راما
ستايلج كيوت ما شاء الله ويذكرني بالمانجا المدرسيه الاجتماعيه...حبيته x3
حبيت البنت الثانيه الجاده اكثر...عيونها وشعرها رهيبين @.@
ما تفكرين تألفين قصه لو بسيطه لكل شخصيه اثناء رسمها...احس جذي يساعد في رسم اشكال ما تتشابه (توها الفكره جات في بالي من مشاركتج ^.^)
دانتي
بالنسبه للتظليل...فأكثرنا يرجع لدروس او ياخذ افكار من صور..ممكن تحط البال عاللي حيولينك في الواقع بعد ^^
بالنسبه للرسم عالكمبيوتر فأنصح وبشده انك تطبق كل شي هني على ورق...هذي نصيحة أفضل رسامي الكمبيوتر (انا عن نفسي بس ورق خخخ) وفي عدة أسباب:
أولا ومهما كان تحكم الانسان بالقلم افضل وعنده فرصه يتعلم أسرع (تعلم حقيقي)
الكمبيوتر مشكله في اشياء تسهل عليك امور...مثل نسخ الجهه الاخرى من الوجه او العين او والشاشه امامك بالطول مب مثل الورق بالعرض على طاوله...لما تتعلم على ورق بتكون بداية اخطائك اكثر لكن الاساس بيتركز عندك وتصير تلاحظ اخطائك بشكل أدق وبعدها تنتقل للكمبيوتر وانت متطمن
زترى رسامي الديجيتال المحترفين يرجعون للرسم عالورق بين فتره وفتره عشان ما ينسون الاساسيات (على كلامهم)
بالنسبه لوجه البنت...رسمتك مافيها أخطاء وانت جربت ستايل غربي (الستايل حلو)
بس تحتاج تركز عالرموش وشكل الانف والفم...واستدارة الوجه تحتاج ترتيب...لكن كأساس كل شي تمام ما شاء الله ^^
بالنسبه لرسمة سنيك...ماقدر اكتب رايي هني عشان لا أضيع موضوع الدرس بما ان الرسمه متعلقه بالتلوين مب الوجه ^^"
فراح أكتب مكان ثاني ^^