المشاركة الأصلية كتبت بواسطة Mr.Puma
ياسيدي العزيز
فيه كلام كثير .. لكن حسب اللي انت ذكرته انصحك بالآتي ( تبديلات ) :
1 ) لاتهرول .. امشي مشي سريع في هالساعة بدل الهرولة .. مشي سريع جدا
2 ) ورقة نسبة الدهون من الصيدلية قطعها .. وابحث لك عن وسيلة قياس دهون أخرى
3 ) ادرج زيت جوز الهند وزيت السمك في برنامج الغذائي بدل المكسرات والدهون الاخرى ( أيوة أيوة بالضبط زيت جوز الهند اللي كله دهون مشبعة .. استخدم منه 30 مل يوميا )
4 ) اقطع الفواكه قطعة جذرية .. مؤقتا حتى تصل هدفك .. واذا اصريت على سناك فخليها سناك خضار لذيذة مثل القرنبيط المحمر او حبوب صويا مقمرة بدل المكسرات
5 ) في الدايت للتنشيف او نزول الوزن او حرق الدهون عندك خيارين هي الافضل
أ _ 3 وجبات في اليوم متقاربة مثلا من الساعة 5 العصر الوجبة الاولى والساعة 8 الوجبة الثانية والساعة 11 الوجبة الثالثة
ب _ أو وجبتين متباعدة جدا .. الوجبة الاولى مثلا تكون 12 الظهر والوجبة الثانية تكون 10 الليل
ماتبغى ؟ الكلام غير منطقي ؟ ماشي .. 3 وجبات مثل ماتسوي انت لكن اقطع السناك هذا العلة
6 ) خلي كاربوهيدراتك في اليوم على أقصى تقدير أن لاتزيد عن 75 جم ( ابغى اقولك 50 .. وابغى اقولك 30 .. ) لكن على اقصى تقدير
7 ) تمرين الحديد والاوزان لكل عضلات جسمك في 20 دقيقة بالبيت او الصالة مو مهم .. لكن كل عضلات جسمك بشكل شمولي او متفرق ( وأفضل الشامل عشان البيئة الهرمونية اللي راح تصير )
مثال : تمرين الغطس وراه على طول البول أب .. وراه على طول سكوات او ديد لفت .. ثم ترتاح دقيقة .. ثم مجموعة اخرى نفس الطريقة .. ثم ترتاح .. خمس مرات او دوائر
سوووووووووووووووووووووووووووبر سوووووووووووووووووووووووبر سوبر تنشيف
8 ) ادخل كل تمارينك على حالة صيام وفراغ من الأكل .. أقل شي 5 ساعات بعد الوجبة .. واذا بتاخذ شيء قبل الحديد فيكفي احماض bcaa .. عشرة جرام مثلا
9 ) مكمل هايدروكسي كت هاردكور .. سيعطيك لكمة لن تقهر في موضوعك
10 ) نام 7 ساعات كويس متواصلة وحبذا لو تقوم تصلي الليل قبل الفجر بدقائق
الانسولين عندك كل مايهدأ عشان يبدأ الليبوسين ( فكفكة الدهون من الخلايا ) تقوم تصقعه بسناك او فركتوز من الفواكه
كلمة اخيرة لاتخلي في بالك : انا الدايت حقي قليل الدهون او مافيه دهون .. وتطبق الدايت على هالاساس
حط في بالك : انا الدايت حقي قليل كاربوهيدرات او منخفض الكاربوهيدرات
ولاتحرم نفسك من السكر او التحلية للمشروبات نهائيا .. تقدر تستخدم سكر ستيفيا او محلي أوراق ستيفيا .. آمن آمن مو مثل المحليات الزفت الاخرى
اتمنى لك التوفيق وسامحني على الاختصار
شهر واحد فقط