جم راح اخسر وزن ؟

[حلمي فرنسي]

معلومات المتقدم بالاستفسار :
العمر : 22 , الجنس : ذكر

الطول :180 متر
الوزن : 150 كيلوجرام



و الاستفسار كالتالي :
السلام عليكم

اخواني بغيت اسالكم .. لو اتمرن كارديو يوميا واحررق مابين 1000 لين 1500 سعره حراريه

جم كيلو راح اخسر نهايه الشهر ؟

مع العلم اني اخذ كلين باترول .. والكرنتنين سائل .. وقروث

ف بنهايه الشهر جم رآح اخسر تقريبا !؟

[soso1755]

سلام عليكم..

انا كان وزني 150 كيلو وعمري 23 سنة ..
دخلت نادي وقت اللياقة ...(نادي مشهور بالمملكة)
اول شهر نزلت 9 كيلو دهون .. طبعا كنت اتمرن بعد العشاء
نص ساعة مشي بالمضمار بعدها 20 دقيقة سير و20 دراجة و10 دقايق اوبتكال ..

طبعا انا بالشهر ذا ما دخلت ولا حصة لياقة الا الاسبوع الاخير الرابع ..
وبالنسبة للاكل ..امتنعت عن الغازيات حتى الدايت كان ممنوع عندي ومعتمد على التونة طبعا ما كنت استخدم اي حارق دهون ذاك الوقت..
طبعا بعدها راح يوقف وزنك ...اسبوع او اسبوعين مثل ما صارلي ..

كنت اغير الروتين يعني كنت اسخن بالمضمار وابداء بالدراجة ولا بالعادة مضمار بعدها سير .!

هذي تجربتي وبالتوفيق

[Rashid.S]

و عليكم السلام ..

احتاج هالأسئله عشان أقدر أجاوبك ..
كيف نظام أكلك ؟
كم جرعة الكلين اليوميه وعلى أي نظام تخذه ؟
كم جرام كرنتين تأخذ ومتى ؟
الجي اتش كم يونت تأخذ ومتى ؟
وكم لك تتمرن ؟

[حلمي فرنسي]

و عليكم السلام ..

احتاج هالأسئله عشان أقدر أجاوبك ..
كيف نظام أكلك ؟
امشي على رجيم اكل الصبح سندويش ببيض الغدا على حسب يا اكل تونه بالماي..او صدر دجاج..او لحم مشوي..او شوربه شوفان.. اما العشى سعات ما اكل او اذا كليت اكل سندويش فيه جبن شرايح قليل الدسم مع خس
طبعا السندويش يكون روتي اسمر مو ابيض
كم جرعة الكلين اليوميه وعلى أي نظام تخذه ؟
اخذ الصبح حبتين .. وقبل التمرين حبتين..ومافهمت شنو يعني على اي نظام اخذه؟
كم جرام كرنتين تأخذ ومتى ؟
1500 قبل التمرين
الجي اتش كم يونت تأخذ ومتى ؟
ابره الانسولين اسحب لين رقم 22.. اخذ يوم وترك يوم وترك الصبح .. وسعات فليل قبل لا انام .. اذا خذيت الصبح ما افطر
وكم لك تتمرن ؟
توني صارلي اسبوع بس الحمد لله داش بقوووه بدون ما اعور نفسي يعني اتمرن للحد الاقصى اللي اقدر عليه و اوقف.. لا اعور نفسي..وبنفس الوقت ما اوفر طاقه اعطي 200% من اللي اقدر عليه

مشكوووووور يا اخوووي وماقصرت
وناطر جوابك

[Rashid.S]

^ العفو أخوي .. سؤالك كم راح تخسر من بداية الموضوع بالنسبة للي ذكرته لي خسارتك راح تكون قويه جدا لكن غير صحيه وممكن تنزل عضلات والهبوط السريع بيأثر عليك وبالاخص انك تأخذ كلين اللي يسبب ضغط عالي على عضلة القلب

اللي أنصحك فيه أنك تتبع دايت أكثر صرامه ومحدد يناسب كورسك

خل فطورك :- تونا مع خبز نخالة مع سكوي واي مع ماي

السناك : 150 جرام صدور دجاج + 28 جرام لوز

الغداء قبل التمرين ب 1.5 ساعه :- 200 جرام دجاج + 100 جرام أرز أبيض مسلوق + سلطة خضراء + 200 جرام فاصوليا

بعد التمرين مباشره :- سكوبين بروتين

بعد التمرين ب 45 دقيقه : بيض تقريبا 9 بيضات أهم شيء 2 منهم مع صفار + نص كوب شوفان مطبوخ مع ماء + سلطة خضراء

العشاء :- 2 فليه سمك + 200 جرام فاصوليا

الكلين خذه مع الفطور والعشاء أهم شيء المجموع لا يتعدى 160 ميكرو
الجي اتش خذ 2 يونت بعد العشاء بساعتين وبعدها نام يوميا

ولا تنسى التمرين لازم تمكسه بين الكارديو والحديد هنا بتحصل نتيجة أفضل وأضمن ..

[حلمي فرنسي]

اخوي انا ابي انزل لان وززني عالي .. تنصحني أخذ بروتين ؟

تقصد عشان الخساره تكون دهوون بالاغلب بدون خساره كتله عضليه صح ؟

انزين شلون ادمج بين تمارين الكارديو وتمارين الحديد ؟؟ هل في جدول تنصحني فيه ؟

ادري وايد اساله بس لاني باذن الله هالمره صاملها ونااااااااوي شر على الكرشه والدهون ههههه

[Rashid.S]

اخوي انا ابي انزل لان وززني عالي .. تنصحني أخذ بروتين ؟

أيه نعم أنصحك ويكون واحد من ثلاثه يا ايزو 100 أو أيزو كوول أو هيدرو واي

تقصد عشان الخساره تكون دهوون بالاغلب بدون خساره كتله عضليه صح ؟

ايه نعم وتغذي جيمك زين وتبتعد عن الترهلات بأذن الله لا تنسى 6 لتر ماء

انزين شلون ادمج بين تمارين الكارديو وتمارين الحديد ؟؟ هل في جدول تنصحني فيه ؟

3 أيام حديد و 4 أيام كارديو خل الكارديو مثل سير لمدة 30 دقيقة بعد الحديد + 2 كلاسات أوربيكس وممكن تلعب بعد وحده منهم كارديو
مثال:-
الأحد : حديد شامل + سير لمدة 30 دقيقه
الأثنين :- كلاس أوربيكس
الثلاثاء :- حديد شامل + 30 دقيقه سير
الأربعاء راحة
الخميس :- حديد شامل + 30 دقيقه سير
الجمعه كلاس أوربيكس + 30 دقيقه سير
السبت راحة

ادري وايد اساله بس لاني باذن الله هالمره صاملها ونااااااااوي شر على الكرشه والدهون ههههه

ما في مشكله والله يوفقك

[حلمي فرنسي]

انا فكرررت اكمل هالشهر بدون حديد..لين نزلت وزن محترم يعني 20 او 25 وعقب ادش حديد عشان الترهلات..يعني اطبق جدولك الشهر الياي..شراايك اخووي ينفع؟

[Rashid.S]

ما عندك مشكله لكن التغذيه افضل تمشي عليها مثل ما قلت لك