه التعويضات كانوا يعطون الكويتيين الصامدين بالغزو تعويضات عن الحاله النفسيه اللي صابتهم من الغزو ، على بالهم احنا انجليز اللي اي شي تصكه حاله نفسيه و يموت من وراها

طبعا هالتعويضات من الامم المتحده ، انا رحت وقالوا شنو حصلك ؟ قلت حاله نفسيه ماقدر انام بسببها و تعبت نفسيا

طبعا الكلام منقول ، الباحث اهو يغششك شنو تقول عشان الانجليز بالامم المتحده ينكسر خاطرهم انك عشت ايام سوده بالغزو

والصج اننا فاتحين دوانيه بالغزو والوضع طبيعي ، اللهم بس بدون كهربا و ماي و الجزيره و العربيه

المهم عطوني ٧٥٠ دينار و برضه تايلند

قبل المعهد بشوي او اول كورس لي بالمعهد مااذكر بالضبط متى لكن كان الفورد عندي ، وانا شريت الفورد سنه ١٩٩٨ ، قالي ابوي روح منطقه الشاميه هناك في مدرسه مسوينها حق لجنه التعويضات ، روح لهم طالبينك لأن انت كملت ١٨ ولازم تروح بنفسك لهم

رحت وكان المكان فاضي بس انا و رفيجي اللي مخاويني ، كانوا رياجيل قاعدين بالصاله اللي فيها المسرح حاطين طاولات يستقبلون الناس و من بينهم بنت جان اروح للبنت و سجلت وقالت خسرت شي بالغزو عشان نسجله لك ؟ قلت لا

المهم بعدها بفتره عطونا مبلغ و قدره ، اما عطونا ٥٠٠ دينار او ٧٥٠ دينار

وايضا تايلند

بالمعهد تعرفت على اللي معاي و كان وقتها ماكو يوتيوب و هالسوالف ، كان اللي مشهور عند الناس المنتديات و mirc مادري تعرف الام اي ار سي او لا بس كان برنامج تنزله عندك وتدخل قنوات فيها ناس و تسولف

كنا طايحين فيه واصلا ماكو شي غيره وقتها

طبعا احنا بالنت من سنه ١٩٩٦ لكن بالمعهد طلعوا يدشون النت لأن وقتها كثيرين مايعرفون شنو انترنت مو مثل الحين ماكو بيت ما فيه نت وكمبيوتر ، قبل منو عنده كمبيوتر

يا رجل كان جهازي سرعته ١٥٠ هههههههه

الحين ٣ الاف مع كواد كور و ١٦ جيجا رام و كرت شاشه مادري كم وبلاوي

قبل ١٥٠ حده

بعدين شريت هاردسك بروحه ب٢٠٠ او ٢٥٠ دينار سرعته ٥٠٠

الحين جهاز كامل ب٢٠٠ والسرعه ٣ اضعاف

المهم توظفت شهر ٦ و شهر ٨ رحت تايلند ، رجعت شهر ١١ يمكن عشان المخيم بس وله كنت ناوي اقعد

الدوام الرسمي كان يوم بشهر ، بالشهر يجي رفيجك يوقعلك و تكمل شهرين و يجي رفيجك يوقعلك وتروح ٣ شهور

بالعربي الدوام ١٢ مره بالسنه ، يعني ١٢ مره يوقعلك رفيجك تطلع سنه

بعدين حطوا مسؤولين علينا وصار الدوام يوم ب٣ اسابيع

قلت للمسؤول بسافر ضبطني ، انا ماخذ اجازه من ١-٨ الى ٤-٩ والحين اخر شهر ٦ وانا بسافر ٣٠ الشهر

قال مستحيل ، تبي اطلعك شهر ؟ قلت اي عادي انت المسؤول ، قال كلم ربعك عشان ما يزعلون ويقولون شلون تطلعه شهر ، قلت ربعي اللي بالدوام هم اللي بالدوانيه ، يعني لا تحاتي ، طبعا انا اكلمه بيني وبينه ، جان اروح معاه للربع واقولهم ياجماعه انا بطلع شهر قبل اجازتي عادي ؟ قالوا اطلع لو تبي سنه

قلت ها الحين ارتحت ، الشباب راح يمسكون عني ، قال خلاص روح

الكلام بسنه ٢٠٠٢ رحت تايلند ٣٠-٦ و ١-٧ انا في بانكوك ، يوم ٤-٩ انا بالكويت ، تطب الطياره ٦ الصبح ، من المطار الى البيت بدلت و رحت الدوام عملت مباشره عمل و رجعت البيت نمت ، قعدت الساعه ٨ العشا ، دقوا علي الربع اللي كانوا معاي في تايلند بس ارجعوا قبلي وقالوا الفري

او اللي تسمونه انتوا السمان

هذا



قلت اوكي ، واطلع العده من سلاح و فشق و كشاف و مروني و رحنا للبر

وقت مزدحم الصبح راجع من تايلند وبالليل بالبر نرمي فري ، وكان وقتها الصيد وفير مو نفس الحين

طبعا اسلحتي يمكن ٤ بنادق عندي ، ولا واحد مرخص ، كنا مخالفين القانون . الا سلاحي الحالي هذا مطلع له ترخيص

وبعدين قسمنا وقتنا بين المخيم بالشتا والسفر بالصيف ، لدرجه ان الفندق كله معارفنا ، ربعي كلهم عن بكره ابيهم معاي هناك ، شلون تبينا نرجع

اصلا اللي يرجع يقعد بروحه بالكويت لأن ماكو احد الكل بتايلند

تبي الصج كانت ايام حلوه ، طبعا ادري راح تفكرون ان كنا خربانين وفاسدين لكن صدقني ماكانت عندنا هالامور ، كنت نستمتع بوقتنا فقط ، رحلات و تسوق ومغامرات

