كنت محتاره بين HD والرريميك...لما جفت الصوره المتحركه اللي حطها درو حسيت فيها طابع الريميك أكثر من HD
لما قلت ريميك أقصد كأنها ريميك عالبلاي ستيشن2 مثلا...مب الريميك القوي اللي يناسب الجيل الحالي
فماقدرت اختار HD لأن الشخصيات بتظل بمظهرها المضحك (التشيبي) اللي مستحيل يعجب لاعبي هالجيل (واحنا اكيد نطمع بمظهر أفضل للشخصيات XP)
واكيد سوكير لما تقول ريميك ما راح تسوي شي نفس الصوره...راح تصنع لعبه بجوده عاليه جدا جدا تناسب الـ...........همممممم.....المفروض البلاي ستيشن4؟؟؟؟
لكن مشكلة الجيم بلاي مشكله...احنا نقول ممتاز 100% وما عليه كلام....لكن هل بيعجب اللاعبين الجدد (جيل الكول اوف دوتي والاكشن >_>")
اللي ينخاف منه ان سكوير تخورها في تغيير نظام الجيم بلاي وتسويه شي مثل 15 (ما اقصد ان 15 بكون سيّء لكن فكرته ما تناسب 7)
لأن في النهايه نبي نلعب بثلاثة لاعبين (وياريت يخلونهم 4) في فريق واحد....يعني ما ينفع معاه الا النظام الكلاسيكي
13 نظامها مناسب...فلو سكوير تفكّر بنفس الطريقه وتخلي نظام 7 مثل ما هو مع استخدام الماتيريا لكن تسوي حركات مميزه تعطي حركه أكثر أثناء القتال جذي اللعبه اكيد تنجح وراح تجذب الجيل الجديد (عيال الشوتينج والالعاب الناشفه >_>") <<< حاقده عليهم XD
اما بالنسبه للقصه...يا وييييييييييييييييييييييييييييييييييييييييييلهم لو لمسوا شعره من القصه وخربوها @:
كرايسي كور ما راحت بعيد عن احداث نيبلهايم في 7...مجرّد عطت تفاصيل زياده...جينيسيس وآنجيل اضافه جديده لكن ظهورهم ماله داعي في 7...فممكن ما يظهرون في الريميك عادي @_@...أساساً بسوون زحمه ولخبطه عالفاضي ومالهم دور مهم في نيبلهايم ><"
الحين اللي أتمناه في الريميك:
اعادة تصميم الشخصيات ويصيرون أطول
مشاهد CG أقوى
كلام بالصوت (لكن مب في اللعبه كلها بس في الحوار المهم)
اجوف كلاود بالفستان XD
تعديل بسيط عالجيم بلاي بطريقة تكون فيه حركه أكثر (يعني بين الاكشن والار بي جي الكلاسيكي) <<< بس عشان خاطر نجاح اللعبه >_>
جعل يوفي وفينسينت شخصيات رئيسيه ويعطونهم دور اكبر
اضافة معارك جديده << اهداء للفانز القدامى يعني P:
أشياء ما أبيها تتغيّر:
الساوندتراك يظل نفسه محّد يزخّه ):<
خريطة العالم وتدريب التشوكوبو
الماتيريريا
القصة بكل تفاصيلها...اضافه عليها معليش لكن بدون حذف ولا حرف
واسفه طوّلت عليكم...شكرا على طرح الموضوع ^^
كلام كيتاسي شوي يعطيني امل بان في ريميك ولو بعد 20 سنه @@