مع ان الخمر هناك ارخص من البيبسي لكن ولله الحمد ما طب بحلقي

المهم بعدها بالشتا او بدايه الموسم شهر ١٠ نرجع كلنا من تايلند عشان المخيم ، ونبدآ نحط المخيم ونضبطه

و كنا نلعب اونلاين لعبه كوماند اند كوكنر ، الى ان دخل علينا رفيجي ولد بطنها اللي عروقه بالماي اللي تعرفه ماغيره ، وقال هذي لعبه ووركرافت

وبدأت المأساة من يومها

طبعا انا متزوج من سنه ٢٠٠١ لكن الدخله سنه ٢٠٠٣

من بدأت العب وانا بين البيت والدوانيه ، بالدوانيه نتجمع كلنا وكل واحد حاط كمبيوتره جدامه ويلعب ، تدخل الدوانيه وتشوف وضعنا تغسل ايدك

المتزوج يرجع البيت يكمل من هناك والعزوبيه يقعدون ، شاي و قهوه وزقاير ، وكل مطاعم الكويت يعرفون العنوان

سنه ٢٠٠٦ طلقت وسافرت مع المصبنه وكل واحد معاه كمبيوتره

تشوفنا تقول رجال اعمال والصحيح عشان اللعبه لدرجه نقعد في لوبي الفندق حاطين وايرلس هم ، نقعد بالساعات كأننا مو مسافرين ، تقول لو قاعدين بالكويت احسن

ندق على مطعم زهره الخليج يجيب لنا صحن مطبق زبيدي كبير و نروح الغرفه ناكل و نكلم لعب

صرنا مانطلع الا قليل

سنه ٢٠٠٧ تزوجت مره ثانيه من زوجه اخوها طلع يلعب ووركرافت و مو اي لاعب ، طلع مجنون ميج ، اي سيزون مال ارينا ينزل لازم اهو اول شخص ياخذه ، يلعب مع لاعبين مشهورين ويفوز عليهم

كان لاعب محترف واحسن شي فيه انه وفر علي الجهد عشان افهم زوجتي ان اللعبه العبها كل يوم وان نفس الادمان

اهي قالتلي تعودت بسبب اخوي وادمانه عليها والحين انت بعد

عاد اخوها ترك اللعبه قبل ينزل لفل ٨٠ وانا شريت اكاونته ، كان اكاونت فخم وقتها ، كل ما امشي الناس تطالعني ، وقتها كان الشولدر لازم ١٨٠٠ ريت وصعبه كانت وقتها لكن اهو عنده والناس متحطمين فيني

على بالهم انا اللي جايبهم ، المهم بدلت بالاكاونت مع بالادن لأن الميج مو رغبتي لكن شريته عشان اللي عنده

وعشت من ٢٠٠٧ الي العب ووركرافت و سجلت عندكم اول مره هني ، العب و اسافر و اشارك معاكم

قبل سنتين قل لعبي ، والحين صارلي اسبوع ما العب واذا لعبت عشان اسوي شي معين واطلع فقط

وطحت في امازون و ايباي و اليوتيوب

لعبت و سافرت و قنصت و تزوجت و رزقتي الله بعيال والحين بالمدارس اصرف عليهم و على امهم و اعطي طليقتي نفقتها كامله بدون تأخير و اصرف عالبيت وامي واخواني والحين بعد المغامرات اللي صارت بحياتي وبعد ما وصلت هذا السن اللي الواحد يبي يرتاح فيه

ويتطمش ويكتشف و شاف ان اليوتيوب افضل وسيله للمعرفه ويقعد على النت الفتره الصباحيه واللي اهي بالنسبه لي الفتره الميته اللي لا شغل ولا عمل

تجي تقولي مجابل النت و شوف مصالحك

الله يسامحك

انا خلصت كل شي ، يعني مصالحي تقولي روح خلص معاملاتك اللي متكدسه عندك او شوفلك بيت او اي شي

انا ماعندي ولا معامله بأي مكان ، كل معاملاتي خالص منهم الا تاريخ ٣١-١٢ عندي موعد سكر

غيره ماعندي شي الا اني اروح اجيب العيال من المدارس

يعني انا والشايب واحد

عشان جذي تشوفني قاعد هني لا شغل ولا عمل

الله يسامحك بس

انت الحين خليت الناس تكرهني و فتحت عيونهم علي ، الحين يقولون صح هذا كل يوم موجود وعلى بالهم ٢٤ ساعه قاعد ، يقولون هذا مايستحي على وجهه مجابل النت ٢٤ ساعه

مايدرون اني بس الصبح قاعد او ان كنت اسهر الفجر اقعد بعد

لكن مو مجابل اللعبه او المنتدى ، اغلب وقتي او ٩٠٪ منه باليوتيوب و ادخل بكل المجالات ، من الصناعه الى الحروب اللي صارت بالقرن ال٢٠ الى الطبخ الى المحاضرات الدينيه

اهتماماتي كثيره و مشاركاتي كثيره بعد باليوتيوب مع الطوائف الاخرى ومع ربع تنظيم القاعده وغيرهم وغيرهم

وانت تقول مجابل النت كأني انسان من وعيت على الدنيا الى اليوم وانا مجابل المنتدى

الله يسامحك بس

[ميكافلي]

هههههههههههههه نفدا ذا الوجه يا كرزان ،،، اشهد انك اجزلت تاريخك الطيب لتبرير الاخ بروديتور ،،، أخبارك ياصاحبي ،، اربك طيب

بس كمارو ؟؟ هذي اخرتها ؟؟ وين الجيتي لازم لازم ،، و العز للعوازم ،،، ولا انت كسرت المقوله و انفردت و غردت خارج السرب كعادتك